አላህ በሰው ልጅ የቀልብ ጥገናና እድሳት ላይ ያሰማራው ሰው በእጅጉ ደስ ይበለው።

ስለሰው እንኑር።

https://t.me/MuhammedSeidAbx

ከዚህ ታሪክ ምን እንማራለን

የዛሬ ሰባት ዓመት ድንገት ያለ ምንም መነሻ የአንገቴ ዲስክ ተንሸራተተና ከባድ ህመም ይሰማኝ ጀመር። ከዛ ቀደም በነበረብኝ የወገብ ዲስክ ህመም ላይ ነው ይሄ የተደረበው። መንቀሳቀስ ቸግሮኝ ለበርካታ ወራት ሥራም አቁሜ ቤት ዋልኩኝ። ከተከታታይ ፊዚዮቴራፒ በኋላ መሻሻል አሳየሁ። ሃኪሞቹ ሟርት የሚመስል ነገር ነበር የሚነግሩኝ። በእርግጥ ሟርት የመሰለኝን ነገር ከጊዜ ወደ ጊዜ እያየሁት ነው። እጅሽ አይድከም አይዛል ብላችሁ ስትመርቁኝ ደስ ብሎኝ አሚን የምለው አንዳንዴ መፃፍም ስለሚያቅተኝ ነው። ብዙ ጊዜ ቁጭ ብዬ ነው የምሰግደው። ሱጁድ ይናፍቀኛል ብላችሁ አስባችሁ ታውቃላችሁ? አዎን ሱጁድ ይናፍቃል። የሶላት አስኳሉም እሱ ነው።

ዛሬ ልነግራችሁ ያሰብኩት ስለ ህመምና ችግሮቼ አይደለም። ከነሱ በላይ ስለመጠንከር እንጂ።
የምከታተለው ቴራፒ ህመም ነበረው። ማሳጅ ከምደረግበት ክፍል ጎን ከሚገኙ ታካሚዎች የጩኸት ድምፅ እሰማለሁ። እኔ ግን ህመሜን ዋጥ ነው የማደርገው። ቴራፒስቷ በዚህ መገረሟን ነግራኛለች። አቡዳቢ እያለሁ ዋግምት ለመጀመሪያ ጊዜ የሞከርኩም ቀን ሃኪሙ "ያልፈራችና ድምፅ ያላሰማች ሴት ለመጀመሪያ ጊዜ ሲገጥመኝ ነው!" ብሎኛል። አሁን በቅርቡ ደግሞ እንዲህ ሆነ። Reflexology (foot Massage) ጥሩ ነው ብለውኝ ጀመርኩኝ። ህመም አለው። አንድ ቀን ሶስት ታካሚዎች በመደዳ ጋደም ብለን እየታሸን ነው። ሁሉም የተለያዬ አይነት ድምፅ ያሰማሉ። እኔ ዝም እንዳልኩ አለሁ። ከጎኔ የነበረችው ሴት ለምትሠራኝ ባለሙያ "እንዴ የሷ የተለዬ ነው እንዴ? እንዴት ፀጥ አለች?" አለቻት። ወደኔም መለስ ብላ "አያምሽም?" አለችኝ። ኧረ ችዬው እንጂ ያማል ነበር ያልኳት። አዎን ስላላወጣነው፣ ጥርሳችንን ነክሰን ስለቻልነው እንጂ ያልተሸከምነው ህመም የለም።

