خۆم بووم بە تاراوگە بۆخۆم
هەر لەخۆمدا دەخولێمەوە
ڕێم نییە بۆ هیچ کوێ بڕۆم
دەمەوێ بۆ لای تۆ بێمەوە
لێم تێک چووە تۆ منی یا یاخود من تۆم
هەر لە خۆمدا وەک خوێن دەسووڕێمەوە
خۆم بووم بە تاراوگە بۆخۆم
دەمەوێ بچم بۆ لای تۆ
بۆ لای خۆم دەگەڕێمەوە
دەمەوێ دیدەنی خۆم بکەم
لە لای تۆ دەگیرسێمەوە
خۆم بووم بە تاراوگە بۆخۆم
لێم تێک چووە تۆ منی یا یاخود من تۆم
《لەتیف هەڵمەت》

#لەتیف_هەڵمەت
@Xunyager 🌱

چاوم لە لکی هومێدە بۆم دانایە
ئەی خۆزگە کە داش دەهات بەری هەبوایە
زیندانە ژیانم دەرەتان نابینم
ئاڵۆز و گرێ پوچکەیە ئەو هەودایە
《خەییام/هەژار》

#خەییام #هەژار
@Xunyager 🌱

لە ماڵی خۆم دەکەم بۆنی غەریبی
《هێمن》

#هێمن
@Xunyager 🌱

گۆڕاوم؟ بەڵێ ئەبێ پێی لێنێم
کە من گۆڕاوم
عەشقت وەک جاران تەئسیر ناکا تێم،
ئەی نووری چاوم!
《گۆران》

#گۆران
@Xunyager 🌱

من ناتوانم خۆشەویستی تۆ لە ڕق جیا بکەمەوە، خۆشەویستیەک نیە بە بێ ڕق، جارانیش نەبوە و لە داهاتوشدا نابێت، تا خۆشەویستیم قوڵتر و گەورەتر بێت، ڕقم گەورەتر دەبێت، لەبەر ئەوەی من مرۆڤێکی سادەم بەبێ درۆ، ڕقم لە هەر شتێکە بکەوێتە نێوان من و تۆوە... هەر شتێک بێت یا هەر کەسێک بێت...
《بەختیار عەلی》

#بەختیار_عەلی
@Xunyager 🌱

مستەفا دادار (کوردستان)

کوردستان ئەی نیشتمانم
هێزی دڵ، ئارامی گیانم

جێی سەربڵندی و شانازی
تا دڵ دەخوازێ دڵخوازی

گوڵی پشکوتووی بێ پاییز
سیس نابێ و ناوەری هەرگیز

مێشکم، هەستم، بیرم، ژینم
بۆ تۆن ئەی گیانی شیرینم

تا زیندووم هەر تۆی مەبەستم
خۆشم دەوێی دەتپەرەستم

بشمرم لەشی بە گڵ بوو
دەڕوێنێ چەند گوڵ و دڕوو

گوڵم بۆ دەستی دڵدارت
چقڵم بۆ چاوی بەدکارت

گیانیش دەفڕێتە عاسمانت
ئەوسا تێر دەکا سەیرانت
《هەژار(من و بولبول)》

#مستەفا_دادار
#هەژار
@Xunyager 🌱

وەک هەناسە لێم نزیکی
بەڵام دووری وێنەی ئاوات
《سیمین چایچی》

#سیمین_چایچی
@Xunyager 🌱

دەسا وەرە.. وەک دوو ڕووباری خاکێکی غەمگین...
با تێکەڵ بین
لە شەتاوی یەک هەوەسدا.. دەست لەملانێ..
هەردوو بمرین
هەردوو بژین
《شێرزادحەسەن》

#شێرزاد_حەسەن
@Xunyager 🌱

تا زیندووم هەر تۆی مەبەستم
خۆشم دەوێی دەتپەرەستم
بشمرم لەشی بە گڵ بوو
دەڕوێنێ چەند گوڵ و دڕوو
《هەژار/دەنگ: مستەفا دادار》

#هەژار
#مستەفا_دادار
@Xunyager 🌱

بۆ هەر لایێ ئەسپی خەیاڵ دەئاژۆم
هەر ڕوو لە تۆ دەکا دڵەی خەماژۆم
《جەلال مەلەکشا》

#جەلال_مەلەکشا
@Xunyager 🌱