#جرح_الماضي #الجزء_الأول #هاجر_إبراهيم ( اللي صار معي بالماضي لازم انساه ،خلص أنا هلأ بلشت حياة جديدة مع ناس جدد ،كلشي عشته كان مراهقة ، حب ..!! هههه اكتشفت انه هو اكبر كذبة الواحد بيعيشها ،صداقة .. !! نفس الشي .. الحياة رح عيشها لمصلحتي .. رح عيشها بهدوء…

عدي :لك قيس الي ساعة متصل ،عم قلك رح تسافر يا بتلحق يا ما بتلحق
قيس :لك صاير حادث ومسكرين الطريق شكلي رح كفيها ركض عالمطار...

سكر قيس التلفون وطلع من السيارة وبلش يركض ليلحق هبة ...

خلصت هبة ختم الجوازات وزبطت كلشي وفاتت من باب الطيارة...
وصل قيس اخيرا عالمطار وفات وضل راكض لجوة لحتى ضرب كتفه بكتف ريان اللي تفاجئ بوجوده

ريان :شو عم تعمل هون ؟
التفت قيس و رد بصوت عالي :مارح اترك حب حياتي يروح .. أنا رح امنع هالسفرة
ورجع التفت و ركض لجوة تارك ريان مصدوم بكلامه

بقي قيس فايت لجوة وكل مايوقفه حدا من امن المطار يورجيهم شارته ليخلوله الطريق، لحتى وصل لجوة الطيارة قبل ثواني من اقلاعها ليأخر طيرانها ...

........../

وبالطيارة ...
جيني :يعني عنجد رح تستقري بأميركا ؟
هبة :اي جيني
جيني :غريبة بأمرك انتي .. طب شو هالقرار المفاجئ

حطت هبة السماعات بأذانها وعلت الموسيقى لحتى ماتسمع كلام جيني...

دخل قيس عالطيارة وبلش يدور بين الركاب لحتى اخيرا لقي هبة راكنة راسها عالكرسي وحاطة السماعات بأذانها ومغمضة عيونها...نرفز منها وهمس: ولا عبالها ولاا كأنها عاملة شييي

وقرب عليها وشال السماعات لتفتح هبة عيونها وهي عم تحكي :يا الله منك جيني ...

جمدت بس شافت قيس واقف فوق راسها
هبة بصدمة :قيس شو عم تعمل هون ؟

قيس :اجيت ...اجيت لحتى رجعك لعقلك ، قومي معي لشوف
هبة: لوين؟
قيس: لبيت خالتك .. لوين يعني

وقفت و ردت: مابدي .. يلا شرف انزل خلي هالطيارة تطلع
قيس: بالله شووو .. لأنه الشغلة عكيفك انسة هبة
هبة: قيس خلص انا قررت افتح صفحة جديدة بحياتي
قيس :وليش لتفتحيها بعيد عني ،انا بحبك ومارح خليكي تسافري ،والله بتشوفي الجانب المجنون من قيس
هبة : هه يعني شو بدك تعمل
قيس :هلأ بتشوفي ..

مسك ايدها وشدها عليه وابتسم بمكر لتسأله بخوف :شو بدك تعمل ؟

انحنى ومسكها من خصرها ورفعها لحتى صار راسها عند ضهره ومسك رجليها ومشي لحتى يطلعها من الطيارة ،أما هبة كانت تضربه على ضهره وهي عم تحكي :لك نزلني يامجنون ،شو لسا بدك مني
قيس :لكن بدك تسافري قلتيلي

الناس بلشت تضحك عالموقف وبعضهم بلش يصور وخاصة جيني الللي حملت هاتفها ولحقت قيس وبلشت تصور وهية فارطة ضحك على هبة اللي كانت بتتخبط وتبلعط بين ايديه

هبة :وليه جيني لا تنزلي من الطيارة ليكني هلأ جاي بس ينزلني هالمجنون

جيني :هههههه مو هيئتك رح تسافري ،باااااي هبوش وان شاء لله الف مبروك سلف
وبلشت تبعت الها بوسات عالهوا

نزل قيس من الطيارة واتسكر الباب وراه ليزيد صراخ هبة ..
هبة :لك لك قيييس اتركني نزلني .. هلأ بتروح عليي الطيارةةةة

قيس: ماشي ماشي .. أصلن هاد اللي بدي اياه

ورجع فات من المدرج لجوة المطار وهوة لسا حامل هبة قدام عيون كل الناس لينصدموا ريان وعدي

عدي :الله ياخدك ما اتفقنا على هيك
ريان :......

وقف قيس قدام ريان ونطق بتحدي :شفت اني بقدر جيبها وين ما كانت
ريان: .......

نزل قيس هبة عرجليها لتدفشه عنها

هبة :انت اكيد مجنون
قيس :مزبوط ،كرمالك بصير مجنون
ورجع انحنى على ركبه قدامها وطلع الخاتم وقال :بتقبلي تتزوجيني هبة
اتطلعت هبة بـ ريان
هبة :اخي ...
تمالك ريان حاله و رد وهو مبتسم :هي حياتك وانتي حرة فيها
رجعت اطلعت بقيس وابتسمت
هبة :اي قيس موافقة
وقف قيس ولبسها الخاتم وضمها بقوة وبلش يفتل فيها وهوة طاير من الفرحة

«بعد مرور سنة...»

قيس :هبوووش حبيبتي ماجهزتي لسا رح نتأخر
هبة :لك اي اي جهزت
وطلعت وهية لابسة فستان اسود طويل وعليه جاكيت فرو

قيس :ولي على قلبي شو هاااد
هبة :حلو ؟

قيس :بس حلو لك لك بياخد العقل بجنن بيفلج بـ....
هبة :اي اي خلص فهمت

قرب عليها ولف خصرها ولزقها فيه وقال : شو رأيك بلالنا الطلعة وخلينا نحتفل بعيد زواجنا ببيتنا بناخد راحتنا اكتر
هبة : لا ماحزرت حبيبي ،مو انت وعدتني نطلع نحتفل برة
قيس :اي مزبوط وعدتك ،لك دخيل هالعيون
وباسها من خدا عدة مرات لتحكي: خلص قيس .. هلأ بتخربلي مكياجي ...

وبعدت عنه وراحت اتجاه المراية ليرد بنرفزة : هلأ مكياجك صار أحلا من بوستي
هبة: كلشي لحال حبيبي .. يلا تأخرنا .. لا تنسى انه ريان كمان عم يحتفل بعيد زواجه اليوم

قيس :لككك ابن حمايي لاحقني حتى على موعد عيد زواجي ...
هبة :ليكون مو عاجبك بس !!
قيس :لا بالعكس انا اللي عاجبني ..
ومشي اتجاه الباب
هبة : يلا بسرعة مشان تلحق نجيب كنان من عند لينا كمان
رد وهو عم يرد الباب: أنا برأيي خلي هالدلوع عند عمته هاليوم .. مو ناقصني يندحش بيني وبينك بالتخت اليوم كمان ..

ضحكت بدلع ليتنهد ويقول بوله : لك تسلملي هالضحكةةة يا ناااس

وطلع سكر باب البيت وراه

(هبة: كتير بيمر علينا ايام قاسية وبيصيبنا جرح غميق بس هاد الجرح رح يخلينا اقوى ورح يعطينا دافع نعيش ونقدر نواجه هالحياة ....