የሥራ ቆይታዬን አጠናቅቄ ወደ ኢትዮጵያ ስመለስ ሙሉ የቤት እቃ ገዝቼ የጭነት አገልግሎት ለሚሰጥ ሰው ሰጥቼ ነበር የመጣሁት። ባለፈው ዱባይ የተከሰተውን ጎርፍ አስታወሳችሁት? እቃዬን ሙሉ በሙሉ አወደመው። ታድያ አንድ ወንድም ሴትል ስለማድረጌ እየጠየቀኝ በዛው ተነሳና ስለሆነው ነገር ስነግረው ፌስቡክ ላይ ስለሚያውቀኝ "እንዴ ታድያ ለምን ፖስት አላደረግሽም? ለምን አላሳወቅሽንም?" አለኝ። ሮሮ ፖስት የማደርግ ቢሆን እስከዛሬ አንድ ሶስት ልብወለድ የመሰለ የህይወት ታሪክ መጽሐፍ እፅፍ ነበር። 😆እኔ ለሰዎች ደስታዬን እንጂ ሃዘኔን አላሳይም። የሰዎችን ጭንቀት በቻልኩት መጠን እካፈላለሁ እንጂ ጭንቀቴን አልናገርም። Learn to heal without venting to everyone በሚል መርህ ነው የምኖረው። እንደው ከቀላሉ ብጀምር እንኳን ከሰሞኑ ተከታታይ ጁምዓዎች የመኪና አደጋ ደርሶብኝ በመጠኑ ተጎድቼም ነበር። ግን ቤትም አልተናገርኩም። የበሽታ Menu በሉኝ። ያላመመኝ የሌለብኝ ህመም የለም ማለት እስከምችል ሥማቸውን ራሱ የማላውቃቸው የነበሩ ከባባድ ህመሞች ታምሜያለሁ። በአንዴ ሁለት ሶስቱ ይነሱብኛል። ግን በህመሜም በራሴም እቀልዳለሁ። እህቴ "እየሳቅሽ ነው የምትሞቺው!" ትለኛለች። የኔ ነገር ጋሽ ጥሌ "ብዙ ነው የሆንኩት ያልሆንኩት ምን አለ?" እንዳለው ነው። ባለፈው ዓመት እንኳን ያመንኳቸው ሰዎች ያለኝን ገንዘብ በሙሉ ወሰዱብኝ። ከሌሎቹ ህመሞቼ ጋር ተላምጄ እየኖርኩ ጭራሽ ሌላ የማልገምተው ህመም ተጨመረልኝ። ብቻ ዘርዝሬ የማልናገራቸውና ማመን እስኪያቅተኝ ድረስ የገጠሙኝ ሞትን የሚያስመኙ አልያም የሚያሳብዱ ችግሮች አሉ። መከራ ሌላ መሄጃ የሌለው ይመስል በፊሽካ ተጠራርቶ ነው የሚመጣብኝ። ለዛውም አንዱ በአንዱ ላይ እየተደራረበ፣ ፋታ ሳይሰጠኝ እየተከታተለ፣ ዙሪያውን ገደል እያደረገ። አንዳንዴ"ደግን ልጅ እናቱ አትወደውም!" እንደሚባለው ዝም ብዬ ስለምቀበል ነው እንዴ ሁሉንም ለኔ የሚያሽክመው? መነጫነጭ ይሻል ይሆን? እላለሁ። ያለፍኩትንና ያለሁበትን የሚያውቁ የቅርቤ ሰዎች በሙሉ "እንደው ላንቺ ያዘጋጀውን እጣ ለማየት ነው የምንጓጓው!" ይላሉ። ይህ ሁሉ ሲያልፍ ግን እዚሁ ከናንተ ጋር ስስቅ ነው የምታዩኝ።

ስታይ‘ኮ ስብር ቅንጥስ የምል፣ ችግር የማልችል፣ መከራ ሊነካት ቀርቶ በአጠገቧ ያላለፈ ሰው ነው የምመስለው። ግን "ላያስችል አይሰጥም" እውነት ነው ቃሉ። ሞገሱን አድሎኝ፣ ስንቱን ከባባድ ኃላፊነት በድል እንድወጣ እያገዘኝ፣ ያልጎደለብኝ አስመስሎኝ፣ ሳቅ ሰጥቶኝ እንኳን በፌስቡክ በአካል የሚያውቀኝ የሆንኩትን ሳይገምት ሁሉን እሻገራለሁ። ፏ እያልኩ አለሁ። እንቅልፍ አልባ ሌሊት አሳልፌ ቀን እንኳን ልጎሳቆል ያምርብኛል። "የአላህ ቅባት ነው!" ብላለች አንድ ጓደኛዬ።😍 ምሬት ሌላ ምሬትን ነው የሚወልደው። ከህመምና ችግር በላይ ነገሩን ማሰቡ ነው ይበልጥ የሚጎዳን ብዬ አምናለሁ። እና ሁላችንም ስላልተናገርነው እንጂ የምንኖረው ህመም ችለን፣ መውደቅን አሸንፈን፣ መከፋትን በልጠን፣ ነገን አምነን፣ ሁሉን ቻዩን ጌታ ተደግፈን ነው። የትዕግስቱ ጊዜ አልፎ የምስጋናው ወቅት ይመጣል። ይክሰናል። ምንም ነገር ከልኩ አያልፍም አብሽሩ ፏ በሉ። የባሰ ላላመጣብን፣ የመጣውንም ላስቻለን አላህ ምስጋና ይገባው!

https://t.me/MuhammedSeidAbx

ወዳጄ ..

