لا والله ...قالت اي والله سحبتني من يدي قمت مشيت و انا بنقنق وصلنا الصيدلية و في مقعد قدام الباب ...طوالي قعدت ...ضحكت امي و قالت ...اصبري لي انتي بس ...قلت ليها ..من محلي م زاحة ...قالت لي قصدي دي البداية لحد م تلدي امشيك لمن تقولي بس ...قلت ليها ...خلي القى سرير و ارقد فيهو ...الا تقلعيني ...ضحكت و دخلت جوا...قلت اشرب موية فتحت شنطتي عشان اطلع الزمزمية الشنطة وقعت ...فضلت اعاين ليها مسااافة وانا بتنهد بضيق ...انا م بقدر انزل اشيلها و بطني كبيرة ...صريت وشي ولزيتها برجلي...لقيت حامد واقف قدامي و مربع يدينو ...لمن اتخلعت قلت ليهو ...بسم الله الرحمن الرحيم...انت جاي من وين ...ابتسم و قال لي ...كنت ماشي المستشفى و لاني اتأخرت اتوقعت م القاكم ...و صدفة لمحتك قاعدة جاي ف جيت ...قعد على رجولو و رفع الشنطة و هو بضحك و قال ...يعني زعلتي من الشنطة عشان انتي وقعتيها...ضحكت و قلت ليهو ...انت م شفتني في البيت ...اي حاجة تقع احمر ليها و ازعل و امشي اخليها مرمية ...وقف على حيلو و اداني الموية و قال ...دخلتي في الشهور الكبيرة عشان كدا ...ابتسمت و قلت ليهو ...اي فعلا ...قال لي ..الدكتورة قالت شنو ...قلت ليهو ...ماف شي اموري تمام...أمي طلعت و سمعتني و قالت ...م تمام ...تغذيتها ضعيفة و جسمها ضعيف و كل شهر الحال في حالو و احتمال تلدي قيصرية ولا يمكن تلد في السابع ...عاين لي بصرة وش و قال ...سااارة ...قلت ليهو ...و لو قلت ليك ح تعم...سكت و انا حاسة بوجع في بطني ...ختيت يدي و انا بمسك يد امي و بقول بوجع...بطني...قالت لي بطنك مالا ...قلت ليها م قادرة بتوجعني شديد ...حامد سندني و قال ...نرجع المستشفى سرعة.....سرعة جاب اتوس و رجع...ركبت و انا ماسكة امي و ببكي ...م كان بعيد المستشفى ...بعد ١٥ دقيقة من الألم..طلعت مجرد تقلصات ...كنت راقدة في السرير و حاسة روحي اتهردت حامد واقف بتكلم مع الدكتورة و امي قاعدة تطبطب علي و قالت ...شوفتي عدم اهتمامك ب الاكل و التغذية عمل شنو ...قلت ليها والله باكل ي امي بس محل بمش م بعرف ...قالت لي ...انتي مفروض تاكلي حق تلاتة أشخاص و البتاكلي دا ليك م بكفي خلي ليهم ...حامد جا وقف و ربع يدو و قال ...والله ي حجة سارة دي انا ح اسوقها معاي و لو فيها موتي....قلت ليهو تسوق منو و وين ...قال لي ...بيتنا ي سارة بيتنا ..انتي و معليش على كلامي دايرة زول صعب يقيف فوق راسك الناشف دا ...معليش ي حجة بس ب الطريقة ح نخسر سارة و العيال ...و هي مهملة و م قادرة تهتم بيها و عشان انتو مشغولين هي مستغلة الحتة دي و م مهتمة بنفسها ...قلت ليهو و هناك انت ح تخت بالك علي يعني ...قال لي ...في رماز و الحريم م ح يخلوك .... قلت ليهو ...و القال ليك انا ح امشي منو ...قال لي ..و هو السألك منو ...
مسا مسا😌💁‍♀️

