Bonjour à tous اليوم رح نحكي كيف منشكر حدا او منرد ع حدا عم يشكرنا ?? هلق في كذا عبارة لنقول شكرا وكلن بيشتركوا بذات الكلمة ميرسي بس منقولها بكذا طريقة Merci Merci beaucoup عبارة منقولا بس لرفقاتنا Un grand merci عبارة جدا رسمية Avec tous mes remerciements…

Bonjour à tous
اليوم رح نحكي كيف منشكر حدا او منرد ع حدا عم يشكرنا ??
هلق في كذا عبارة لنقول شكرا وكلن بيشتركوا بذات الكلمة ميرسي بس منقولها بكذا طريقة
Merci
Merci beaucoup
عبارة منقولا بس لرفقاتنا
Un grand merci
عبارة جدا رسمية
Avec tous mes remerciements
تقريبا متل بقدملك كل الشكر
و آخر عبارة جدا حلوة
Merci de fond du cœur
بمعنى شكراً من كل قلبي ?
هلق كيف منرد اذا حدا قلنا شكرا ?
اول شي وكتير شائعة بمعنى اهلا وسهلا
De rien
Je vous en prie
اذا بدي احكي لرفقاتي بقول
Je t’en prie
ردود تانية منسمعها?
Pas de problème لا مشكلة
Avec plaisir بكل سرور
Il n’y a pas de quoi انو ما في شي تشكرني عليه
وانشالله المسا بسجلكن فويس او لبكرا ??

✨بالفويس ذكرت
Pour les amis
لما بكون عنا كلمتين نهاية الاولى s وبداية التانية أحد الحروف الصوتية (a-e-i-o-u-h) بدل ال s بصير اللفظ z ✨

رح بلش معكن بعبارات منستخدما دائما بالحياة اليومية?
✨بس في شي لازم نعرفو انو في عبارات منسخدما بس للأصدقاء والعالم اللي منعرفا منيح ما فينا نستخدما بكل مكان لانو مو رسمية
رح نبلش بعبارات منستخدما دائما اول ما نلتقي بحدا ورسمية
Bonjour , Bonsoir
Comment ça va? كيفك
عبارات الاصدقاء?
Salut , Coucou
تنيناتن بمعنى مرحبا
بس نكون طالعين من مكان منقول
Bonne journée يوم سعيد
Bonne soirée مساء سعيد
Au revoir
À plus tard
À bientôt
آخر تلاتة بمعنى إلى اللقاء أو بشوفك قريبا
بس نكون عم نطلب شي
S’il vous plaît
للأصدقاء
S’il te plaît
بمعنى اذا بتريد
بس يكون حدا عم يحكينا وما فهمنا بدنا يعيد منقلو
Pardon , je ne comprends pas
شي ما منعرفو
Je ne sais pas
بالجملتين فينا نحذف ne للسرعة ?
Je suis désolé أنا آسف
Je suis désolée أنا آسفة
ما بيختلف شي باللفظ بس بالكتابة
انشالله المسا بسجلكن فويس للكلمات بحيث تدربوا ع النطق الصحيح?

Bonsoir
اسمي نور أنا رح كون معكن بمادة الفرنسي???
بداية حابة وضح شي
أنا ساكنة ببلد أوروبي اللغة المحكية فيه فرنسي يعني انا الفرنسي اللي بحكيه أخدتو من ناس لغتا الأم فرنسي وكوني دارسة بسوريا بعرف نحنا شو أخدين بالمدارس
يعني نحنا وقت كنا نتعلم بالمدرسة كتير نركز ع القواعد وتطبيقها بس هالشي ما بخلينا نلفظ صح ولا يصير عنا مهارات المحادثة
لهيك انا رح اعطي قواعد بس رح ركز بشكل أكبر ع كيفية النطق والمحادثة لانو وقت بدك تحكي مع حدا رح تعرف انو القواعد اخر شي بتلتفت عليه
وانشالله بتكون بداية خير عليي وعليكن??