Murtdha Albdariy
القناة الرسمية لخادم الحُسين الملا مرتضى البديري
للتواصل @Gggslbot
مرحبا بكم في قناة مسلسلات نتفليكس الاصلية✅
نقوم في نشر اكثر من مسلسل في اليوم
للاعلانات @PpFFBOT
قناتنا الاخرى للافلام? @Qaflam
لطلب المسلسلات✅ @netflix239bot
القناة الرسمية لمسلسل أبو العروسة الموسم الثالث علي تيليجرام?
- بوت تحميل من الأنستا ومن جميع مواقع التواصل الإجتماعي: ✅ .
- بوت التحميل من التيك توك: @EEEBOT
بوت التحميل من الأنستا: @xxzbot
- بوت التحميل من اليوتيوب: @EMEBOT
- ? ? .
- للتمويل: @NNEEN
بين الخرابه والسجن// ياخذني ويردني الحزن
هينه السلاسل بيدي تنشال
بس المصيبه عدنه الحبال
سافرت بيه افكاري _ وجابت لزينب طاري
وهلت دمعتي
مسجون انه بزنزانه _ وهيه انسبت عطشانه
ويلي اعله عمتي
عمتي ليل أنهار بس ابجي عليهه
الله يدري الحبل شمسوي بااديهه
يابشر حاير مثل حيرت سبيهه
بجرح يوميه الزمان ايعيل بيهه
من غربتي هواي اعتذر // صارت غريبه ام الخدر
من اذكر اسمهه اوكف اجلاال
بس المصيبه عدنه الحبال
اباب السجن سجاني _ شمحتاج من ناداني
شمحتاج مولاي
تذكرت الما انساهه _ ثمانين طفل وياهه
تدورلهم الماي
باب سجني يقفله سجاني تعود
والخرابه لا سكف لا باب ينسد
خايفه جانت يصد اعليهم احد
وكت خله الحبل بيد الحره ينشد
وانه بركبتي الجامعه// وابالي ذيج الفاجعه
فوك التراب تنام الاطفال
بس المصيبه عدنه الحبال
خلصت غريب اسنيني _ والزينب تهل عيني
بغربتهه ملجوم
تهيج الخرابه اجروحي _ من اذكرهه تطلع روحي
اذكرهه كل يوم
عكب ذاك العز اميرتنه والخيام
عمة الساده سبيه طبت الشام
عالهزل لو بالخرابه شتكدر تنام
هيه تسهر وبحظنهه تغفه الايتام
مسلوبه تبقه راحته// المسبيه عنده عمته
من المصايب شافت اشكال
بس المصيبه عدنه الحبال
اعرف اخبار اعيالي _ مطمئن كلبي وبالي
محد سباهم
لا حركو اعليهم خيمه _ لا شمر وسط الهيمه
يركض وراهم
بين حيطان السجن خلصته عمري
راح اودع دنيتي مسموم ادري
امنيتي كون الحافر يدوس اعله صدري
ومو نعش كون الحصيره تصير حدري
رظرظت ساكي السلسله// ودمعاتي تجري لكربله
ما باك محبس جفي جتال
بس المصيبه عدنه الحبال
مفارك احبابي وناسي _ والسبي سابي احساسي
ياغربتي تهون
لاخر نفس اشتمه _ ابجي الهذيج العمه
التشكي من المتون
جاي اواسي عمتي بكيود الايدين
بين سجني والخرابه وحزن الاثنين
عمري خلصته بواجي اعله اخت الحسين
هيه زينب وينهه اوين الدواوين
لتظن حزينه قصتي // ألاعظم مصيبة عمتي
قصتهه لازم توصل اجيال
بس المصيبه عدنه الحبال
تمت ____ علاء الزيدي
تدري الغريب منين
أبن الذبيح حــسين
وعمه الفده الچفين .. للخيمات
أهــله صـفو بــرماح
وعــماته ويّ ذبـــاح
يبچن بدون أصـياح .. تـعـبانات
مسير الليـل .. هـد الحيل .. وايـتام
