Tarix institutida 2025 yil 9 fevralda “Alisher Navoiy – buyuk tarixiy shaxs va davlat arbobi” ellararo yig‘ini bо‘lib о‘tdi. Yig‘in institut direktori, akademik Azamat Ziyoning buyuk mutafakkir va davlat arbobi Alisher Navoiyning о‘zbek xalqi va davlatchiligi tarixida tutgan о‘rni, ilmiy merosi haqidagi chiqishlari bilan boshlandi.
Ellararo yig‘inda institut ilmiy kotibi Odiljon Zaripov “Alisher Navoiyning siyosiy faoliyati”, Evro akademiyasi direktori, professor Yusuf Chetinbog‘ “Alisher Navoiyning usmoniy hukmdorlarga ta’siri”, institut katta ilmiy xodimi Nizomiddin Gulboyev “Alisher Navoiy asarlarida harbiy atamalar”, institut kichik ilmiy xodimi Elyor Turdimirzayev “Alisher Navoiy – mohir tarixchi”, institut kichik ilmiy xodimi Islom Bо‘riyev “Alisher Navoiyning astronomiyaga oid qarashlari” va siyosiy fanlar doktori Fazliddin Ravshanov “Alisher Navoiyning ijtimoiy – siyosiy qarashlari” ma’ruzalari bilan qatnashdilar.
Yig‘in sо‘nggida ma’ruzalar bо‘yicha fikr almashuvlar va savol-javoblar bо‘lib о‘tdi. Alisher Navoiyning о‘zbek davlatchiligi tarixi, sо‘nggi temuriylar siyosiy turmushida tutgan о‘rni, davlat arbobilik faoliyatini birlamchi manbalar negizida haqqoniy о‘rganish kerakligi uqdirib о‘tildi.

O‘zbekiston Respublikasi Prezidentining Farmoni

O‘zbekiston Respublikasi Konstitutsiyasining 92-moddasiga hamda O‘zbekiston Respublikasi Saylov kodeksining 75-moddasiga muvofiq O‘zbekiston Respublikasi Prezidenti Shavkat Mirziyoyev "O‘zbekiston Respublikasi Oliy Majlisi Senati a'zolarini tayinlash to‘g‘risida"gi Farmonni imzoladi. Farmonga binoan Tarix instituti direktori, akademik Azamat Ziyo O‘zbekiston Respublikasi Oliy Majlisi Senati a'zosi etib tayinlandi.

Prezidentimiz tomonidan ilm-fanga va olimlarga bildirilayotgan yuksak ishonch va eʼtibor namunasi sifatida Tarix instituti jamoasi nomidan institut direktori, akademik Azamat Ziyoni chin yurakdan tabriklaymiz!

https://t.me/tarixchivijdoni