شیرین!
ئێمڕۆ دەبێ،
هەموو هەورە گەڕۆکەکان کۆ کەیەوە،
برووسکەیەک دەستەمۆ کەی.

زۆر لەمێژە ئەم وڵاتە بێ بەهارە
بەرگی سەوز ناکاتە بەر.
تەشی بادە،
برووسکەکەت
لە ڕانی ئاسمان بخشێنە و
ڕیز ڕیز باران
وەک داوە بەنی بادراو
لە کەڵافی ئەم هەورانە ببارێنە،
با کیژی تۆریاوی سروشت
بۆ بەهاری ساڵی تازە
بەرگی سەوز
بۆ بەژنی ئەم خاکە بچنێ.
-زەوی سەخت و ئاسمان دوور#مارف_ئاغایی
@frini_hast

خەیاڵەکەم،
ئەسیرێکی تەلیسمییە لە گۆمی چاوەکانتا،
خەیاڵەکەم،
کەروێشکەیە،
شەپۆلەکەی خەمی دڵم بە با دەدا...
خەیاڵی من،
ئەتۆی کە بۆنی پنگی بەربەیانمی،
ئەتۆ کە گیانمی،
ژیانمی...

#عەلی_حەسەنیانی
@frini_hast

خانمۆڵەکەم!
دە پێم بڵێ:
لەکوێ فێر بووی،
هۆنراوە بکەیتە پەخشان؟
لەکوێ فێر بووی،
دەریای یاخی
ئارام بکەی وەکوو ئاسمان؟

خۆ تۆ شلکەنەمامێکی، گیانی گیانان،
چۆن دەتوانی
سندم لە پێی گڕکان بکەی،
لغاو بکەی دەمی زریان؟

چۆن بە ساتێک
ئاوا ژینم دەڕەنگێنی،
بە ساتێکیش
بەستەڵەکی تیا دەکەیتە سەرچۆپیکێش؟
چۆن بە ساتێک
وەکوو ئاگر هەڵمدەکەی،
بە ساتێکیش ئاوا دەمکەی بە خۆڵەمێش…
#عەبدوڵڵا_پەشێو
@frini_hast

ئاخ پەی خەڵوەتێ بدیام وە بێ خەم
سیوای تۆ دیدەم، کەس نەدیام وەچەم

دڵ پەی دیدەنت کام خەڵوەت سازۆ
تۆی دیدەیچم بی، مەردم نمازۆ

#مەولەوی
@frini_hast

نزمە بۆ فڕینی سەرت ،ئەم ئاسمانە

بجۆشۆ هەرکەس وە قەد ناڵەی وێش
بنۆشۆ هەر کەس وە پیاڵەی وێش

جە لای هەر گەردێ وە سەدایێوەن
دەوای هەر دەردێ وە نەوایێوەن

#مەولەوی
@frini_hast

ساڵانێکە هیچم بۆ کەس نەنووسیوە،
من لەم ڕووەوە وەک یەکێکی مردوو ،
هیچ جۆرە ئارەزوویەکم بۆ بینینی کەس نەبووە
وەک بڵێی نە لەم دنیایەد بم و نە لە دنیایەکی تردا،
وەک ئەوەی هەرچیەک لەم ساڵانەدا کردوومە،
تەنیا لەسەر داواکردنێکی ناچاری کردبێتمن...

#کافکا

@frini_hast

هەموو دنیا گوڵاڵە و نەستەرەن بێ
بەبێ دووچاوەکەی شەهلا بە من چی

#هەڵۆ
@frini_hast

بە ئەسپایی تەمەن ڕۆیی، نەهاتی
بەهاری عەهدی خوشبۆیی نەهاتی
وتم هەر هێندە بتبینم کە بێژم:
گرانە دەردی بێ تۆیی، نەهاتی.
#ناسر_حێسامی
@frini_hast