ضــــيـم وآه .. واويـــــــلاه .. ضــلام
هاي النوگ .. هذا السوگ .. والشام
مثل عــماته مسجون .. ابا الرضا
بسناسل صار مرهون .. ابا الرضا
چبيره أمصيبةّ الكاظم .. چبيره
"""""""""""""""""""""""""""""""""""''''''''''
موسى أبن جعفر ضاع
بطاموره جــوه الــگاع
مـــات أبــــدون أوداع .. للأولاد
لا قـــاسم الحاضر
ومعصومه وتناطر
وذاك الـرضا يناضر .. للميعاد
غربه ونـوح .. روحـه أتروح .. ويـآه
بويه يصيح .. نــوبه إيطـيح .. ويلاه
نوبه أدموع .. محنيّ ضلوع .. بــالآه
غده مسموم مگتول .. أبا الرضا
حديد وگيـد معقول .. أبا الرضا
چبيره أمصيبةّ الكاظم .. چبيره
"""""""""""""""""""""""""""""""""""''''''''''
جرح بنعش مسجون
وصــار بصفــار اللون
مو أهله بي يحــدون .. للتغسيل
تـــالي أجــوله الناس
وصار النعش عالراس
شيعه وعشگـــ نبراس .. مثل السيل
لا تـشـيـيــع .. لاتـــــوديع .. يحسين
لادمــعـــات .. لاحسرات .. و ونـين
جرح الراس .. والعـباس .. لاويـــن
الكاظم عنده تشييع .. ابا الرضا
غسل وأكفان توديع .. ابا الرضا
چبيره أمصيبةّ الكاظم .. چبيره
"""""""""""""""""""""""""""""""""""''''''''''
الكاظم گضه مخنوگ
گــيد وغـده مـشـبوگ
بس طفله ماتت شوگ .. فوگ الراس
طفله وتريد حسين
وعـمتها صبت عين
وتجيبه ألــها مـنين .. يـــا عــبـــاس
رقيه أتموت .. ناصيّ الصوت .. حسرات
حسرةّ ويــل .. حــسرةّ خــيل .. آهــــات
ضيم أهواي .. مــامـــش ماي .. ويــلات
مـــاتـت وانتها اليآس .. أبا الرضا
طاحت دمعه عالراس .. أبا الرضا
چبيره أمصيبةّ الكاظم .. چبيره
الشاعر
محمد الابراهيمي
لمولاي الغريب أبا الرضا (صلوات الله عليه)
___
غـريـبـه جـنازته جـا لـيـش خـلـوهـا
___
من سجن لسجن عايش بطامورة
دمه يطيح ويلي ورجله مكسورة
الكاظم من ونينه تـنـرسم صورة
صورة طفلة الخيل بين سـحـگـوهـا
___
يذكر عمته من تتراكض بـهـيمـة
السجن عنده يهون بحرگة الخيمة
يا ركضت العاشر منهه كل ضيمة
ينحب عـلـى المن الـمـاي حـرمـوهـا
___
ينوح حسين ابد مـاراح مـن باله
ظل مطروح ليش ومـحـد الشاله
باجر عـالـجـسـر هـم محد بحاله
مامش ناس يـم جـثـتـه يـبـچـوهـا
___
وحيد ابن الاطايب مـالـه عكازة
بس المـالـه أهل للناس اله عازة
فشله تحشم الوادم علـى جنازة
لَـتـخـلوهـا مثل حسين شـيـعـوهـا
___
گضّى الوكت كله الروح مهضومه
بـالتابوت هـم تـتـنـازف دمـومـه
من ذيج السلاسل ويلي ملجومه
فـتحوها الجنازة ومـنّـه شـيـلـوهـا
___
خادم الحسين محمد منير المياحي
الباب لــو هـــم الجنين
الضلع لو صدر الحسين
لياهي منهن تجري دمعة عيني
يا مصابي
المن اجري أدموع عيني ليـا مصيبه
يا مصابي
شحــال گلبــي الـــودع الليله الحبيبه
يا مصابي
عمري خمس اسنين سموني الغريبه
