یاغش

گتیمی  خاطره لر عطرینی تلواره یاغش
گتراو باشده گیچن گؤنلرمز  یاره ، یاغش

یل گلاو ، یاغش یاغاو یرده گؤگه ، گؤگده یره
بو پریشان اؤره یم ، هارده چکاو هاره ، یاغش

گنه بد مسلوغنه گلمی کی باش وورسی منه
وورلاو  دار کوچه ره، وس در و دیواره ، یاغش

اؤره یی دولمی بولوت ، کی یاش توکاو پلارنه
شورنه یاغاو ، ووراو پلاری پلاره  ، یاغش

یاغاو عین آو آخر گون کی آبو دار کوچه ره
دانشاودوخ و یاغاودی عین فارفاره ، یاغش

مه گلن گونلرمزده دانشاودم ، ولی سه
بوغازو بغضنه دوللی ،توکدو رخساره یاغش

تا کی قسمت ده دانشدو، ناله دؤشدی بولوته
ایکی گؤن منم تکی ، یغلری بیچاره ، یاغش

گیتدو و مه قالم و پاییز و دلتنگ کوچه لر
گیتدو و مه قالم و بو جیگری یاره یاغش

قاریلوغ قاری قؤللی باشمه ، سننه بتر
هامی جور ورق دولاننی ، دؤنیشی قاره یاغش

علی عمرانی.              1403/8/21

لینک کانال https://t.me/folkoreomrani

منزلمز تورپاغدی

بو طبیعت کی بهار ،گل توکی دشت و دمنه
بیجه پاییز گجه سی ، قر توکی هامی چمنه

بینوا دنیایه گلمیش ، بینوا دنیاره گییر
بو فلک هر نمه ورسی ، آلی الوننه گنه

وقتی کی نادره رحمی یوخیدی چرخ فلک
نه وفاسی منه واردی ، نه بدهکاردی سنه

خوش اؤره ی قسمت اولی آونه کی چوخ بغشله ری
غم و حسرت قالی آخرده ، فقط چوخ یغنه

کاخمز اولسی طلا ، منزلمز تؤرپاغدی
او کی قسمتدی بزه ، ورلله سدر و کفنه

خله بدلوغ ایلمه ، چات بیجه مسکین دارنه
بیجه مونس لوغ ایله ، آو جیگری داغ گورنه

ایکی گؤن دنیاره ، بو فیس و افاده نمه ری
اگه سلطان اوله سه ، ایشو دوشر اولو یوونه

نه جوانلوغ قالی ، عمرانی ، نه ثروت نه مقام
بو اجل رحم ایلمز هیچ گرا و دوله منه

علی عمرانی 1403/10/14

لینک کانالhttps://t.me/folkoreomrani

اعجاز محبت

گل ز مهر باغبان ، اینسان معطر می شود
ورنه با بی مهری گلکار ، پرپر می شود

ارتباط و دوستی ، همبستگی، همزیستی
در مسیر مهرورزی ها میسر می شود

از نوازش های باران و نسیم و آفتاب
هرنهالی رفته رفته ،سایه گستر می شود

با محبت ، با تبسم ، کار نیکو، روی خوش
بر تو هربیگانه ای همچون برادر می شود

خشم و بی مهری،جری ترمی کند نااهل را
آتش از دیدار هیزم ، شعله ور تر می شود

تازیانه کی هدایت می کند ، گمراه را
آهن از کوبیدن حداد ، خنجر می شود

های و هوی تند خویان،رنجشی دارد ز پی
سینهٔ آیینه با ( هایی ) مکدر می شود

نرمی مرهم دهد بر زخم کاری ، التیام
استخوان بر زخم باشد، رنج آور می شود

با محبت کشور دل را توان تسخیر کرد
خانهٔ تاریک با شمعی منور می شود

«فاخر»ازبذل محبت،هیچکس کوچک‌نشد
بلکه هرکس مهربان تر بود سرور می شود

علی عمرانی ۱۴۰۳/۲/۲۲

لینک کانال @ashaar_ali_omrani

تصنیف کردی ساقی
اجرا و ضبط : سال 73 در صدا وسیما کرمانشاه

شعر تصنیف: علی عمرانی
خواننده : بهمن عامریان
لینک کانال https://t.me/folkoreomrani

??????