#حرمة_حامد2
[1]
#بقلمي_نسمة_عبدالله 🌼
وانا داخلة على القاعة و لسه بفكر في موضوع الطلاق دا و ماشة ب خطوات بطيئة قعدت في البنش و انا متوترة شديد ..المحاضرة مفروض تبدأ ٩ و اسي الساعة ٩ و نص ...جات بنوتة جميلة لابسة بدلة و شايلة كيس ...ضربت الباب و دخلت ...كنت قايلاها الدكتورة ولا حاجة و قلت معقول الدكاترة يكونو صغار كدا ...سلمت علينا و قالت ...فرح احمد آدم..موجودة هنا ...رفعت وحدة من البنات يدها و قالت ...نعم ...نزلت من المنصة و جات عليها كانت قاعدة في البنش الرابع من الاتجاه التاني ...ناولتها الكيس و قالت ...مع تمنياتنا ليك ب مرحلة دراسية جديدة موفقة .... شكرتها و البت مشت ...و اتعرفنا على اول بت في دفعتي ..شكلها من الناس المرطبين ديك ...لابسة عباية بيضا منقوشة ب الدهبي ...رجعت عاينت ل تلفوني بملل و الزمن فات و الدكتورة م جات ف الناس بدت تطلع ...طلعت وانا بتلفت اشوف حتة اكل فيها ..و ناس من دفعتي اتعرفو على بعض ...مشيت حتة بعيدة طلعت فطوري و اكلت ...و قعدت أعاين للناس ماشين و جاين ...عدا اول يوم عادي رجعت البيت تعبانة و رجلى مورمة ... و وجع ضهر فظيع ....دخلت البيت القى حامد و رماز في وشي و معاهم ريتال على م اعتقد م بفرز بينها و بين رهام ...رماز ابتسمت و قالت ....جبيل جينا و مستنين جيتك ...سلمت عليها هي و رهام و قلت ...اول يوم جامعة و كان مسيخ ...ضحكت و قالت ...يلا بكرة تتعودي ...أمي جات قالت ليهم ...البت حامل و نفسها قايم ولا م شايفين ...زحو كدا ...حامد مسك يدي و ب اليد التانية حاوط كتفي و قال ...قلت ليك اجلى الفكرة لحد م تلدي عشان م تتعبي ...جريت يدي و قلت ليهو ..و بالمرة تقول لي اجلي الفكرة العيال يكبرو شوية ...لا معليش ...قعدت لقيتو ك العادة جايب فواكه و خدار و لحم و لبن ...في البداية كنت برفض و هو كان بختهم و بمشي ي ختاهم قدام الباب ...ي اما يخلي رماز تدخل المطبخ و تدخلهم ...ف خليتو...شربت موية و اتسطحت على ضهري و انا بغمض عيوني ...حامد قال لي ...ساااارة ...قلت ليهو ...امممم ...قال لي خليني اجيب ليك ترحيل على الاقل يوديك و يجيبك...قلت ليهو م عايزة شكرا ...قال لي يمة بتسلم عليك ...قلت ليهو الله يسلمها ...قال لي ...م عايزة ترجعي ...قلت ليهو ..وين ...قال لي م تتعابطي ليك سبعة شهور من طلعتي من البيت ...قلت ليهو ...و م ناوية ارجع زاتو ...سكت مني ....من التعب شالتني نومة ...صحتني امي ل صلاة المغرب قمت صليت و اكلت و سحر بتعمل الجبنة..وانا مدخلة رجولي في موية دافية قلت ل امي ...الليلة في وحدة معاي في القاعة جابو ليها هدية و كان شفتي البت الجابت الهدية ي يمة سماحة تلخم ...لابسة البدلة دي كيف اتخيلت فوقها روب المحامين و انا لابسة ...سحر قالت لي ...يعني ح تبقي محامية ...هزيت راسي و قلت ليها ...إن شاءالله...امي قالت لي ...ركزي في قرايتك بس ..قلت ليها ..حاااضر ....تاني يوم م كان عندي جامعة شغالة تلاتة ايام في الأسبوع بس ...و عندي مقابلة ..اتجهزنا و طلعت انا و امي ...كنت واثقة اني ح الاقي حامد هناك لانو م بفوت لي مقابلة ...بس م لقيتو ...كالعادة الدكتورة حذرتني و قالت لي وضعك دا م كويس لازم تهتمي بصحتك شوية ...لانو كدا يمكن نضطر نولدك قيصرية ..او كمان بتلدي في السابع ... طلعنا انا و امي و هي بتقول ... صح كلامها انتي مهملة شديدة و م عارفة اعمل معاك شنو ...م رديت عليها لانو كنت بسأل نفسي حامد م جا ل شنو ...وصلنا باب المستشفى امي وقفت و قالت لي ...تلفوني م لاقية...قلت ليها ..نسيتي وين ...قالت لي ..اااا ..قلت ليها ..نسيتييي وييين ..قالت لي ..م عارفة والله ...كدا اتصلي علي...اتصلت و رنة لحد م فصل ...تاني رجعت فيهو جاني صوت شاب ...سلمت عليهو و قلت ليهو دا تلفون امي و وقع منها ...قال لي لقيتو في الممر حق المستشفى قلت ليهو ...اي اسي نحن طالعين و فقدنا ...قال لي ... طيب وين انتو اجيبو ليكم ...قلت ليهو ...جمب بوابة المستشفى..قال لي طيب انا في الطريق ...فصلت الخط قلت ليها ...أمي م قادرة اقيف ...قالت لي. م هي م قادرة اقيف حقتك دي متعباك...المفروض تتمشي شوية ..لكن هنا و الباب تقول روحك دار تمرق ...ضحكت و قلت ليها ...طيب اسي قعديني موضوع المشي دا نتكلم فيهو بعدين ...كان في مقعد جنب باب المستشفى قعدنا فيهو ...خمسة دقيقة و جا واحد طويل و ضعيف كدا لابسه نضارة ...سلم علينا و قال ...انتو أصحاب التلفون صح ...قلت ليهو ..اي نحن ...طلعو و ادانا ليهو ...أمي قالت ليهو ...يديك العافية ي ولدي. ابتسم وقال ..تسلمي ي خالة ...يلا سلام ...مشى ب جاي امي قالت لي...ارح الصيدلية نشتري الأدوية و منها نرجع...قلت ليها ...والله ي امي انا م ح امشي للصيدلية ...انتي امشي و انا بستنى هنا...قالت لي..ح تتمشي يعني ح تتمشي ..قلت ليها ..

