أقيمت علينا الحجة ...

كلنا شفنا استماتة النظام (الكافر المدعوم من الكفار) في سبيل طمس الروح الإيمانية المسلمة بكل الشعب السنّي
تفننوا بكل الطرق والأساليب من أفكار وفتن وتخويف وسموم فكرية وتحريف .. بس ليمحوا معالم هالدين وقيمه من قلوبنا

لأنن بيعرفوا حق المعرفة أنه دين قوي لو استقامت القلوب عليه لتوحدت صفوفنا ضدن وما طال حكمهن

للأسف كانوا أعلم مننا بمدى قوة ديننا فاستعملوه سلاح ضدنا أثاروا النزاعات بيننا وزعزعوا مبادئنا وطمسوا هويتنا ليضمنوا رضوخنا

وهون قامت الحجة علينا !
لما نشوف اهتمام عدونا بمعرفة ديننا وتفاصيله ليضعفوه (وهاد دليل إقرارن بأن المسلمين الحق بشكلوا مصدر رعب وقلق إلهن) بندرك أديش كنا غافلين وبعيدين عن المسار الصحيح وأننا تركنا سلاحنا فما عاد إلنا كلمة ولا اعتبار

**لما يكون عدوك عنده من التعظيم لدينك أكتر مما تحمله في قلبك وبيعرف مواطن قوته أكتر منك --> راجع حساباتك

أقيمت الحجة** بأننا شفنا بأم أعيننا مدى خوفهم ورعبهم من ديننا وبأنو يجي يوم نتفوق عليهن ونتوحد ضدهن

فالضد بالضد يذكر
لما الناس الفاسدة الخاينة المفسدة _عاختلاف مواقفهن من بعض_ يتحد موقفهن ضد شيء معين ويحاربوه ويستميتوا بحربه بنعرف أنه هاد هو الحق والثمين اللي مالازم نفرط فيه وإلا بنخسر كتير ..

بعرف هالحكي مابده استدلال ولا تأكيد
بس المقصد أنو ما ضللنا عذر لتقصيرنا، حتى عدوك مُقرّ بمدى قوة ما تملك فليش قلوبنا لسا نايمة وخطواتنا متثاقلة؟

#خذ_بيدي🌱

وَاللَهُ أَرحَمُ بِالفَتى مِن نَفسِهِ
فَاعمَل فَما كُلِّفتَ ما لَم تَستَطِع!

- أبو العتاهية.

✨**اللهم يا جامع الناس ليوم لا ريب فيه اجمع علي ضالتي

دعاء يمكن قوله عند نسيان المعلومات في الامتحان
وفقكم الله🌸**

#خذ_بيدي🌱

الأغلب مادته الأولى الأحد
لهيك رح نحكي كلمتين بسرعة🏃🏻‍♂

**هنن فكرتين صغار بس معناهن كبير كتير ..

👈🏻الأولى: تذكروا أننا بعد النصر اللي صار نوينا نتقرب من ربنا أكتر ونكون عُبّاد حقيقيين وأهم شي أنو يكون ديننا ظاهر علينا بكل تفاصيل حياتنا مو "الدين بالقلب"
شو علاقة هالحكي بالامتحان؟**
علاقته أننا نستشعر مراقبة الله عز وجل ومااااا نغش
ادرسوا واجتهدوا والوقت الباقي ربنا ببارك فيه وبيكفي نلم الباقي من المادة مهما كان كبير بس بدها همة
وبعدا توكلوا على الله وارضوا بنصيبكم

👈🏻الثانية: نحنا فتنا اليوم بشهر شعبان لهيك صححوا نيتكم لتصير دراستكم عبادة تؤجروا عليها بإذن الله، يعني إذا حطينا ببالنا أننا عم نستغل هالشهر بعبادة طلب العلم هيك كلما تثبطت همتنا عن الدراسة "كرمال العلامة" تذكرنا أننا عم ندرس كرمال الأجر والثواب فبنرجع نشد الهمة من جديد
الحلو بالموضوع أننا رح نكسب العلامات بخدعة للنفس ونضل متذكرين النية الصح ونفوت رمضان بعقلية الحريص على استغلال الوقت بأكير قدر ممكن من الطاعات ..

