ရုရှားနဲ့ ချိတ်ဆက်ထားတဲ့ သတင်းအမှားကွန်ယက်တွေဟာ ကန်ရွေးကောက်ပွဲကို နှောင့်ယှက်နေတယ်လို့ အမေရိကန်အရာရှိတွေက ပြောဆိုခဲ့ပါတယ်။ အထူးသဖြင့် swing states တွေကို ပစ်မှတ်ထားနေပြီး ဒါဟာ ရွေးကောက်ပွဲကို ပျက်ပြားအောင်၊ ပြသနာတွေရှိလာအောင် တမင်လုပ်ဆောင်နေတာလို့လည်း ဆိုပါတယ်။

Office of the Director of National Intelligence ကတော့ "ရုရှားက အတက်ကြွဆုံးခြိမ်းခြောက်မှုပါပဲ" လို့ ပြောဆိုခဲ့ပြီး ဒီအပေါ်မှာ သတိထားကြဖို့ လိုအပ်ကြောင်းလည်း ဆိုပါတယ်။ ဆူပူအကြမ်းဖက်မှုတွေဖြစ်ပေါ်လာအောင်၊ ရွေးကောက်ပွဲအရာရှိတွေနဲ့ ထိပ်တိုက်တွေ့အောင် လုပ်ဆောင်နေတယ်လို့လည်း ထုတ်ဖော်ပြောဆိုခဲ့ပါတယ်။

NOM

ကရာချိမြို့ရဲ့ တောင်ပိုင်းမှာ တရုတ်နိုင်ငံသားနှစ်ဥိး ပစ်ခတ်ခံခဲ့ရပြီး ဒဏ်ရာရရှိခဲ့တယ်လို့ ပါကစ္စတန်အာဏာပိုင်တွေက ဒီနေ့မှာ ပြောဆိုခဲ့ပါတယ်။ ဒါဟာ ဒီနှစ်အတွင်း တရုတ်အလုပ်သမားတွေကို ပစ်မှတ်ထားတိုက်ခိုက်မှု ၃ ကြိမ်မြောက် ဖြစ်ခဲ့ပါတယ်။

စက်မှုဇုန်အတွင်းမှာ ဖြစ်ပွားခဲ့တယ်လို့ သိရပြီး စုံစမ်းစစ်ဆေးမှုတွေ ပြုလုပ်နေဆဲလို့လည်း ဆိုပါတယ်။ ရဲအရာရှိတွေကတော့ တရုတ်အလုပ်သမားတွေနဲ့ အပြင်းအထန် အငြင်းပွားမှုဖြစ်ပွားခဲ့ကာ အစောင့်တွေက ပစ်ခတ်ခဲ့တာလို့ ဆိုခဲ့ပြီး ဆေးရုံကို ပို့ဆောင်ထားကာ တဦးက စိုးရိမ်ရတဲ့ အနေအထားမှာ ရှီတယ်လို့ သတင်းထုတ်ပြန်ထားပါတယ်။

NOM

ကနေဒါဟာ ယူကရိန်းအတွက် NASAMS လေကြောင်းရန်ကာကွယ်ရေးစနစ်ကို ပို့ဆောင်ပေးခဲ့တယ်လို့ ယူကရိန်းသမ္မတဇီလင်စကီးက အတည်ပြုခဲ့ပါတယ်။

NOM

ရုရှား-ယူကရိန်းစစ်ပွဲအတွင်း မြောက်ကိုရီးယားတပ်သားတွေ ဝင်ရောက်တိုက်ခိုက်လာမယ်ဆိုရင် အမေရိကန်အနေနဲ့ တာဝေးပစ်လက်နက်တွေ အသုံးပြုခွင့် ကန့်သတ်ထားတာကို ဖယ်ရှားသွားမယ်လို့ ပင်တဂွန်က ပြောဆိုလိုက်ပါတယ်။