እኛ ከአላህ ሱ.ወ. ጋር ጥንት ቃል የተጋባን፣ በርሱ ያመንን ሙስሊሞች ነን፡፡

መሽቶ በነጋና ቀን በተለወጠ ቁጥር  የምናድሰው እንጂ የምናከስመው ኢማን የለም፤

የምናጠነክረው እንጂ የምናፈርሰው ቃልኪዳን የለም፣

የምንፀናበት መንገድ እንጂ ወደኋላ ትተን የምንንሸራተተው መስመር የለም፡፡

አላህ ሆይ አንተ ነህ አምላካችን፡፡
ካንተ በስተቀር ሌላ አምላክ የለንም፡፡

አንተን እናመልካለን፤
ላንተ እንታዘዛለን፣
ባንተው እንታገዛለን፤
ችግርም ሆነ መከራ፤ ፈተናም ሆነ መሰናክል፤ ሐዘንም ሆነ በሽታ፣ ድሎትም ሆነ ፀጋ ባንተ ላይ አይለዉጡንም፣ ካንተ ፈጽሞ አይነጥሉንም፡፡ 
በመንገድህ ላይ እርዳን፤
በዲንህ ላይ አጽናን፡፡

ሶባሐል ኸይር

https://t.me/MuhammedSeidAbx

‏اللهم يسر أمورنا وفرج همومنا واستر عيوبنا وأصلح أحوالنا واغفر لنا ولوالدينا وتوفنا وأنت راض عنا يا أرحم الراحمين

https://t.me/MuhammedSeidAbx

ይህ ከላይ የምታዩት ጽሑፍ 98 መጨረሻ ጽሑፍ የጀመርኩ ሰሞን ለጎንደር ዩኒቨርሲቲ ሙስሊም ጀማዓ የፃፍኩት ነው። 19 ዓመት ወደኋላ ። የልጅነት ስሜት። አልሐምዱ ሊላህ አሁንም እዚያው ነው። ጥንካሬው ባይኖርም ጉጉቱ አለ።

ወዳጆቼ በወጣትነታችሁ ዘመን ጠንክራችሁ ሥሩ። ሰው ከፍ እያለ ሲሄድ ይደክመዋል። ከኢማኑ ይንሸራተታል።

የወጣትነት ዘመን ሥራችሁ ይኸው እንደምታዩት ትዝታ ሆኖ ዋ ያ ዘመን ያስብላችኋል።

https://t.me/MuhammedSeidAbx

ኢላሂ

ለመልካም ነገር አግራን።
መልካምንም ነገር አግራልን።

https://t.me/MuhammedSeidAbx

ሐምሌን ተስፋ አድርገህ ነበር፤
ነሐሴን ገና ከጅምሩ ተደነቃቀፍክ፤
መስከረም እንዳሰብከው አልሆነልህም፤
ጥቅምት ጭራሽ ሌላ ችግር ገጠመህ፤
ህዳር ፈተናህ በዛ፣
ታህሳስስ ምን ይዞ ይሆን??

ባይሆን አትማረር፣
አሁንም ተስፋህን ሰንቅ።

ወዳጄ
እየጣርክ እየለፋህ ባይሳካልህ አላህ ከወደደልህ ውጭ ምን ሌላ ነገር ታመጣለህ?
እውነቴን እኮ ነው የምልህ እስቲ ምን ታመጣለህ?

በሁሉም ሁኔታህ ውስጥ አልሐምዱ ሊላህ በል።
አልሐምዱ ሊላህን ሕይወትህ አድርግ፤
ይዘሃት ተኛ፣
ይዘሃት ተነስ።

ኢላሂ ሆይ በዲናችን አትፈትነን፤
ፈተናህም የቁጣና የጥላቻህ አይሁንብን።

አምላኬ ሆይ የማንችለውን አታሸክመን፣
በማንችለውም አትፈትነን።

ቲስበሑ

https://t.me/MuhammedSeidAbx

ሶባሐል ኸይር

አንድ ነገር ልንገራችሁ ።

አላህ ምስክሬ ነው።
ከአላህ ለምኜ ያጣሁት አንድም ነገር የለም።

ስለችሮታው ሁሉ ለምስጋና ቃላት አጣለሁ።

https://t.me/MuhammedSeidAbx

ወደ አላህ በምንመለስባቸው ጊዜያት ሁሉ ነፍሳችን ምልስ ትላለች።
ሰው ነንና
አንዳንዴ ይደክመናል፤ ሁሌም ኢስቲቃማ አይኖረንም እንንሸራተታለን። ሳይታሰብ እንወጣለን ።
የወጣን ቀን በዚያው ከመንገዱ ወጥተን አንቅር።
ስንሄድ አንዳችንን በዚያው አንሂድ። እየተመለስን እሺ።

ወደ አላህ
መሳአል ኸይር❤️

https://t.me/MuhammedSeidAbx

ሶባሐል ኸይር