يمكن قصتي كان فيها رشة من خيال على أحداث حياتي. .. لكن جرعة من الخيال ما بتضر حدا ... )

#النهاية 💜

أخد قيس نفس بعد ما انتهى و كمل :هاد كلشي صار ، صدقوني انا خفت تتطالبوا فيه وانا بعرف انه الحضانة رح تطلعلكم

ردت ام عدي ودموعها بعرض خدودها :ماكان عشمنا هيك فيك يا قيس ،ياعيب الشوم عليك
قيس :حقك عراسي مرت عمي

عدي :وهلأ جاي تحكي ؟ ،الله يسامحك على هالعملة
رد عاصم :ليش الله يسامحه ... الله لا يعطيك العافية على هالعملة اي قيس اي

قيس : شبنا أخي .. جبناك لتهدي النفوس
عاصم: أي نفوس بدها تهدا بعد هالجنان اللي عملته
قيس: هاد اللي صار أخي ، اسمعوا يا جماعة بدكم كنان اطلبوه بالمحكمة ،بس لازم تعرفوا انه ابني مابتخلئ عنه ولا تحت أي ظرف ايوا

اتطلع عدي بأمه وأبوه ورجع اتطلع بكنان الشي الوحيد اللي ضايل من ريحة اخته سحر وقال :تعال خالو تعال

ركض كنان لعند عدي . كان واضح تعلق كنان بـ عدي وحبه الو
حضنه عدي وهمس بإدنه
عدي :شو فهمت؟
كنان :اي فهمت
قيس :شو همستله ؟
عدي :اسف ما بقدر قلك سر بيني وبين ابن اختي

ابو عدي: خوفك مو مبرر لتخبي عنا حفيدنا بهالطريقة يا قيس
نزل قيس راسه و رد: سامحوني .. كانت غلطة
ام عاصم: غلطة. !! انك تنسب ابنك لمرة غير مرتك وتقول انه نتيجة علاقة عابرة بتسميها غلطة. !! هي مصيبة يا قيس .. انت ما كنت تسمع كلام الجارات وتعليقهم عالقصة كل ما شافوني من لما جبته لعندي

قيس: حقك عراسي امي .. اقسم بالله كنت موت من جواتي وانا مخبي هالموضوع

عدي: وناطرنا نسامحك بعد هالعملة ـ
قيس: ........
عدي: بتعرف أنا من عندي مسامحك .. اسألني ليش
قيس: ليش يا فهيم زمانك
عدي: لأنك من طول عمرك. متهور ومتسرع .. بتشتغل بدون تفكير .. ما بتقيس عحالك اللي بتعمله بالناس .. وما بتفكر أكتر من أنفك بسنتمتر ولاحظ هي لحالها بتشفعلك اللي عملته .. لهيك ما بتتآخذ

تنكرز قيس واطلع بأم عدي وسألها: مرت عمي بتزعلي مني اذا قمت ومسحت ارض البيت بالمحروس ابنك ؟

كتموا الكل ضحكاتهم لتنقلب القعدة بلحظة بسبب مزحة عدي وكلام قيس ونقاراتهم اللي بلشت

المهم حصل غير اللي توقعه قيس ،وتقبلوا اهل سحر موضوع كنان بكل صدر رحب وطلبوا يشوفوه عالقليلة مرة بالاسبوع ...

... .... .... .... .... .....

بمكتب ريان ...فات قيس عليه متل القضى المستعجل ليوقف ريان متفاجئ من جيته

ريان :خير شو جابك لهون ؟
قيس :اجيت لحتى باركلك بخطبتك .. مبروك
ريان: اي الله يبارك فيك
قيس: هيك عالناشف بدون عقبالك. !!
ريان: قيس قول من الآخر .. شو اللي بدك اياه؟
قيس: نتفاهم

وقعد ورفع رجليه عالطاولة ليقعد ريان ويحكي :مافي شي نتفاهم عليه .. يا ريت تحمل حالك وتطلع من هون

قيس :لا ماحزرت في كتير شغلات ،واولها علاقتي بهبة
ريان : هبة مالك فيها..
قيس :انا جاي اطلبها منك عسنة الله ورسوله

وقف ريان وأخد نظرة على قعدت قيس ورجليه اللي كان حاططهم عالطاولة ورجع قعد وشبك ايديه ببعض و رد : بس انا مابدي

قيس :بس انا ماعم بطلب ايدك الك ،انا عم اطلب ايد هبة .. شو بدي فيك الك؟

ريان :قيس قلتلك مافي الك نصيب عندي
قيس :بس انا مارح مل ولا كل لآخد موافقتك
ريان :رح تاخدها ، بأحلامك بس
قيس :اي بنشوف ...

ووقف وتراجع وهو عم يحكي: سلام أفوكات بيك

والتفت وراح تارك ريان منغاظ من استفزازه

==========================\

خلصت اجازة جيني وصار لازم ترجع على اميركا .. أما هبة قررت تسافر معها...

بالمطار كانت جيني عم تودع عدي وهي عم تبكي. ..

جيني : انا رح اشتقلك كتيير
عدي :وانا كمان جوجتي ،ديري بالك عحالك وضلي عطول راسليني اي
جيني :اي اكيد رح راسلك .. والله يطعمك تطلع عوحدة غيري بغيابي .. بركي افقي عيونك
بلع عدي ريقه و رد: ولو ليش أنا وين بدي لاقي متلك اه

قربت وضمته وهبة تطلع فيهم وهي مبتسمة

(هبة :شوف الدنيا ،مو معقول يكون هاد عدي نفسه .. ههه الله يسعدكم مع بعض ...وهي انا رح سافر سفرة بدون رجعة ،قررت استقر بأميركا وافتح شي مشروع يفيدني وهالمرة رح انسى جرح الماضي ورح ابدا حياة جديدة ...بس المشكلة قيس كيف رح اقدر انساه !! )

فجأة قطع ريان سلسلة افكارها
ريان :هبوش حبيبتي ضلي راسليني عطول .. اي اختي
ردت بهدوء :اكيد اخي .. ان شاء الله ما رح اقطعك من أخباري

نطق بغصة :بالاول جيني وهلأ انتي !!
هبة: .....
مسك ايديها وقال: سامحيني
هبة: على شو؟
ريان: انتي بتعرفي
نزلت دمعتها و ردت: لو كان الي نصيب فيه كنت أخدته .. لا تحمل حالك مسؤلية شي أخي .. انا مو زعلانة منك
ريان: من قلبك؟
هبة: ومن صمصومه كمان
وقربت منه وضمته بحفاوة ليلفها ويكتفي بالبكي على كتفها ويحاول يشبع حاله من حنان أحضانها اللي طالما كانت الو ملجئ بأحلك أيامه

ريان: رح افتقد وجودك بحياتي
هبة :شبنا اخي هي عندك تاج بتكفي وبتوفي الله يخليكم لبعض
تاج :رح نشتقك هبوش
هبة :وانا كمان رح اشتقلك مع اني مو من زمان بعرفك بس والله دخلتي عقلبي ودبتي فيه متل السكرة ، تاج ديري بالك عليه للغالي
تاج :بعيوني ما تاكلي هم

راح عدي عجنب واتصل ..

دخلوا تاج و ريان عالحفلة قدام عيون كل المعازيم .. كانت هبة قاعدة لحدها على طاولة وبتراقب كلشي ببرود واضح .. شافت ريان طوق تاج من خصرها وبلش يرقص معها برقصة سلو .. بلحظة تخيلت حالها عم ترقص مكانهم .. بس تخيلت حالها عم ترقص مع عدي ببادئ الأمر .. نزلت دمعتها لما قلب شكل عدي لـ عماد اللي كان بفتلها بين ايديه وكأنها فراشة بين ايديه .. ضمت شفافها بألم لما تحول شكل عماد لـ قيس اللي ختم هالرقصة بقبلة على خدها.

