တစ်ဖက်နိုင်ငံမှာရောက်နေတဲ့ မွတ်ဆလင်တွေအနေနဲ့ ဘင်္ဂလားအစိုးရ AA ဆီ ဒုက္ခသည်တွေ မလွဲဖို့ ဆန္ဒပြတောင်းဆိုမှရလိမ့်မယ်

စစ်တိုက်ဖို့ မွတ်ဆလင်တွေကို ရခိုင်ပြည်နယ်က ရွာတွေမှာလိုက်စုနေတာ မွတ်ဆလင်တွေအသိဆုံးပဲ
သေတာတွေလည်း ထောင်ချီနေပြီဆိုတာ အသိဆုံးပဲ

သူတို့ဆီရောက်သွားရင်တော့ နေရာပေးတာနည်းနည်း AA လက်နက်ကိုင်ဖြစ်တာများများဖြစ်ကုန်လိမ့်မယ်၊ ထိုးကြွေးခံလူတန်းစားဘဝရောက်ကုန်လိမ့်မယ်

တိုက်ပွဲကြားမှာသေတာထက် ကောဘဇားဒုက္ခသည်စခန်းတွေမှာနေတာက ပိုအဆင်ပြေပါလိမ့်မယ်

အသက်တွေ မိသားစုတွေ တည်မြဲရေးအတွက်တော့ စဥ်းစားကြပေါ့

#BreakingNews 🚨
ယမန်နေ့ ညနေ(၆)နာရီအချိန်ခန့်က မောင်တောမြို့၊ ဖေဇီကျေးရွာ ရပ်ကွက်(၂)တွင် မွတ်ဆလင်လူမျိုး ဇီဝဗေဒဆရာ ဇော်ဇော်လတ်၏ နေအိမ်အား ရခိုင်အစွန်းရောက် AA အကြမ်းဖက် အဖွဲ့က ဒရုန်းဖြင့် ရည်ရွယ်ချက်ရှိရှိ ပစ်ခတ်တိုက်ခိုက်ခဲ့ကြောင်း သိရပါတယ်။

အဆိုပါတိုက်ခိုက်ခဲ့မှုကြောင့် ဖခင်ဖြစ်သူ ဒေါက်တာကာမာလ်၊ သူရဲ့ဇနီးနှင့် သူရဲ့မိခင်တို့ သေဆုံးခဲ့ပြီး ဆရာဇော်ဇော်လတ်လည်း ဒဏ်ရာပြင်းထန်စွာ ရရှိခဲ့ကြောင်း သိရပါတယ်။ ဆရာ ဇော်ဇော်လတ်ရဲ့ အသက်အန္တရာယ်စိုးရိမ်‌နေရတယ်လို့ သိရပါတယ်။

ရခိုင်အစွန်းရောက် AA အဖွဲ့က ၎င်းအကြမ်းဖက်အဖွဲ့အား မွတ်ဆလင်လူမျိုးများမှ မထောက်ခံလို့ဟုဆိုကာ မွတ်ဆလင်များနေထိုင်ရာ ကျေးရွာ/ရပ်ကွက်အတွင်းသို့ လက်နက်ကြီးများ ပစ်ခတ်၍လည်းကောင်း၊ Dropbomb များကြဲ၍လည်းကောင်း နေ့စဥ်လူမျိုးတုံးတိုက်ခိုက်မှုများ ပြုလုပ်လျက်ရှိနေသည်။
https://t.me/voiceofmuslim2024

#BreakingNews
ဗလီသို့ ဝတ်ပြုရန်သွားသည့် မွတ်ဆလင်များအား AA အဖွဲ့မှ ရည်ရွယ်ချက်ရှိရှိ ထပ်မံတိုက်ခိုက်
========================
မောင်တော၊ သြဂုတ် ၃

