کە دڵ دەتوێتەوە بۆ تۆ، دەکەی ئەو ڕۆژە تۆ بڕوا
کە خۆ دەرخەی وەکوو خۆر دڵ وەکوو شەونم لە خۆ بڕوا

کە ڕۆحم تێ گەیی تۆ حەز بە دەرچوونی دەکەی، دەرچوو
دەبێ عاشق کە دی بێزارە یاری، بێ بڕۆ بڕوا

وتم با لەم دەر و لەم کۆیە دا ئانێ سکوونەت کەم
وتی: عاشق دەبێ هەر دەربەدەر بێ، کۆ بە کۆ بڕوا

ڕەقیب دەرکە، ئەم بەردەرکە پاکە پیس ئەکا، فەرمووی:
کە بەم بەرقاپیە لازم سەگێکی وایە، بۆ بڕوا!

وتی مەحوی من و تۆ ئافتاب و سایە تیمسالین
جەنابی من کە دەرکەوتم، دەبێ تەشریفی تۆ بڕوا
《مەحوی》

#مەحوی
@Xunyager 🌱

مستەفا دادار (فاتمە دوو چاوی مەستت)
فاتمە دوو چاوی مەستت پڕ تەلیسمی جوانییە
چاوەکەم دوو چاوی مەستت پڕ لە سیحر و جوانییە
پڕ شەرابی خۆشەویستی ئارەقی یەزدانییە
بەژن و باڵاکەت نموونەی هەیکەلی یۆنانییە
لار و لەنجەت موزیکایە بەستەیە گۆرانییە

گەرچی دڵداری لەم عەسری تازەیە ئەفسانەیە
هەر بە تەنها بۆ کوڕی خاوەن تەلار و ئانەیە
گیانەکەم ئەمما دڵی من لەو دڵە شێتانەیە
بێ ئەوەی هیچ شک بەرێ کوژراوی ئەو چاوانەیە

هەر بە تەنها خۆشەویستیت شک دەبەم ئەی چاوەکەم
سەروەتم ناوێ بزەی تۆ ئەوپەڕی ئاواتمە
《هۆنراوە: هەردی》

#هەردی
#ئەحمەد_هەردی
#مستەفا_دادار
@Xunyager 🌱

پێخاوس ڕێ مەکە گیانەکەم!
ئەم خاکە ئاوس بە دووپشکە
گەر نوستی کەپەنک لەبەر کە
سیاساڵ مار زۆرە
دەستم لێ بەر مەدە
هەر دەستێ مەگووشە، گیانەکەم!
لە نێو زۆر قۆڵدا مار
پاپۆکەی بەستووە!
《جەلال مەلەکشا》

#جەلال_مەلەکشا
@Xunyager🌱

گرە‌وی بە‌ختی هە‌ڵاڵە5
ئێپیزۆدی پێنجەم
نووسەر: عەتا نەهایی
دەنگ: مێهرداد ئەحمەدزادە

#گرەوی_بەختی_هەڵاڵە
@Xunyager ?

تەعریب

لە ئاسمانەوە نەهاتووم،
من مێوان نیم
من مێوانی سێبەرقورسی کوردستان نیم
بەر لە مێژوو
کانییەک بووم، لێرە دەربووم
بەر لە مێژوو
ئاگرێک بووم، لێرە هەڵبووم

بار کەن، بڕۆن!
کانیاوەکان، جگە لە من،
کەسێکی تر تێرئاو ناکەن
دار گوێزەکان، جگە لە من،
بۆ هیچ کەسێک
سێبەری خۆیان هەڵناخەن!

بار کەن، بڕۆن!
زەویی ئێمە
دانی ئێوە لێ شین نابێ
مێرگەکانمان
لەژێر پێی گاڕانەکانتان وەک ئاگرن...
تا دارتووشمان یاخی دەبن،
جۆڵانەیەک بۆ مناڵتان ڕاناگرن!

بار کەن، بڕۆن!
بار کەن، بڕۆن!
مێوەی درەختەکانمان کاڵە،
ئاومان سوێرە،
هەنگوینمان بە دەمتان تاڵە!
بار کەن، بڕۆن!
بار کەن، بڕۆن!
《پەشێو》

#پەشێو
@Xunyager ?