صحيت من أحلام اليقظة وحملت كاسة مي وشربت منها .. بهالأثناء كان عدي قاعد على طاولة وعم يتفرج عالعرسان متله متل بقية المعازيم .. فجأة شاف جيني عم تغمزه من بعيد..التفت لوراه ما لقي حدا رجع اطلع عليها واشر على حاله لتهز براسها وهي مبتسمة

ابتسم ونزل راسه بخجل أما هية طول الحفلة. كانت عم ترقص وتتمايل بخصرها وتلوح بشعرها الذهبي الطريل بس لحتى تلفت نظر عدي .. وبالفعل قدرت تلفتله نظره ، لأنه بقي طول الحفلة وهو بتابعها بعيونه بينما كانت عواصف بتعصف جواه وهوة نفسو مستغرب من هالشعور .. اخيراً تشجع وراح يحكي معها..

عدي :كيفك جيني
جيني :تمام وانت
عدي :الحمدلله ...مم جيني ممكن اسألك سؤال
جيني :تفضل
عدي :حضرتك مرتبطة شي ؟
سندت خدها بإيدها و ردت :اي ..

رد بخيبة :اه اسف كتير عن اذنك

بخيبة واضحة رجع على طاولته وقعد لتلحقه جيني وتقعد معه وسألت :ليش رحت ،مابدك تعرف انا مرتبطة مع مين ؟
عدي :ما بهمني
جيني :عنجد مابدك تعرف ؟
رد بفضول : مع مين !؟

ابتسمت و ردت :معك انت ،عدي انا بحبك
انصدم و رد :بتحبيني الي

مسكت جيني ايده واخدته عجنب بالصالة وقربت عليه
جيني :خلينا نرقص سوا .. معلش

ابتسم ومد ايده لتمسكها بكل شاعرية وتحط تاني ايد على كتفه ليطوق خصرها وتتلاحم أجسادهم.

كانت الأغنية رومانسية وريان تاج عم يرقصوا عالستيج وكل المعازيم عم يتطلعوا عليهم

بينما جيني وعدي كانوا عم يرقصوا بآخر الصالة عجنب بعيد عن كل عيون الناس ة ،ولما شافتهم المصورة تبع الفيديو .. ميلت الكاميرا عليهم بدون ما ينتبهوا ليظهروا على كل الشاشات الموزعه بالصالة

قطبت هبة حواجبها بس شافتهم والتفتت عالزاوية اللي كانوا بيرقصوا فيها ووقفت تتفرج بعدم استيعاب

انتبهوا المعازيم عالشاشات وتركوا العرسان الاساسيين وقعدوا يتفرجوا على جيني وعدي اللي كانوا ضايعين سوا برقصة كانوا يرقصوها بكل احترافية بطريقة حركات عدي السلسة وسيطرته على حركات جيني اللي كانت بتفل بين ايديه وكأنها نسمة صيفية لطيفة

حتى ريان وتاج وقفوا رقص وبلشوا يتفرجوا عليهم وعلى رقصتهم الاستثنائية مع هالمعازيم

اما عدي كان ضايع بعيون جيني وحركاتها المجنونة .. قرب منها وحط جبينه على جبينها وهمس
عدي :جيني انتي كتير حلوة
جيني :قلي شي مابعرفه
عدي :بحبك

فجأة صحاهم صوت تصفيق كل اللي كانوا الصالة ليلتفتوا وينصدموا بس شافوا الكل بيطلعوا فيهم ويضحكوا

قربت هبة وسألت :فيني اعرف شو عم يصير هون
ارتعب عدي من نظرة هبة بينما ابتسمت جيني ونثرت شعرها بشقاوة و ردت: كنت برقص مع أميري المستقبلي

عدي :مو شي كنا..
جيني :كنا عم نرقص .. احكيها ليش مستحي

هبة : اي لاحظنا كلنا

اطلع حواليه ونزل راسه بإحراج بينما ضحكت هبة عحاله وقالت: شو صرلك .. عفكرا كانت الرقصة بتجنن

وبلشت تصفق ليرجعوا يصفقوا بقية المعازيم وراها بينما ميلت تاج راسها على كتف ريان اللي كان عم يراقب ردات فعل هبة بصمت واضح

==========================\

بعد بيوم ... وبالفرع دخل عدي على مكتب قيس وقعد و قال: قال طلبت تشوفني
رد قيس بشرود: اي
عدي: خير؟
قيس: كيف أحوال امك وأبوك؟
عدي: الحمدلله .. عطول بيسألوا عنك
قيس: اي .. احكيلهم اني جاي زورهم انا وأهلي اليوم المسا
عدي: وشو المناسبة ؟
قيس: بدي مناسبة لحتى زور بيت حمايي ؟

قلب عدي شفته و رد: اي لنشوف آخرتا معك

المسا ... اجتمع قيس مع أهل عدي بالبيت عندهم بعد ما جاب امه وأخوه عاصم واخته وجوزها وابنه كنان

ام عدي: لما قلي عدي انك جاي تزورنا ما صدقت
قيس: سامحيني مرت عمي .. كتير قصرت معكم
ام عدي: لا تقول هيك .. انت متل ابني ومن ريحة بنتي سحر الله يرحمها

عدي :خير قيس شو سر هالزيارة المفاجأة ..!؟
بان التوتر على ملامح قيس وماعرف منين بدو يبلش بالموضوع

عاصم :احكي اخي
اخد قيس نفس و رد : رح احكي
مشك كنان من بين ايدين امه ووقفه بين ايديه وضم وجهه ورجع لفه عليهم وقال. : يا جماعة انا كذبت عليكم كذبة كبيرة كتير ، وانا بعرف انكم مارح تغفرولي بس تعرفوها

ام عاصم :شبك امي شو هالكذبة هي ؟
قيس :بخصوص كنان ...انا زورت نسب امه

عدي: كيف يعني؟

لينا :شو قصدك اخي

قيس :كنان بكون ابن سحر
ردوا الكل بصدمة :شووو

عدي :قيس كيف يعني مافهمت .. كيف اذا كانت سحر ماتت قبل ما تخلف
قيس: رح قلك كيف يا صاحبي

بلش قيس يشرح كلشي صار للحاضرين بينما الكل بيسمعوا منه والصدمة باينة على ملامحهم

طلع من غرفة القياس وهو لابس جينز وبلوزة سبور لونها اسود بارزة تفاصيل جسمه بشكل واضح لتصفق تاج وهي عم تحكي :وواااو عنجد كتير لابقلك .. عفكرا جسمك لبيس ليش دافن حالك بالبدلات وكأنك ختيار
رد بإحراج :لك ماني متعود البس هيك شي .. الي من لما تخرجت من الجامعة ما لبست جينزات وهي التشيرتات
تاج :شو رح تقضي حياتك تلبس بدلات رسمية ؟ بتعرف أنه هدول عليك أحلا من اللبس الرسمي

ابتسم بخجل بينما طالت هودي خفيف وقربت عليه ورمته على كتفه وقالت : ايها .. شوف أديش لابقلك

.. نزلت ايدها عن أكتافه ليستقروا على صدره بينما هوة بقي مركز بعيونها ... حس برعشة بكل جسمه لما استقرت ايديها على صدره

رفعت راسها لتلتقي نظراتهم أخيراً .. رجعت ارتفعت نبضات قلبها وهي مركزة بنظراته الاستثنائية

فجأة نطق :تاج ...بدي اسألك شي
تاج :قول..
ريان :ليش لما كون معك بحس بالراحة ؟
تاج: ....
ريان: هي الرعشة بقلبي بتجيني كل مرة بفكر فيكي وكل مرة بكون معك ...!؟
ردت بخجل :يمكن انت ..
سكتت وضمت شفافها ليسأل باستفسار :بحبك ...!؟

تاج: ......

