ነገ እኮ አድዋ ነው!...የኔ ሐበሾች
❤

ማንም ሰው እግዜር የለም ቢል እንኳ ከአደጋ ሞት ሲተርፍ "ተመስገን" ለማለት እንኳን ያልታሰበው ህሊናው ፈጣሪን ይፈልገዋል።
'
'
@geez_mulat 🦘

ሆያሆዬ
'
'
ፍቅር ድንበር ሲገድበው
በዕንባ ግድብ ሰርተሽ አየሁ
ማቀፍ እንኳ አይረባሽም
ወንድነቴን እስከሰጠሁ

አፍላ ልብሽ እየሞቀ
የምፅፈው ወኔ ካጣ
ሀገር ሚያክል እንከንሽ
ግድብ ሆኖ በአጥር መጣ

የአጥር ወፍ መጣች አሉ
ሳታረግዢ ልጅም ሰይጣን
መውለድ እኮ ዘመድ አለው
ለፍቅር ነው ሀገር ያጣን

የመስቀልስ ያኔ እለት
ጉሽም ብየ ሆያሆየ
አምባሰል ላይ ባቲን ተውሽው
እንቁ ስልሽ አቃልየ

የቀለልሽው እንደባዶ
ተራ አውሎ ሚሳፈጥሽ
ፍቅር ኪስሽ ሽጠሽው ነው
በደንበር ላይ ማሰፋትሽ

ምንስ ደሞ አቅም አለኝ
ካንቺ ስጋጭ እንደነገር
ንፋስ እንኳ የሚንቀኝ
የስንዴ ዘር ሆኜ ስቀር

ዝም ብሎ ይከፋሻል
እንዲሁ ቆጣ ቆጣ፣
እሰይ በደንብ ይክፋሽ
አንቺ ብዙ ክልል አለሽ
ፍቅር እጂ ሀገር ያጣ፣

@geez_mulat
ግዕዝ ሙላት🦘

ካሳ ከካ

\የአፄ ቴዎድሮስ የልደት በዓል ?/
'
'

ተንቀጠቀጠች ምድር
ምድር እንኳ ምድር ጠበባት፣
ተስፋ ባጣ ምድረ በዳ
ቤት ነበር ያጣሁላት፣

ምንም ባልታገዝ
ከዘመን ብቀድምም፣
የእናቴን ሆድ እንጂ
እናቴን አልረግምም፣
ለምን ?

ጎጆዋን ለመስራት
ሺ መሬት ስላላት
ጠባብ ቤት አፍርሼ
ስልራበት ስላልኳት
ማተብ ማተብ ስትል
ማተብ አስበጠስኳት

እሷስ ክንዴን ምን አረጋት
ነጭ ማመን ገዷ ሆኖ
በራ በሌት ሄደች
ለዛ ነጭ የከብት መኖ

ይቺ ናት የእኛ እናት
ዛሬ ጠፍታ ምታባላ
ራሷ ናት ፈሪ አማኝ
ከልጅ ይልቅ የነጭ አማኝ

እርግማኔ ይንቆርቆር
መሬቷን ቀበሮ ይሽናበት ፣
ጅብ አንገቱን አቅንቶ
ቁሞ ይዝፈንበት ፣

ለእኔ ከዘመን ቀድሜ
ለመጣሁ ቴዎድሮስ፣
በመቅደላ ቤቷ ቀባሪ የላከች
ይቺ ናት የእመት የሎስ፣
'
'
"አፄ ቴዎድሮስ የልደት ቀን "

@geez_mulat ?
ግዕዝ ሙላት ?

ዙሪያው ሁሉ ሲመሳቀል
ያቀፈኝ ክንድሽ ነበር
ሁሉም ነገር ሲስተካከል
አቃፊ እጅሽ ይለቅ ጀመር

በቁራ ክንፍ ያለው ጥቁረት
ተደብቆ እስኪከረም
በሌት ወፍ አይተካም
የጠፋ ስም እስኪታረም፣

ያሻሸኝ በሌሊቱ
ከፀጉሬ ውስጥ ጣቶችሽ
አባብለሽኝ ዝም ስልሽ
ምነው ታዲያ ማጥበቅሽ

ደባብሰሽኝ እንደነገር
እንቅልፍ እንኳ ቶሎ ሲይዘኝ ፣
እንቅልፍ አልባው የሌት አይኔ
ያኔ ነበር ያስገመተኝ ፣

ተይው ባክሽ የኔን ነገር
ተፈጥሮዬ ተመሳቅሏል ፣
የሆንኩትን ካንቺ ሲሆን
አለመሆን ስንቴ ሆኗል ፣

ደሞ እኮ መለስለስሽ
እንዲህ ለጉድ አፈጣጠር፣
መልአክ ነበርሽ እንዴ ?
የአዳም ሄዋን እስኪፈጠር፣

ትንሽ ነው የሚቀርሽ
ከሰው ሚዛን ተንጠልጥለሽ
በክንድሽ ላይ የቁራ ክንፍ
በዛ ሌሊት ምን አስገኜሽ

እኔም እይኝ የወንድ ጅል
ስትዳብሽኝ እንቅልፍ ያዘኝ
ሌላ ነገር አለማሰብ
በእግዜር ዘንድም አስገመተኝ ፣
'
'

@geez_mulat ?
ግዕዝ ሙላት

'
'
በቁም እሳት ነው
የናፍቆትሽ አንታርቲካ፣
ሶማሊያ ላይ ተቀምጦ
ግብፅ ያለን የሚነካ ፣
'
'
@geez_mulat ?
?

