Баъзан узоқлашмоқ керак яқинлашмоқ учун.
Эсламоқ керакдур, эсланмоқ учун.
Йиғламоқ керак, очилмоқ учун.
Сукут яхшидур, тингламоқ учун.
Баъзан эса унутмоқ керак, яшамоқ учун.

©️ Шамс Табризий

P/S:Жуда чиройли жумлалар...

@Sultonova_Mashhura

Агар пул инсонни бахтиёр қилганида, бугун Ғарбда ҳар бир оиланинг шифокори билан бирга ўз психологлари ҳам бўлмас эди.

© Саид Чамлижа «Иймон ва ҳузун» китобидан.

@Sultonova_Mashhura

Ҳаётимдаги ўзгариш нуқтаси онам менга ойнайи жаҳонни кўришни ман қилиб китоб ўқишга мажбурлаган кундан бошланган...

©️ Бен Карсон

P.S.: Рахмат айтаман мени илмга, китобга йўналтирган барча яхши инсонларга

@Sultonova_Mashhura

Бир кун ҳаммаси яхши бўлади деймиз.... Аслида бугунимиз ҳам энг яхшиси эканини билмаймиз...
Бир кун ўша ёр ҳам келар,  муаммолар кетар,  қарз узилар,  уй олинар,  ватанга қайтилар, соғайиб кетилар...

Аммо, аммо ўша вақтда бугунингиздагидек ёшроқ бўлмайсиз... Ўша бир куни бугунги иштиёқингиз, шижоатингиз,  кучингиз, қувватингиз бўлмаслиги мумкин... Ўша куни бугун хоҳлаётганларингизни хоҳламай қолишингиз мумкин...

Бугунингизни қадрланг... Аслида энг яхши кун бугундир..!

©Ориф Таскиннинг "Ҳаёт менга шуни ўргатди"

@Sultonova_Mashhura

Баъзида қалбинг тўлиб кетганида шундай жумлаларда гўзал таскинни топасан...

@Sultonova_Mashhura

Энг фойдали ҳаётий кўникмалардан бири бу ҳамма ёмон нарсаларни тезда унутиш қобилиятидир: муаммолар ҳақида ўйламанг, хафагарчилик билан яшаманг, ғазабланманг.
Қалбингизга ҳар турли ёмонликни ортмаслигингиз керак.

Будда

@Sultonova_Mashhura

1️⃣. Ҳаммани тинглаш мумкин, аммо ҳамма билан гапириш керак эмас.
2️⃣. Бойлик шўр сувга ўхшайди. Уни қанчалик кўп ичсанг, шунчалик чанқайверасан. Машҳурлик ҳам худди шудек гап.
3️⃣. Дунё – тузалмайдиганлар касалхонасига ўхшайди гўё.
4️⃣. Душманинг билиши керак бўлмаган гапни, ҳеч қачон дўстингга айтма.
5️⃣. Ҳар бир болани ичида ақлли инсон яшайди. Ҳар бир ақлли инсон эса ич – ичидан боладир.
6️⃣. Инсонлар тақдир деб атаганлари, одатда улар қилган ахмоқгарчиликнинг меваси бўлиб чиқади.
7️⃣. Ўзгалар меҳнатини ва қобилиятини қадрлаш учун ҳам, ўзингизда худди шундай қобилият ва меҳнатсеварлик бўлиши керак.
8️⃣. Қўлидан ҳеч нарса келмайдиган инсон, миллати ва ўша миллатга эга бўлишидан ташқари бошқа нарса билан ғурурлана олмайди.
9️⃣. Баъзида бир пайтлар бўлган жойларимизни соғинганга ўхшаймиз. Аммо аслида қачондир ёшроқ, кучга тўлароқ бўлганимизда ўтказган вақтимизни соғинган бўламиз. Вақт эса бизга ниқоб билан қараб алдаб ўтаверади.
🔟. Аслида борлигимиз билан бахтлимиз. Бахтни қидириш эмас, борига шукр қила билиш керак.

@Sultonova_Mashhura

#ijod time

Менга ойни қилмадинг ваъда,
Ёлғонларга кўммадинг қалбим,
Бир сўз айтмай сокин, жим боқиб,
Кўзларимдан англадинг дардим.

Гарчи баъзан турмуш тўрт мушдир,
Топилади каму-кўстимиз,
Синовларда қоқилиб баъзан,
Тиргак бўлдик, бирга иккимиз.

Қўлларимдан тутганинг учун,
Бошлаганинг учун бахт томон,
Сенга такрор рахмат азизим,
Бахтимизга доим бўл омон

©Муаллиф Султонова Машҳура Рустамбоевна

@Sultonova_Mashhura

#rivoyat time
Ҳикоя...

Ҳаётий сабоқ: “тарозининг иши қийинда, болам…”

Кўчадаги ишларимни битириб, уйга пиёда қайта бошладим.
Одамлар гавжум йўлакнинг бир четида олма сотиб ўтирган ёши катта онахонга кўзим тушди.
Бир донагина тиши қолган, ночорлигидан бўлса керак, ўзи савдо қилаётган нур юзли бу онахон олма нархини камайтириб беришини сўраётган харидорга самимий оҳангда: «Болам, менга тирикчилик учун фақат минг сўм пулингиз қолади. Беш панжани оғизга тиқиш шарт эмас. Бир куним ўтса бўлди…», деди.

Харидор икки килограмм олма сўраганди, онахон кучсизгина, қалтираётган қўлларида олмани тарозига осиб қайта-қайта тортди. Харидор: «Тўғри келмаяптими, хола?», деганди, онахон: «Тарозининг иши қийинда, болам. Бировнинг ҳақи…», деди.

Ана шу ерда бойлик мол-дунёнинг кўплигида эмас, қаноатда эканини чуқур ҳис этдим. «Тарозининг иши» ва бировнинг ҳақи борасида ҳам унутилмас сабоқ олдим. Тўғриси, онахонни қучоқлаб, йиғлагим келди…!

@Sultonova_Mashhura

Аслида ҳеч нарса ҳаддан ортиқ қайғуришимизга, сиқлишимизга арзимайди. Шунчаки ҳаётни борича қабул қилиб бор кунларини яшаб қолишимиз керак. Биз хаёлдаги бахтни кутиб уни излаб, аслида ҳаётдаги асл бахтларимизни англамаётган бўлишимиз мумкин.
Бу ҳаёт. Унда ҳар нарса бўлиши мумкин. Борини борича қабул қилинг. Ҳаётни севинг! Дардларини ҳам бахтларини ҳам.

@Sultonova_Mashhura