...صحتها اتصلحت حتى وشها بقى مضوي ...و حتى انت ي ابوي و الحمدلله ...و شوف من انا جيت حصل شنو...قال لي ...سارة ...قلت ليهو ...طيب ي ابوي ...انا ح ارجع و عامله خطة كويسة ...ح ارجع عشان اهتم ب ولدي و ولادتي ...و عايزة اكمل تعليمي لانو ماف وظيفة كويسة لي و كمان م متعلمة لي هواية كدا تسندني...حامد دا ح ارجع ليهو قروشو كلها بعد اتخرج و اشتغل وظيفة كويسة ...ابوي قال لي ...لا لا لو عايزة تقري انا بقريك ..م تخافي لكن م تضغطي على نفسك و تعيشي مغصوبة مع راجل زي دي ...عيوني دمعو لانو ابوي حنين شديد و دايما بفكر ب مصلحتنا ب الاول ...ابتسمت ليهو و هو ابتسم و قال لي ...و انتي م دام عايزة تكملي قرايتك ليه م كلمتيني...قلت ليهو ...م هو ...قاطعني و قال ...خلاص خلاص شوفي متين الجامعة تفتح و التسجيل يبدأ و شوفي الرغبة العايزة تدخليها ...قلت ليهو ...بس ي ابوي ...قال لي ...م تشيلي هم المصاريف ربنا كريم ...ابتسمت و انا بحضنو بفرحة....