ريان :عم بسألك. .. يعني هاد حب ولا شي تاني ؟
تاج: مابعرف .. يمكن
ريان: يمكن. !! يعني انتي ما بتحسي بشي لما تكوني معي؟

بلعت ريقها ورجعت علقت عيونها بعيونه و ردت: مبلا .. أنا حسيت بهالشي من زمان .. من أول مرة قابلتك فيها ولحد الآن وهالإحساس بلازمني كل ما بشوفك أو حتى فكر فيك ..

ريان: المعنى

تشجعت أخيراً وقررت تحكي اللي كتمه قلبها من زمان : انا بحبك كتير ريان
ريان: .....
تاج: من أول يوم شفتك فيه قدرت تخترق حصول قلبي بكبريائك ولطفك .. بهدوءك وجمودك .. بكلشي فيك .. اي حبيتك وعلقت حالي فيك بدون ما اتجرأ واعترف بهالشي .. حاولت انساك .. ما قدرت .. أتاري الحب بوجع كمان

ابتسم ومسكها من خصرها النحيف بإيديه التنتين وضمها لصدره لتطوق رقبته بلهفة كبيرة لينكسر بينهم حاجز وهمي انبنى بينهم من أول لقاء

..... ..... ...... ...... .....

المسا رجع ريان عالبيت لقي جيني وهبة قاعدين بالصالون عم يتابعوا فلم
جيني: أهلين رين
ريان: أهلين جنجونة ..

فتحت جيني عيونها بإعجاب و قالت: وااااو شو هالحلا كله مسيو رين .. أديش الي ما شفتك لابس كاجور وسبورات

ضحك وسأل: عجبك ستايلي الجديد ؟
جيني: بياخد العقل .. أصلاً انت بلبقلك كلشي

قرب وقعد واطلع بـ هبة اللي كانت ساندة راسها عالسنادة وشاردة بالشاشة بهدوء قاتل .. تنهد وقال: في موضوع حابب افتحه معكم وآخد رأيكم فيه

التفتت جيني وردت: شو هو اخي؟

ضم ايديه ببعض و رد بتردد : أنا قررت اتجوز

نطت جيني بفرح وقالت: عنجد وأخيراااا
أما هبة كانت جاحظة عيونها بصدمة بعد كلمته .. لفت راسها واطلعت فيه بنظرات غريبة أما جيني قربت وضمته وهي عم تحكي: ان شاء الله ألف مبروووك ..
بعدت عنه: احكيلي عنهاا .. شو اسمها .. ايمتا تعرفت عليهاا .. شو شكلهاا .. حلوة صح .. أكيد حلوة لأنه زوئك لا يعلا عليه

ريان: اسمها تاج .. تدربت عندي محاماة قبل سنة تقريباً ورجعت قابلتها من فترة مو طويلة .. صرنا نشوف بعض كتير بحكم الشغل .. بعدين تطورت العلاقة بيننا من زمالة لـ حب

كان عم يحكي بتردد وتوتر واضح بينما بيسرق نظرات على هبة ليشوف ردة فعلها على كلامه

جيني: يااااي مع انها قصة عادية ومافيها أكشن بس يلا أحسن ما تعنس وتقعد بوجهنا .. خلي غيرنا ينبلى

ريان: له يا فصعونة .. معلش لأني مبسوط رح مشيلك اياها
جيني : وايمتا رح تروح تطلبها
ريان: بكرا المسا .. يا ريت تجهزوا حالكم لنروح نطلب البنت من اخواتها

جيني: مني وعليي رح كون جاهزة من الصبح
ريان: وانتي هبة؟
تمالكت هبة حالها و ردت ببرود: مبروك أخي .. رح كون جاهزة عالوقت

جيني: انا رايحة جهز حالي من هلأ

ووقفت وراحت ركض لغرفتها تاركة هبة وريان قاعدين لحالهم ..
ريان: ليش حاسك ما انبسطيلي
هبة: ليش لحتى ما انبسطلك .. الله يهنيك ويبعتلك أيام حلوة
ريان: ليكي اذا ما بدك تروحي ما بجبرك
هبة: لا ما بصير .. انا اختك واللي بقيانة الك من عيلتك ولازم كون موجودة بهيك يوم

ووقفت وتوجهت لغرفتها ومسكت طوبة الباب .. رجعت وقفت والتفتت و قالت: بس مستغربة
ريان: من شو؟
هبة: معقول نسيت فرح بهالسهولة؟

حس وكأنه خناجر توجهت لنص قلبه بس سألته هبة هالسؤال المؤلم لتكمل بألم أكبر: نسيت انك خليتني اتخلى عن قيس كرمالها؟

نزلت دمعتها والتفتت وفاتت لغرفته تاركته محطم بعد كلمتها ..

... .... .... ... .... ....

تمت الطلبة وانقرأت فاتحة ريان وتاج وتم تحديد حفلة خطبتهم بعد اسبوع ..

يوم حفلة الخطبة عزموا عليها كل معارفهم وكان عدي واحد من بين هالمعازيم...

تسمرت مكانها والتفت عليه ليوقف ويواجهها ويكرر سؤاله: تتزوجيني؟
هبة :لك قيس عم قلك رح اخسر اخي من تحت راسك .. بتقلي تتزوجيني !!

قيس : هبة انتي واعية وكبيرة وبتقدري تاخدي القرار اللي بدك اياه ، ريان ما الو دخل بحياتك...
هبة :يعني بدك اياني اتزوجك غصب عنه ..؟
قيس :حقك .. مو منطقي تعيشي بقية حياتك بتعاسة بس لأنه ريان هيك بدووو

بقيت لحظات بتبادله نظرات غريبة .. ضمت شفافها و ردت: قصدك عادي اتصرف على راحتي وطنش كلام أخي. !!
قيس: يعني أخوكي رح يعيش حياتك؟ بكرة هو بيتزوج اللي بده اياها وبيمنعك تعيشي حياتك اللي بدك اياها

قربت منه خطوة و ردت بهدوء : انت كيف قبلتها عليي اطلع عن شور اخي وما قبلتها على حالك لما اختك لينا طلعت عن شورك وتجوزت اللي بتحبه بدون موافقتك ...!؟

تغيرت ملامح قيس وبقي صافن فيها بصدمة ..
قيس :انا قصدي ...

هبة :قيس انا فهمت قصدك منيح مافي داعي تبرر...لك انت شو .. لينا لحد الان وانت مو راضي تسامحها ...عنجد انك واحد اناني ...

قيس :لا انا مو اناني ...بس من حرقة قلبي حكيت هيك ..
هبة : بتحب اثبتلك انك واحد اناني ...
قيس :...

هبة :..انت اناني لدرجة خفت تعترف لعدي انه كنان بكون ابن اخته سحر ..جبان او حتى عديم الثقة بالنفس ...وانا بعد الكلام اللي حكيته اليوم معد اقدر اوثق فيك .. بالاذن قيس..

التفتت وراحت تاركته بدوامة صمت وغل عبت قلبه .. تراجع وقعد عالرصيف وغمر راسه لحتى يقدر يستجمع قوته بعد الكلام اللي سمعه من هبة....

==========================\

كم يوم مروا .. هبة معد شافت قيس .. معد رن ولا سأل وكأنه يأس و استسلم أو هيك كانت مفكرة ...

