Xonanda Jahongir Otajonovning ijtimoiy tarmoqlarda tarqalgan so‘nggi klipidagi nomaqbul harakatlari jamoatchilik o‘rtasida haqli e’tirozlarga sabab bo‘lmoqda. Madaniyat vazirligi bu kabi holatlarni keskin qoralaydi hamda madaniyat va san’at sohasi vakili degan nomga dog‘ tushiradigan har qanday nomaqbul xatti-harakatlarga nisbatan murosasiz ekanini ma’lum qiladi.

O‘zbekiston Respublikasi Prezidentining 2022-yil 13-iyuldagi PF-168-sonli farmoni hamda Vazirlar Mahkamasining 2022-yil 21-fevraldagi 80-sonli qarorida belgilangan vazifalarni o‘z vaqtida va sifatli bajarilishini ta’minlash, litsenziya talabgorlarining mas’uliyatini oshirish maqsadida “O‘zbekkonsert” davlat muassasasi tomonidan doimiy tushuntirishlar va davra suhbatlari tashkil etib kelinmoqda.

Shu bilan birga, muassasa tomonidan san’atkor milliy mentalitetimiz, qadriyatlarimiz va litsenziya talab va shartlari, xususan, san’atkor odobiga rioya qilishlari, ma’no-mazmunsiz va tushunarsiz qo‘shiqlarni kuylamasliklari, jamoatchilik orasida o‘zlarini munosib tutishlari, O‘zbekiston san’ati nufuzi va soha imijiga salbiy ta’sir ko‘rsatuvchi ishlardan tiyilishlari kerakligi haqida doimiy ogohlantirib kelinmoqda.

Yana bir bor ijodkorlarlardan jamoatchilik qarshisida chiqishlarida, xoh u sahnada bo‘lsin, xoh internet orqali, bundan qat’iy nazar litsenziya talablariga amal qilishga majbur ekanliklarini eslatamiz.

Madaniyat vazirligi matbuot xizmati
@madaniyat_uz

???? Doha shahrida “O‘zbekiston madaniyati, hunarmandchiligi va turizm haftaligi” bo‘lib o‘tadi. Haftalik doirasida mamlakatimiz madaniy merosi ko‘rgazmasi ham o‘tkazilishi rejalashtirilgan.

? Bugun madaniyat va san’at sohasi vakillaridan iborat 130 nafarga yaqin O‘zbekiston delegatsiyasi Qatar Davlatiga yetib bordi.

⏺ На русском

? Telegram | *? Instagram *| *?*** Facebook

Rasmiy munosabat

Ijtimoiy tarmoqlarda tarqalgan madaniyat vaziri Ozodbek Nazarbekovning xizmat avtomobili velosipeddagi yoʻlovchini urib yuborgani bilan bog‘liq xabarlar yuzasidan quyidagilar maʼlum qilinadi.

Mazkur hodisa joriy yilning 16-fevral kuni Andijon viloyati Qorasuv shahrida sodir boʻlgan.

Jabrlanuvchi zudlik bilan shifoxonaga olib borilgan va shifokorlar unga tezkor tibbiy yordam koʻrsatishgan. Tekshiruvlar natijasida yoʻlovchining sogʻligʻi bilan bogʻliq jiddiy, xavotirli holat yoʻqligi aniqlandi.

Zaruratga koʻra, albatta, bu borada yana qoʻshimcha axborot beriladi. Shu oʻrinda, yurtdoshlarimizdan yoʻlda harakatlanish madaniyatiga qatʼiy rioya qilishlarini soʻrab qolamiz.

Arzimagan vaqtingizni qizgʻanib, yoʻl qoidasini buzgan holda oʻzingiz va boshqalar hayotini xavf ostida qoldirmang. Chunki yoʻl xatoni kechirmaydi. Birgina xato bir umrlik afsusga sabab boʻlib qolmasin.

Madaniyat vazirligi matbuot xizmati
@madaniyat_uz

22–25-fevral kunlari Qatar poytaxti Doxa shahrida O'zbekiston madaniyati kunlari o‘tkazilishi rejalashtirilgan.

Qo‘shimcha ma’lumot

@madaniyat_uz

“O‘zbekkonsert” davlat muassasasi Buxoro viloyati bo‘limi rahbari ish vaqtida ish joyida bo‘lmagani xususidagi videomurojaat yuzasidan quyidagilar ma’lum qilinadi:

Holat yuzasidan olib borilgan o’rganishda “O‘zbekkonsert” DM Buxoro viloyati bo‘limi direktori Dilmurod Xo‘jayev 1 fevral kuni soat 15:30da sog‘lig‘i yomonlashgani sababli Respublika shoshilinch tibbiy yordam ilmiy markazi viloyat filialiga borib, shifokor ko’rigidan o‘tgani va kardioterapiya bo‘limi shifokorlari tavsiyasi asosida davolanayotgani aniqlandi.

Videomurojaat muallifi bo’limga borgan vaqtda konsert-tomosha faoliyatini litsenziyalash bo‘yicha mutaxassislar Maftuna Asadova hamda Gavhar Davronova uch tomonlama shartnomani, ya’ni chora-tadbirlar rejasini tasdiqlash maqsadida tashkilotlarga chiqib ketgani ma’lum bo‘ldi.

@madaniyat_uz