http://t.me/mustf89

28 رجب خروج ضعن الأمام الحسين ( عليه السلام)

الهوادج والعمايم كلشي اخضر چان
يزهون وتحسهم مو ضعن بستان

وكفو وادعوني وطحت فوك الكاع
مثل الخيمه من تفارك العمدان

كالو صبري كلت الهم صبرهه شلون
العليله الفاركت مثل الحسين انسان

اليفارك ينشتل طوله ويه طول الباب
وما ترهم البتكم كعدة البيبان

ونطوني اضهورهم والضعن يكطر ماي
ومشو حسيتهم عطشان يم عطشان

مصطفى حرب

اتبعت عمرك بين تربه ودمع
ونكلة جدم من التعب للتعب

سجنوك رادو تنكسر مادرو
شما ينسجن ما يقل سعر الذهب

بس الكريم يخنكه باب السجن
لا دكه چف ولا بضيف انچهب

من ينذكر نعشك تندي الكصص
يطيح اعلى ناسك مثل حجي العتب

تاريخهم مابي متن ينمدح
لليوم موقفهم يكرهه الخشب

مامش عكال المن حبيب نورث
ولا جف تجف يشبه جفوف ام وهب

مولاي نعشك لو بهذا الزمن
تفرعله روس وتنزعله رتب

تدنيت بحساسي اعلى طرف النعش
وعين المشاعر عاينت عن كثب

وسمعت اخ تسولفت من نحر
ونحبة مره بالطف خدرهه نسلب

غربو نعشك فوك صحرة جسر
ودفنوك سكته مثل حق الشعب

وبوجه كل هندس نهارك زمخ
وجمر العلوم الهاشميه التهب

وهذا انته تكرم كبل لا تنطلب
واسمك على وجوه الروايه نكتب

مصطفى حرب

السلام عليك يا مولاي يا موسى بن جعفر

http://t.me/mustf89

http://t.me/mustf89

علي من اختارج يعرفج تضحين
وكفو خلفتي وين اليرفع الراس

المثلج لازم يشيعهه الحسين
ويبچيلج لحدما يفجع الناس

وكون ام عون تنعى وتلطم عليج
ويفيض كبرج من دموعه عباس

السلام على بابا الحوائج أم البنين

http://t.me/mustf89

http://t.me/mustf89

[ سنديني يا فضة ]

أداء : مرتضى حرب
كلمات: مصطفى حرب

الليالي الفاطمية ( ع ) 1445 هجري

https://youtu.be/gNfYYqcBSAQ?si=a3p914tRhf6sWHJm

ميسان _الميمونة _ مخيم سيد الشهداء ( ع )

#بابي_أنت_وأمي_يا_أبا_عبد_الله

@murtaza9292

http://t.me/mustf89

http://t.me/mustf89