ဒါဟာ ရုရှားကို ရောက်ရှိလာခဲ့ပြီးနောက် Kursk ဒေသ ရှေ့တန်းစစ်မျက်နှာပြင်ဆီ မြောက်ကိုရီးယားတပ်သားတွေကို ပို့ဆောင်ထးတယ်လို့ သတင်းတွေထွက်နေတဲ့ ရုရှားကို ခြိမ်းခြောက်လိုက်တာလည်းဖြစ်ပါတယ်။ တဖက်မှာလည်း ပူတင်က ယူကရိန်းကို တာဝေးပစ်လက်နက်တွေ အသုံးပြုခွင့်ပေးရင် ကြီးမားတဲ့တုံ့ပြန်မှုတွေ လုပ်ဆောင်သွားမယ်လို့ သတိပေးထားပါတယ်။

NOM

တာဝေးပစ်ဒုံးကျည်တွေကို ယူကရိန်းဘက်က အသုံးပြုခဲ့မယ်ဆိုရင် လက်တုံ့ပြန်မယ့် အစီအစဉ်တွေကို ရေးဆွဲထားပြီးသားဖြစ်တယ်လို့ ပူတင်က သတိပေးလိုက်ပါတယ်။ အနောက်နိုင်ငံတွေအနေနဲ့ ယူကရိန်းကို တာဝေးပစ်လက်နက်တွေ အသုံးမပြုဖို့ ကန့်သတ်ထားတာကို ဖယ်ရှားလိုက်မယ်ဆိုရင် ရုရှားကလည်း မဆိုင်းမတွတုံ့ပြန်မှာလို့ သူက ပြောခဲ့တာပါ။

ယူကရိန်းဟာ ရုရှားပိုင်နက်တွေအထဲထိ ပစ်ခတ်တိုက်ခိုက်ဖို့အတွက် တာဝေးပစ်အသုံးပြုခွင့်ကို တောင်းဆိုနေတာကြာပါပြီ။ ဒါပေမယ့် အမေရိကန်နဲ့ ဗြိတိန်တို့က လက်မခံဘဲ ကန့်သတ်ထားတာပါ။ ယူကရိန်းတပ်ဟာ ဒီလက်နက်တွေကို သူတို့ဘာသာ မသုံးနိုင်ဘူးလို့လည်း ပူတင်က ပြောဆိုခဲ့ပြီး အနီးကပ်ကူညီပေးသူ ရှိမှသာ ပစ်ခတ်နိုင်လိမ့်မယ်လို့လည်း အရိပ်အမြွက်ဆိုကာ အမေရိကန်နဲ့ အနောက်အုပ်စုကို ရည်ရွယ်ပြောဆိုခဲ့ပါသေးတယ်။

NOM

ကန်ရွေးကောက်ပွဲအတွင်း ဗြိတိန်လေဘာပါတီဟာ နိုင်ငံခြားဝင်ရောက်စွက်ဖက်မှုတွေ ရှိနေတယ်လို့ ဒေါ်နယ်ထရမ့်က စွပ်စွဲပြောဆိုလိုက်ပါတယ်။ ကာမာလာဟဲရစ်ရဲ့ မဲဆွယ်စည်းရုံးရေးအတွင်းမှာ ဗြောင်ကျကျဝင်ရောက်စွက်ဖက်နေတယ်လို့ ထရမ့်က ရွေးကောက်ပွဲကော်မရှင်ကို တိုင်ကြားခဲ့တာပါ။

BBC ကတော့ ကန်ရွေးကောက်ပွဲအတွက် မဲဆွယ်စည်းရုံးနေတဲ့ တက်ကြွလှုပ်ရှားနေသူတွေဟာ ပုဂ္ဂိုလ်ရေးအရ လုပ်ဆောင်တာဖြစ်တယ်လို့သာ သူတို့နားလည်းထားကြောင်းဆိုပါတယ်။ လေဘာပါတီကတော့ ဒါကို မတုံ့ပြန်သေးပါဘူး။

လေဘာပါတီဝင်တွေဟာ ဟဲရစ်အတွက် မဲဆွယ်ပေးဖို့အတွက် အမေရိကန်ကို ထွက်ခွာခဲ့တယ်လို့ တိုင်ကြားချက်မှာ ပါဝင်ပြီး နိုင်ငံခြားတိုင်းပြည်တွေဆီကနေ အလှူငွေတွေကို တရားမဝင်လက်ခံခဲ့တယ်လို့လည်း ထရမ့်က ဆိုပါတယ်။