မောင်တောမြို့၊ မောင်နီရွာဗလီတွင် ဩဂုတ်လ ၂ ရက်နေ့ နေ့လည် ၁၂ နာရီခန့်က အစ္စလာမ်ဘာသာဝင်တို့ အပတ်စဉ် သောကြာနေ့ဝတ်ပြုချိန်အတွင်း ဝတ်ပြုဖို့ လာရောက်ကြတဲ့ မောင်တောမြို့ခံ မွတ်ဆလင်တွေကို မောင်နီရွာ အနောက်ဘက်နယ်စပ်နားမှာရှိနေသည့် ရခိုင်အစွန်းရောက် AA အကြမ်းဖက်တပ်ဖွဲ့ဝင်တွေက သေနတ်ဖြင့် အချက်ပေါင်း ဒါဇင်နဲ့ချီကာ ရည်ရွယ်ချက်ရှိရှိ ချောင်းမြောင်းပစ်ခတ် တိုက်ခိုက်ခဲ့တာကြောင့် ဒေသခံများ ဘေးလွတ်ရာသို့ ထွက်ပြေးတိမ်းရှောင် ခဲ့ကြရပါတယ်။

အဆိုပါတိုက်ခိုက်ခံရမှုကြောင့် မောင်နီရွာဗလီအနီးနေထိုင်သည့် အသက်(၁၅)နှစ်ရွယ် မွတ်ဆလင် လူငယ် တစ်ဦး ခြေထောက် ပြင်းထန်စွာ ဒဏ်ရာရရှိခဲ့ပြီး ကျည်ဆန်ကို ခွဲထုတ်ဖို့နဲ့ ဆေးကုနိုင်တဲ့ အခြေအနေ မရှိတာကြောင့် အဲ့ဒီခြေထောက်ကျည်ထိမှန်ထားသူရဲ့ အခြေအနေက စိုးရိမ်ရပါတယ်။

မောင်တောမြို့နယ်အတွင်းနေထိုင်သည့် မွတ်ဆလင်များအား လူမျိုးတုံးသတ်ဖြတ်မှုများ ပြုလုပ်နေသည့် ရခိုင်အစွန်းရောက် AA အကြမ်းဖက်အဖွဲ့အနေဖြင့် ပြီးသည့် သောကြာနေ့ကလည်း မွတ်ဆလင်များ ဝတ်ပြုနေချိန် ဗလီအား Drone ဖြင့် ဗုံးကြဲတိုက်ခိုက်မှုများ ပြုလုပ်ခဲ့တာကြောင့် မွတ်ဆလင် ၁၀ ဦးခန့် သေဆုံးခဲ့ပြီး ၂၅ ဦးခန့် ပြင်းထန်သည့် ဒဏ်ရာများ ရရှိခဲ့ပါတယ်။

မောင်နီရွာနယ်စပ်အထိရောက်နေတဲ့ AA အကြမ်းဖက်အဖွဲ့အနေဖြင့် မောင်နီရွာထဲက မွတ်ဆလင်များအား ရွာကိုစွန့်ထွက်သွားဖို့ ဖိအားပေးနေပြီး မလိုက်နာရင် နေ့တိုင်း ပစ်ခတ်မယ်လို့ ခြိမ်းခြောက်ပြောဆိုနေတယ်လို့ သိရပါတယ်။
https://t.me/voiceofmuslim2024/70

AA အဖွဲ့မှ မောင်တောက မွတ်ဆလင်တွေပိုင် အိမ်မွေးတိရိစ္ဆာန်များ/ အိမ်အသုံးအဆောင်ပစ္စည်းများအား ခိုးယူပြီး၊ ဖုန်းတွေသိမ်းကာ သတင်းအမှောင်ချနေ

