Маснавий:

“Қўнғиз гўнг титкилагани учун ҳам хушбўй ҳидлардан қочади... Унинг насибаси худди шу кўнгилни беҳузур қилувчи ёқимсиз ҳидлардир. Чунки у шунга ўрганган – гўнг жони тани бўлиб кетган.

Ақлли кишилар ҳам ақлсизларни тўғри йўлга солиш учун уларга ҳикматли сўзлар билан насиҳат қиладилар, хушбўй ҳидлар билан тарбия қилмоқчи бўладилар.

Кимга хушбўй ҳидли нарсалар ёрдам бермаса, демак бундай одам бадбўй ҳидларга ўргангандир.

Сен ҳам яхшиликдан, нурдан насибангни ол. Бурнингни гўнгга тиқиб, қўнғизга айланиб қолма”.

@Sultonova_Mashhura

Бунчалар ёқимли, бунчалар сохир,
Қалб торларин чертган гўзал наволар....

@Sultonova_Mashhura

#rivoyat time
Бир одамнинг уч орзуси боракан. У катта маошли ишни, гўзал турмуш ўртоғи бўлишини ва оламга машҳур бўлиб танилишни хоҳларкан. Кунларнинг бирида ўша одам таниқли фирмага ишга кириш учун отланибди. Йўлда кетаётганида унинг олдида бир қария йиқилиб тушибди. Агар унга қўл чўзсам қабулга кечга қоламан, бу бир пиёниста бўлса керак деб ҳаёлидан ўтказибди ва қарияга ёрдам бермабди.Аммо у барибир ишга қабул килинмабди. Суҳбатдан ўта олмабди.
Кунларнинг яна бирида кўчада сайр килиб юрса, кўча артистлари ажойиб томоша кўрсатаётган эканлар. У мазза қилиб томошани кўрибди .Атрофдаги одамлар артистларни олқишлашибди. У бўлса йўлида давом эта бошлабди. Шунда унинг ёнига кампир қиёфасидаги актриса югуриб келиб, томоша ҳакидаги фикрини сўрабди. Ҳалиги одам кампирдан жирканиб унга индамасдан кетиб қолибди.
Бир куни ёмғирли кунда одамнинг кўзи унинг уйи олдидаги ўриндиқда йиғлаб ўтирган бир аёлга тушибди. Аёл ундан ёрдам сўраб, бир кечага бошпана сўрабди лекин одамни аёлга ёрдам бергиси келмабди ва шошилиб иссиққина уйига кириб кетибди. Йиллар ўтиб ўша одам бир умр рўшнолик кўрмай оламдан ўтибди ва у дунёга борганида фариштага ҳаётини нолиб сўзлаб берибди.
"Эсингдами -дебди фаришта - Йиқилиб тушган бир қария сенга қўлини чўзганди, ўша қария сен ишга жойлашмокчи бўлган фирма бошлиғи эди. Актриса кампирни эслайсанми, у аслида гўзал-ёш аёл эди. Сени бир кўришдаёк ёқтириб қолганди. Ва ниҳоят, эшигинг ёнида сендан бошпана сўраган аёл ёдингдами? Ўша аёл машхур адиба эди, у ўша куни ниҳоятда хасратлашмоққа мухтож эди. Сен унга ёрдам берганигда, шубҳасиз сен хақингда оламга достон ёзарди, афсуски сен хеч кимга ёрдам бермадинг. Агар хаммаларига ёрдам қўлингни чўзганингда сени хамма орзуларинг амалга ошган бўлар эди ва сен бой-пешқадам одам бўлардинг. Сени гўзал аёлинг, ажойиб оиланг бўларди ва сен машҳур инсон бўлардинг...."
ХУЛОСА: Доим эсингизда бўлсин, бахтни-омадни кўриниши яширин бўлади...

@Sultonova_Mashhura

Бошига мусибат тушиб, оғир кунларни кечираётган инсонга ҳадеб насиҳат қилаверманг. Койийверманг, сабрсизликда айбламанг.

