بلاش اكدب على نفسي
ولا ابرر ولا اصوّر لروحي الوهم
هيفرق ايه سبب موتي يكون برصاصه ولا بسهم ؟
مراية الحب مش عميا
مراية الحب كدابة
وكان لازم تغيب عني ياسايبه يا اما متسابه
وكان لازم بنفسي احس
كان لازم بعيني اشوف
اقابل وشها البارد
بقلبي الشارد الملهوف
واغنيلها
واعيش ليلها
واراهن بالورق كله على اخر رقم كسبان
دخلت علاقة وانا مستور
وخارج منها وانا عريان
وخارج منّها شاكك
ومش شايل لحد أمان
ماحبتنيش
برغم اني وكتاب الله ماقصرتش
ويوم ماقالتلي عايزه اعرف ما أنكرتش
ويوم ماقالتلي زعلانه
مابررتش
معاها كنت انا التاني وابدّيها
بنقص من حياتي حاجات وبدّيها
ولما تمدلي ايديها
امد ايديا ماسحبهاش
ماحبتنيش وحبيتها
ودايرة تقول ماحبتهاش
غريبة القلب وعمايله
ولو جوايا بكرهني ماكنتش برضه حبيتها
مافيش عندي سبب واحد يبرر نظرتي ليها
رسمت سيناريو جوايا وصدقته
وقولت لنفسي بتحبك وعينها عليك
ياواد قرّب
ياواد جرّب
دي لسه ف دنيتك داخله ولسه خيالها متغّرب
لحد ما مرت الأيام وانا بخسر ف كل قرار
وعشت حياتي بـ اتنازل وتغلط والتمس اعذار
وكنت حمار
مفكّر ان لجل الحب نفرّط عادي ف كرامة
اشوف نمرتها ف موبايلي
احس شعور غريب جايلي
وصوتي يتقلب اهدى واطوّل ف الكلام وارغي
وكل كلامها كان منهج مذاكره حتى بالملغي
وشايف انها كوني وشمسي وضلتي وناسي
وبتأسف لاكون غلطان ف حاجه عملتها وناسي
اكلمها عن الحاضر وعن بكره
وعن بيتنا
وباخد رأيها دايماً ف علاقتنا
وهي كلامها كان اخره خلاص وتمام
صباح الخير
مساء الخير
ويلا سلام
بطلّع منها الكلمة بطلوع الروح
وكنت باقول وايه يعني في ناس بتحس مش بتبوح
لقيت افعالها زي كلامها بالواحدة
وبمشي ليها ميت خطوة
ماتمشيش ليا ولا واحدة
انا زعلان على نفسي
عشان شكّيت كده ف نَفسي
ودوست عليا بالجامد عشان واحدة
ماحبتنيش
انا يمكن فراغ عادي
بديل القعده ف النادي
رواية بس ليها ايدين
ويمكن كنت توصيلة
ونقطه بُعد لعلاقتين
ويمكن كنت بالنسبالها تكفيره
وعرفتني تسدد دين
ويمكن أي شيء تاني اكيد عارفاه
ماسألتشِ وهي بترتكب حبي
وايه ذنبه اني ابقى معاه ؟
ماحستش بذنب ازاي
وعاشت تتهم فيّا
وترميني بتهم ظالمة
بتطلب مني اطفي النور وتتخانق عشان ضلمه
وطول الوقت بتشكّك
وبتفاوض
وبتخانق
وبتراود
وبتعاير
وبتندّم
كإني باجري وانا واقف
وفاكر نفسي هاتقدّم
واديني جريت لحد ماشوفت وضعي ازاي
ماحبتنيش
وسايباني شعور ميّت
بشوف ايه ف الحياه يتعاش
بـ اعِّد خسايري وانا خارج
دموعي وخوفي ومشاكلي
وايامي اللي راحوا بلاش
لكني باقول انا راضي
واحط الجملة دي قصادي
" ده ذنب وجايلي م الماضي بدعوة واحدة مابتنساش "

هيبيعلك الوهم بعنيه وهتشتري
وهتلقي ريقك ع الحياه وياه جري
وتنامي تصحي تلاقي شخص غريب ظهر
وش البداية هيختفي فيبان بجد
نسخه أسوأ م اللي باينه لأي حد
لا فيه اهتمام
ولا فيه كلام
وهتخسري معني شعورك بالسلام
هتعيشي بس تبرري
وتبدلي وتغيري
ويعيش يقررلك بدل ماتقرري
#ف_صحتك

8:30 🕣
حيث سيتوقف القصف ويسود الهدوء..