NOM

ဟစ်ဇ်ဘိုလာခေါင်းဆောင်တွေကို ဆက်တိုက်သုတ်သင်နေတဲ့ အစ္စရေးက သူတို့ဟာ နောက်ထပ်ခေါင်းဆောင်သစ်ဖြစ်လာနိုင်တဲ့သူကိုပါ ထပ်မံရှင်းလင်းခဲ့တယ်လို့ သတင်းထုတ်ပြန်လိုက်ပါတယ်။

ခေါင်းဆောင်သစ်ဖြစ်လာမယ်လို့ အများက ထင်ကြေးပေးနေတဲ့ Hashem Safieddine ကို လကြောင်းတိုက်ခိုက်မှုအတွင်း ရှင်းလင်းနိုင်ခဲ့တယ်လို့ ထုတ်ပြန်ခဲ့တာပါ။ ဒီတိုက်ခိုက်မှုဟာ အောက်တိုဘာ ၅ ရက်နေ့က ဘေရွတ်တောင်ပိုင်းကို တိုက်ခိုက်ခဲ့မှုဖြစ်ပါတယ်။ အဆိုပါတိုက်ခိုက်မှုအတွင်း ဟစ်ဇ်ဘိုလာ ခေါင်းဆောင်ပိုင်း ၂၅ ဦးခန့် သေဆုံးခဲ့တယ်လို့လည်း ဆိုပါတယ်။

NOM

ကန်ရွေးကောက်ပွဲမတိုင်ခင်မှာ မြောက်ကိုရီးယားခေါင်းဆောင် ကင်မ်ဟာ မဟာဗျူဟာမြောက် ဒုံးကျည်စခန်းတွေကို စစ်ဆေးခဲ့ပြီး ရန်သူတွေကို အချိန်မရွေး တန်ပြန်ပစ်ခတ်ဖို့ အသင့်ဖြစ်နေဖို့ရာ အမိန့်ပေးခဲ့ပါတယ်။

အမေရိကန်ပြည်မကြီးအထိ ပစ်လွှတ်နိုင်တဲ့ နူကလီးယားထိပ်ဖူးတပ်ဆင်နိုင်တဲ့ ဒီဇိုင်းမျိုး ဖန်တီးထားတဲ့ တိုက်ချင်းပစ်ဒုံးကျည်တွေ ဘေးနားမှာ ကင်မ်က တာဝန်ရှိသူတွေနဲ့စကာပြောနေတဲ့ ဓာတ်ပုံတွေကို တောင်ကိုရီးယားဘက်က ပြသခဲ့ပါတယ်။

NOM

အီလွန်မက်စ်ဟာ ဗင်နီဇွဲလားမှာ ဆူပူအုံကြွမှုတွေဖြစ်ပွားအောင် ငွေကြေးထောက်ပံ့ခဲ့တယ်လို့ ဗင်နီဇွဲလား သမ္မတ မာဒူရိုက Con Maduro+ တီဗွီရှိုးမှာ ပြောဆိုလိုက်ပါတယ်။ မာဒူရိုအနိုင်ရပြီးနောက် ဗင်နီဇွဲလားမှာ မဲလိမ်လည်မှုတွေ ဖြစ်ပွားခဲ့တယ်လို့ စွပ်စွဲခဲ့ကာ နိုင်ငံတဝှမ်းဆန္ဒပြခဲ့ကြတာပါ။ အီလွန်မက်စ်ပိုင်ဆိုင်တဲ့ X လူမှုကွန်ရက်ကိုလည်း ၁၀ ရက်ကြာ ပိတ်ပင်ခဲ့ပြီး မက်စ်က ဒေါ်လာ ၁ ဘီလျံအထိ အသုံးပြုခဲ့တယ်လို့ မာဒူရိုက စွပ်စွဲခဲ့ပါတယ်။

NOM