မိမိတို့၏ စစ်သားဘဝကို ခုံမင်မြတ်နိုးတန်ဖိုးထားရန်လိုကြောင်း တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင် ပြောကြား

တပ်မတော်သားများအနေဖြင့် မည်သူတစ်ဦးတစ်ယောက်၏ တိုက်တွန်းချက်မျှမပါရှိဘဲ နိုင်ငံတော်ကာကွယ်ရေးနှင့် လုံခြုံရေးတာဝန်များကို ထမ်းဆောင်လိုသည့်
စိတ်များဖြင့် တပ်မတော်အတွင်းသို့ ဝင်ရောက်အမှုထမ်းခဲ့ကြသူများဖြစ်သဖြင့်
မိမိတို့၏ စစ်သားဘဝကို ခုံမင်မြတ်နိုးတန်ဖိုးထားရန်လိုကြောင်း နိုင်ငံတော်စီမံအုပ်ချုပ်ရေးကောင်စီဥက္ကဋ္ဌ တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီး
မင်းအောင်လှိုင် က ဇန်နဝါရီလ ၂၅ ရက်နေ့တွင် ရန်ကုန်တိုင်းစစ်ဌာနချုပ်၊ သန်လျင်တပ်နယ်ရှိ အရာရှိ၊ စစ်သည်၊ မိသားစုများအား တွေ့ဆုံအမှာစကားပြောကြားစဉ် ထည့်သွင်းပြောကြားခဲ့တာဖြစ်ပါတယ်။
ဒါ့အပြင် နိုင်ငံနှင့် ပြည်သူတို့အတွက် မြင့်မြတ်လှသည့် တာဝန်များကို ထမ်းဆောင်နေရသည့် မိမိတို့ တပ်မတော်သားများ၏ဘဝကို ဂုဏ်ယူတတ်ရန်နှင့် ပေးအပ်လာသည့်တာဝန်များကို ကျေပွန်စွာထမ်းဆောင်သွားရန်လိုကြောင်း၊ လူဦးရေအနည်းငယ်သာ တပ်မတော်သားဘဝကိုခံယူ၍ မွန်မြတ်လှသည့် နိုင်ငံတော်ကာကွယ်ရေးနှင့်လုံခြုံရေးတာဝန်များကို ထမ်းဆောင်နိုင်ကြသဖြင့် အများသူငါ လုပ်ဆောင်နိုင်ရန်ခက်ခဲလှသည့် တပ်မတော်သားဘဝကို ဂုဏ်ယူတန်ဖိုးထားကြရန်နှင့် မိမိကိုယ်ကို ဂုဏ်ယူတတ်ရန်လိုကြောင်းလည်း ပြောကြားခဲ့တယ်လို့ သိရပါတယ်။

တိုက်ပွဲသတင်း(မြစ်ကြီးနား)
ဇန် ၂၂ ရက်

မြစ်ကြီးနားမြို့နယ် ပန်ပကျေးရွာအနီး လုံခြုံရေးဆောင်ရွက်နေစဉ် KIA နှင့် အကြမ်းဖက်သူပူးပေါင်းအင်အား ၇ ဦးခန့်က ပစ်ခတ်တိုက်ခိုက်သဖြင့် ပြန်လည်ပစ်ခတ်ခဲ့ရာ ရန်သူသည် အနောက်ဘက်သို့ ဆုတ်ခွာသွားခဲ့။

Type(81) ၁ လက်
ကျည်အိမ် ၁ ခု
ကျည် ၂၇ တောင့် သိမ်းဆည်းရမိခဲ့။

တိုက်ပွဲသတင်းစုံ

လိင်တူလက်ထပ်ခွင့် ဥပဒေအတည်ပြုပြီးနောက် ထိုင်းလိင်တူစုံတွဲရာနှင့်ချီ မင်္ဂလာပွဲကျင်းပ

(နိုင်ငံတကာ) ဇန်နဝါရီ ၂၃

လိင်တူလက်ထပ်ခွင့် ဥပဒေအတည်ပြုပြီးနောက် ထိုင်းနိုင်ငံတွင် လိင်တူစုံတွဲရာနှင့်ချီ မင်္ဂလာပွဲကျင်းပခဲ့ကြောင်းသိရသည်။

အဆိုပါ ဥပဒေကြောင့် ထိုင်းနိုင်ငံသည် အာဆီယံတွင် ပထမဦးဆုံး လိင်တူလက်ထပ်ထိမ်းမြားခြင်း ခွင့်ပြုသည့်နိုင်ငံဖြစ်လာသည်။

ထိုင်းပါလီမန်မှ အတည်ပြုပြီးနောက် ထိုင်းဘုရင်က ထောက်ခံကာ ဥပဒေအသက်ဝင်ခဲ့ပြီး တရားဝင်ဖြစ်မှုနှင့် လက်ထက်ထိမ်းမြားခြင်းဆိုင်ရာ အခွင့်အရေးများနှင့် ပိုင်ဆိုင်မှုခွဲဝေခြင်း မွေးစားခြင်းနှင့် အမွေဆက်ခံခွင့်များအထိ ပါဝင်ကြောင်းသိရသည်။

ထိုင်းလိင်တူစုံတွဲများသည် ဘန်ကောက်မြို့တော်တွင် ရာနှင့်ချီ မင်္ဂလာပွဲကို ကျင်းပကာ ထိုင်းနိုင်ငံ၏ အကြီးဆုံး လိင်တူစုံတွဲများ မင်္ဂလာပွဲအဖြစ် မှတ်တမ်းတင်နိုင်ခဲ့သည်။

ထိုင်းနိုင်ငံသည် လိင်ကူးပြောင်းသူ ၃ သိန်းကျော် နေထိုင်သည့် နိုင်ငံဖြစ်ပြီး အများစုမှာ လိင်စိတ်ကွဲပြားသူများအား လက်မခံပဲ ခွဲခြားဆက်ဆံမှုများရှိနေဆဲဖြစ်ကြောင်းသိရသည်။

VK Link>>...
https://vk.com/wall-220066330_10374

#PAN