بعد ثلاثة أشهر..
عتبت باب الجامعة ب ابتسامة ح ادرس قانون ...اصلا حسيت نفسي مناسبة فيهو.... و اتخصص في قضايا زي حقتي الأنا فيها دي ...حامد م راضي يطلق و المحكمة م شايفة سبب مقنع يخليني اطلق و خصوصا انو في طفل جاي في الطريق وانا م مقتدرة ماديا اوفر ليهو وسائل الراحة و زيادة على دا ربا و سمية و يمة و رماز شهدو على انو حامد شاريني يعني ...فكل مرة القضية تتأجل ولا تتعلق و كل مرة يقولو لي فكري ...و لسه م أطلقت ...حاليا انا فاضل لي اسبوعين و ادخل السابع ...حامل ب ولد و بت ....مصاريف الجامعة الرسوم دفعتها من ديوان الزكاة و المصاريف ابوي متكفل فيها ...و بختها لي قبل اسأل ...يقول لي ...دي للجامعة عشان لو يوم احتجتي وانا م معاي ...وضعنا الحمدلله احسن من الشهور الفاتت ..أما عن حامد في نهاية كل أسبوع بجينا مرة مع ربا مرة مع سمية مرة هو و العيال مرة هو و يمة ...حتى اخوهو لمن نزل السودان جابو بيتنا ...م عارفة هو متمسك بي قدر دا لشنو بس البعرفو انا م عايزه .... أما عن بسمة و سجود شالو منهم الاولاد وعايشين حياتهم ...بدور م بعرف عنها شي و اذا تابت او لا ...بداية جديدة..حياة جديدة ...مرات بجيني احساس بقول انتي م ح تطلقي نهائيا م بعرف هل أصدق ولا اكذب الاحساس دا ...تمت و الحمدلله ❤️💁‍♀️😂
كل زول يديني رأيو و النقاط العجبتكم و الما عجبتكم برضو ..و نتلاقى في روايات وخربشات قادمة❤️🫂
ألـنـهـــــــأيــــــــــــTHE END🔚*🔚ـــــــــــــــﻬـﮧ'ةTHE END
كـــــــــــــــــــــــــــــل الـــــــــــــــــــــــــــــود🌹🌹*

وماوقفن من الزغاريت ، شيء عجيب ، ورهيب ، و بدأ الجرتق و هدى عربي ما قصرت بذات الإبتسامة الجميلة والرقصة المشهورة بيها ..
إفتتحت غناها ب:-

حلوين هديل شايلين معانا الريد ازاهر و سوسنا ...
شوفو العيون دايبات غرام دايبات حنان دايبات منى ...
ي حبيب هي الريدة ايه لو ما كده..
أيام عمرنا نعيشها جنة مفرهدا...
انا و الحبيب زي الورود حافيها الندى...
ياا هوااء خليني جنب هذا الحبيب اللي صار أقرب قريب..
م اخترت غيرو يكون سمح دايما معاي دايما دايما سوا...
ي دنيا ده الريد والغرااام....

بت دخرينا حتتو معاها حت قرض ، وجرتقنا تم بفرحة كبيرة ، وبتلك الصورة الجميلة ، والنفوس كانت منشرحة ، الناس إنبسطت وهججت ، ورفقاء بت الدخري عاشوا أحلى أيام عمرهن ، رفهن وإنطربن ، فرفشن ، وإنتعشن ، وبت الدخري مسكتن بعد نهاية الحفلة واحدة واحدة عافتن ، ودموع فرحتها ملت أكتافهن ، طلبت منهن العفو والسماح للسانها السليط معاهن ، وعلى أي تعامل شين حصل منها إنها كانت مابتقصد ، وأنحنا كمان كمتابعين فرفشنا معاهم وعشنا أيامنا مع بت الدخري تلك المرأة التى تحمل فى قلبها الطيبة و العفوية والنية الصافية والسليمة ، وزي ما بقولوا الفى قلبها على لسانها ....

كانت أيام جميلة ضحكنا فيها مع سامية (بت الدخري ) ، وصلت رسائل غير مباشرة للناس ، وناقشت بعض القضايا وعالجتها ، بفرح سامح ختمنا جمال تلك النفوس الطيبة ، و العيشة الهنية فى الحلة ، والريف وحياتها البسيطة ، وبت دخرينا جملت أيامنا زرعت جوانا البسمة فى زمنا الصعب ..