ببيت ماهر .. كانت لينا واقفة بالمطبخ وعم تجهز الغدا ليفوت ماهر لعندها وهو حامل أكياس أكل جاهز ويحكي :لك لنوش انا ما قلتلك بلا ما تطبخي اليوم لأني رح جيب معي اكل ..

التفتت لينا عليه وقالت :لك مشان الله اكل من السوق مرة تانية افف شي بزهق .. لك بدي آكل طبخ .. شي يشبعني مو شي اتسلى فيه
ماهر: هلأ هاد للتسلاية؟

لينا: طبعاً .. خلص هات هدول الأكلات بنتسلى فيهم عالسهرة .. وبنتغدا عالطبخة اللي عم اطبخها

ماهر : طيب طيب .. بعدين مو شايفة بطنك لحلقك ،خلص روحي ارتاحي وانا بكفي طبخ عنك معناتا ..
لينا :اي اذا هيك ليش لأ

رن جرس الباب ليطلعوا ببعض ..

ماهر: شو عازمة حدا عالغدا ؟
ردت بحزن : مين بدي أعزم يا حسرة .. اذا أهلي ما بحاكوني

راح ماهر يفتح وتفاجئ باللي عالباب لتطلع وراه وتسأله :مين اجا حبيبي ؟

وقفت مصدومة بس شافت قيس فايت مع ماهر وهو حامل معه باقة ورد كبيرة ..
لينا :قـ قيس !
قيس :كيفك لينا
بقيت لينا واقفة وصافنة فيه والدموع تجمعت بعيونها ..

ماهر :لينا حبيبتي ..اخوكي اجى لحتى يصالحك
قيس: لينا ...

فجأة ركضت عليه وبلشت تبوس ايديه وهي بتحكي :كرمال الله تسامحني اخي
رفع قيس راس لينا وضمها
قيس:الله يسامحك ويرضى عليكي كمان ...
بعدت عنه وسألته: قول والله انك سامحتني
غمر خدودها و رد: اي اختي .. مسامحك دنيا وآخرة

نزلوا دموعها وضمته ليلفها ويبوسها من راسها .. تمالك حاله وبعد عنها و قال: اي اختي .. انا طالع من البيت بدون ما أفطر .. شو عاملة غدا؟
لينا: أكلة بتحبها كتير
قيس: كبسة. !!
ضحكت و ردت: حزرت .. يلا ربع ساعة وبكون الغدا جاهز
والتفتت وركضت عالمطبخ لحتى تلحق تكمل طبختها ليتنهد قيس .. حس براحة نفسية كبيرة بعد ما صالح لينا .. حس بجبال كانت طابقة على صدره وفجأة انزاحت لياخد أول نفس بدون أي تكليف

==========================\

بهالوقت كان ريان قاعد مع تاج بالكافيتيريا بعد مرافعة متعبة .. ومتل العادة كانوا قاعدين بيحكوا ويتناقشوا بأمور القضايا .. كانت تاج بتاكل بقطعة شوكولاه بعفوية قدام ريان وهي بتحكي ... وبس خلصتا علق شوية اثار منها عشفايفها..

كانت بعدها مسترسلة بالحكي بينما ريان كان مضيق عيونه وصافن بشفافها وآثار الشوكولاه اللي علقت عليها ومعد قدر يركز باللي عم تحكيه .. وفجأة رفع ايده وحط اصبعته عشفافها ومسح آثار الشوكولاه عنها لتفتح عيونها بصدمة

بلش يدور على منديل لحتى يمسح ايده بس لقي ومسح ايده اجته لحظة ادراك اخيراً باللي عمله .. اطلع على تاج شافها صافنة فيه بصدمة واضحة .. خاف تكون أخدت عنه فكرة غلط...
ريان :اسف كتير تاج .. ما ما ...
قاطعته بتفهم :لا ولا يهمك ..

اطلع بعيونها ورجع ارتبك ..وقف فجأة لتتحرك الطاولة وتوقع عليه كل كاسة العصير ..

تاج :ريان توسخوا تيابك
ريان :مـ مافي مشـ مشكلة ..
تاج :لا شو مافي مشكلة ،تعال معي
ريان :لوين ؟
تاج :لك تعال خلصني ..

سحبته من ايده واخدته على أول محل تياب طلع بوجهها .. كانت عم تفتل بين ستاندات التياب و تدور وكل ما شافت بلوزة حلوة تحطها على جسمه بحجة انها بدها تشوف المقاس...واخيراً اختارتله تياب سبور...

اطلعوا هبة و ريان ببعض ورجعوا يطلع كل واحد منهم بقرنة .. فعلاً ريان وهبة من هداك اليوم معد تعاملوا مع بعض إلا برسمية .. مع انه كان ريان عم يحاول بقدر الإمكان يستبعد فكرة انه هبة سبب كلشي صار .. لكن اتهامه الها بهالشي وبشكل صريح سبب بشرخ كبير بعلاقتهم مع بعض .. لدرجة كان يمر عليهم أيام ما يحكوا مع بعض ولا كلمة مع انهم ساكنين بنفس البيت .. مع هيك هبة أبداً ما فكرت تخون أخوها وتعانده وترجع لقيس خوفاً من خسارته

...

كان ريان طالع من بوابة القصر العدلي لما سمع صوت حدا بناديه .. التفت وتفاجئ بـ تاج جاي اتجاهه وهي مبتسمة بفرح .. اخد نفس ونطق :انسة تاج. !!
مدت تاج ايدها وصافحته وقالت :شو هالصدفة الحلوة استاذ ريان
ريان :فعلاً ...شو كأنك صرتي تستلمي قضايا؟
تاج: اي .. الحمدلله بفضل الله أولاً وبفضلك من بعده قدرت اعتمد عحالي .. صرت ماسكة تلات قضايا وكلهم كسبتهم كمان ..

ريان: اي تهانينا معناها ..
تاج: تسلم .. مع اني هلأ حاسة حالي رح اخسر القضية اللي بإيدي
ريان: لااا انتي قدها تاج .. شو عندك مرافعة هلأ ؟
تاج : لا خلصت وكنت راجعة عالبيت ..
ريان : سلميلي عالست الوالدة معناها
ردت بغصة : بس ماما عطتك عمرها من شهرين استاذ ريان

ريان : اه أنا بعتذر تاج ماكان عندي علم ..الله يرحمها
تاج: يسلم عمرك يا رب

رجعت نطقت بعد لحظات : فرصة سعيدة اني رجعت التقيتك مرة تانية استاذ ريان
ريان: وأنا أسعد .. بتمنالك التوفيق

هزت براسها وهي شاردة بعيونه بنظرات عشق واضحة. .. تمالكت حالها و ردت: عن إذنك

تجاوزته ومشيت بينما بقي ريان يتابعها بعيونه وهي عم تبعد .. قدر يحس بالنظرة اللي خصته فيها قبل ما تمشي .. تنهد ورجع لحقها وناداها :انسة تاج
التفتت و ردت: نعم

تمالك نفسه وقال: وانا كمان خلصت شغل .. شو رأيك نتمشى شوي ومنه بعزمك على فنجان قهوة وبتحكيلي عن القضية المستعصية بركي اقدر ساعدك فيها كزميل ؟
ابتسمت و ردت بسرعة : يا ريت والله ...

كان ريان بحاجة لأي شخص يقعد معه ..صديق يفضفضله همومه ويسنده وخاصة بعد موت فرح ..وكانت تاج هي الخيار المثالي وبالفعل كان لقائه فيها متل تعويض الو عالفترة اللي مر فيها ....

