...Қазір түн.
Сыртта нөсер.
Сәуір айы.
Көктеген әлдеқашан кәрі қайың.
Сәлден кейін тағы да таң атады,
Тағы да...
Сары уайым...
Сары уайым...

Мұқағали

Асқар Сүлейменов «Жыныс үшеу: еркек, ұрғашы, билік. 
Соңғысынан асқан сатымпаз-салдақы жоқ. Ұрғашының өзі жолда қалады» дейді. Әділет Шопен де мықты. «...Мысалы, Президенттер түнде әйелдеріне істей алмағанын, күндіз халқына істейді» деп бір-ақ ауыз сөзбен ғана бүктей салыпты. 

Ықылас Ожайұлы

Баяғыда, сонаау өткен күндерде,
Көкейімде үміт болған деседі.
Сол үміттің сөнген сәтін білгенде,
Барлығы да кеш еді.

Жанарымның ыстық жасын жастанған,
Жұмыр-жұмыр төсегім.
Сенімімнің ақ сәулесін жаққанда,
Қала шамы өшеді.

Неге?

Шыңырауда жатып шыңға шыға алмайсың. Бірінші шыңыраудан шық.

Рухты құтқару

Рухты құтқару дейді. Егер ол өлмесе, оны қалай құтқарасың? Рух – Тәңірдікі. Тәңір өз бөлшегінің өлуіне рұқсат бермейді. Бір-ақ нәрсе мүмкін: рухты көрсетпей тұрған батпақтан аршу. Оны өзіміз үшін һәм бір-біріміз үшін, ең бастысы құдай біз үшін жасайды. Өлетін нәрсені ғана құтқара аламыз, мәңгілікті емес.

Л.Н.Толстой
Аударған Абзал Мақаш

«Әр пенденің көзінен сұрақ көрем»

Белгісіздікті өлердей жек көремін

Ол өмірден өткелі, өмірдің де бір жылы өтті.
Ол өмірден кеткелі, анамның көз жасы бітті.
Өлім тыныштық сыйлайды емес пе?
Несіне жылай береміз, тіпті.

Негізі
оның кеткенінен ештеңе өзгере қоймады,
Тек түннің өзегін тіліп, қан жұтатынды шығардым,
Әдейі адасатын болдым арасында тұманның.
Сосын сарғайдым, бозардым, қызардым.
Өмірдің
әр күнін,
әр гүлін,
өлім тамшысымен суардым.

Иә, ол өмірден өтті,
Өмір одан өтті.
Ештеңе өзгере қойған жоқ.
Оның барында да бәрі солай еді ғой.
Бірақ оның барында бәрі де оңай еді ғой...

Мен тұрмын.
Маған қарап мола да тұр.
Ән шырқап талықсиды далада түн.
Жас толған жанарымды жанап өтіп,
Қоңыр жел үнсіз жылап бара жатыр...

Өлгеннен кейін
біреу тозаққа барасың дейді,
біреу жұмаққа барасың дейді
біреу лапылдап жанасың дейді,
біреу тыныштық табасың дейді.

Бұйырса
біреу бақытты боласың дейді,
біреу осы күйіңде қаласың дейді,
біреу тұп-тұнық, тазасың дейді,
біреу недеген өктем, қарасың дейді.
сөздеріме қарап біреу данасың дейді,
істеріме қарап біреу баласың дейді.

Мен ше? Мен не деймін?
Тәңірім не дейді?