Gatii Kee Beeki! |@xinsammuuf
▬▬▬▬▬▬▬▬▬▬▬
❍ Bishaan qaruura tokko suuqii guddaa keessa jiru gatiin isaa 10ETB dha. Bishaan qaruura wal fakkaatu mana dhugaatii tokko keessatti gatiin isaa 15ETB dha. Mana nyaataa yookiin hoteela keessatti hanga 20ETB ta'a. Buufata xiyyaaraa yookiin xiyyaara keessatti kaffaltiin isaa 50ETB ta'a. Qaruuraa fi maqaan isaa tokko dha, wanti jijjiirama fide iddoo argama bishaanichaati. Tokkoon tokkoon iddoo argama bishaanichaa gatii adda addaa bishaan qaruura walfakkaataaf kenna.

❍ Bakka jirtutti gatii akka qabdu sitti dhaga'amuu yoo baate akkasumas namni naannoo kee jiru hundi gatii kee xiqqeessu yoo ta'e, naannoo sana hin turin, adeemi! Jijjiiramuuf hamilee qabaadhu. Bakkeewwan gatiin siif malu itti siif kennamu dhaqi. Gatii kee beeki, of dinqisiifadhu! Gatii xiqqaadhaan of hin sharafin! https://t.me/xinsammuuf

Gatii Jireenyaa | Gatii Yeroo
▬▬▬▬▬▬▬▬▬▬▬
📌 Gatii Jireenyaa

⏰️ "Gatiin jireenyaa dheerina guyyootaa keessa utuu hin taane akkaataa itti fayyadama guyyoota sanaa keessa jira. Namni tokko waggaa dheeraa jiraatee jireenya xiqqoo jiraachuu danda'a." (Michel Montaigne)

👍 Dhugaan jiru jireenya kee akka feete gochuu dandeessa. Garuu si'a tokkoo ol jiraachuu hin dandeessu. Namootni guddaa yaadan jireenya isaanii guutummaatti jiraatu. Isaan muuxannoo isaanii guddifachuun addunyaa isaanii bal'ifatu. Kanaaf yeroo baay'ee namoota sammuu dhiphaa caalaa milkaa'odha.

📌 Gatii Yeroo

Yeroon jireenya, jireenyi yeroo dhaan murtaa'a. Yeroon akkaataa jireenyi keenya bu'a qabeessa ta'u murteessa. Yeroo hogganuu hin dandeessu, yeroo keessatti garuu jireenya kee hogganuu dandeessa. Yeroon qabeenya qabeenya caaluudha. Yerootti fayyadamuu jechuun ofiif yaaduu jechuudha. Ammas yerootti fayyadamuun jireenya kee gaggeessuuf murtoo jalqabaa fi olaanaadha. 🕖

𝗛𝘂𝗯𝗮𝗱𝗵𝘂 | @xinsammuuf
▬▬▬▬▬▬▬▬▬
❍ J𝑖𝑟𝑒𝑒𝑛𝑦𝑎 𝑘𝑒𝑒 𝑗𝑖𝑗𝑗𝑖𝑖𝑟𝑢𝑢𝑓 𝑘𝑎𝑘𝑎'𝑢𝑢𝑚𝑠𝑖 𝑞𝑜𝑓𝑡𝑖 𝑔𝑎ℎ𝑎𝑎 𝑚𝑖𝑡𝑖.
❍ K𝑎𝑘𝑎'𝑢𝑢𝑚𝑠𝑖 𝑎𝑘𝑘𝑎 ℎ𝑜𝑗𝑖𝑖 𝑒𝑒𝑔𝑎𝑙𝑡𝑢𝑢𝑓 𝑠𝑖 𝑔𝑎𝑟𝑔𝑎𝑎𝑟𝑎.
❍ K𝑎𝑘𝑎'𝑢𝑢𝑚𝑠𝑖 𝑠𝑖𝑟𝑟𝑎𝑎 𝑑ℎ𝑎𝑎𝑏𝑏𝑎𝑛𝑛𝑎𝑎𝑛 𝑎𝑡𝑖𝑠 ℎ𝑜𝑗𝑖𝑖 𝑛𝑖 𝑑ℎ𝑎𝑎𝑏𝑑𝑎.

❍ A𝑘𝑘𝑎 𝑖𝑡𝑡𝑖 𝑓𝑢𝑓𝑡𝑢𝑢 𝑓𝑖 𝑚𝑖𝑙𝑘𝑎𝑎'𝑖𝑛𝑎 𝑘𝑒𝑒𝑡𝑖𝑖𝑓 𝑚𝑢𝑟𝑡𝑒𝑒𝑠𝑠𝑎𝑛 𝑏𝑎𝑟𝑠𝑖𝑖𝑓𝑎𝑡𝑎 𝑘𝑒𝑒𝑡𝑖!
❍ J𝑖𝑟𝑒𝑒𝑛𝑦𝑖 𝑘𝑒𝑒𝑛𝑦𝑎 𝑘𝑎𝑛 ℎ𝑜𝑜𝑔𝑔𝑎𝑛𝑎𝑚𝑢 𝑏𝑎𝑟𝑠𝑖𝑖𝑓𝑎𝑡𝑎 𝑘𝑒𝑒𝑛𝑦𝑎𝑛𝑖.

Onnee koo ofitti fuudhii Sakatta'i
Anaafi si malee Nama biraa
keessatti hin Argitu. #Meof2 koo ?

Miidhama kaleessaa dagadhu!

Guyyaan dhufu kamiyyuu haaraa dha. Waan haaraa qabatee dhufa. Hojiidhaaf of qopheessi!

Yeroon ati qabdu muraasa. Itti hojjedhu!

Waan gochuu dandeessu of amansiisii hojjedhu! Itti hin gaabbin!