==========================\

قيس ما قدر يتجاوز قصته مع هبة ،كان خلال هالفترة يحاول يتواصل معها بشتى الوسائل والطرق لكن بدون اي فايدة....

من باب العمارة طلعت هبة لتتفاجئ بـ قيس طلع بوجهها ...
ارتفعت أنفاسها مع دقات قلبها سوا .. حست ضعف وقوة بنفس الوقت ،لكنها حاولت قد مافيها تتجاهل وجوده وتجاوزته وبقيت ماشية ليستاء من تصرفها ويحكي :لهالدرجة ... !!!

وقفت لحظات ورجعت تحركت ليسأل بقهر: شو اللي غيرك ؟
بقيت ماشية بدون ما تجاوبه أو تعبر وجوده ليلحقها ومسكها ويلفها عليه بقسوة : اياكي تتجاهليني هبة ،فهميني ليش هيك عم تعملي ؟
هبة : تركني هلأ بشوفونا الجيران
قيس :خايفة من الجيران ؟ اي خليهم يشوفونا خليهم يعرفوا اني بحبك
وبلش يصرخ :اييي انا بحبك
هبة :لك مشان الله اسكت ... ليش اجييت ؟

قيس : اركبي بالسيارة خلينا نروح نحكي بشي قرنة اذا مو حابة حدا من الجيران يشوفك
هبة : ما بدي ..
رد بنرفزة : اي مو على كيفك
وجرها وطلعها بالسيارة غصب عنها وركب ومشي...
هبة :قيس من الاخر شو اللي بدك اياه ؟
قيس :بدي اعرف شو اللي غيرك
هبة: .....
قيس: رح تبقي ساكتة؟
هبة: ......
قيس: يعني مصرة؟

بقيت ملتزمة الصمت بينما سكت قيس وكمل سواقة .. قضوا طول الطريق غرقانين بصمت مؤلم .. بيتذكروا الأيام اللي عاشوها مع بعض .. الوعود اللي وعدوها لبعض .. والحب اللي جمعهم ببعض

مد ايده عالراديو ليكسر هالصمت شوي وتطلع اغنية «ليه خلتني أحبك .. لا تلومني ولا عاتبك .. فين أهرب من حبك .. روح منك لله ..»
بس سمعت هبة الأغنية انفجرت بالبكي وقالت :قيس وقف السيارة هون ..

ركن قيس السيارة لتنزل منها بسرعة وتقعد على رصيف الأوتوستراد .. طلعت منديل لحتى تمسح دموعها اللي كانت بتنهمر بغزارة ...قعد قيس جنبها وقال: بس احكيلي شو سبب هالبكي كله؟
هبة: ....

رفع ايديه وضم خدودها وبلش يمسحلها دموعها بأصابعه وهو شارد بعيونها ..
قيس: ليش كل هالجفا ؟

هبة :مو جفا بس انا عنجد غيرت رأيي .. اكتشفت انه مو انت الشخص المناسب الي ...
قيس :يعني ما بتحبيني ؟
هبة :اي
قيس :كذابة ... عيونك فاضحتك
هبة :قيس بكفي ...انا اتعبت من هالقصة
قيس :تعبتي !! ليش مين اللي عم يعذب التاني
صرخت هبة :انت مفكر الشغلة بإيدي ،لك انا رح اخسر اخي الوحيد اذا ضليت معك
قيس :وشو دخل ريان ؟
هبة :شلون شو دخله ، ريان خيرني بينك وبينه ،كرمال قصة فرح ...هو حاطط اللوم عليك بموتها

سحب نفس طويل وهو بعده بيطلع فيها بصدمة .. مسح وجهه و همس :ليش هيك عم يصير معي ..؟

هبة :هي كل القصة ...وهلأ كرمال الله اتركني .. بعد عني .. انساني بركي اقدر انسى ..
وقفت لحتى تمشي لكن قيس وقفها بسؤال: هبة تتزوجيني ؟

نزلوا دموعه ولف حاله عنها بينما جلست هبة قعدتها وبقيت شاردة بالعدم .. ما قدرت تلاقي رد لكلامه المؤلم .. جواها كانت بتعرف انه. كلامه صحيح .. تمالكت حالها ووقفت و قالت :ريان انا لازم روح ...
التفت وصرخ : قلتلك مافي روحة
هبة :ليش ؟
ريان :لأنه من اليوم رح تقطعي علاقتك بهاد اللي اسمه قيس
هبة :شو السبب ؟ قيس كان بده يجي يتقدملي بنفس اليوم اللي فرح خطفت كنان فيه
ريان :شو قلتي ما سمعتك ...يتقدملك قلتيلي ،اي انا بدي كسر رجليه التنتين اذا فكر يعتب على عتبة بيتي
هبة :ليش اخي ؟ انت من ايمتا بتتحكم بقراراتي ؟

صرخ :من اليوم رح يصير في قانون جديد هون ،واول شي رح تعمليه هو انك تتركي قيس

هبة :مابتقدر تجبرني عهالشي.. انا بحبه وهوة بحبني .. ومستحيل يقدر حدا يفرقنا

ريان :ليش يلي حرمني منها ماكنت بحبها ..!
هبة :قيس ما دخله بشي .. فرح اللي كانت جانة عالآخر وهي اللي اختارت نهايتها .. قيس حاول يوقفها بس

غمض عيونه رجع فتحهم و رد بنفاذ صبر :بدك اياه روحي لعنده .. بس لازم تعرفي انك رح تخسريني اذا اخترتيه ،انا رح اتخلى عنك هبة واحسبي انه معد الك اخ ...

تراجع ورجع على غرفته وخبط الباب وراه تاركها مصدومة من كلامه .. تراجعت وانهارت عالكنبة وهي عم تبكي

==========================\

بالمشفى ..كان قيس قاعد عالسرير ساكت و شارد بالعدم ..وامه واخوه عاصم وابنه كنان قاعدين جنبه ..
عاصم :كيف حاسس حالك هلأ اخي
قيس :الحمدلله
ام عاصم :الهي يحميك من كل شر يا عمري
قيس :....

فجأة دق الباب وانفتح وفاتت لينا بتردد ليوقف عاصم على حيله .. فجأة حل صمت مريب بكل الغرفة بسببها

لينا : الـ الحمدلله عسلامتك أخي

مارضي قيس يرد عليها ولا حتى يتطلع فيها ..
نطقت لينا ودموعها بعرض خدودها :بعرف اني غلطت ..بس الله بيغفر ليش انتو مابدكم تغفرولي ..

اطلع عاصم بأمه شافها بتهزله براسها برضا ليطلع بـ لينا ويقرب عليها وياخدها بحضنه

عاصم :انا من جهتي مسامحك اختي ..واكيد قيس مسامحك كمان

رد قيس بسرعة :لا انا ماني مسامح حدا ،خليها تنقلع من وجهي لأني مو طايق شوف خلقتها ...
لينا :اخي ..
قيس :لبقى تناديني اخي ،انا سبق وقلتلك اني متبري منك ،روحي انقلعي من وجهي ولعد تورجيني وجهك هاد لبقية حياتك

عاصم: قيس ...
قاطعه: هاد اللي عندي عاصم .. تحمد ربها هالحيوانة اني مو قدران اتحرك و إلا كنت قمت ربيتها من أول وجديد

تضايقت ام عاصم واطلعت بـ لينا وقالت :خلص لينا روحي ...
زادت لينا بكاها وطلعت مكسورة الخاطر من عنده ....

...