يا مصابي
ضلــع والسطـره وطفل أمي النجيبه
شفت أنـــواع المحن
من ضلـــع ام الحسن
بس مصايب وانه خمسه أسنيني
لياهي منهن تجـــري دمعة عيني
تطفه ناره
گلبي مــا أظن يمه بعــدچ يالزچيه
تطفه ناره
يمه باب الــدار ادري تظل ســريه
تطفه ناره
مــا أظــن حقــد السقيفه وال أميــه
تطفه ناره
گلبي لــو ظل مستعـــر بالغاضــريه
نار بابچ من يشب
بالخيم يسعر لهب
وماكــو كافـــل يستمـــع لــونيني
لياهي منهن تجــري دمعة عيني
بصدري عبره
للجنين وللضلــع لجــل الـــرزيــه
بصدري عبره
لان طفله وأمــي راحــت من أديـه
بصدري عبره
عبـــره ما تخلص ابد حــدْ المنيـه
بصدري عبره
عبره تذبحها الخيول الاعــوجيــه
مدري أنوح ليا صدر
بالدمــع راح العمـــر
والضلوع بكـــل وكــت تاذيــني
لياهي منهن تجري دمعة عيني
ابچي يا طف
وانـــه طـــف البــاب شاهدته بعُيوني
ابچي يا طف
وي كســـر ضلـــع الزچيـــه گيـدوني
ابچي يا طف
من رحل نعش أمي أحسنهم سبوني
ابچي يا طف
وي وداع أمـــي إِخـــوتي ودعــوني
بيه چم عاشر يمر
يمه مــا يطفـه الجمر
جمـــر بابـــچ والخيــم يچـــويني
لياهي منهن تجري دمعــة عيني
يمه اصبري
يمه باچـــر لـــو يطـــر الليل فجــره
يمه اصبري
حسين لو فوگ الترب گطعوله نحره
يمه اصبري
باچـــر أتشوفين خيل أدوس صدره
يمه اصبري
والكفيــل أبلا يمين ابـــلايا يســره
وراسه مهشوم أبعمد
يمه ويمر الأشد
بالخرابــه أهنــــاك وتذِكِــــرينــي
لياهي منهن تجري دمعــة عيني
- الشاعر
موسى البديري
#انت_المعزى_مولاي_يا_امير_المؤمنين
#محرم_فاطمة
......................................
رجع محني الظهر ... جرح ينزف قهر
فجع كَلب السمه
علي ابلا فاطمه..
جرح ينزف قهر
.............................................
رجع مثل الغصن ذبلان تنزف فاجعه اجروحه.
رجع بس الجسد حيدر وي فاطم دفن روحه.
حجب وجه السمه بأهات. ترس بطن الارض نوحه.
بيت . وفاطمه مابي.. .مابي ذرة املوحه.
ترس خده الدمع.. بجه الكسر الضلع.
مشاعر مؤلمه
علي ابلا فاطمه.
...............................................
فكَد كلشي بفكَد فاطم حبيب وفارك احبابه.
عجب ماتثبت أجدامه الثبت يم خيبر وبابه.
ترك كل ذكرياته اهناك . سواد ونوح جلبابه.
على ابدون الزجيه يموت لان حجم السمه امصابه.
دفن بيده الضوه. . . المثل شم الهوى.
مدينه ومظلمه
علي ابلا فاطمه.
...........................................
بمصابه ايساعده الباري ترك حدر الترب ورده.
عمرهه اثمنطعش راحت مثل جف ماي وتبده
بعد ماترجع الزهره. (علي) باب الامل سده.
احسك من بعدهه تكَول بالريه الهوى شعنده.
جفن فايض نهر .. .شمس دافن كَمر.
مزج دمعه ابدمه .
علي ابلا فاطمه .
..............................................