မောင်တော၊ ဇူလိုင် ၄

မောင်တောတွင် စစ်ဘေးရှောင်ရတဲ့ မွတ်ဆလင်ကျေးရွာသားတချို့ နေရပ်ပြန်ခွင့်ရခဲ့သော်လည်း ထားခဲ့ရတဲ့ ဆန်အိတ်၊ကျွဲများ၊ နွားများ၊ကြက်များ၊ဆိတ်များ အပြင် အိမ်တွင်းအသုံးအဆောင်များ အကုန်လုံးနီးပါး ပျောက်ဆုံးနေပါတယ်။ ရခိုင်အစွန်းရောက် AA အကြမ်းဖက်အဖွဲ့က လူ့အခွင့်အရေးချိုးဖောက်ခံရတာတွေကို သတင်းအမှောင်ချရန်နဲ့ သက်သေတွေ ဖျောက်ဖျက်ရန်အတွက် စစ်ဘေးရှောင်ပြည်သူတွေထဲက ရခိုင်တွေရဲ့ ဖုန်းတွေကိုမသိမ်းဘဲ မွတ်ဆလင်တွေရဲ့ဖုန်းတွေ ကိုသာ သိမ်းနေတယ်လို့လည်း ဒေသခံများထံမှ သိရပါတယ်။

ပြီးခဲ့တဲ့ မေလတုန်းက AA မောင်းထုတ်ခံရမှုကြောင့် တိမ်းရှောင်ပေးခဲ့ရတဲ့ မောင်တောမြို့နယ်က ပေါင်းဇားကျေးရွာ၊ လှဘော်ဇားကျေးရွာ၊ ပန်းတောပြင်ကျေးရွာ၊ ညောင်းချောင်းကျေးရွာ၊ သိဟိုဌ်ကျွန်းကျေးရွာ၊ မြို့ဦးရပ်ကွက်နဲ့ လသာရပ်ကွက်အပိုင် ဂုံးနားရွာ၊ ဘာဆူဖာရွာ၊ လသာအောက်ရွာ တို့အနက် ပေါင်းဇားနဲ့လှဘော်ဇားကျေးရွာ (၂) ခုမှ ဒေသခံ မွတ်ဆလင်တွေကို ပြီးခဲ့တဲ့အပတ်တွင် AA က မူလနေထိုင်ရာ ရွာတွေကို ပြန်ခွင့်ပြုခဲ့ပြီး ကျန် ရပ်ကွက်ကျေးရွာသားတွေကို ရွာတွေကို ပြန်ခွင့် မပြုသေးဘူးလို့သိရပါတယ်။

အထက်ပါ ရပ်ကွက်ကျေးရွာတွေ အားလုံးမှာ AA က စစ်စခန်းချပြီး စစ်တပ်ကိုတိုက်ခိုက်ဖို့ မွတ်ဆလင် ရွာသားတွေ ရွာကို စွန့်ခွာနေစဉ်မှာပဲ AA တပ်ဖွဲ့ဝင်တွေက ဝင်ရောက်နေရာယူခဲ့တာ ဖြစ်ပါတယ်။

ဒေသခံမွတ်ဆလင်တစ်ဦးမှ "AA က မွတ်ဆလင်ရွာတွေကို (၂)လကျော်ကြာ ထိန်းချုပ်ထားခဲ့ပြီး ပေါင်းဇားနဲ့လှဘော်ဇားကျေးရွာသားတွေကို ရွာပြန်ခွင့်ပြုလိုက်လို့ ပြန်တဲ့အခါ ကျနော်တို့ ထားရစ်ခဲ့ရတဲ့ ဆန်အိတ်၊ ဆိုလာပြား၊ဘတ္တရီ၊ ဆိုက်ကယ်၊ ကား၊ ကျွဲ၊ နွား၊ ကြက်၊ဆိတ်များအပြင် အိမ်သုံးပစ္စည်းတွေ မီးဖိုချောင်သုံး အိုးခွက်ပန်းကန်တွေကအစ ဘာဆိုဘာမှ မရှိတော့ပါဘူး။ အားလုံးနီးပါး ပျောက်ဆုံးနေပါတယ်။ကျွန်တော်တို့ ထွက်မသွားခင်က ဘာမှမဖြစ်ပါဘူး အားလုံး သူတို့ ကြည့်ရှုပေးထားမယ်လို့ ပြောခဲ့ပါတယ်။ အခု ပြန်ရောက်တော့ ဘာမှ မကျန်တော့ပါဘူး။ ဒါအပြင် ကျန်ရပ်ကွက်ကျေးရွာတွေ ဖြစ်တဲ့ ပန်းတောပြင် ကျေးရွာ၊ ညောင်းချောင်းကျေးရွာ၊ သိဟိုဌ်ကျွန်းကျေးရွာ၊ မြို့ဦးရပ်ကွက်နဲ့ လသာရပ်ကွက်အပိုင် ဂုံးနားရွာ၊ ဘာဆူဖာရွာ တို့က မွတ်ဆလင်ရွာသားတွေ အဝတ်တစ်ထည်နဲ့ အသက်လုထွက်ပြေးရပြီး ရွာမှာ ထားခဲ့ရတဲ့ ကျွဲ၊ နွား၊ ဆိတ်များအပြင် အိမ်တွင်း အသုံးအဆောင်များ အကုန်လုံးနီးပါး ပျောက်ဆုံးနေပါတယ်။အချို့ စပါးတွေထားခဲ့တယ်၊ ဆန်တွေ ထားခဲ့တယ်၊ ကျွဲ၊ နွား၊ ဆိတ် ထားခဲ့ရတယ်၊ အဲ့တာတွေ ဘာတခုတော့မှ မရှိတော့တဲ့အပြင် အိမ်သုံးပစ္စည်းတွေ မီးဖိုချောင်သုံး အိုးခွက်ပန်းကန်တွေကအစ ဘာဆိုဘာမှ မရှိတော့ပါဘူး။ AA က ၄ မိုင်ရပ်ကွက်ကသူတွေနဲ့ပေါင်းပြီး ပိုင်ဆိုင်မှု အားလုံးနီးပါးကို ဖောက်ထွင်းခိုးယူဆောင်သွားပါတယ်"ဟု ပြောသည်။