ቤተሰቦቼ እንኳን አደረሳችሁ
አብራችሁኝ ስላላችሁ በጣም አመሰግናለሁ !

?

መልካም ገና አትበሉኝ ?
አልተወለደም እንዴ?
የወደቁት እኒህ ህፃን
ወድቀው ቀርተው የሚታዬት
ለገና እለት ለውልደቱ
ትንሳኤ ነው የማይሉት
ለምን ይሆን የማይሉት ?

አምላክ አልተወለደም ?
ገና ምጥ ላይ ነው አለኝ አንድ ጨቅላ
በርሃብ መሃል ላይ ብኩን ስንዴ ገላ

በማይበላ ሳር በሚበላ ጌታ ፣
አለች አንዲት ገመድ በአንጀቱ ላይ ባታ፣

ይሄ ስንዴ ታዲያ
ቶሎ የደረቀው
እግዜር ቢጠላን ነው
ማንም ለጠየቀው

ገ'ና ገና ነው ለእነሱ አልደረሰም
የገናው ዛፉ መብራት አልቀለሰም

ገና አለ አትበሉ
ህፃናት አልነቁም
ሆዳቸው ዘፈን ነው
ጌታ ስጋ አያውቁም

እስኪደርስ ዘመኑ
ጌታ እስኪወለድ
ዝም ብለን እንሸውድ
ባልኖርንበት መንገድ
'
'
@geez_mulat
ግዕዝ ሙላት?

ፀጉሯን ታጥብቀው

'
'
ፊት ለፊቴ ተቀምጣለች
ድግስ አላት ትጠጣለች
ይመስለኛል ሰክራለች

ወይም ሰክሬለሁ
ጠጣለች መሰለኝ
ወይም ጠጥቻለሁ

ታየኛለች በድግግም
ታፈጣለች በሰከንዱ
ይጨንቀኛል እንደ ምንም
አይጨንቀኝም እንደ ወንዱ

ጨፈረች እንደልቧ
ትጮኻለች እንደ ዓለም
እሷን ማወቅ
ለእኔ ቀርቶ
ላለም ሰውም ብርቅ አደለም

መስላኝ ነበር ስገጣጠም
መስሎኝ ነበር የፈለገች
መስሎኝ ቀረ እንደተራ
ወንድነቴን እንደናቀች

ተጨንቄም ተዋወኳት
እንደምንም ክብሬን ጥዬ
ስሟን ነግራኝ ስሜን ረሳው
አላጣት ምንም ብዬ

ብዬ ብዬ ብዬ....

በመሃል ጭፈራው
በሰቆጣ ዘፈን
ስትዘፍን ሳያት ፣
ድንገት ተቀየረች
የለበሰችው ፀጉር
ወልቆ ጉድ አረጋት

?

@geez_mulat
ግዕዝ ሙላት ?

ብልጭ
'
'
ስንቱን ነገር ነውር ልበል
ስንቱን ነገር ላስተምርሽ
ስንቱን ስንቱን ማለቴ እንኳ
ስንቴ እንደሆን በነገርኩሽ

ተመከሪ ኧረ ስሚኝ
ጨንቆኛል ያንቺ ነገር፣
ትልቅ ነበርሽ አትበሳጭ
ክብረቢስ ነሽ እንደ ሀገር ፣

አትቅለይ ባደባባይ
መጋረጃ ቀሚስ ለብሰሽ
ቆርቆሮ ነው ወርቅ አደለም
አንገትሽ ጋ ስትዳበሽ ፣

ይጋለጣል እንደ ቡዳ
በእሳት ዘመን ውሃ ሰጦሽ፣
በደረቀ እሾህ ሄደሽ
ራት አልሽኝ ያንቺን ግጦሽ ፣

አታዋርጅኝ እባክሽ
ክብር አለኝ ለመሬቱ፣
አትዝለይ ይጋለጣል
ካለ ዘፈን ሲሆን ምቱ፣

እኔ ብሆን አልዳኝሽም
እኔ ብሆን አልተውሽም
የትም ሄደሽ አትቅለይ
አታምሪም ማሪያምን
አምነሽ ተ ቀ በ ይ ፣

መስሎሽ ከሆን እንደቅናት
ያንቺን ብልጭ የማልወደው
ያንቺን ማማር ማልፈልገው፣
ውበትሽ ጋ እንድራመድ
መርጋት ነበር 'ሚያስፈልገው ፣

ስንቴ ልምከር ያንቺን ጉዳይ
ነፍጥ ብል ጫካ ካለም፣
ሁሉን ቦታ አዳርሰሻል
ያንቺ እውነት ካለም' የለም ፣

አረጀሁኝ እንደዘበት
አትሰሚኝም እዛው አለሽ ፣
ይሄ ልቤ ይሆን እንዴ
ያንቺን እድሜ የተዋሰሽ ፣
'
'
ግዕዝ ሙላት ?

@geez_mulat