ရန်ကုန်ခေတ်သစ်သတင်းဌာနသည် ၂၀၁၈ ခုနှစ်၊ ဇန်နဝါရီလ ၁ ရက်နေ့တွင် စတင်ထူထောင်ခဲ့သော သတင်းဌာနဖြစ်ပါသည်။ https://yktnews.com/
Last updated 6 days, 2 hours ago
ကြော်ငြာများထည့်သွင်းလိုပါက ဒီအကောင့်ကိုဆက်သွယ်ပေးပါ👇👇
@sithuaung2006
Last updated 1 month, 1 week ago
ကြော်ငြာများထည့်သွင်းလိုပါက ဒီအကောင့်ကိုဆက်သွယ်ပေးပါ👇👇
@enjoy_admin_official_bot
Last updated 2 months, 1 week ago
နာကျင်ခြင်းကို ခွန်အားအဖြစ်
ပြောင်းလဲပါ
၁၉၈၀ Mr Olympia ပြိုင်ပွဲအပြီး
Tom Platz တစ်ယောက်
အိမ်ပြန်လာခဲ့တယ်။
သူလေ့ကျင့်တဲ့ Gym ကိုရောက်ရောက်ချင်း သိလိုက်ရတဲ့
မြင်ကွင်းက သူ့အသည်းကို
လုံးဝကွဲကြေစေခဲ့တယ်။
နောက်ခြောက်လအတွင်း
သူလက်ထက်ဖို့ ရည်ရွယ်ထားတဲ့ သူနဲ့ စေ့စပ်ထားတဲ့
အမျိုးသမီးက သူ့ရဲ့
ကစားဖော်နဲ့ ဖောက်ပြန်
နေခဲ့တယ်။
အဲ့ဒီမြင်ကွင်းဟာ
Tom Platz အတွက်
မယုံကြည်နိုင်အောင်
ဖြစ်ခဲ့ရတယ်။
ဒီမိန်းကလေးက ဒီလောက်တောင်
ရက်စက်ပါလား။
သံယောဇဉ်ကို မထောက်ထားဘဲ
ခဏလောက်ဝေးသွားတာနဲ့
လုပ်ရက်တယ်ဆိုပြီး
ဝေခွဲမရအောင်ဖြစ်နေခဲ့တယ်။
သူ့စိတ်ထဲမှာလည်း
ဒေါသတွေ နင်ကျခြင်းတွေနှင့်
ပြည့်နှက်နေခဲ့တယ်။
အစပိုင်းမှာ ဘာမှ
မလုပ်နိုင်အောင်
သူစိတ်ဓာတ်တွေ ကျနေခဲ့တယ်။
သူ့ချစ်သူနဲ့ ဖောက်ပြန်သွားတဲ့
လူရဲ့ ခေါင်းကို Dumbell နဲ့ထု
သေအောင်သတ်ပြီး ထောင်ထဲ
ဝင်ဖို့ထိ သူတွေးခဲ့တယ်။
ဒါပေမဲ့ သူမလုပ်ဖြစ်ခဲ့ဘူး။
အဲ့ဒီအစားသူ့ရဲ့ နာကျင်မူတွေကို
ပြင်းထန်တဲ့ လေ့ကျင့်ခန်းတွေ
လုပ်ဆောင်တဲ့ နေရာမှာ
အသုံးချခဲ့တယ်။
သူ့ရဲ့ ပြောပုံအရ အဲ့ဒီအချိန်ဟာ
သူ့အတွက် လေ့ကျင့်ခန်းလုပ်လို့
အကောင်းဆုံး အချိန်ဖြစ်ခဲ့တယ်။
အဲ့ဒီလိုနဲ့ ၁၉၈၁ ခုနှစ် Mr Olympia ပြိုင်ပွဲမှာ Tom Platz တစ်ယောက် တတိယဆု ချိတ်ခဲ့တယ်။ သူ့ဖက်က အကောင်းဆုံးပြင်ဆင်ခဲ့ပေမယ့် Arnold ရဲ့