كنتم معى عبر هذه السلسلة ، المترابطة من قصة بت دخري الزين ، بعض الأخطاء تلازمني ، وكثير من الكلمات قد تكون جرحت بعض الأشخاص ومست قلوبهم ، وهى غير مقصودة منى ، كان هدفى ترفيها وترويحآ للنفس ، ومناقشة بعض القضايا بطريقة درامية ، طالبآ الآن منكم السماح والعفو إن أخطأت فى حق أحد ...

وفى الختام تقبلوا تحياتى وإحترامي ..
كل الود
حسن مامون خضر

_خلاص بطلى الكلام وجيبي يدك ..
بت الدخري البشرى نزلها وإنتظروا سامح وسحر قدام باب الصالة ، سامح نزل من العربية وفتح لسحر الباب وسحر كانت أية من الجمال ، البشرى وبت الدخري قربوا من ولدهم وسامح قبل رأسهم ويدينهم ، بت الدخري وقفتو ركبت ليهو هلال الدهب فى جيب البدلة ، وكبت ليهو فى جيبو كمون من العين ، وسامح بعدها مسك سحر من يدها وبهناك ليهم كانن صاحبات سحر ومن خلفهم الأمهات سارة وسامية والأبهات البشرى ومحمد ودخلوا الصالة والزفة إشتغلت ..
هنا بت الدخري دمعاتها جرن وحست بطعم السعادة ، وزفت ولدها بدموع الفرحة ، لحدى مالبشرى سكتها وإحتواها ، كانت لحظات مليانة بالمشاعر الفياضة والعواطف الجياشة ، لحظات عنوانها الفرح ، ولمة الناس حوالين بت الدخري زادت الموقف بهجة وسرور ، دخلوا مع الزفات الجميلة ، والعريس اصحابوا إتلموا فيهو شالوه على الأكتاف ، والصالة عجت بالزغاريد والرقيص والابتسامات الجميلة الطالعة من جوه الجوف ، واحد من أصحاب العريس مشى على الفنان وهمس ليهو فى أضانو قال ليهو :
يا أستاذ بالله عليك غنية سيرة كاااااربة شايف أعمامنا ديلك خليهم يعبروا عن مشاعرهم حبة ، غناء الشباب دا ماراكب ليهم فى رأسهم ، ومن حقهم يبتهجوا معانا وزينا ، هم أبهاتنا وأعمامنا ..
_ حاضر يا أخوي ، وليك منى الغنية الجاية دى حقتهم ، وإن شاء الله ينبسطوا ..
_تشكر يا أستاذ..

الفنان ذو الصوت الشجي ، فنان الشباب الصاعد يحمل حنجرة ذهبية كان من إختيار أصدقاء سامح فى الخرطوم ، مسك المايك وقبل على المتواجدين فى الصالة وقال ليهم:
ياجماعة الغنية الجاية دي مهداء لأعمامنا الكبار ديل ، وظهرت إبتسامات رضاء من البشرى وحاج محمد وجماعتهم ، والشباب فضوا الساحة ، وإفتتح العازف عزفه بدقة السيرة المعهودة ، التى حركت شجون ناس حاج البشرى وحاج محمد ، وتلقائيآ رفعوا عكاكيزهم وقرجهم للعرضة السودانية الجميلة دلالة فرح وعز ، والفنان دخل طوالي في الغنية البتقول :
يسلم لي خال فاطنة ..... بلالى البدرج العاطلة
أب كريق في اللجج ... سدر حبس الفجج
عاشميق حبل الوجج ..... أنا ابوى مقلام الحجج
يا خريف الرتوع ....... أب شقة قمر السبوع
فوح بيتو بسند الجوع ..... يا قشاش الدموع