وهالحكي تجنباً للي بصير مع كتير طلاب وهو الاحتراق النفسي بفترة الامتحانات فبيطلع منها مو قدران يعمل شي غير يتمدد ويغرق بالسوشال

بس هالمرة نحنا فايتين بالامتحان وطالعين منه على رمضان دغري لهيك هالشي خطير مابصير نطلع محترقين نفسياً ونضيع رمضان مننا
فخلونا نستعد من هلأ

وتذكروا العلامات رزق والرزق مقسوم من قبل ما نخلق فلا تتوتروا وتقلقوا
ادرسوا بعقلية الطمعان اللي بده يكوّش على كلشي
واستقبلوا النتائج بعقلية الراضي القنوع الشاكر لله على فضله الكبير 🌸

#خذ_بيدي🌱

التوبة للَّهِ في مرحلة العشرينات جميلة جدًّا، مرحلة عُمرية تُلقب بمرحلة الفُتوح.

واللَّه سُبحانه و تعالىٰ يُباهي الملائكة بالشاب التائب.

شو لسا ناطرين ..؟?

هالفترة أدركت أن أهم لحظات العمر هي لحظات الصراع الداخلي ..
صراعك ما بين مبادئك الصح والمجتمع الضايع ..
الصراع ما بين أنك تضل متفائل ومتأمل وبين الواقع المحبط ..
الصراع ما بين أنك تقوم كل يوم لتعمل اللي عليك أو أنك تستسلم ..
صراعك ما بين ثباتك عطريق الحق رغم وضوح الرؤية بأنه طريق وعر وأن الطرق الأخرى أيسر وأسهل وأسرع ..
كلها صراعات لا يستخف بها أبداً، بتاخد وقت وجهد وتُذيب روح الإنسان ولكن هاللحظات هي بالذات رح تعيد قولبة شخصيتك بشكل أجمل وأصلب ..
تماماً متل الزجاج اللي بكون عبارة عن رمل وأشياء عادية الجمال قبل صهره وقولبته لمقتنيات زجاجية ساحرة

لهيك النتيجة بتستاهل شوية تعب، ضلوا مكملين وماتوقفوا ..
صح أنها أوقات صعبة ولكن يوماً ما رح تكون ذكرى وبإيدنا نخليها ذكريات حلوة نستمد منها قوتنا وثقتنا بأنفسنا ..
وتذكروا أننا مأجورين عكل دمعة وكل شعور حزين وكل مقاومة ومحاولة وسقوط ونجاح وتعثر وخيبة، يعني _بميزان الآخرة_ ربحانين ربحانين فلا تخلوا موازين الدنيا المقلوبة تتحكم بنظرتكم لأنفسكم ..

#درس_اليوم
#خذ_بيدي ?

للي خلصوا امتحانات وحابين يتسلوا بشي مفيد جبتلكن أهم شي لازم تتعلموه وبأسرع وقت كمان??

"كتاب الفقه الميسر" اللي فيه أساسيات مما لا يسع المسلم جهله إطلاقاً ??

ولأنني أؤمن تماماً بأنّ الفقه والطب لا يؤخذان من الكتب فهون قائمة تشغيل للشيخ المهندس علاء الدين الحامد بيشرحها
https://youtube.com/playlist?list=PL1i_D1Vw3d5P5Q6IHHW22JHrnLCwm60Bn&si=gQNou1sBlx8pRV2v
وفي سلسلة جديدة لحد هلأ تم فيها شرح كتاب الطهارة وحالياً يتم شرح كتاب الصلاة بمعدل درس واحد أسبوعياً كل يوم ثلاثاء بنفس القناة

وخلوا ببالكم أن العطلة السعيدة هي العطلة المليئة بالإنجازات الحلوة وبالرضا?
لأن الفراغ بلا شك قاتل ??

#خذ_بيدي?

لبشَريَّتِك طاقة، ولله تدبير!

- د. هبة رءوف عزت

#خذ_بيدي?

وأنت عم تقدّم الامتحانات
وأنت عم تسمع أنو ربما تجي الأسئلة صعبة
أو ربما في سؤال يضربوا الطلاب فيه
تذكر أنهم عباد لله ..
واللي ممكن يخليهم يحطوا هيك أسئلة ، بخليك تجاوب عليها صح
لا تستصعب الأمر مادام ربك موجود
لذلك وأنت عم تدرس
لما تجيك هالخواطر
قول
( اللهمَّ لاتجعلْ عظيمَ خَوفي
يُنسيني أنكَ على كُلِّ شيءٍ قَدير..)

منقول ..

#خذ_بيدي?