ကစားဖော်ဖြစ်တဲ့ Franco Columbu ကိုမကျော်နိုင်ခဲ့ဘူး။
တကယ်တော့ နာကျင်ခြင်းတွေ အသည်းကွဲခြင်းတွေ ဒုက္ခတွေဟာ ဘဝတစ်ကွေ့ကွေ့မှာ
ကျွန်တော်တို့ ကြုံကိုကြုံရမဲ့
အရာတွေပဲ။
အဲ့ဒီအရာတွေဟာ ကျွန်တော်တို့ကို ဖျက်စီးပြစ်လိုက်နိုင်သလို
ပိုပြီး တိုးတက်အောင်လည်း
အကူအညီပေးနိုင်တယ်။
အသည်းကွဲခြင်းတွေ
နာကျင်ခြင်းတွေကို
ရှောင်လွှဲဖို့ မလွယ်ပေမယ့်
ကိုယ်ဘယ်လို တုံပြန်မလဲဆိုတာ
ရွေးချယ်လို့ရတယ်။
ကိုယ့်အတွက်အကျိုးအရှိဆုံးအရာကိုရွေးချယ်ပါ
လူတိုင်းဟာနေ့တိုင်း
ရွေးချယ်မူတွေ
ပြုလုပ်နေရတယ်။
ကောင်းတဲ့ အရာတွေနှင့်
မကောင်းတဲ့ အရာတွေကြား
ရွေးချယ်ရတယ်။
အကျိုးရှိတဲ့ အလုပ်တွေထဲမှာမှ
အကျိုးအရှိဆုံး အလုပ်ကို
ထပ်ပြီးရွေးချယ်ရမယ်။
ကိုယ့်အတွက်အကျိုးရှိတဲ့
အလုပ်တွေ လုပ်နေရုံနဲ့
လုံလောက်ပြီလားဆိုတော့
မလုံလောက်သေးဘူး။
ကိုယ့်အတွက် ဘယ်အရာက
အကျိုးရှိဆုံးအရာဖြစ်မလဲ
ဆိုတာ သေချာသိဖို့လိုတယ်။
ဥပမာ မိုတီဗေးရှင်း ဗီဒီယိုတွေ
လိုက်နေကြည့်တာနဲ့
skill တစ်ခုခု
လေ့လာတာ ဘယ်ဟာ
ပိုအကျိုးရှိလဲ?
နှစ်ခုလုံးက အကျိုးရှိတယ်
ဆိုရင်တောင် ကိုယ့်အတွက်
အကျိုးရှိဆုံးအရာကို ရွေးရမယ်။
နောက်ပြီးတော့ ကိုယ်ကအရည်အချင်းနှစ်ခုကို တစ်ပြိုင်တည်း လေ့လာနေမိရင်တောင် ကိုယ့်အတွက်ပိုအကျိုးရှိမယ့် အရည်အချင်းကို
ဦးစားပေးရမယ်။
ကျန်တာတွေကို
ခဏမေ့ထားရမယ်။
ကျန်တဲ့အရာတွေဟာ
ဘယ်လောက်ပဲ ကောင်းကောင်း
အချိန်ဖြုန်းခြင်း သက်သက်ပဲ။
အချိန်ဆွဲခြင်း သက်သက်ပဲ။
အိပ်ခါနီးတိုင်း ကိုယ့်ရဲ့တစ်နေ့တာကိုReview ပြန်ပေးပါ
◼️ငါဒီနေ့အလုပ်တွေပြီးရဲ့လား
◼️ဘယ်အရာတွေကငါ့အချိန်တွေကို အဓိက စားသုံးနေတာလဲ
( Facebook လား Tiktok လား
YouTube လား Game လား)
◼️ ငါဒီနေ့ မသိစိတ် ကို မလွန်ဆဲနိုင်ဘဲ ဆုံးဖြတ်ချက်ဘယ်နှစ်ခုချမိလဲ?
