شايف الناس في الساحل وفي الجونة؟!🏖️
شايف الحفلات بتاعت المغنيين؟
حياة الإنفلونسرز والبلوجرز اللي مفيهاش أي قيود!

غالبا لو متابع الحاجات اللي فوق دي هيبجي في بالك سؤال:
"مش لو بطلت أفكر إيه حلال وإيه حرام هاخد راحتي واتبسطت أكتر؟!🫣
ليه مبقاش حر تماما في حياتي؟
ليه لازم أكون عبد لله؟! "

السؤال ده حتى لو موقفتش معاه كتير أو مقولتوش بصوت عالي لازم تجاوب عليه 🫱🏻‍🫲🏻

🧠 الحقيقة إن كل إنسان في الدنيا عبد لشيء، حتى اللي بيقول إنه مش مؤمن. فيه اللي عبد لشهواته، اللي عبد للفلوس، اللي عبد لرأي الناس، واللي عبد لمنصبه أو شهرته. كل واحد فينا متعلّق بحاجة، ودي الحاجة اللي بتحكم حياته وتصرفاته، حتى لو مش واخد باله!

📌 لكن الفرق بين عبودية ربنا وأي حاجة تانية، إنك لما بتكون عبد لله، بتتحرر من كل العبوديات التانية. مش هتفضل عايش خايف من الناس، ولا متعلق بالفلوس، ولا مضغوط طول الوقت عشان ترضي غيرك. لأنك عرفت إن مفيش حد يستاهل تتذلل له غير ربنا، اللي خلقك وعارف مصلحتك أكتر من نفسك.

لما بتعرف إنك عبد لله، بتوصل لأعلى درجات الكرامة والعزة.
قال تعالى:"من كان يريد العزة فلله العزة جميعا".💚

بتلاقي راحة في قلبك، وسكينة في روحك، لأنك سلمت نفسك للي ماسك أمرك كله، بيده كل شيء، وهو أرحم بيك من أي حد.💚

العبودية والانكسار لله والتذلل له قوة، و كرامة و حرية حقيقية.

"وَقَالَ إِنِّي ذَاهِبٌ إِلَىٰ رَبِّي سَيَهْدِينِ" [الصافات: 99]

كل عبودية أسر!
إلا عبودية الله، خير ورحمة وهداية 💚

"تخيل لو..."🤔

✍🏻تخيل لو كنت مجرد نقطة صغيرة في بحر مليان بلايين النقط، لا ملامح، لا اسم، ولا وجود حقيقي...وفجأة❗❗، حد بياخد النقطة دي، يديها شكل، يديها روح، يديها عقل يفكر وقلب يحس.
النقطة دي بقت "أنت".

✍🏻تعال نتأمل شوية في التفاصيل دي:
جسمك ده... معجزة بكل معنى الكلمة!

✍🏻القلب، الجهاز اللي شغال 24/7❤️
قلبك بيشتغل طول حياتك بدون ما تاخد بالك، بينبض حوالي 100 ألف مرة كل يوم، عشان يضخ الدم لكل خلية في جسمك. تخيل إنه بيعمل كده من غير أي خطأ، مين اللي صممه بالشكل ده؟

✍🏻عينك... كاميرا إلهية خارقة👁️
عينك شايفة ملايين الألوان، بتفرق بين درجات الضوء، وبتتأقلم مع الظلام في لحظات. شبكية العين فيها أكتر من 100 مليون خلية عصبية بتشتغل بتناغم كامل مع مخك، عشان تخليك تشوف كل حاجة واضحة.

✍🏻المخ... مصنع الأفكار والذكريات🧠
تخيل عقل بيشتغل أسرع من أي سوبر كمبيوتر في العالم! فيه 86 مليار خلية عصبية بتتحكم في كل تفصيلة في جسمك، بتخزن ذكرياتك، وبتنسج أفكارك. كل ده بيحصل من غير ما تحس.

✍🏻نظام المناعة... جيشك الخفي🦠
وفي جسمك جيش دفاعي عبقري بيحميك طول الوقت، بيحارب ملايين الجراثيم يوميًا، وبيصنع أجسام مضادة عشان يحافظ عليك في أمان.

✍🏻كل حاجة في جسمك مترتبة بدقة مدهشة، ومتصممة بشكل مستحيل يكون عشوائي. ربنا - سبحانه وتعالى - بيقول:
"وفي أنفسكم أفلا تبصرون" (الذاريات: 21).

✍🏻كل مرة تتأمل في نفسك، لازم تفتكر إنك مش مجرد كائن عادي. ربنا خلقك في أحسن صورة. قال تعالى:
"لقد خلقنا الإنسان في أحسن تقويم" (التين: 4).

