https://t.me/customschannel/41288

https://t.me/customschannel/41074

? Бугун “3-декабрь - Халқаро ногиронлар куни” муносабати билан Поп туманида жойлашган «Мурувват уйи»да катта байрам дастури ташкил этилди

? Telegram | ? Facebook | ? Instagram

Аввал хабар берганимиздек, Россия Федерал божхона хизмати раҳбари В.Пикалёв бошчилигидаги делегациянинг мамлакатимизга ташрифи давом этмоқда.
Бугун эрта тонгда меҳмонлар Тошкент вилояти божхона бошқармасининг “Яллама” чегара божхона постида бўлишди.

“Ақлли божхона” тамойили остида фаолият юритаётган мазкур божхона пости кенгайтирилиб, йўлаклар сони оширилди. Пост божхона назоратининг замонавий техник воситалари, сўнгги русумдаги йирик инспекцион кўрик мажмуаси билан таъминланган.

Натижада назоратдан ўтказиш имкониятлари кенгайиб, ҳар бир автотранспорт воситасининг божхона назорати учун сарфланаётган вақт ўртача 40 дақиқадан 15 дақиқагача қисқарди.

Постда БМТнинг Наркотиклар ва жиноятчилик бўйича бошқармаси ҳамда Жаҳон божхона ташкилотининг “Контейнерда ташувлар устидан назорат” Глобал дастури доирасида “Порт назорати” гуруҳи фаолият юритмоқда.

Пост орқали транзит юклар учун “eTIR: Яшил йўлак” лойиҳаси доирасида ТИР-карнет китобчалари асосида ташувларни электрон расмийлаштирган юк автотранспорт воситалари учун алоҳида йўлак ташкил қилинди.

Сўнгги суткада пост орқали кунига 1500 га яқин автотранспорт воситалари ҳаракатланди.

Пост фаолияти билан танишув жараёнида россиялик ҳамкасблар ўзларини қизиқтирган саволларга атрофлича жавоблар олишди.

Россия Федерал божхона хизмати делегациясининг мамлакатимизга ташрифи давом этмоқда.