Gaarii godhi! Gaarummaan gara jireenya kee dhufa.

Dogoggora sirreessi! Ariifadhuu dhiifama godhi!

Namoota hundumaa waliin nagaadhan jiraadhu!

Ciminaa fi hanqina kee adda baasii beeki!

Gorsa namoota gurguddoo irraa fudhadhu!

Waan darbe haasa'uu dhiisi! Mul'ata kee ofitti haasa'i!

Wanta darbe deebisuu hin dandeessu! Tokkicha darbe taanan, dhiisii adeemi! Wanti darbe jiruu fi jireenya kee har'aa akka hin miine eeggannoo godhi! "Wanta darbe hin darbatan" jedha Oromoon. Waan darbe hin haasa'in! Dhiisi! Waa'ee fuuldura kee haasa'i! Waa'ee mul'ata keetii ofirratti dubbadhu! Wanti darbe maaliif dhiibbaa hamaa sirratti uumaa? Maaliif si jeeqa?

Namoonni baay'een mudannoo isaanii darbe sababeeffachuun jireenya jiraachuu danda'an akka jiraachuu hin dandeenyetti, naaf dhumeera jedhanii abdii kutannaa cimaa keessa seenu! Lakki dhiisi! Baga ta'e, "once it is past let go!"

Yeroo baay'ee namoonni mudannoo isaanii darbeen dhiphachuun, akkasumas sammuu isaanii keessatti waan darbe irra deddeebi'anii ofitti hasaasuun, fuuldura isaanitti tarkaanfachuurraa duubatti of gototu! Namoonni akkasii milkaa'inaaf yookiin waan haaraa gochuuf ni rakkatu.

share?share
https://t.me/xinsammuuf

Oduu Gammachiisaa!?

Ammaa reefu bahu!

Hogganoonni, Qondaalonnii fi Miseensonni ABO bara 2020 irraa kaassanii kanneen mana hidhaa keessa turan: Jaal Abdii Raggaasaa, Jaal Mika’el Booran, Jaal Kennasaa Ayyaanaa, Jaal Lammii Beenyaa, Jaal Dr Gadaa Oljirraa, Jaal Gadaa Gabisaa fi Jaal Dawit Abdataa guyyaa har’aa (Fulbaana 05.2024) mana hidhaa buufata Poolisii Burraayyuu irraa mirga wabiidhaan gad lakkiiffamanii jiru. Ummatni Oromoo waliigalaa fi wahiillan Qabsoo Bilisummaa Oromoo marti haala rakkisaa keessatti Jaallan qabsaawota kanaaf sagalee ta'uu keessaniif ABOn isin galateeffata.

Mootummaan Itoophiyaas Jaallan kana akkuma gadhiise Miseensotaafi deggartoota ABO mana hidhaa Oromiyaa adda addaa keessa jiran hunda gad lakkisuun Wajjiroota ABOs banee akka dhaabni keenya gutummaattii socho’uuf akka karaa banu ni abdanna.

JECHOOTA ajaa'ibaa taaksii keessatti barreefamanii jiran.

❶Ni jiraanna jenneeti malee balleesinee baduun nun dhibu.
❷Umurii nuti qabnu jeequmsaaf miti jaallachuufuu nun geessu.
❸Qophummaan kan bareedu mana fincaanii keessatti qofa.
❹Aangoon kan ittiin uummata bulchan malee kan ittiin uummata doorsisan miti.
❺Kanan rafuuf kan hin rafne gooftaa waanan qabuufi.
❻Hangam yoo tureyyuu harmii fi mootummaan kufuunsaa hin oolu.
❼Fuula inaaffaan guraachesse dibatni hin cululksu!
❽Utuu durbi lafa qotuun argamti ta'ee dhiirri
hunduu qote bulaa ta'ee dhuma.
❾Nama hin tuffatin inni jiraanniyyuu surree nama hiikachiisti.
❿Bara re'ee ta'aamutti hoolaa hin ta'in.
⓫Utuu barnootni uleedhaan namaa gala ta'e harreen piroofeesera taati turte.
⓬Utuu baalli mukaa qarshii ta'ee dubarri qalamee jaallatti!
⓭Anaan hiyyeesa nan jette atimmoo boorsaa duwwaaf daalleekee malee maal qabda.
⓮Utuu daawitii (of ilaallee) dhaaf ni kaffalama ta'ee dubartootni meeqa kaffalu?
⓯Hangafti tooftaa jireenyaa wal
danda'uudha

?

Ka Beekuu Gorsan .... Ka Qabuyyuu Kennan ... !

Addunyaa kanarra yeroo takka qofa jiraatta. Asirraa dabrinaan lammata asirratti hin deebitu. Gaafa tokko biqiltuu jiruu irraa akka baala gogeetti harca'uun kee hin oolu.
Kanaafuu:
Yoo balleessite dogoggora kee fudhu. Yoo nama miite dhiifama gaafadhu. Yoo jaalatte baasii dubbadhu. Osoo hin du'in badii kee asirraa qulqulleessi. Namni biroo sirraa bakka bu'u hin jiru. Waan har'a hojjatuu qabdu boritti hin dabarsin. Borus hojii mataa isaa waan qabuuf. Qalbii nama tokkoos hin cabsin. Haqa nama tokkos hin dabsin. Daangaa kee tarkaanfattee jiruu nama tokkoo hin seenin.
Nama gaafa du'u uffataa fi kopheen isaa qofti irraa haftu osoo hin taane: nama seenaa faana dhalootni irra deemu hojjatu tahi. Nama hundaan wajji amala gaariin jiraadhu. Namni amala gaariin asirratti urgaa'e: osoo dachee jala seenellee hin ajaa'u!