✍🏻النهارده، خد دقيقة تفكر فيها في نفسك... جسمك، عقلك، وقلبك. استشعر قد إيه أنت معجزة..انك دليل على الخلق.
وقول: "الحمد لله الذي أبدع خلقي وسواني."
وابدأ فكر، إزاي ممكن أستخدم النعمة دي بشكل يرضي ربنا؟
لأنك ببساطة... مش صدفة، أنت أعظم دليل على عظمة الخالق.💥💁🏻

✍🏻وسط دوشة الدنيا وانشغالنا في الجري ورا متعها، سواء كان بشغلنا، طموحاتنا، أو حتى محاولاتنا نثبت نفسنا ونأمّن مستقبلنا اللي في الآخر مكتوب بإيد ربنا سبحانه وتعالى، بنلاقي نفسنا أحيانًا بنوقف ونبص في السقف كدا ونفكر: "هو إحنا ليه اتخلقنا أصلاً؟"🤔

✍🏻الحقيقة اللي لازم كلنا نفوق ليها إن الهدف الأساسي من حياتنا مش إننا بس نعيش ونجري ورا الدنيا، إنما نعبد ربنا ونسعى لمرضاته ونشتغل على نفسنا علشان نكسب جنّته. الجنة، يا شباب، هي الغاية العُظمى اللي المفروض تكون دايمًا قدام عينينا. ربنا قال في القرآن:
"وَمَا خَلَقْتُ الْجِنَّ وَالْإِنسَ إِلَّا لِيَعْبُدُونِ."

✍🏻مهما طالت حياتنا هنا، فهي في الآخر لحظة قصيرة مقارنة بالآخرة، ومش منطقي إننا ندي كل وقتنا وطاقتنا للدنيا اللي فانية وننسى نشتغل للآخرة اللي هي الباقية. ربنا قال بوضوح:
"وَمَا هَـٰذِهِ ٱلۡحَیَوٰةُ ٱلدُّنۡیَاۤ إِلَّا لَهۡوࣱ وَلَعِبࣱۚ وَإِنَّ ٱلدَّارَ ٱلۡـَٔاخِرَةَ لَهِیَ ٱلۡحَیَوَانُۚ لَوۡ كَانُوا۟ یَعۡلَمُونَ."

✍🏻خلينا نبص على حياتنا بطريقة مختلفة. كل لحظة بنعيشها هي خطوة بتقربنا من النهاية، والنهاية دي هي يا إما نعيم ما يتوصفش في الجنة، أو عذاب مستحيل نتحمله في النار.

✍🏻خد لحظة وفكر:
إنت بتصرف وقتك ومجهودك في إيه؟ الدنيا اللي بتجري وراها دي هتسيبك يوم ما تمشي، لكن شغلك للآخرة هو اللي هينفعك. خلّي أولوياتك مبنية على الإيمان والتقوى، وابدأ النهارده-هاااه-النهارده! مش بكرة!
الآخرة مش مستاهلة تأجيل.
تمام؟✅

لا شئ يستحق البكاء في الحياة مثل الحرمان من النعيم بالصلاة ،،

والسيئات إذا في القلب استوطنت = شتت وأعجزت وبالخشوع أذهبت

من فقد الشعور بالصلاة في يومه فقد هزمته ساعات يومه!

ومن علامات صحّته -أي القلب- أنه إذا فاته وِرده، وجد لفواته ألمًا أعظم من تألم الحريص بفوات ماله وفقده .

الإمام ابن القيم

#ورد_القرآن ?

حقيق بالإنسان أن ينفق ساعات عمره بل أنفاسه فيما ينال به المطالب العالية ويخلص به من الخسران المبين، وليس ذلك إلا بالإقبال على القرآن وتفهُّمه وتدبُّره، واستخراج كنوزه، وإثارة دفائنه، وصرف العناية إليه، والعكوف بالهمة عليه، فإنه الكفيل بمصالح العباد في العباد والمعاش والمعاد، والموصل لهم إلى سبيل الرشاد.

الإمام ابن القيم | مدارج السالكين

﴿ثُمَّ قَسَت قُلوبُكُم مِن بَعدِ ذلِكَ فَهِيَ كَالحِجارَةِ﴾

قال البغوي:
"لم يُشبّهها بالحديد مع أنه أصلب من الحجارة؛ لأن الحديد قابلٌ للِّين؛ فإنه يلين بالنار، وقد لان لداود عليه السلام، والحجارة لا تلين قطّ".

اللهم إنا نعوذ بك من قسوة القلوب!

قال النَّبيُّ ﷺ :
يا أعرابيُّ !
إذا قلتَ : سبحان اللهِ؛ قال اللهُ : صدقتَ،
وإذا قلتَ : الحمدُ لله؛ قال اللهُ : صدَقْتَ،
وإذا قلتَ : لا إلهَ إلا اللهُ؛ قال اللهُ : صدَقْت،
وإذا قلتَ : اللهُ أكبرُ؛ قال اللهُ : صدقْت.

وإذا قلتَ : اللهمَّ ! اغفِرْ لي؛ قال اللهُ : قد فعلتُ،
وإذا قلتَ : اللهمَّ ! ارْحمني؛ قال اللهُ : قد فعلتُ،
وإذا قلتَ : اللهمَّ ! ارزُقْني؛ قال اللهُ : قد فعلتُ.

قال ابن القيم رحمه الله :
"فإنَّ مَنْ لم يرَ نعمة الله عليه إلا في مأكله ومشربه وعافية بدنه فليس له نصيبٌ مِن العقل البتة!
فنعمة الله بالإسلام و الإيمان وجذب عبده إلىٰ الإقبال عليه والتلذذ بطاعته فهي من أعظم النعم..
وهذا إنما يُدرك : بنور العقل وهداية التوفيق".