الغنية دى حركت مشاعر اعمامنا ورجعتهم لزمن الشباب ، عرضوا عرض جد ، والعريس فى اللحظة دى صاحبو هشام معروف فى الحلة بالضكرنة والجوعلة ، أداهو السوط وركز ليهو ركزة أسد في نص الصالة ، وإنجلد لما ضهرو كب الدم والسوط ظهر فى جسمو ، والنسوان تزغرت ، والحماس زاد ، ودخلوا كمية من الشباب دائرة الجلد إلا عمر وعادل كانوا خالطين ليهم إتنين من بنات الخرطوم ما فاضيين للجلد ده ، جاتهم الرضية قاطعة بجنبهم قالت ليهم :
الناس راكزة جوه ، أركزوا إنتو البره تكسرو في التلج ، راقدين دكوة ، يا حليل الجوعلة ..
عادل قال لعمر :
غايتو حلة كلها بتاعين تشغيلات ، اعمل رايح بس كأنك ما شايفهم ..
عملوا غمرانين وإستغلوا إنشغال بت الدخري بفرحة ولدها والسوط اللافي في نص الصالة ، ماف زول ركز معاهم ، أهل العروس كانوا متابعين الناس بتنجلد ، ختوا يدينهم فى قلبهم ، شغل زي دا ماشافوا إلا فى الأفلام ، النسوان شغالات سجمنا سجمنا ، لا كتلو ، والاولاد مندهشين من تلك الرجولة لاولاد الحلة ، ولحدى ما الغنية إنتهت السوط كان مدور وبعديها الفاصل إنتهى ، نبهوا الحاضرين للجرتق وفي اللحظات دي سامح مسك يد سحر و مشوا يقطعوا من التورتة والفرحة ملت المكان ، والمضيفين جابوا العشاء بالكوكتيلات ومعاه البارد والحلويات، بت الدخري و صحباتها اكلوا و شربوا لما شبعوا ، وبفرحة بت الدخري قالت ليهن بلسانها غير المعهودة بيهو :
أها يا نسوان رايكن شنو إن شاء الله الوضع عجبكن و انبسطن؟
والأكل إن شاءالله كفاكن إنتن ووليداتكن؟
ماف واحدة فيكن لما نرجع الحلة تكشف حالي ...
فطينه قالت ليها :
مافي كلام ، وعرس سامح تمااام ، بالعديل والزين وربنا يسعدهم ، وبت دخرينا رفعت راسنا ..

_إن شااااااااء الله يا فطينة نردها ليك في الأفراح وعرس بتك ، وهسى دايرين لينا واحدة غنااية تعمل لينا الجرتق دا ، بثينة جات من بعيد لافحة ليها شمار جات تطاقش وتتجارى قالت ليهم :
يابت الدخري والله سماع أضاني وشوفة عيني دى ، سمعت أهل العروس قالوا الفنانة جاهزة للجرتق ، وإسمها هدى عربي البت البتجي في التلفزيون حق ناس ثريا ، وهسي العروس مشت تلبس التوب السوداني عاد يا بتو م قصرتي نورتي لينا عيونا ، وحاليآ ولدك سامح منتظرك بهناك عشان تلبسيهو وتكبي ليهو الضريرة وتكونى جنبو..

_اااي ماشة عليهو ، بت الدخري مشت لولدها جري ربطت ليهو الحريرة وكبت ليهو الضريرة ، ولبستو الهلالات والوشاحات ،وباستو بحب الأم النابع من صميم القلب ، وسلمتو سحر فى يدو ، شوية كده والصالة كلها ضلمت ما عدا محل الجرتق ، و سامح و سحر جوا لابسين اللبس البلدي و صاحبات العروس جن شايلات صينية الجرتق ، و البخور دخانو فووق ، والنسوان المع بت الدخري منبهرات ، ومندهشات

بت دخري الزين ?
الحلقة ال 12 والأخيرة
بقلمى:- حسن مامون خضر

___
بت الدخري و أهلها و صحباتها وجيرانها ركبوا البص الأول ، أم دفسيبا ، وملنوا بالاغاني والهجيج ، والفرحة بقولوا لما تدخل قلبك بتقفل أبواب الحزن ، وإن شاء الله الحزن مايعتب على أبوابكم ، بثينة مسكت الدلوكة ومعاها ذات الصوت الشجي فنانة الحلة الشابة المعروفة ، نادية السني ، صوتها سنين وفيهو تطريب بثينة سخنت الدلوكة والشيالات ناس فطينة وثريا والرضية صفقاتن تعانق عنان السماء ، قالت كده نادية السني فتحت صوتها ومعاها الشيالات :