?" میرزا دای "?

?@sonqorlolar

میرزا دای دوبر یئر آللی بیجه قشنگ قواره
دیری ایسیاۋ آبو یئرده کاخ مرمر چئخاره

دیرئله آبو آخرده اۆزو آتمه زحمته
دیری ایسیام بهترین زندگی ایلیم دونیاره

بئش آلتی مهندسه وئردی کی نقشه چکسئله
بهترین نقشه‌نی وئردی بیجه یاخچی معماره

بیجه استخر و جکوزی ووردی پارکینگ یانئنه
اوس‌ایچی اۆچ طبقه هر طبقه دیم ناغاره

هر نمه لازم‌ایدی خارجی وئردی گتدئله
کابینت ترکیه‌ره ، آسانسور ایتالیاره

نرده‌لر استیل خالص ، پرده‌لر هامی حریر
ضد سرقت قاپولَر ، دستگیره آب طلاره

پرسِلَن کاشی سرامیک ، پله‌لر مرمر اصل
بهترین سنگ نمانی یاپئشدئردی دیواره

گچ بری ، آینه کاری ، لوستر سلطنتی
تصویری آیفون اصل کی تازہ گئلمی بازاره

آبشار و آب نما و نور مخفی ، رقص نور
گل و حوض و باغچه عین هتلِ پنج ستاره

دلنشین یکه تراس ووردی خیابانه سارو
خوشلنه خوشلنه دییاۋدی اَرواره ؛ با تلواره !

خلاصه تعریفه گلمز هَننا مَه تعریف ایلیم
نمه کاخی چئخدی آۋ دورد اۆز متر زیربناره

بئش آلتی ایل چکدی تا بو ایوی تکمیل ایلئری
در و دیواری بزردی رنگ و نقش و نگاره

هر نمه ایو اثاثی وارایدی یئغدی گوشه‌یه
بیجه سمسار گئتدی و هامینی ساتدی سمساره

ایو اثاثی هرنمه لازم‌ایدی سئت ایلئری
بیجه مارک و بیجه رنگ خارجی آللی دوواره

بیجه مددتده سوره قوم و فامیل یئغئشدئله
کی مووارک اولسیه گیسئله هامی اولاره

بو اَروار کیشی دیرئله ناۋا دا ایو مَلَه‌شه
هر که ایسیاۋری گَلَه ، مستقیم گئلسی تالاره

آۋ ایوو آۋ دکور و آۋ مبلمان و بساطی
هیچکه گورمئری گۆزه ، به غیر از کارگر بنناره

ایکی ایل بو موضوع‌ره گیچاۋری بو اَروار کیشی
یئپِ یاغلوز کاخ ایچئننه باخاۋلله دار و دیواره

خانزاره قئچده توتئلمی ، میرزا سر گیجه واری
خانزاره قَندی وار و میرزا گرفتار فشاره

بوغره ثروتئنه غذالئری اولمی نمه!؟
کلم و کاهو و کۆری ، اوره قوۋئلله بخاره

بیجه دۆز یماغ و ایچماغه‌ره حسرت اولئلله
کبابه ، فسنجانه ، شیرینی ، موز و اناره

او زماننه کی ناخوش دیودئله یمزدئله
میرزا دییردی اَرواره ؛ شامی قو قالسی ناهاره

میرزانی قئش و یایای گورئردو قاچماغده‌ایدی
دئرری سات چرمسازیه ، چینجه گونر سبزواره

نوخور آل ، شئۆدَری سات ، بوغده‌نی یوکله ماشینه
سکه قیمتی گۆزَکله گه قولاغ وئر اخباره

اروپاره قار یاغاۋ ، حَصاری سات وئر یوروۋە
آمریکاره یئل گَلاۋ ، یورولئری دئیش دلاره

دییردو چئخ گی شماله ، دییردی سراۋ عینِ شمال
دییردو گی زیارته ، دییردی آبو امامزاره

اینی یاغلوزدئله و هر اوشاغ اۆز ایوئننه‌ری
ایکه‌له‌سی عومری چاتمی ، هفتاد هشتاد یاشاره