وصل داره وبقى يعاين على الحايط اثر دمها
الكَبرهه. رجعت اجدامه علي وبالونه كلمها.
سمع شهكت بجي زينب.رحيل امها يألمها.
فرش روحه وحضن روحه.تسأله وعاطفه يشمها
يجاوبها الورد . غفه بذاك اللحد.
هظمها ايألمه.
علي ابلا فاطمه .
..............................................
دخل بيته وحزن غيم.عبير الزهره بنفاسه.
نظر حجرتها فاض اهموم.الكلب شيب قبل راسه.
ذكر كل عشرته اوياهه.رسمهه بدمعة احساسه.
علي ابلا فاطمه انشوفه صرح ونهدم من ساسه.
صدكَ صارت صدكَ ..حبايب تفتركَ
نوارس . هايمه.
علي ابلا .فاطمه..
............................................
ابو منتظر الحجامي 2024
أماني ... فاطمه
كياني ... فاطمه
ملاذي ... فاطمه .... ام الحسن والحسين
.......
اني كلشي ... عندي هيه ... فاطمه أم الحسن
وي دمي ... ويه روحي ... تسري ما عشت الزمن
انه تايه ... عمري جبته .. وهيه صارتلي الوطن
ليهه ترخص ... كل حياتي .. وما اوفيهه الثمن
ندائي ... فاطمه
رجائي ... فاطمه
ملاذي.... فاطمه .... ام الحسن والحسين
.......
نعمة الله ... ام ابوها .... اعليه افضل كل نعم
الهه خادم ... أفخر انه ... من صرت يهل الشيم
بعتقادي ... كلشي زايل ... هذا واقع مو وهم
بس ذكرها .. الزهره باقي ... ارد افهم الما فهم
شعاري ... فاطمه
خياري ... فاطمه
ملاذي .... فاطمه ... ام الحسن والحسين
......
جنة الله ... من سألني .... راح اكَله فاطمه
ما أساوم ... على حبهه ... لو يملكوني السمه
الدنيا هايه ... ابلا رسمهه ... جنهه ذيج الحاطمه
وحق زينب ... وابو اليمه ... وعلي حماي الحمه
وجودي ... فاطمه
خلودي ... فاطمه
ملاذي ... فاطمه ... ام الحسن والحسين
......
أبقى خادم ... وبخدمتي ... للزجيه انه افتخر
والمجالس ... نعمت الله ... بيهه يا محله الذكر
بالنواعي ... والبواجي .. وبلطم ذاكه الصدر
كَبري أدخل ... انه ناذر ... من يخلَّص هالعمر
حياتي ... فاطمه
مماتي ... فاطمه
ملاذي ... فاطمه ... ام الحسن والحسين
......
الشاعر موسى الخادم
وي روحي اسولف بيك مولاي
واحبك اكثر شما گول احبك
گيَد گلبي بيدك عن الاذنوب
وگيد جدمي خليها على دربك
انه احلامي يا مولاي كل يوم
كونك مره بس يدعيلي گلبك
اليتاني تدري روحه تموت بهداي
وانه متانيك كل جمعه واندبك
يمته تمرني مولاي
وتمسح كون فوگاي
يبو صالح يبو صالح
*^
انه اذنب واردلك مستحي هواي
نادم معتذر مكسور اجيلك
وتّوگفني اعلى حيلي من اناديك
رغم بذنوبي دوم اجرح دليلك
عزيزاّ علي ماشوفك ولا يوم
ويخنگني الدعاء امن اندعيلك
أكحل ناظري بنظره يمولاي
تسوه عمري لو لحضه بشليلك
يمته يگضي فرگاك
رايد اگعد احذاك
يبو صالح يبو صالح
تعبتك مصيبة جدك حسين
دم مبچاك مايشبه بچينه
آنه سامع سمع عل داسته الخيل