ပြီးခဲ့တဲ့ မေလ ၁၈ရက်နေ့ ဘူးသီးတောင်ဖြစ်စဉ်ကြောင့် ထွက်ပြေးရတဲ့ မွတ်ဆလင် စစ်ဘေးရှောင်တွေဆီက ရာနဲ့ချီတဲ့ လက်ကိုင်ဖုန်းတွေ၊‌ေရွှများကို AA က သိမ်းဆည်ထားသလို ဇွန်လ ၂၆ရက်နေ့ မောင်တော ရွှေဇားရွာက ထွက်ပြေးရတဲ့ စစ်ဘေးရှောင် မွတ်ဆလင်တွေဆီကလည်း ရာနဲ့ချီတဲ့ လက်ကိုင်ဖုန်းတွေကို သိမ်းဆည်းထားပါတယ်။AA ထိန်းချုပ်ထားတဲ့နေရာတွေက မွတ်ဆလင်တွေအနေနဲ့လည်း လက်ကိုင်ဖုန်း သုံးစွဲလို့ မရသလို ဖုန်းတွေတွေ့ရင် ဖုန်းဆက်တာမိရင် ဖုန်းသိမ်းတာအပြင် AA တပ်ဖွဲ့ဝင်တွေက အော်ဟစ် ကြိမ်းမောင်းတာတွေ၊ ဖမ်းဆီးနှိပ်စက်တာတွေ လုပ်နေပါတယ်။