قضى قيس النهار بطوله وهو ناطر هبة لحتى تبين ..بس ما بينت ولا حتى سألت .. بالليل كان قاعد بالغرفة لوحده ..أخيراً حسم أمره وتناول موبايله واتصل على رقم هبة لكنها ماردت .. أعاد اتصاله عدة مرات لحتى فتحت الخط اخيراً

قيس :هبة
شهقت بس رجعت سمعت صوته ليحكي :حبيبتي وينك انا كتير مشتقلك. .. ليش ما اجيتي .. ما حدا خبرك اني صحيت. يعني؟
هبة: .....
قيس: فقدت وجودك اليوم .. مارح اعتبر حالي صحيت إلا لما شوفك

بالطرف التاني كانت هبة متمددة بتختها وهي عم تبكي ..

قيس: هبة .. شبك ليش ما عم تحكي؟

تمالكت حالها ونطقت :قيس ..انا معد بدي اياك .. انساني

تجمد مكانه من الصدمة وحس بقلبه انكسر بسبب كلمتها ،كابر على دمعته و رد باستنكار :شو قلتي .. ماسمعتك .. يا ريت تعلي صوتك شوي

هبة : قلتلك قيس انا معد بدي اياك ..خلينا ننفصل
قيس :ننفصل !؟ ليش
هبة :هيك احسن الي والك
قيس :بس انا بحبك

حطت هبة ايدها عتما ودموعها مغرقين خدودها .. حست قلبها رح يوقف بس سمعت كلمته رجعت ردت :وانا لا ...قيس يا ريت تنساني ولبقى ترنلي .. باي..

سكرت الخط بوجهه و رمت الموبايل بأرض الغرفة ودفنت حالها تحت الغطا واسترسلت بالبكي ..

بالطرف التاني .. نزل قيس الموبايل عن اذنه ببطء وهو بعده عم يحاول يستوعب اللي حكته هبة ..

سحب نفس و همس باستنكار :كذابة .. هبة انتي وحدة كذابة ..انتي بتحبيني ..

وفجأة رما الموبايل عالحيط وصرخ :كذاااابة

... ... ... ... ... ... ... ... ... ... ...

بعد مرور فترة من الزمن .. بدأت إجازات المدارس ... كانوا ريان وهبة واقفين بممر الاستقبال قدام بوابة القادمين بالمطار .. أخيراً طلّت جيني من الباب وهي جارة بشنتة سفرها .. أول ما شافتهم رفعت ايدها وتوسعت ضحكتها ليلوحولها بإيديهم بدورهم ..

بالسيارة كان ريان عم يسوق بصمت اما هبة كانت حاطة ايدها عخدا وهي عم تراقب من الشباك الطريق بهدوء.. أما جيني كانت قاعدة بالكرسي ورا وهي عم تنقل نظرها بينهم باستغراب ..

جيني :رين هبوش شبكم .. ليش هيك ساكتين وكأنه هموم الدنيا كلها وقعانة على أكتافكم؟
هبة :لا حبيبتي مافينا شي
جيني :لتكونوا مو مبسوطين برجعتي ؟
ريان : شو هالحكي جنجونة طبعاً مبسوطين وكتير كمان..
جيني: معناها ليش هيك حالتكم وكأنكم مو طايقين بعض؟

#جرح_الماضي
#الجزء_العاشر_والأخير
#هاجر_ابراهيم

" هبة : ما كانت مجرد ذكريات وبس .. كان جرح قديم وصار حاضر مؤلم .. والجرح توسع أكتر .. أنا اللي كنت مقررة انسى الماضي بكل آلامه .. لكن الهيئة رح يبقى الوجع ملاحقني بقية عمري "

كان صدى أصوات الناس اللي بتصرخ بيصرع ومزعج ومنظر أضواء سقف المشفى اللي عم يتناوبوا بالتدريج بصورة غير واضحة مزعج اكتر ....و بنت بشعر اسود طويل بتبكي عم تركض مع السرير النقال ..هاد اخر شي كان بشوفه قبل ما يفوت بمتاهة اللاوعي ...

«بعد مرور اسبوع...»

دقت هبة الباب وفاتت وهي حاملة باقة ورد
هبة :الحمدلله عسلامتك ماهر
ماهر :الله يسلمك هبة

مسكت هبة ايد لينا واخدتها عجنب وسألتها :عرف شي ؟
لينا :لا ...لسا بس ..
غصت بكلماتها وبلشت تبكي

ماهر :لينا شبك .. ليش عم تبكي ؟
هبة :ماهر انا جاي لحتى خبرك انه إختك فرح عطتك عمرها ...
فتح عيونه بصدمة .. تجمعت الدموع بعيونه وهمس بعدم تصديق :اختي ...فرح !!

هبة :اجيت خبرك انه اخي قام بالواجب ودفناها وفتحنا بيت عزا كمان ...الله يرحمها
ماهر :الله يرحمها ..
ونزل راسه وانهمروا دموعه بسخاء لتقرب منه لينا وتضمه لتقدر تواسيه لموت اخته
لينا: العمر الك حبيبي. .. طول بالك كلنا على هالطريق
ماهر: .....

اطلعت لينا بـ هبة وسألتها
لينا :وقيس شو اخباره ؟
هزت هبة براسها بالنفي ودمعوا عيونها
هبة: ما صحي لهلأ ..
لينا :بدي شوفه

...

عند غرفة العناية وقدام قزازها العازل وقفوا هبة ولينا .. نزلوا دموع لينا لما شافت قيس متمدد عالسرير والأجهزة موصولة فيه ...مراقب نبضات القلب وجهاز التنفس وغيرهم ...

كان قلب هبة عم يتقطع من جوا على حاله .. بس مو طالع بإيدها تعمل شي

لينا : ريتني انا ولا انت ياعمري
غطت لينا وجهها بإيدها ورمت حالها بحضن هبة وبلشوا يبكوا بحرقة سوا

==========================\

رجعت هبة عالبيت ودخلت .. كان معتم ومافي اي صوت... نادت لـ ريان كم صوت لكنه ما رد .. توجهت على البلكون ولقته قاعد ومكتف ايديه وشارد بالسما بعيون باكية .. شو وجعها حاله .. تمالكت حالها ودارت على دمعتها
هبة :ريان شو قاعد عم تسوي عندك ؟ مانك بردان ؟
ريان :....
هبة :لإيمتا رح تضل هيك ...بكفي أخي .. شو فينا نعمل غير نقول الله يرحمها ..
رد بشرود :ماعم اقدر انساها يا هبة ، حاسس قلبي محطم وكل قطعة منه تايهة بقرنة بدونها

نزلوا دموعها و ردت :سلامة قلبك اخي ،بس هي مر اسبوع عالحادثة وهاد نصيبها ببوس ايدك حاج تعذب حالك ...

قربت منه وقعدت قدامه على ركبها .. مسكت ايده وباستها وقالت : ما بعرفك ضعيف لهالدرجة يا أخي .. بعرفك أقوى من هيك .. بترجاك ارجع متل ماكنت ،والله ماعم اتحمل شوفك بهالحالة

غمض عيونه بألم ليهروا دموعه مرة وحدة متل الشلال .. قربت منه وضمته بقوة ومالبث ثواني إلا بلشت شهقاته ترتفع وصوت بكاءه يعلا وكأنه طفل صغير ..

..

