🔹آی ساوالان
◾شعر مجموعه‌سی
🔺داور پناهی آذر
@davar_panahi_azar
گرافیست:  آتابای
@atabay_t
بیرینجی چاپ - ۱۴۰۳
رقعی - شومیز- تهران
ناشر: انتشارات ساوالان ایگیدلری
#ساوالان_ایگیدلری_انتشاراتی
@savalan_igidlary1

حؤرمتلی شاعیر «داور پناهی آذر» جنابلاری‌نین «آی ساوالان» شعر مجموعه‌سی «ساوالان ایگیدلری» انتشاراتی طرفیندن چاپدان چیخدی

گونشلی بیر پاییز گونو تهرانین ونک میدانیندا میرزاحسن رشدیه‌نین قیز نوه‌سیله بیر آنیم مراسیمی، آنا دیل قونوسو و بیر «اؤزل درگی بوراخیلیشی» و خانیم دوکتور رشدیه‌نین بو مراسیمده گلیب دانیشماغی اوچون قرار قویموشدوق. ترس اولاراق بوتون قرارلاریم کیمی من یاریم ساعات تئز چاتمیشدیم. کوچه باشیندا رحمتلیک اصغر فردی‌نی گؤردوم، بیر نئچه دقیقه دانیشدیق. رشدیه‌نین نوه‌سینین اولارین کوچه‌سینده اولماسیندان سئویندی، دئدی ایکینجی بیر قرار قویارسیز گؤروشریک. سونرالار بو گؤروشده کیمی گؤردویومو آقای فردی‌یه دئینده گؤزلریندن یاش چیرتلادی.
بیر فلسفه آراشدیریجیسی و بیر ژورنالیست امکداشیملا ائوین زنگینی چالیب ایچری کئچدیک. چوخ گؤزل قارشیلاندیق، رشدیه‌نین ال‌یازمالاری، کیتابلاری و بیر سیرا سندلری بیزه گؤستردیلر. نهایتا قرار اولدو خانیم رشدیه گلیب او مراسیمده رشدیه‌نین آنا دیل دوشونجه‌سی قونوسوندا دانیشیق آپارسین.
بیردن دیواردا آسلانان رمکه‌ده‌کی نقاشی‌یه  گؤزوم ساتاشدی. دیک قالخیب، گئدیب یاخیندان باخدیم. سانکی خانیم رشدیه‌یه، اونلارین ائوینده اجازه‌سیز دوروب او باشا گئدیب نقاشی‌یه باخماغیم چوخ عجیب گلمیشدی. آرخادان سسی گلیردی؛ قیزیم جئیران چکیب اونو، او بیریسین ده ریحان چکیب، ایکی قیزیمیز وار. دئدیم بیزیم دادستانین عکسی اولماغیندان تعجب ائله‌دیم. دئدی بلی قایناتام‌دی. بونو ائشیتجک ژورنالیست دوستوم باشینی ایکی اللی سیخدی. من ائوده کلینیکس آختاریردیم گؤزلریمی سیلمک اوچون. اینجه روحلو فیلسوف دوستوم بؤیوک بیر اوغور قازانان دیپلمات کیمی دهشت و سئوینج ایچینده مات قالمیشدی. دیلیم اسه‌-اسه دئدیم بیزله شوخلوغ ائدیرسیز خانیم رشدیه؟ بیردن جئیران دیللندی؛ مگه مامان من با شما شوخی داره!
دیواردان فریدون ابراهیمی‌نین بؤیوک نقاشی‌سی بیزه اینجه-اینجه گولومسه‌ییردی.
خانیم رشدیه ارینه زنگ ائتدی. -فرهاد جان دونن دانیشدیغیمیز او نئچه آذربایجانلی جاوانلار آتانین عکسین گؤروب آغلاشیرلار.
خارجی بیر هیئت‌له اوزاقدا اولدوغوندان گلیب بیزله گؤروشه بیلمه‌یه‌جه‌ییندن دانیشدیلار و بیز جسارتلی دادستانین بیریجیک یادگاری، فرهاد ابراهیمی‌نی گؤرمه‌ییمیزه اومیدسیزلشدیک.
دادستانین ال یازمالارینی و بیر سیرا الده ائدیلن بازجویی‌ ورقه‌لرینی و آذربایجان دانیشیر سیرا یازیلارین اصلی الیازما متنینی و میللی حؤکومت طرفیندن وئریلن داداستانلیق حؤکمونو و...  بیزه گؤستردی.

بیلمیرم نجور ائودن چیخدیق، نه‌لر اولدو.
سونرا رشدیه مراسیمی اوغورلا کئچیریلدی، درگی بوراخیلدی.
و سونرا بیز هله‌ ده فرهاد ابراهیمی ایله گؤروشه بیلمه‌میشیک...

درین سایقی‌ایله
#سعید_موغانلی

تهران ۲۹-۸-۱۴۰۳
فریدون ابراهیمی‌نین دوغوم گونو ایل دؤنومو

#یاشماق_سیرا_کیتابلاری

@yashmaq تلگرام
https://t.me/yashmaq
اینستاگرام
@yashmaq_book

(۱۴۰۳-جو ایلین آذربایجان شاعیرلر تقویمی)

تقویمی pdf اولاراق بوردا پایلاشدیق.
گؤیلو ایسته‌ین دوستلار ائندیریب شاعیرلرین پوسترلریندن فایدالانا بیلرلر و هابئله تقویمدن پرینت آلیب، ساخلایا بیلرلر.
ایشین گرافیست و دیزاینری باجاریقلی و دوشونجه‌لی امکداشیمیز سایین مهیار علی‌زاده آیخان جنابلاری‌دیر.
تقویمی نشر ائتدیلر: #آنا_وارلیق_درگیسی
#ساوالان_ایگیدلری_انتشاراتی
#یاشماق_سیرا_کیتابلاری