Эрга ёрдамчи бўлишнинг баракаси

Зубайр ибн Аввом розияллоҳу анҳу Абу Бакр розияллоҳу анҳунинг қизи Асмо розияллоҳу анҳога уйланди. Зубайрнинг мол-мулки ҳам, қуллари ҳам йўқ эди. Битта оти бор эди холос.
Асмо розияллоҳу анҳо турмуш машаққатларини кўтаришда унга жуда яхши ёрдамчи бўлди. У эрига хизмат қилар, отига қараб турарди. Буғдой янчиб, нон ёпарди. Жуда намунали жуфти ҳалол эди.

Асмонинг эрига кўрсатган ёрдами ва итоаткорлиги баракасидан уларнинг оиласига кўп яхшиликлар ёғилди. Бу оила мингдан ортиқ қул ва жория, мўл-кўл ноз-неъматларга эга бўлишди. Аллоҳ уларни шундай гўзал тарзда ризқлантириб қўйди.

✍ Икром Шариф

Каналга уланиш

Ҳар бир Телеграмчига:
Амма баъд. Сизга қарата Вуҳайб ибн Вирд айтади:
"Ким сўзини амалидан санаса, гапи камаяди".
Вассалом.
---
Қиёмат куни ҳисоб берадиган амал

✍ Мубашшир Аҳмад
Каналга уланиш

АЁЛ
Абу Яъло роҳимаҳуллоҳнинг “Муснад”ида Абу Ҳурайра розияллоҳу анҳудан ҳадис келади:
“Расулуллоҳ саллоллоҳу алайҳи ва саллам айтадилар:
“Жаннат эшиги энг аввал менга очилади. Аммо бир аёл келиб мендан олдин кирмоқчи бўлади. Мен ундан сўрайман:
-Сен кимсан? Нима қилмоқчисан?!
Аёл айтади:
-Мен етимлари учун ўтириб қолган бир аёлман!”.

Эътибор бераяпсизми? Эри вафот қилган ёки ажралган, етимлар билан бирга қолиб уларни боққан, тарбиялаган, рўзғор машаққатларини гарданига олган, хиёнат йўлига кирмаган аёллар жаннатга биринчи бўлиб кириш учун Набий саллоллоҳу алайҳи ва саллам билан мусобақалашмоқчи…

Муҳаммад Ротиб Ноблусий ҳафизаҳуллоҳ айтишича, ўз бурч ва вазифаларини адо қилган, эрига итоатда бўлган, ундан кўп нарсалар талаб қилмайдиган аёл ниҳоятда юксак даражаларга кўтарилади!

✍ Абдулқодир Самарқандий

Каналга уланиш

Офиятда бўлган вақтинг Аллоҳни эслаки, мусибат етганида У Зот ҳам сени эслайди.

✍ Абдулҳодий Юсуф

Каналга уланиш

УНУТДИК
Ўрта асрларда мусулмон уламолари ёсуман, бинафша, наъно ва лаванда каби ўсимликлардан атир олишни йўлга қўйишган.
Бу борада энг кўзга кўринган олим ҳижрий 256 санада вафот этган Яъқуб ал-Киндий ҳисобланади.
Ўша пайтларда Европада чўмилиш, тозаланиш мумкин эмас эди!

✍ Абдулқодир Самарқандий

Каналга уланиш

У билан тортишишни бас қилиб, унинг кулгусини қозонсанг нима бўлади-я!

✍ Абдулқодир Самарқандий

Каналга уланиш

Кимдир кунларимиз жўмрагини ёпиб қўядими йўқми?! Ахир умримиз оқиб кетаяпти-ку!

✍ Абдулқодир Самарқандий

Каналга уланиш

Хозирги гап. Масжидга келдим. Пешинга бир соатча бор. Кириб келятсам Ғанижон бобо (ёшлари саксондан ортган, уч йил аввал кампирини дафн қилган, пастак бўйли кичкинагина оқсоқол) шошиб масжиддан чиқиб кетяпти. Мени кўриб, ёш болалардай мўлтираб "Пешинга хали боракан, ров бориб кампирга қуръон ўқиб чиқай..." дедилар узрнамо оҳангда. Қабристон ёнгинамизда Бу ҳолат кунда такрорланади. Атайлаб пешинга бир соат эрта чиқадилар. икки ракаат нафл ўқийдиларда қабристонга югурадилар.... кеча билан бугун ўртасидаги дардларини кампирига айтиб берадилар менимча.... Бобонинг орқасидан қараб туриб кўзимга ёш келди...

Раҳимжон Нишанов. (Масжид имоми)

Каналга уланиш

Ҳаттоки энг оғир зарбалардан кейин ҳам умидлар туғилади.

✍ Абдулҳодий Юсуф

Каналга уланиш

Яқинда эндигина элликка кирган яхши бир акани тупроққа қўйдик. Ичагида яраси бор экан, шу очилиб кетибди. Аммо бу одамни ўлдирадиган дард эмас. Ҳарқалай, қолоқ бўлса ҳам медицинамизнинг бунга ақли етади.

Бироқ марҳум шифохонага бормаган.
— Нега шифохонага олиб бормадингизлар?
— дедим ҳайрон бўлиб.

Аёли ерга қарайди
Болалари онасига хўмраяди.
Бир амаллаб масаланинг тагига етдим.

Ака яқинда набирали бўлибди. Тўнғич қизи ўғилли бўлиб, шунга бешик тўйи олиб бориши керак экан. «Бешик тўйи»нинг харажати катта эмиш.

«Агар мен касалхонага тушиб қолсам тўй беролмай қоламиз», деб ота шўрлик шифохонага бормаган ва бир ҳафта давомида қон туфлаб юраверган.

— Бир неча марта айтдим, лекин ҳар сафар: «Қудаларнинг олдида уятли бўлиб қоламиз, қизингнинг кўнгли ўксийди», деб бормадилар, — дейди аёли.

Хуллас, шу одам ўлди. Бир тийинга қиммат анъанани, бемаврид ғурурни деб ўлиб кетди.
Муҳтарам ўзбеклар, тўйлар фожеасидан қачон қутилади?

Қачон эс киради бизга? Биз қачон тонналаб гуруч дамлаб тўй қилишнинг фазилат эмаслигини тушунамиз?

Ажабо, бир аср илгари Беҳбудий ҳам худди шундай нолиб ёзган эканлар. Орадан 100 йил ўтибди ҳамки, ҳамон ўша эски «қўшиқ»!

✍ Абдуллоҳ Зиё

Каналга уланиш