**- حياة صالح بوعياد الشهيبي

لو إنخَاف ضعَف إنخَاف ضعَف إيمانِي
كلِي آخلافَه مَا هنّاك شي إنخَافه

لا لِي طمَع فِي شي تالفَ فانِي
او علِي شي تالفَ مَاتسِير حسَافه

مفطَوم هكذِي يرحَم إللي ربانِي
مَا نعَاود عليّه فِي يوم هلِي إنعَافه

آو بثمَارها الطيَبه مايلاّت غصانِي
آو مانِي منلِي للعلّل زيَافه

آو نزِيد بَالقدَار آقدَار منْ كافانِي
ياخَذ اردَود آسلاّف فَوق آسَلافه .**

-??

**" سليمان الشريمه " .

كلت إكبودنا و اتريـد ، ما زالت النـار إعقولنا .. !**

-??

#عوض_الحجازي دير اللي تطريك و طرِّف ، خلِّي لمواعيد إتخرِّف .. !
-??

#عيسى_بوإسليم و الحن وين ما يكثر القدر إيشوِّي ،
و إسكت إن جا في ناس ما يسواهم .. !

-??

#بوبكر_بوعجيله إقعادك بروحك خير ، فكَّك الله من ناس واجده .. !

-??

#خليفة_غيث مـ الهالبه اللي مـ العمر ، أجعل الجايِّه خير يا الله .. !

-??

#موسي_العبد لولاف انسينا دوتهم ^^ ضي فنار ولاقمرتهم .

-??

ا**لراحل صالح بوعياد الشهيبى .

ناغلطان عمرى راح بدرى نرجاء فيك ضيعتى اسنينه
الغاوى عماه ونتى زاد تدرى زوقتك نين تميتى ثمينه
عطيتك قدر عندك ضاع قدرى كان حدرت ردى واعقبينه
كان رقيت مربوحه انحدرى يالى القدر ماتستاهلينه
كميت ازعلى فى صندوق صدرى بقيتك غدر تبى تتعطنينه
شايل غيض منك فاض قدرى اول فور والثانى قشينه
الثالث بان تبييتك لغدرى حسبى الله فيك بينك وبينه .

-??

**الشاعر الراحل ادريس الشيخي

الدنيا كواينها اكثر من افراحها ..
غرورة المتكسي ابها عريان

-*??*