"လူ့အခွင့်အရေးချိုးဖောက်ခံရတာတွေကို သတင်းအမှောင်ချဖို့ သက်သေတွေ ဖျောက်ဖျက်ဖို့ အတွက် AA ဖုန်းသိမ်းနေတာပါ။ ဖုန်းရှိရင် အခြေအနေအမှန်တွေကို သတင်းမီဒီယာဆီ ပြောလို့ရမယ်။ လက်ကိုင်ဖုန်းတွေမှာပါတဲ့ ကင်မရာတွေနဲ့ အခင်းဖြစ်အခြေအနေတွေကို မှတ်တမ်းတင်နိုင်တယ်။ ဒါမျိုးတွေကို ရှောင်လွှဲဖို့ လက်ဦးမှုအနေနဲ့ ဖုန်းတွေကို သိမ်းပစ်နေတာဖြစ်တယ်။ AA စစ်ဆင်ရေးလုပ်ခဲ့တယ် ရခိုင်ပြည်နယ်ထဲက အခြားနေရာတွေက မွတ်ဆလင် မဟုတ်တဲ့ အခြားလူမျိုးတွေဆီကနေ AA ဖုန်းသိမ်းတဲ့ ဖြစ်စဉ် မတွေ့ရပါဘူး။ စစ်ဘေးရှောင်မွတ်ဆလင်တွေအနေနဲ့ သူတို့ကြုံတွေ့နေရတဲ့ အခြေအနေတွေကို ဆက်သွယ်ပြောဆိုဖို့ ဖုန်းတွေ သိမ်းဆည်းခံထားရတာကြောင့် အခက်အခဲဖြစ်နေတယ်။ AA ဒီမှာလုပ်နေတာတွေရဲ့ အဖြစ်အမှန်တွေကို ပြင်ပက မသိနိုင်အောင်လို့ စစ်ဘေးရှောင်ပြည်သူတွေထဲ မွတ်ဆလင်တွေရဲ့ဖုန်းတွေကိုသာ AA သိမ်းပြီး လူ့အခွင့်အရေးချိုးဖောက်ခံရတာတွေကို သတင်းအမှောင် ချရန်နဲ့ သက်သေတွေ ဖျောက်ဖျက်ရန်အတွက် ဒီလိုလုပ်နေတာ"လို့ ဒေသခံတစ်ဦးက သုံးသပ်ပြောဆိုထားပါတယ်။

#BreakingNews
မောင်တောမြို့နယ်မြောက်ပိုင်းနှင့်တောင်ပိုင်းရှိ ကျေးရွာအသီးသီးမှ ရခိုင်အစွန်းရောက် AAအကြမ်းဖက်အဖွဲ့ရဲ့အတင်းအဓမ္မတပ်သားသစ်စုဆောင်းခြင်းခံခဲ့ရတဲ့ မွတ်ဆလင် လူငယ်များ ထွက်ပြေးသွားတာကြောင့် သူတို့ရဲ့မိဘတွေကို အေအေက မတရားဖမ်းဆီးချုပ်နှောင်ထားတယ်လို့ သိရပါတယ်။

#BreakingNews
AA က ဒရုန်းနဲ့ ဗုံကြဲတိုက်ခိုက်မှုကြောင့် မြို့ပေါ်နေ ဆယ်ကျော်အရွယ် မွတ်ဆလင် ၂ ဦး ပွဲချင်းပြီး သေဆုံး၊ တချို့ဒဏ်ရာရ
=========================

ယနေ့ ဇူလိုင်လ ၂ ရက်နေ့၊ မွန်းလွဲပိုင်း ၂ နာရီခန့်က ရခိုင်ပြည်နယ် မောင်တောမြို့၊ မြို့ပေါ် နေရာတချို့တွင် ရခိုင်အစွန်းရောက် AA အကြမ်းဖက်အဖွဲ့မှ တမင်ရည်ရွယ်ချက်ရှိရှိ ဒရုန်းနဲ့ ဗုံးကြဲတိုက်ခိုက်မှုကြောင့် မြို့ပေါ်နေ ဆယ်ကျော်အရွယ် မွတ်ဆလင် ၂ ဦး ပွဲချင်းပြီး သေဆုံးပြီ တချို့ဒဏ်ရာရခဲ့ကြောင်း၊ နွားတစ်ကောင်လည်း သေဆုံးသွားခဲ့ကြောင်း သိရှိရ ပါတယ်။