Ундан бир оғиз  “Қалбинг нимани ҳис қилди”, “Қалбингни ҳоли қандай”,
деб сўранг.

“Оғирлигини биламан, лекин мана кўрасан бу кунлар ҳам аввалгиларидек ўтиб кетади. Сени келажакда энг олий бахтлар қаршилайди”, - дея тасалли беринг.

Чунки уни қалбидаги замбил юкни бўшатиши учун яқин дўстга эҳтиёжи бор, насиҳатгўй ақлига эмас. Насиҳат ва ўгитни ҳамма ҳам бераверади аммо муҳаббатни ва таскинни фақат хосларгина ҳис қилдиради.

@Sultonova_Mashhura

???

@Sultonova_Mashhura

Олий таълимга контракт асосида талабаликка тавсия этилганимда роса қаттиқ хафа бўлганман. Ўқимасдан яна тайёрланаман десам онам ва отам қиз болада оила қуриш масаласи бор,вақтни ўтказмасдан ўқитамиз дейишганди. Хамиша онам ўқишга кетишимда ҳар эҳтимол ортиқча пул ёнингда турсин дея, эхтиежимдан ташқари сумкамни чўнтагига пул солиб қўярдилар. Эрталаб албатта соат 6 да ширин новвотли ёки асалли чой дамлаб албатта ичирмасдан ўқишга жўнатмасдилар. Сен янги билим олишинг учун албатта яхши овқатланишинг керак мадор бўлади дея шўр кабоб қилганлари бор. Бугун ортга қарасам энди ўшандай меҳрга онам мухтож. Мен эса иш ва фарзандлар билан оввораман. Онамга чин дилдан айтишни хохлаганларимни каналга ёзишни хохладим.

"Сиз ўзидаги барча яхшисини бизга илинган дунёдаги энг яхши онасиз.Сизга икки дунё саодатини, икки дунё яхшиликларини тилаб Мох қизингиз???

@Sultonova_Mashhura

Баъзан узоқлашмоқ керак яқинлашмоқ учун.
Эсламоқ керакдур, эсланмоқ учун.
Йиғламоқ керак, очилмоқ учун.
Сукут яхшидур, тингламоқ учун.
Баъзан эса унутмоқ керак, яшамоқ учун.

©️ Шамс Табризий

P/S:Жуда чиройли жумлалар...

@Sultonova_Mashhura

Агар пул инсонни бахтиёр қилганида, бугун Ғарбда ҳар бир оиланинг шифокори билан бирга ўз психологлари ҳам бўлмас эди.

© Саид Чамлижа «Иймон ва ҳузун» китобидан.

@Sultonova_Mashhura

Ҳаётимдаги ўзгариш нуқтаси онам менга ойнайи жаҳонни кўришни ман қилиб китоб ўқишга мажбурлаган кундан бошланган...

©️ Бен Карсон

P.S.: Рахмат айтаман мени илмга, китобга йўналтирган барча яхши инсонларга

@Sultonova_Mashhura

Бир кун ҳаммаси яхши бўлади деймиз.... Аслида бугунимиз ҳам энг яхшиси эканини билмаймиз...
Бир кун ўша ёр ҳам келар,  муаммолар кетар,  қарз узилар,  уй олинар,  ватанга қайтилар, соғайиб кетилар...

Аммо, аммо ўша вақтда бугунингиздагидек ёшроқ бўлмайсиз... Ўша бир куни бугунги иштиёқингиз, шижоатингиз,  кучингиз, қувватингиз бўлмаслиги мумкин... Ўша куни бугун хоҳлаётганларингизни хоҳламай қолишингиз мумкин...

Бугунингизни қадрланг... Аслида энг яхши кун бугундир..!

©Ориф Таскиннинг "Ҳаёт менга шуни ўргатди"

@Sultonova_Mashhura