يا الجيناكم ، ارح ارح ارح ، و شلنا سحر وحيرناكم ، ارح ارح ارح..
ويا الجيتونا ارح ارح ارح و شلتو سامح ، وحيرتونا ارح ارح ارح ..
بتو متكيفة ومبسوطة تزغرت ليهن بقدر ما ربنا أداها من صوت وشغالة فيهن رفع معنويات شديدة وكل ما يبردن تكورك ليهن :
يلا اها يلا ها فوق فوق فوق الصفقة مالا تعبانة..
يلا يا نسوان هججن لعرس ولدي الوحيد يا الطاعمات يا الظريفات ، أملن الخرطوم بالفرح ، والكل يعرف بالعرس دا ..
الدلوكة مدورة والزغاريت فوق ، وسيد البص النسوان جوه مكيفاتنو ، وبوريهو أصلو ماوقف ، خاجيها معاهم خج شديد ، شايلاه الهاشمية سواقة بمزاااج ، ما زي البص التاني الفيهو اهل العروس وبعيدآ عن ضجيج الأفراح صوتهن كان واطى ، والحس حدو باب البص ، والأغانى مافيها هجيج زى أغاني الحقيبة ماسكة ليهم الدلوكة واحدة إسمها سوزان تهبش فى الدلوكة بطرف أصابعيها وفنانة البص إسمها شاهندا ماسكة ليها أغنية كبيرة عليها وبتغنى فيها :

ليه ياحب بدق على بابى
حرام ياحب ضيعت شبابي
انا من يوم فى دربك سرت
ياما بكيت وياما إتعذبت

والمعاها جوه البص يتلولحن يمين وشمال نظام بريستيج وعايشات مع الغنية ومندمجات ، السواق قرب ينوم ، كان حاسي بالملل ، لكن لما قربوا لبص ناس بت الدخري كلهن سكتن ، وإندهشن بالإندياح والإرتياح والفرحة المالية جو المكان بالطرب البسيط ،وبالعزة بتاعتهن ، والعز أهل ، وإتمنن فى اللحظة دى لو كانن راكبات معاهن ..
بت الدخري طلعت رأسها بالشباك وتشيل وتشاغل فى ناس البص التانى قالت ليهن :
يا العسولات ، يا الملكات ، يا الخرطوميات ، مالكن ما ليكن حس ، ولا صوت المرأة عورة ..
فطينة ميتة تضحك من طعمية بت الدخري الحامضة ، وواصلت مشاغلتها ..