تاني نهار لبست هبة تيابها وطلت على ريان اللي كان حاضن المخدة ونايم .. رفعت الحرام غطته .. طالت جزمتها من خزانة الأحذية وقعدت على كرسي لحتى تلبسها لما رن تلفونها... وبس شافت الإسم ردت :اهلين لينا
ردت لينا بلهفة :هبة قيس صحي
وقفت هبة متفاجأة .. بلشت أنفاسها ترتفع وهي عم تبكي
هبة : عنجد صحي .. اي يلا جاية فوراً

فجأة طلع ريان من غرفته ووقف عند الباب وسألها بنبرة غريبة : لوين رايحة ؟
ردت بعفوية وعيونها عم تضحك : قيس صحي انا رايحة شوفه
ريان :وليش مبسوطة لهالدرجة ؟
هبة :ليش لحتى ماكون مبسوطة ؟
ريان :ليش شوفي بيناتكم ؟

اختفت ضحكاتها وتغيرت ملامحها فجأة لما تذكرت انه ريان ما بيعرف اي شي عن علاقتها بقيس.. تمالكت نفسها و ردت : بصراحة اخي ..انا وقيس بنحب بعضنا

ريان :ومن ايمتا هالحكي وانا مالي خبر ؟
توترت وبلعت ريقها بس شافت بروده الغريب و ردت :اخي انا ماني صغيرة .. انا ناضجة وبعرف مصلحتي ...

تحرك من مكانه وقرب عليها وهو عم يبادلها نظرات غريبة و باردة .. كانت اول مرة بحياتها بتشوفها منه.... وقبل ما تنطق أي حرف سحبها من كتفها بكل قسوة وجرها لجوا ورماها عالكنبة لتنصدم بتصرفه

ريان:مافي روحة عمطرح يا هبة
بقيت تطلع فيه بصدمة واضحة .. أول مرة الو بيعاملها بهالطريقة .. سألته باستفسار: ليش هيك عملت ؟
ريان: يبدو اني كنت راخيلك الحبل كتير من زمان .. بس مو مشكلة كلشي بيتصلح
هبة: شو قصدك؟ انا شو عملت ؟
ريان: لأنه بسببك صارت كل هالمشاكل .. بسببك انقلبت حياتنا فوقاني تحتاني .. بسببك ..

جحظت عيونها وبقيت تبادله بنظرات كلها خيبة ليكمل بقهر: ما بعمري فكرت لو تفكير صغير حط لوم كلشي صار معنا عليكي .. بس الغربال ما بيخفي نور الشمس يا هبة .. قد ما نكرت رح تبقى هي الحقيقة .. انتي سبب كلشي صار فينا .. بسببك تسلط عماد علينا .. وبسببك سافرنا وبس رجعنا بإيدك رجعتي المشاكل لحياتنا .. انتي اللي جبتي فرح وخليتيني حبها واتعلق فيها .. وبسببك افترقنا عن جيني .. وبسببك خسرت ابني وبعدها خسرت فرح

ركض ريان عليها متجاهل غضبها وحقدها ليلحقه ماهر وبلشوا يخلصوها المسدس. بينما صرخت هبة بخوف :لك فرح تركي المسدس من ايدك ....

وقف قيس وعدي وهبة بعيد وريان وماهر عم يحاولوا يخلصوها المسدس .. فجأة سمعوا كلهم الصوت يلي ماحدا متمني يسمعه بهديك اللحظة ،كان صوت المسدس اللي طلعت منه رصاصة طايشة ...

تمسمروا ريان وماهر وفرح وبلشوا يتبادلوا نظراتهم بصدمة
اما هبة خافت تكون الرصاصة اجت بـ ريان ...
فتحت فرح عيونها عالاخر ودموعها بتنزل بغزارة واطلعت وين ضربت الرصاصة ورفعت راسها واطلعت بعيون ماهر يلي كان عم يتطلع فيها وهوة عم يكابر على حاله ...
فرح :اخي ماهر ..

تهاوى ماهر على ركبه ورجع تمدد تحت رجلين فرح وهو عم ينازع وانصدموا كلهم لما عرفوا انه ماهر اللي انصاب بخاصرته ...حطت هبة ايديها عتمها وبلشت تبكي
اما فرح رمت المسدس من ايدها وقعدت جنب اخوها
فرح :ماهر .. اخي ماهر .. ببوس ايدك لاتموت
ماهر :فرح ...بكفي اختي بكفي ..
حكا هالكلمة وغمض عيونه لتنفجر فرح بالبكي وتوقف و تركض عالسيارة بينما ريان بعده مو مصدق او مستوعب اللي عم يصير حواليه ...

حط قيس كنان من ايده وركض على سيارته وشغلها اما هبة ركضت وركبت معه
هبة : شو ناوي تعمل؟
قيس :رح القي القبض عليها. ..هالبنت اكيد في بعقلها شي ...
وشغل السيارة ولحق فرح بسرعة .

وعي ريان عحاله ووقف وسأل عدي باستفهام :ليش عم يلحقها ؟
قرب عدي منه و رد: هدي اخي ريان وخلينا نأسعف ماهر عالمشفى...
حمل ريان ماهر على أكتافه وحطه بسيارته بينما طلع عدي وكنان من قدام ومشيوا ...

اما فرح كانت سايقة السيارة وهي عم تبكي و تضرب عالدركسيون وتصرخ بجنان :ليييش ليش ياربي ،لك ليش هيك انا عملت .. ليييش
فجأة سمعت صوت زمور سيارة قيس اللي كان عم يلاحقها ..

مشي بجنبها وبلش يصرخ من الشباك :فرح بكفي وقفي هالسيارة عجنب

كانت فرح بهديك اللحظة مو مهتمة حتى بحياتها.
صرخت :لكك انت مجرم ...
وميلت الدركسيون وضربت بسيارة قيس
صرخت هبة :لا .. هي جنت عالاخر

رجع قيس وازن السيارة ورجع مشي جنبها وصرخ :هالعناد مارح يفيدك بشي .. يلي صار صار ،وقفي وارضي بنصيبك
فرح :لا مستحيل يكون هاد نصيبي ،انت السبب قيس

ورجعت ضربت بسيارة قيس ...هدا قيس السيارة وركنها عجنب
قيس :هبة نزلي
هبة : وين بدي انزل ؟ قيس شو ناوي تعمل ؟
فتح قيس السيارة بعصبية ودفع هبة لبرا ورجع سكر الباب ومشي تشحيط بالسيارة ...

كانت هبة واقعة بالارض لما شافت سيارة قيس وقفت بوجه سيارة فرح ليضربوا السيارتين ببعض وقلبت سيارة قيس عدة قلبات واستقرت أخيراً عالعجال .. شافت هبة ايد قيس طالعة من شباك سيارته وهية عم تنقط دم ... ما كانت بعدها مستوعبة اللي صار قدامها .. أخدت نفس وصرخت بوجع :قيييييييييس ....

اما سيارة فرح بقيت تلف لحتى وقفت بنص الشارع .. كانت لسا واعية ومصدومة انها لسا بخير ...
أما ريان كان ماشي عالطريق بسيارته لما شاف الحادث اللي صار بين قيس وفرح وركن سيارته ونزل ركض لحتى يوصل لعند فرح اللي
اطلعت عليه وابتسمت بعدم تصديق .. حاولت تفتح الباب وتطلع ما قدرت ...وقبل ما يوصل ريان انفجر محرك السيارة اللي فيها فرح وولعت ليندفع ريان لورى بقوة من شدة الانفجار .. رفع حاله وانصدم بس شاف السيارة تحولت لكتلة نار كبيرة .. نزلوا دموعه وصرخ: لاااااااااااا .. فررررررححححح
وقف وركض اتجاه السيارة لكن مسكه عدي وبلش يبعده عن النار

#يتبع....