اذا حسّيتوا الحديث عن هالموضوع فادكم،
كتبولي حتّى ان شاء الله نتطرقله اكثر.
و ما يبقى بيننا شخص ما متغلّب ع هالمشكلة.

@Mahnaz13m_bot

إذا اَكو هنا شخص عنده مشاكل باللفظ،
او رهاب اجتماعي و الانطوائية،
او مشاكل جسديّة سواء چنت من ذوي الهمم، او لون بشرتك تعرّضت لإضطرابات و تغيّرت او تعرّضت لحريق او حادث او اي شيء..
او چنت تعاني من النحافة او السمنة،
او اي اي اي سبب مخلّي الناس تسمعك حچاية تغثّك و تكسر گلبك الي يحبّه رب هالاكوان.

آني بالنيابة عن هالناس اقدّملك اعتذار،
و كتبت هالمواقف الكم بالذات.
حتّى تعرفون كلنا كلنا كلنا نتعرّض لـ هالمواقف.
و المعاقين فكريًا موجودين بكل مكان.

اتمنّى تحبّ نفسك اكثر و اكثر ،
و تسولف المواقف الي جرحتك.
و تلهم بيها الآخرين.

حُبّ كلّششششش چبير الكُم.♥️?

اضافةً للصلاة و الصوم و الزكاة،
اكو بديننا مبدأ الـ :
'من كسرَ مؤمنًا فـ عليه جبره'.
انتَ تشمر حچايتك و تروح،
ما تدري بيها شسوّت بگلب المقابل،
و ما تدري شلون راح تمنعك هالكلمة من دخول الجنّة.

و تذكّروا دوم: ما دين المرء سوى كلمة.♥️

للموت.

https://youtu.be/sLlbddDTDS0

يا ربّ،
خلّي لي جهاز تحذير او منبّه للتذكير،
تذكير انّ هالدار الّي اركض و انخبص ع مودها،
زائـلة..

تذكير انّو هالناس الّي لبست حتى اعجبهم،
و حچيت حتى اعجبهم،
و عصيتك حتّى اعجبهم.
مصيرهم يعوفوني بحفرة وحدي،
و يرحون ينسون حتّى اسمي.

تذكير انّو الدال و الألف و الميم الي قبل اسمي،
مو هنّ الي يجيبن السعادة الأبدية.
مو هنّ الي يرفعن مقامي عندك.
هالألقاب الي خلّتني انغرّ بيهن و اتكبّر ع الناس،
و اعتمد عليهن و اشوف مصيري مشرق.
ذَكر هالگلب انّو حتّى اسمي الي ع القبر ما راح اگدر اقراه لأني بداخل حفرة،
مو يلّا القابي الي خبصت نفسي بيهن.

تذكير انّو هالجسد الّي چنت احبّه،
و شغلي الشاغل ان ازينه بلبس و عطر و ميكپ حتى ينگال عني حلوة.
حتّى احصّل نظرة اعجاب الناس.
(هالجسد الي امرتني الف مرّة ان ما اظهره و ان اعرف حدودي الي رسمتها الي انتَ،
بس عصيتك و عصيتك و عصيتك)
مصيره للنمل و الحشرات..
يتحلّل و ينتهي و يضمحل و ما يبقاله ادنى اثر..

تذكير انّي بدونك عدم في عدم.

يا ربّ هالليلة علّمني اَعاملك باليقين الّي عند ذاك الزائر الّي يدخل ع أبي الفضل العباس، و يضل يسولف وياه بلهجته و بساطته و عفويته، و يگول له : ما تگدر تطردني اذا انتَ باب الحوائج و رجل الرجال تطردني، وين اَروح! و تشوفه بعد اَيام جاي و جايب چكليته وياه، يمشي…

يا ربّ
هالليلة علّمني اَعاملك باليقين الّي عند ذاك الزائر
الّي يدخل ع أبي الفضل العباس،
و يضل يسولف وياه بلهجته و بساطته و عفويته،
و يگول له : ما تگدر تطردني
اذا انتَ باب الحوائج و رجل الرجال تطردني،
وين اَروح!
و تشوفه بعد اَيام جاي و جايب چكليته وياه،
يمشي بين الحرمين و يردّد شكرًا جزيلًا عبّاس،
و يوگف عند باب ابي الفضل يشكره بطريقته،
و يهوّس له: عبّاس يا شيخ الزلم.

يا ربّ اَريد يصير عندي الإيمان الّي عنده.
الكتب و الرسميات و الفصحى و الگعدة المرتّبة
ما توصّل الإنسان لمراتب العشق الحقيقي.
اَريد ترزقني الجنون الّي عند عشّاق أبي الفضل.
خلّيني اَجرّب معنى الحُبّ الحقيقي.

يا ربّ
آني لو شما دعيت و صلّيت و سوّيت أعمال القدر،
تالي الليل راح اعوفهن كلهن و اضلّ اردّد:
إلهي بفاطِمة و مصائب فاطِمة.
و احسّ هالجُملة هيّ الوحيدة الّي أگدر أعتمد عليها.

https://youtu.be/MMoxW7vYS1U

YouTube

روضه حضرت رقیه | شهادت حضرت رقیه | حضرت رقیه | مداحی حضرت رقیه | نوحه حضرت رقیه | Hazrat Ruqayyah

روضه حضرت رقیه (س) | روضه شب سوم محرم 1443 | شهادت حضرت رقیه (س) | Mahmoud Karimi | Hazrat Roghayeh لا تنسوا الاشتراك في القناة ليصلكم كل جديد Thank you for watching our video. Please like, comment and rate the video. Please subscribe to our channel and…