أسمعنى يا خرطوميات صوت البدق ليكن دي مالا حيلها ميت زي المياكلة عوير ، طيب كدى النجدع ليكن فطينة دي بالشباك تحرروا ليكن..
فطينة حمرت ليها وقالت ليها :
يعنى عشان انا ضعيفة حقارتك فينى انا بس ماتجدعى ليهم ثريا ديك ..
_سجمى يافطينة الفيل ده انا مابقدر عليهو ما ناقصة فلايت ...
ثريا سمعت إسمها فى الجوطة دي لكن ماسمعت باقي الكلام قالت ليهن :
جايبات إسمى مالكن؟
_عاد ياثريا انحنا بنقدر نقول فوقك كلام ، إنت الكل وغيمة الضل ، وقلنا فيك كل خير ..
بت الدخري حبت تهدي التور الموجود معاهن (ثريا) وادتها زغروتة كعربون محبة وبعدها مشت على السواق قالت ليهو : اها يا ولدي ما قربنا حسنا دا إنقرش؟
_أي يا خالتو قربنا اتجهزوا للنزول بعد ده...
بت الدخري قبلت علي النسوان قالت ليهن :
هي يا نسوان خلاص وصلنا بعد دا ،، اعدلن تيابكن ومشيتكن ، ولموا شفعكن ديل ، وصمن خشمكن ، العندها لبانة في خشمها تجدعها ، لانو أكلكن شين ، سمن وأنزلن والبهرجة الفى خشم الصالة دى ماتخلعكن ، يلا أرحكن على بركة الله ..
بثينة لكزت بت الدخري من كتفها قالت ليها بعفوية :
اها يا بتو مش نحنا مفترض نغني بدلوكتنا قدام باب الصالة دي لحدي ما يجوا يدخلونا؟
_هوي يا بثينة شايفاك علقتي في دلوكتك دي يعلقوك من كرعينك ، تقومن تفضحني اصبرن ننتظر بص ناس العروس بعد يدخلن نمشي بوراهن ..
فطينة متابعة الحديث قالت ليها:
هوي يا بتو نحنا مالنا بسوقونا زي الغنم ، ماتقللي من قيمتنا ، لينا مكانتنا برضو ، والله الفرح فرحنا والصالة حقتنا ، مش ولدك الدافع حقها ؟
والله ندخل قبليهن ونقعد قداااام...
_إنت يا فطينة لو دخلتن قدامهن بتشترنها ، جوة فى معازيم من طبقات عليا ، ناس دهبهم يكشكش وحلاتهم توشوش وتيبان ترقش ...
السواق نزل الركب الكريم من البص ، والنسوان دخلن الصالة مع أهل العروس وبت الدخري وفطينة لسه مانزلن بتناقشن ، من بعيد البشرى شافن راكبات لسه ومانزلن مع النسوان جاء عليهن قال لبت الدخري:
اااا ولية منتظرة شنو م تنزلي ، راجية المولد ولا شنو؟
_أجي أجي يالبشرررى ترجى المسيح إنت ، أقصد ترجى ولدك العريس ، تعال جاي تعال جاي يا حبيب قساي الننتكل فيك باقي لابسة لي كعب عالي..
_هسي يا مره كان وقعتي و انكسرتي ..
_بري مالك علي والله الليلة كان الكلمة دى تتفها من خشمك يا البشرى ، انا لسه شباب ، قايلنى زيك ..

=بس أنا كده مرتاح..الكهرباء قاطعه والجو ظابط ومرتي في حضني..البطلعني شنو !!

_يا يوسف ياخ.

=والله ما قادر..بكرة نمشي الشغل ونتمشى زي ما عايزة

_ما تتكلم معاي

=إيناس

_ما أسمي

=فٌلة

_ما أسمي برضو

=حبيبتي طيب

_ما بفصل

قمت من جنبه ورجعت سريري.

=ده زعل بجد ده

جاا وعايز يرقد جنبي

_ارقد في سريرك يا استاذ

=عاوز ارقد هنا يا زولة

_ح أقوم أخش جوه

=بلحقكك برضو

_الله

=خلاص قومي

_ح نتمشى بجد !؟

=أي ما ح تخليي اليوم يعدي عارف أنا

قمت وحضنته..كنت ح أزح بس ضماني أكتر♡

=ح نتزاعل أنا عارف ويمكن نتشاكل..بس عاوز الضمة دي دايماً تكون نهاية أي زعل وأي خلاف...ما نطول في الزعل ولا نسمح ليهو ياخد مساحه بينا..ممكن !!

_ممكن ممكن...وممكن تفكني عشان نمشي !؟

=ولو أبيت !!

_يُوسف يعمل العايزهُ♥️

♡♡♡♡♡♡♡♡♡♡♡♡♡♡

"أودُ أن أكون الحبيبة قبل الأخيرة
فالأولى بلا شك أُمك والأخيرة إبنتُك
شارِكني أكثر اللحظات قسوة وأقلهن سعادة
شاهد معي إكتمال القمر بدراً
وراقصني على دندنات الهواء
الطلق
لا تُحب الصيف أنا أعلم
ولا أفلام الرعب ولا حتى الركض صباحاً
لا تتنازل ولا أتنازل
دعنا نحيكُ ثوب جديد لقصتنا
لم يرتديهِ أحدُ من قبل

أكملني فقط
أحمِلُ نصف روحك معي
وتحمل قلبي كاملاً
حبيبي قبل الميلاد والتاريخ♥️!
#ننس_تمدين
النهـــــــــــــــــــ❤ـــــاية