دادار بێ و پەشێو بێ و جا کرابێ بە گۆرانی?

مستەفا دادار (بارکەن بڕۆن)
بارکەن بڕۆن
بارکەن برۆن
لە ئاسمانەوە نەهاتووم
من میوان نیم
من میوانی سێبەرقورسی کوردستان نیم
بەر لە مێژوو کانییەک بووم لێرە دەر بووم
بەر لە مێژوو ئاگرێک بووم لێرە هەڵبووم

بارکەن بڕۆن
بارکەن بڕۆن
کانیاوەکان جگە لە من کەسێکی تر تێراو ناکەن
بارکەن بڕۆن
دارگوێزەکان جگە لە من سێبەری خۆیان هەڵناخەن
بارکەن بڕۆن
بارکەن بڕۆن

بارکەن بڕۆن
زەوی ئێمە دانی ئێوەی لێ شین نابێ
بارکەن بڕۆن
مێرگەکانمان لە ژێر سمی گاڕانەکانتان وەک ئاگرن
تا دارتووشمان یاخی دەبن
جۆلانەیەک بۆ مناڵتان ڕاناگرن
بارکەن بڕۆن
میوەی درەختەکانمان تاڵە
ئاومان سوێرە
هەنگوینمان بە دەمتان تاڵە
بارکەن بڕۆن...
《پەشێو》

#پەشێو
#مستەفا_دادار
@Xunyager ?

مەرزییە فەریقی (شەش پەپوولەکەی گۆشەی باخەکەم)
شەش پەپوولەکەی گۆشەی باخەکەم
هەر بۆ ئێوەیە ئاخ و داخەکەم
هەر بۆ ئێوە لێو بە باری خەمم
بولبولی بەستە و گریە و ماتەمم
هەر وەکوو پاییز ڕەنگزەردی ئێوەم
داخی دەروون پڕ لە دەردی ئێوەم
خەمی ئێوەیە خەو و خۆراکم
شەوی تاریکە ڕۆژی ڕووناکم
بەرد ئەسووتێنێ گەرمی هەناسەم
بە سۆزی دڵ و ئاگری تاسەم
هاوار و ناڵەی مات و بێدەنگم
خورپە و لێدانی دڵەکەی تەنگم
شەش پەپوولەکەی گۆشەی باخەکەم

هەر بۆ ئێوەیە ئاخ و داخەکەم
لەو ڕۆژەوە من دوورم لە ئێوە
هەر خۆم ئەزانم دڵ چەن پەشێوە
هەر خۆم ئەزانم کام بڵێسەی خەم
لە دەروونەوە بەر بۆتە جەسەم
هەر خۆم ئەزانم دەردی دڵی خۆم
توخوا با هەر خۆم بۆ خۆم خەم بخۆم
هەر خۆم ئەزانم چەن بە سەرسامی
گرتوومە ملی ڕێی بێئارامی
دەست لە ناو دەستی دڵی ڕەنجەڕۆم
بە ڕێی دڕکاوی مەینەتا ئەڕۆم
شەش پەپوولەکەی گۆشەی باخەکەم

هەر بۆ ئێوەیە ئاخ و داخەکەم
دەستە بە دەستە باخەوانەکان
ئەگەڕێنەوە بەرەو باخەکان
موژدە بێ موژدە بێمەوە لاتان
ئەکەم بژاری باخچەی هیواتان
شاد ئەبینەوە ئەمڕۆ یا سبەی
ئاوات، خۆزگە، خەو، ئەبن بە ئۆخەی
ئەژین ژیانێ هەموو ئۆخەی بێ
هەرچی پێ بڵێی خەفەت ئەو نەیبێ
پەپوولەکانم، پەپوولەی ئازیز
وا بە سەر ئەچێ ماتەمی پاییز
شەش پەپوولەکەی گۆشەی باخەکەم
《کاکەی فەلاح》

#کاکەی_فەلاح
#مەرزییە_فەریقی
@Xunyager ?

مەرزییە فەریقی(شەش پەپوولەکەی گۆشەی باخەکەم)

هۆنراوە: کاکەی فەلاح

#کاکەی_فەلاح
#مەرزییە_فەریقی
@Xunyager ?