تموت احساسي چلمة ساحگينه
آنه بس بخيالي شفته وابچيت
شحال الحاضر بلحضة ونينه
شحالك سيدي من شفته مگلوب
منّ الگفه جدك ذابحينه
هم يمه تدنيت
ويم النحر ونيت
يابو صالح يابو صالح
- اخذني لعالمك حته ابچي وياك
على حسين وعلى الصار ابناته
شلي بدنيا تسبي اخت الحسين
عمت عيني اذا تنسى غلاته
تنعى لو يمهدي بسكته مبچاك
من صعدن على الهزل خواته
شحالك سيدي من دخلن الشام
وهيه الشام متروسه شماته
تسمع بچيَ الازغار
من طكاهم احجار
يبو صالح يبو صالح
**
احمد علي البغدادي
راح امن ادي چف الحنين
يبرالي ظل چف الونين
حيدر يون و اخواني اشوف
"على الخدودِ لاطمين"
مات الضوة ابعيني...و ابخامس اسنيني
يتمني دهري ابلا رحم يويلي
و انهد سگف بيتي...و هظمتني تاليتي
عالزهرة اصبّح بالبچي اوية ليلي
دمعي نشف ما ظل دمع...و اعيوني ذبلانة
يا يمة اصيح ابكل كتر...زينب ييمة آنة
چا متنة من كثر الحزن...لو ما علي اويانة
♕♕♕♕♕♕♕♕♕♕♕♕♕♕
مو كافي يا دنية العذاب
ما بية والله اعلة العتاب
شمسوية يا دنية و بچيت
و من ايدي ياخذ أمي باب
انشال النعش مني...و اهناا سمع وني
حسين و بقة ايصبّر علية اخوية
و آنه انشدة ابهظمي...يبن امي وين امي
و مرة امشي و انشد يا علي يبوية
تعبني هد حيلي النشِد...و الحسرة بعيوني
هاا يهلي هاا يهل الرحم...وين امي دلّوني
ابهالحالة و ابهذا الوضع...لا لا تخلوني
♕♕♕♕♕♕♕♕♕♕♕♕♕♕
يا بابي اجيتك و اشكي حال
ينشف جرح زينب محال
عمري انگضة ابهذا المصاب
و رايح دليلي اوية الدلال
گلبي اشتعل جمرة...من حرگوا الزهرة
بالعتبة وافاه الأجل يبابي
بعد امي مهظومة...و اركاني مهدومة
و منا بدت نار الخيم عذابي
باچر خيمنة التحترگ...نارك سبب بيهة
باچر ذبح باچر ركض...و ادموعي ابدّيهة
باچر عقيلة ابنص غرب...ما يمهة واليهة
♕♕♕♕♕♕♕♕♕♕♕♕♕♕
أصرخ ورة اللي ايشيّعون
اتخلوهة يمي الليلة كون
أتزوّد ابشوفتهة اريد
و اخواني بية ايصبّرون
يخواني اعذروني...ما شبعت اعيوني
من شوفت امي و غرّبت يخوتي
دفنوني وياهة...يذبحني فرگاهة
ماريد اظلّن هسة اريدة موتي
يخواني ما بية احتمل...فرگتهة يخواني
موت امي عيشني الهظم...و محنية خلاني
و من هسة راواني السبي...و الهزلة راواني
♕♕♕♕♕♕♕♕♕♕♕♕♕♕
حسين علي الزهيري
للتواصل @Gggslbot
مرحبا بكم في قناة مسلسلات نتفليكس الاصلية✅
نقوم في نشر اكثر من مسلسل في اليوم
للاعلانات @PpFFBOT
قناتنا الاخرى للافلام? @Qaflam
لطلب المسلسلات✅ @netflix239bot
القناة الرسمية لمسلسل أبو العروسة الموسم الثالث علي تيليجرام?
- بوت تحميل من الأنستا ومن جميع مواقع التواصل الإجتماعي: ✅ .
- بوت التحميل من التيك توك: @EEEBOT
بوت التحميل من الأنستا: @xxzbot
- بوت التحميل من اليوتيوب: @EMEBOT
- ? ? .
- للتمويل: @NNEEN