#نعي لأربعين السيدة زينب

اربعـين ليلـــه وهمـــي بيه
ومحد تــــعنه ومـــر علـيـه
شضلي بعد وشـباقي الــيه
من ذاك الوكت لسا سبيـــه

اربعين مـــــرن ذني الايـــام
يحسين خويه ويوجع الشام
صارت الــــغربه لزينب اولام
واخلاف اخوتي العز فلا دام

وين الـــيـحن و لزينب ايهـمّ
ويمي لطم نســــــوان يلطــم
انه ام حزن مــــچدر مــدلهم
بس نايبات الشـــام الي يلــم

ياهو ابــــدالي يگــوم ينخــه
ويصرخ على الخوّان صرخـه
يهل الشيّم واصحاب كشـخه
من ادموعكم ياريــــت بخــه

ايام عـدن
ذنـي اربعـين ايام عدن

ضليت عدمن
واخلافكم ضليت عدمن

لحسين يردن
عيوني هذن لحسين يــردن

ما بيها خـــيّر
والشام لا ما بيها خـيّر

والحچي يعور
من الغرب والحچي يعور

وين اليسيّـر
الليله اعله الاخت وين اليسيّر

اصد لدرب اخـــوتي -- واربي عيني
واربي حسين يرجع -- واربي عوني
بتشييـــعي ودفنـتي -- واربعيـــــني
وحيده وشحّـت النشده عليه

عبد العليلـه
✍حيدر ابو كيان الفاطمی

نعـي الاربعين السيده زينب ع

لسـان حـال ام كلثـوم ع للاخت

❥❥ـــــــــــــ❁❂❁ـــــــــــــ❥❥

شفجـه ولذيــذه اتعـاي ليه
ومــحـلاتهـا جـلـمه يـخـيه
شوفي الفــراك اشسوه بيـه
تنشـديــن بـت امـي علـيـه

❥❥ـــــــــــــ❁❂❁ـــــــــــــ❥❥

المثلج شلون تعوف اخـتهـا
ويـا خـالـه ابـني مفاركـتهـا
جاسـانـي ضـيـم اورايدتـهـا
تــره حــك الاخـوه طالبتهـا

❥❥ـــــــــــــ❁❂❁ـــــــــــــ❥❥

يم العشـره الحـلـوه تعـالي
انتي معـدله وأعــدال والـي
شخصج عليه شكثـر غـالـي
مري وشوفي شلونه حـالــي

❥❥ـــــــــــــ❁❂❁ـــــــــــــ❥❥

ردي اعلــه بيـتج لا طوليـن
شمحلاج بيه لـمـن تكعدين
وكت الغروب انتـي تصليـن
تعـالـي يـزينب وين ترديــن

❥❥ـــــــــــــ❁❂❁ـــــــــــــ❥❥

اليوم أربعيـنج طال الغـياب
كتلتـني خيـه سـدت البـاب
يم عون هذا أفراك الاحباب
دولبني بيجن والـلـه دولاب

❥❥ـــــــــــــ❁❂❁ـــــــــــــ❥❥

تــــمت بقــــ✍🏻لم خادمه أهل البيت عليهم السلام

✍🏻الشـــاعره الكبيره العلويه ام كنـــان الهاشمــي صاحبه دواوين أسيره الطفوف

لا أجيز من يحذف اسم الشاعره أو من ينسب القصيده له غير مبرئ الذمه أمام
الله وأمام الزهراء عليها السلام

//لابوذيه
لسان حال العقيلة زينب(س)

اعظامي امن النوايب غدت وهنا
اوعگب احسين عيب ابتشروهنا
اهنا عطشان اخيي انذبح وهنا
ركضنه اوبالركض عثرت رقية

?سيدنورالسيدعدنان

لسان حال ام البین وحبها وشغفها لابی الاحرار

ابوذيه

مسیت ابحب ابو السجاد وضحیت
ودادی اله ابگــول وفـعل وضحیت
اله اربع بنیـــنی انطــیت وضحیت
وبعدنی امقصره احس لابن الزچیه

عباس حاجیان

نعي الى مولاتي ام البنين عليها السلام
**
اجت ام البنين ودكت الباب
وزينب واجفه والدمع سجاب
صاحت كومن الها اهنا يالاحباب
وخل تتعاون ويانه اعله المصاب

عن عباس صاحت سولفيلي
وفه لو ما وفه وياكم احجيلي
امنين النوم يايمه يجيلي
وضلت تسعر النار بدليلي

اذا عباس قصر بالطف انساه
وضل طول العمر زعلانه وياه
هذا ابني الجبير الحلو ملكاه
ربيته وتعبت اهواي برباه

لنها تصيح يايمه شتكولين
تره العباس ضحه بروحه لحسين
عفته اعله النهر والراس نصين
اجفوفه امكطعه والسهم بالعين

اخوتي امعدلين وخوش خوان
اهل فزعه ييمه وكلهم احنان
عفتهم نومه كلهم عله التربان
لو يمي الضهر ما ينكسر جان

صاحت فدوه اله يمه اربعتهم
وانه اعله الموقف علمتهم
اذا ينسون ما جان ارضعتهم
بس انه الولد للطف ردتهم

• الشاعر
  تحسين الخفاجي

ابو ذيات بحق السيده الزهراء (ع)

الحزن متوزع ومــــا يوم.. يلام
ومصاب ام الحسن للگلب.. يلام
على الزهره الينوح شلون.. يلام

وعصرها الباب والحايط سويــه

------------------------------------*

اقيمن للعزه بكل يـــــــوم.. ونصاب
وجره دمعي على الخدين.. ونصاب
الوديعـــه اتشتمت بالباب.. ونصاب

ضلعهه ومــاتـت بحسره خــفــيـــه

------------------------------------*

✍ بقلم خادم الحسين ع
     الشاعر  رعد الجريخي

**لسان حال الامام الحسين ع
وهو يكلم امهُ فاطمه
"""""""
وحشه الدنيا صارت عگب عيناچ
وبعد كلشي ييمه اخلافچ ايهوون
البيت اضلم أحسه اشما اطب ليها
وعليچ بكل مچان اتدور العيون
بعدنه ازغير  يمه شلون تمشين
من زغير اصيراً بيچ محزون
هوه اليفگد امّه بحاله شيصير
يضل ابايه راي ومثل مچون

خل اشبع بواچي اعليچ.  يماي
وصفت آهاتي أي ولطم.  يماي
تمنيتچ الأخر عمر.           يماي
يريت وياچ تاخذني المني

"""""
اسألكم الدعاء
خادم ابي الاحرار
ضياءالكناني**

ابوذيه

وحگ الركضت ويبست شفلهه
حُب حسين للمـــــرضه شفلهه
عگـــــــده بليل وبظلمه شفلهه
هـــوّه ايفلها  اذا احلـفه برقيه
☆☆☆☆
حيدر بشار الدراجي