روسٍ رفعناها معزه وتقدير
‏و روسٍ نوطيها وناطا عليها .

الزعل عندي مرادف لـ المحبه
‏مستحيل أزعل على إنسان عادي .

‏لا ضاق صدري قلت يارب رحماك
‏ياللي بذكرك ينجلي ضيق صدري

‏استغفرك وأتوب لك واطلب رضاك
‏ماغيرك احدٍ عن خفا النفس يدري .

سلامي على اللي يبتسم والحمول ثقال
‏وسيع البنايد لا احتمى الوقت ، كلمته .

عينك على اللي عند غيرك شفاحه
‏« هذا الحسد لا بارك الله براعيه ».

الطيب جمّع ناس ،، لا عرق فيها
‏والحقد فرق ناس من صلب جدان 
‏ㅤ 
‏عمر الردايا ،،، ما تمثل ذويها
‏والطيّبين اخوان لو ماهم اخوان .

عسى السعد ياقبلة الجيل يغشاك
‏وعسى الفرح دربٍ تظمه خطاويك .

فل الحجاج وخل عنك الهواجيس
‏كلٍ يموت « وحاجته ما قضاها » .

كل ما وطيت راسك توطوك الرجال
‏الرجال اللي عليهم تنص اللايحه

‏الرياجيل استخفو وانا خابرهم ثقال
‏يالله استر لاتطول علينا الجايحه
‏
‏ياكريم الوجه ترزقني الرزق الحلال
‏لاتطيح حظي مع الحظوظ الطايحه

‏القناعة والكرامة غناة وراس مال
‏من ملكها مانشد وين بقعا رايحه .

أعايدك وأنت أجمل الناس بالعيد
‏ياعيد عمري جعل عيدك مبارك .