ရှေ့တန်းပြန် PDF တွေကို ဒေသခံတွေက အောင်သပြေပန်းတွေ စားစရာတွေနဲ့ ကြိုဆို (ရုပ်/သံ)

စစ်ကိုင်း ၊ စက်တင်ဘာ ၈ ၊ ၂၀၂၄

မကွေးတိုင်း၊ ပခုက္ကူမြို့နယ်၊ သာကြီးတောင်ရဲကင်းစခန်းသိမ်း တိုက်ပွဲကနေပြန်လာတဲ့ Freedom Revolution Force တပ်ဖွဲ့ဝင်တွေကို စစ်ကိုင်းတိုင်းထဲက ရွာတရွာကပြည်သူတွေက စက်တင်ဘာ ၆ ရက်နေ့ ညနေပိုင်းကကြိုဆိုခဲ့ကြပါတယ်။

သာကြီးတောင်ရဲကင်းစခန်းကို သြဂုတ်၂၀ ရက်မှာ တိုက်ခိုက်သိမ်းပိုက်ခဲ့ပြီးနောက် ပြန်လာကြတဲ့ FRF ရဲဘော် တွေကို အပြန်လမ်းမှာရှိတဲ့ပြည်သူလူထုကခုလို ကြိုဆိုခဲ့တာလို့ FRF တာဝန်ခံက ပြောပါတယ်။

ရဲဘော်တွေကိုကြိုဆိုရာမှာ ဒေသခံပြည်သူတွေက သပြေပန်းတွေ၊ စားစရာတွေနဲ့ ကြိုဆိုဧည့်ခံနေတာကို FRF ရဲ့ရုပ်သံဖိုင်မှာ တွေ့ရပါတယ်။

Freedom Revolution Force ဟာ စစ်ကိုင်းတိုင်းရွှေဘိုခရိုင်တဝိုက်နဲ့ မကွေးတိုင်းထဲက မြို့နယ်တချို့မှာ စစ်ရေးလှုပ်ရှားနေတဲ့ အဖွဲ့တခုလည်းဖြစ်ပါတယ်။

သတင်း - အောင်ကောင်းလင်း၊ တည်းဖြတ် - HP

#မြေလတ်အသံ
#မကွေး #ပခုက္ကူ #ရှေ့တန်းပြန် #ကြိုဆို #short #reels

https://www.youtube.com/shorts/2DayQKiIccE?feature=share

YouTube

ရှေ့တန်းပြန် PDF တွေကို ဒေသခံတွေက အောင်သပြေပန်းတွေ စားစရာတွေနဲ့ ကြိုဆို

ရှေ့တန်းပြန် PDF တွေကို ဒေသခံတွေက အောင်သပြေပန်းတွေ စားစရာတွေနဲ့ ကြိုဆိုစစ်ကိုင်း ၊ စက်တင်ဘာ ၈ ၊ ၂၀၂၄မကွေးတိုင်း၊ ပခုက္ကူမြို့နယ်၊ သာကြီးတောင်ရဲကင်းစခန်းသိမ်း...

ကျောက်ရစ်ရဲစခန်း ၄ ရက်တာတိုက်ပွဲမှာ စစ်ကောင်စီဘက်က ၅ ဦးနဲ့ PDF ၁ ဦးသေဆုံး (ရုပ်/သံ)

မြောင်၊ စက်တင်ဘာ ၈၊ ၂၀၂၄။

စစ်ကိုင်းတိုင်း၊ မြောင်မြို့နယ်၊ ကျောက်ရစ်ရဲစခန်း ၄ ရက်တာတိုက်ပွဲမှာ စစ်ကောင်စီဘက်က ၅ ဦးသေဆုံးသလို PDF ၁ ဦးလည်း သေဆုံးခဲ့တယ်လို့ Royal Brother Defence Force - RBDF အဖွဲ့ဆီက သိရပါတယ်။

ရဲနဲ့စစ်သား အင်အား ၁၃၀ ခန့်နဲ့ တပ်စွဲထားတဲ့ ကျောက်ရစ်ရဲစခန်းကို စက်တင်ဘာ ၂ ရက်ကနေ ၅ ရက်အထိ ၄ ရက်တာ တိုက်ခိုက်ခဲ့ရပြီး စစ်ကောင်စီက Mi 35 နဲ့ ပစ်ကူပေးခဲ့ရတယ်လို့ RBDF တပ်ဖွဲ့တာဝန်ခံ ကိုရဲကြီးက ပြောပါတယ်။

ဒါ့အပြင် စစ်ကူပေးဖို့အတွက် ရေစကြိုမြို့နယ်ဘက်ကနေ ချင်းတွင်းမြစ်တလျှောက် စက်လှေ ၅ စီးနဲ့ လာတဲ့ စစ်ကြောင်းကို မဟာမိတ်တပ်ဖွဲ့ဝင်တွေက ကြားဖြတ်တိုက်ခိုက်တဲ့အတွက် ပြန်ဆုတ်သွားတယ်လို့ ဆိုပါတယ်။

တိုက်ပွဲ ၄ ရက်မြောက်နေ့ စက်တင်ဘာ ၅ ရက် ညနေပိုင်းမှာတော့ စစ်ကောင်စီက အင်အားထပ်မံဖြည့်တင်းပြီး ကုန်းကြောင်းစစ်ကူ၊ ရေကြောင်းစစ်ကူအပြင် လေ​ယာဥ်ပစ်ကူတွေနဲ့ပါ အင်အားသုံးတိုက်ခိုက်ခဲ့တဲ့အတွက် စခန်းကိုမရရှိဘဲ ပြန်လည်ဆုတ်ခွာခဲ့ရတယ်လို့ ဆိုပါတယ်။