ایله پیس گزدئله و يئغدئله و ساخله‌رئله
بی خبر کی عومرِ شیرین دا تاپئلمز دوباره

اۆچ طبقه فرشئنه ، اثاثئنه قالمی ، بولار
بیل و قئچ‌لئری توتئلمی تپئلمیشله انباره

ایو و ثروت بیری گون قالی گئلین دامادایچی
دییله گور وَ گور گه باخ جکوزی‌نی وورمی هاره

#عمرانی دونیایه مشغول ایلمیه‌سه اۆزوۋی !
عاقل آرم خوش اۆرئی آرزو ایلر خداره

?@sonqorlolar

#علی_عمرانی " فاخر "

????????

شعر ترکی: وطنم
سرایش و دکلمه: علی عمرانی
لینک کانال: https://t.me/folkoreomrani/31

لیلا
دلم به زیر دس -غصه اسیره لیلا
مث یه بره آهو - که چنگ شیره لیلا

گفتی بریم یه دوری - بزن دلت وا بشه
گفتم بریم ولی خو- دسم نمیره لیلا 

خیلی دلم گرفته- عه رسم ای زمانه
شکسته شیشه ی دلم - خرد و خمیره  لیلا

مرام و مردانگی چیزی ازش نمانده
او باغ لوطی گری - دیه کویره لیلا

زمین و آسمانه -توفیر دار و ندار
حکایت دراز - شاه و فقیری لیلا

یکی مینی رو‌گنجه - یکی مینی تو رنجه
یکی مینی غلامه  - یکی امیره لیلا

هس آدمی که نه ره - چار گله نان بسانه
پیش زن و بچاگش - سرش بزیره لیلا

پشت چراغ قرمز - ای بچه گل فروشه
او یکی نان آور - سه تا صغیره لیلا

ای زنه با بچاگش - تو آشغالا می چرخه
او یکی تو حسرت- نان و پنیره لیلا

او که به فکر  مردم - نواشه کی آدمه
سر رو زمین بذاره- بره بمیره لیلا

آدم آبرومند -گشنه بخاوه هر شاو
منت هیچ ناکسه - نمی پذیره لیلا

ثروت و مال دنیا - می مانه به چرک دس
دسته که بشوری- عه دست میره لیلا

همه چیزه نمیشه - بری به پول بسانی
شرف به ثروت که نی - دلت نگیره لیلا

خجالتم که نه رم -چیزی برات بسانم
وخی دیه بریمان- ناوقته دیره لیلا

«فاخر »بشم موگف که- گیره نموکنه مرد
ولی یه جایی هس که - مرده وگیره لیلا

علی عمرانی (فاخر)
لینک کانال @ashaar_ali_omrani

بی مروت اجل

بی مروتدی اجل یاقچی و یامان تانیمز
حضرت یوسف و داود و سلیمان تانیمز

وقتی گِلسی دا آراشمز کی مقامو نمه ری
شهرت و طایفه و منصب و عنوان تانیمز

حاتم و نادر و اسکَندر و جمشید ، بیلمز
خضر و افلاطون و چنگیز و کریم خان تانیمز

قش تکی رحم ایلمز ، وقتی کی دوشدی چمنه
باغ و یرپاغ و گل و سبزه و ریحان تانیمز

چوخ آبو دفتر و دیوانه اوره‌ی خوش ایلمه
کی بو نالوطی اجل دفتر و دیوان تانیمز

گه باهار یاغشی اوول یاغ هامی دشت و دَمَنه
کی باھار یاغشی یاغسی گل و تیکان تانیمز

دردمند دردنه چات ، گه ایکی مسکین اَلی توت
رهنما آو یوله اوول کی ناشی نادان تانیمز

هر مسلمان کی خدا بنده سنه ظلم ایله سی
اوزی کافرده بدتردی، دین و ایمان تانیمز

آو جوان کی چوره‌ اینی زیویل ایچنه تاپاو
دا اونو کِفلَتی کی سفره الوان تانیمز

#عمرانی هر که کی ، خل حقّینی پامال ایلری
ایله انصاف باشی چخمز، ایله وجدان تانیمز

علی عمرانی

لینک کانال https://t.me/folkoreomrani