မွတ်ဆလင်များနေထိုင်ရာ မောင်တော မြို့ပေါ်ရှိ ဗလီကြီးခြံအတွင်း ၁လုံး၊ ရပ်ကွက် ၄ အပိုင် ဇော်ဟိရ်အာမောတ်(ကွယ်လွန်)ရဲ့ နေအိမ်ပေါ်တွင် ၁ လုံး၊စာကြည့်တိုက်နားက ရေကန်ကြီးရှေ့တွင် ၁ လုံး၊ ပန်းခြံရှေ့တွင် ၁ လုံး၊ မောင်တောပြည်သူဆေးရုံရဲ့ တောင်ဖက် ဗိုလ်မှူးရွာ(မွတ်ဆလင်ရွာ) ရှိ တံတားနား ၁ လုံး၊ စုစုပေါင်း ၅ လုံးကို AA တပ်ဖွဲ့ဝင်တွေက အမှတ် (၃) ရပ်ကွက်အပိုင် ဝိမလရွာနဲ့ မြို့ဦးရွာတွေဖက်မှ ဒရုန်းတွေ ပျံသန်းလာပြီး လူနေရပ်ကွက်ပေါ် နေရာအသီးသီးတွင် တမင်ရည်ရွယ်ချက်ရှိရှိ ဒရုန်းနဲ့ ဗုံးကြဲတိုက်ခိုက်ခဲ့တာကြောင့် ယခုလို သေဆုံးဒဏ်ရာ ရရှိခဲ့ခြင်းဖြစ်တယ်လို့ ဒေသခံများထံမှ ကြားသိရပါတယ်။

အဆိုပါတိုက်ခိုက်မှုအတွင်း မောင်တောပြည်သူဆေးရုံရဲ့ တောင်ဖက် ဗိုလ်မှူးရွာရှိ တံတားနား ဗုံး ၁ လုံးကျရောက်မှုကြောင့် စက်ဘီးစီးနေတဲ့ ဆယ်ကျော်အရွယ် မွတ်ဆလင် လူငယ်ရဲ့ ဗိုက်ကွဲအူမထွက်ပြီး ၁ ဦး ပွဲချင်းပြီး သေဆုံးခဲ့ပြီး ၁ဦး ပြင်းထန်စွာ ဒဏ်ရာရရှိခဲ့ကြောင်း၊ ရပ်ကွက် (၄) အပိုင် ဇော်ဟိရ်အာမောတ်(ကွယ်လွန်)ရဲ့ နေအိမ်ပေါ်တွင် ဗုံးတစ်လုံးကျရောက်ပေါက်ကွဲမှုကြောင့် ၁၁ နှစ်အရွယ် မိန်းကလေးငယ်တစ်ဦး ပွဲချင်းပြီး သေဆုံးခဲ့ကြောင်း၊ တခြားကလေးငယ် ၂ ဦး လည်း ပြင်းထန်စွာ ဒဏ်ရာရရှိခဲ့တဲ့အပြင် စာကြည့်တိုက်နားက ရေကန်ကြီးရှေ့တွင် မွတ်ဆလင် တချို့ အသေးစား ဒဏ်ရာရရှိပြီး နွားတစ်ကောင်လည်း သေဆုံးခဲ့တယ်လို့သိရပါတယ်၊

မောင်တောမြို့၊ မြို့မတောင်ရပ်ကွက် အမှတ် (၂)ရှိ ရိုဟင်ဂျာဘာဇာရ်ဈေးရှေ့မှာရှိနေတဲ့ မွတ်ဆလင် ကလေးငယ်တစ်ယောက်လည်း မနေ့က ဇူလိုင်လ ၁ ရက်နေ့ ညနေ ၅ နာရီခန့်မှာ ကျည်ဆံထိမှန်ပြီး ခေါင်းမှာပြင်းထန်စွာဒဏ်ရာရခဲ့ကာ ဆေးကုသမှုမခံယူနိုင်ဘဲ စိုးရိမ်စရာအခြေအနေမှာရှိနေပါတယ်။

မွတ်ဆလင်များအား ပစ်မှတ်ထားပြီး အကြမ်းဖက်တိုက်ခိုက်မှုများ ပြုလုပ်နေသည့် ရခိုင်အစွန်းရောက် AA အကြမ်းဖက်အဖွဲ့အနေဖြင့် ဒီမနက် ရွှေဇားကျေးရွာ အုပ်စု ဂိုန္နားရွာမှာနေထိုင်သည့် မွတ်ဆလင်တစ်ဦးအား သေနတ်ဖြင့်ပစ်ခတ်ခဲ့တာကြောင့် ခြေထောက်မှာ သေနတ်ကျည်ထိမှန်းပြီး ဒဏ်ရာ ရရှိ ခဲ့တယ်လို့ ဒေသခံများထံမှသိရပါတယ်။