အဲ့ဒီ ၄ ရက်တာ ကျောက်ရစ်ရဲစခန်းတိုက်ပွဲမှာ စစ်ကောင်စီဘက်က စစ်သား ၅ ဦးနဲ့ PDF ရဲဘော် ၁ ဦးသေဆုံးပြီး တပ်ဖွဲ့ဝင် ၂၁ ဦးကျော် ထိခိုက်ဒဏ်ရာရခဲ့တယ်လို့ ဆိုပါတယ်။

အဲ့ဒီတိုက်ပွဲကို မြင်းခြံခရိုင် အမှတ် ၁ တပ် ရင်း၊ အမှတ် ၃ တပ် ရင်း၊ မြင်းခြံခရိုင် Drone တပ်ဖွဲ့၊ အာဘန် Drone တပ်ဖွဲ့ ၊ ကျေးရွာတပ်ပေါင်းစု မြောင်၊ စစ်ကိုင်းခရိုင် အမှတ် ၄ တပ် ရင်း MSPDF ၊ မြင်းခြံမြို့ နယ် ပကဖ၊ ဗိုလ်စကြာနဲ့မဟာမိတ်အဖွဲ့များ၊ Royal Brother Defence Force RBDF တပ်ဖွဲ့တို့ ပူးပေါင်းတိုက်ခိုက်ခဲ့တာလို့ သိရပါတယ်။

သတင်း - စောကျော်ငြိမ်း၊ တည်းဖြတ် - HP

#မြေလတ်အသံ
#စစ်ကိုင်း #မြောင် #ကျောက်ရစ်ရဲစခန်း #တိုက်ပွဲ

https://youtu.be/fKvOgw3e3Yc

YouTube

ကျောက်ရစ်ရဲစခန်း ၄ ရက်တာတိုက်ပွဲမှာ စစ်ကောင်စီဘက်က ၅ ဦးနဲ့ PDF ၁ ဦးသေဆုံး

ကျောက်ရစ်ရဲစခန်း ၄ ရက်တာတိုက်ပွဲမှာ စစ်ကောင်စီဘက်က ၅ ဦးနဲ့ PDF ၁ ဦးသေဆုံး မြောင်၊ စက်တင်ဘာ ၈၊ ၂၀၂၄။ စစ်ကိုင်းတိုင်း၊ မြောင်မြို့နယ်၊ ကျောက်ရစ်ရဲစခန်း ၄ ရက်တာတိုက်ပွဲမှာ စစ်ကောင်စီဘက်က ၅ ဦးသေဆုံးသလို PDF ၁ ဦးလည်း သေဆုံးခဲ့တယ်လို့ Royal Brother Defence Force…

မင်းတုန်းမှာ အမျိုးသမီးတွေအပါအဝင် ပြည်သူ ၃၀ နီးပါး ပေါ်တာဆွဲခံရ

မင်းတုန်း၊ ဇွန် ၅၊ ၂၀၂၄။

မကွေးတိုင်း၊ မင်းတုန်းမြို့ပေါ်နဲ့ ကျေးရွာတချို့မှာ စစ်ကောင်စီက ပြည်သူတွေကို အတင်းအဓမ္မဖမ်းဆီးကာ ပေါ်တာဆွဲနေတယ်လို့ ဒေသခံတွေဆီက သိရပါတယ်။

ဇွန် ၄ ရက် မနေ့ မနက် ၈ နာရီဝန်းကျင်ကစပြီး ပုသိမ်-မုံရွာလမ်းမပေါ်မှာရှိတဲ့ မင်းတုန်း ၅ မိုင်ဂိတ်၊ အမှတ်၁ ရပ်ကွက်၊ အမှတ်၂ ရပ်ကွက်၊ မဲဇလီရွာ၊ အင်းလည်ကုန်း၊ တောင်မြင့်စတဲ့ ရွာတွေမှာ မတရား ဖမ်းဆီးမှုတွေ လုပ်နေတာဖြစ်တယ်လို့ ဆိုပါတယ်။

“ဂိတ်တွေကနေလည်း စောင့်ဖမ်းတယ်၊ ရွာတွေထဲ ဝင်ဖမ်းတာတွေလည်း ရှိတယ်၊ သူတို့ဆွဲတဲ့ချိန် ရွာသူရွာသားတွေက ပုန်းရှောင်နေရတဲ့အဆင့်ထိ ရောက်တယ်၊ ပေါ်တာဆွဲတဲ့အနေထားက တော်တော်ဆိုးပါတယ်၊ မြို့ပေါ် ရပ်ကွက်က အယောက် ၃၀ လောက်ပါတယ်၊ အမျိုးသမီးတွေကိုပါ ဆွဲတာ။” လို့ မင်းတုန်းဒေသခံ အမျိုးသားတဦးက ပြောပါတယ်။

သတင်းအပြည့်အစုံ - https://www.myaelattathan.org/articles/မင်းတုန်းမှာ_အမျိုးသမီးတွေအပါအဝင်_ပြည်သူ၃၀နီးပါးပေါ်တာဆွဲခံရ