ازيك !
اتمنى تكون الدنيا تمام
انا لسه لحد الان بافتح صورك وبنام
بادخل بالليل كالحرامية
بنسبة حزن ف المية
اشوف اخر مادوِّنتيه
وصورك ف الكافيه بالليل
واقول يمكن تقول سطرين يخصوني
انا من يوم ماسبتيني شجر بردان
باكون ويايا وبدوني
فشلت ف اني اسيب نفسي لناس بالفعل حبوني
ويومياً بابص علي الرسايل ضيف
واحس كإني عايش طيف
وبسأل اسئلة دايماً بدون اجابات
وبارجع منها للشات
اكلم ناس بدور وسطهم عنك
ودايماً باكتشف انك
كإنك كونتي وماكونتيش
انا الطفل اللي عاش فيكي
ومات لحظة ماسبتيه يعيش.

ازيك !
اتمنى تكون الدنيا تمام
انا لسه لحد الان بافتح صورك وبنام
بادخل بالليل كالحرامية
بنسبة حزن ف المية
اشوف اخر مادوِّنتيه
وصورك ف الكافيه بالليل
واقول يمكن تقول سطرين يخصوني
انا من يوم ماسبتيني شجر بردان
باكون ويايا وبدوني
فشلت ف اني اسيب نفسي لناس بالفعل حبوني
ويومياً بابص علي الرسايل ضيف
واحس كإني عايش طيف
وبسأل اسئلة دايماً بدون اجابات
وبارجع منها للشات
اكلم ناس بدور وسطهم عنك
ودايماً باكتشف انك
كإنك كونتي وماكونتيش
انا الطفل اللي عاش فيكي
ومات لحظة ماسبتيه يعيش.

« عمرو حسن » كان بيُلقى قصيده إسمها بطلتى توحشينى كلماتها كُلها قوه وأن عمرو خلاص تخطى حُبها وإنها خلاص بطلت توحشه عمرو طول القصيده هتحس بقوه فى أداءه وأنه فعلاً نسيها بس عمرو جيه أخر القصيده ودموعه خانته و راح معيط.

الموقف ده بيفكرنى بـ السِت « أم كلثوم » فى أغنيه
« فكرونى » فضلت طول الأغنيه توهمنا إنها خلاص نسيته وفى أخر الأغنيه تعمل صدمه لجمهورها وتقول :

« فكرونى إزاى هو أنا نسيتك ? »

ولا رجوعك ھيحيينى
ولا ھرجع أحبك من تانى
من الرغم إنك وحشانى
لكن وجود بالنسبالى مش مرغوب
ولا ھرجع من تانى اعاتب
ولا ھصبر ع غلطاتك
انا ف الصبر مش أيوب
عادى مش أول قلب تكسريھ
م انتى اكيد كسرتى قبلى
ياما قلوب??

فيه حالات كتيره من العياط ...
غير العياط بدموع
زي العياط بالانعزال
فض المجال والبُعد عن وهم الجدال
زي العياط بالفضفضة لنوع موسیقی أوغُنا
زي التعب ...
زي الغياب ...
زي السكوت ...
زي الغضب ...

فيه ناس عیاطها فإنها بتقول: تمام
وفيه ناس عياطها فـ إنها تفتّح کلام
وفيه ناس كأسراب الحمام
تبكي وماتسبش الأثر
وفيه ناس تعيط بالرجوع للي اتكسر
فيه عياط حرير
وعياط حجر
وعياط شظايا من اللهب

أعرف بشر بيعيطوا بالاندماج
فجأة يحبوا يخرجوا ومايقعدوش مع نفسهم
واعرف بشر بيعيطوا جوه السياج
مايشوف دموعهم إلا هما وضلهم
واعرف بشر بيعيطوا ف حجر ناس بتحبهم
إن شالله يبكوا قصاد قبورهم ع العتب

أقدم عياط
هو الحياة وإنت بأتب
أبسط عياط
هو الرضا باللي اتكتب
يطلع كلام يطلع هدوء
يطلع زهق يطلع شغب
وأصعب عياط تبقي حزين
وتلاقي نفسك مبتسم
من غير سبب

بتبعتله وتستناه....! وتنتظره وتتمناه..! وتدعيله.. وتترجاه! وهو دا حب بالذمه....!؟
دا اسمه عقاب ?
لحد ما خدها مره حماس... ودلدق منها الاحساس...
فجالها الرد خلينا بجد اصحاب ❤️‍?