ဥပမာ နာရီဝက်ပဲဂိမ်းစော့မယ်လို့
သတ်မှတ်ထားပြီး နာရီနဲ့ချီပြီးစော့မိသွားတာမျိုး၊ လူတစ်ယောက်ကို မရည်ရွယ်ပဲ ဒေါသတကြီးအော်မိလိုက်တာမျိုး)
ဟုတ်ပြီ ဒီနေ့တော့
ငါ့ရဲ့ တစ်နေ့တာမှာ
လိုအပ်ချက်တွေရှိခဲ့တယ်။
That's fine. နောက်နေ့ မှာ
ဒီနေ့ကထက် ပိုကောင်းအောင်
ဘယ်လို လုပ်မလဲ?
အဲ့မှာ အဖြေတွေရှာရတော့မယ်
အလုပ်တွေ ပြီးဖို့
ဂိမ်းတွေဖျက်မလား?
Social Media တွေကို အမြဲတမ်း
မသုံးနေမိအောင် အချိန်အပိုင်းခြား တစ်ခုလောက်ထိ
Block ထားမလား?
Unconscious Decisions
( မသိစိတ်ကိုအခြေခံတဲ့ ဆုံးဖြတ်ချက်တွေ) မချမိအောင်
ငါဘယ်လို ထိန်းချုပ်မလဲ?
ပိုပြီးတိုးတက်ချင်ရင်
အဲ့ဒီလို ကိုယ့်ဘာသာ
review တွေပေးပြီး
ဒီနေ့ လုပ်မိခဲ့တဲ့အမှားတွေကို
မနက်ဖြန်မှာ
ပြန်လည် ပြန်ဆင်ဖို့
နည်းလမ်းတွေ ရှာရတော့မယ်။
James Clear ကပြောဖူးတယ်
လောကမှာ ချမ်းသာခြင်း
လေးမျိုးရှိတယ်တဲ့
(၁) ငွေရေးကြေးရေး
(၂) အဆင့်အတန်း
(၃) အချိန်
(၄) ကျန်မာရေး
အလုပ်တော်တော်များများဟာ ကျွန်တော်တို့ကို
(၁) နှင့် (၂) ကို ပေးနိုင်ပေမယ့်
ကျွန်တော်တို့ဆီက (၃) နှင့် (၄) ကို
ပြန်ယူသွားလိမ့်မယ်။
ကျွန်တော်အရင်တုန်းက ဘဝမှာ
ဘာဖြစ်ချင်လို့ ဖြစ်ချင်မှန်း
မသိခဲ့ဘူး
ကိုယ့်ဘဝမှာ ဘာဖြစ်ချင်လို့
မသိတာဟာ လူတစ်ယောက်
အတွက် တော်တော် အန္တရယ်
များတယ်။
ရည်မှန်းချက်မရှိခြင်းဟာ
လူတစ်ယောက်ကို ဘဝပျက်ပြီး
မြန်မြန်သေစေနိုင်တဲ့ အကြောင်း
အရင်းတစ်ခုလို့လည်း
ပြောနိုင်တယ်။
ကိုယ့်ဘဝမှာ ဘာပဲဖြစ်ချင်လို့
ဖြစ်ချင်မှန်းမသိတဲ့အခါ
ပိုက်ဆံရနေပေမယ့် ကိုယ်
မပျော်တဲ့အလုပ်ခွင်တစ်ခုမှာ
အမြဲတမ်းစိတ်ညစ်နေရနိုင်တယ်။
ဒါမှမဟုတ် ကိုယ့်အနေနဲ့
ဘာဖြစ်ချင်မှန်းမသိတဲ့
အခါ သူတစ်ပါးလုပ်
စေချင်တဲ့ အလုပ်တစ်ခုကို
ကိုယ်ကိုတိုင် စိတ်မပါဘဲ
လုပ်နေရတတ်တယ်။
ကျွန်တော်အရင်တုန်းက
ဘဝမှာ ဘာဖြစ်ချင်မှန်းမသိ
တော့ နေ့ရက်တိုင်းဟာ
အဓိပ္ပာယ်မရှိ သလို
ဖြစ်နေခဲ့တယ်။
တစ်နေ့တစ်နေ့ အချိန်တွေ
ဘယ်လိုကုန်အောင် ဖြုန်းပြစ်
ရမလဲပဲ တွေးနေမိခဲ့တယ်။
ဂိမ်းစော့လိုက်
ရုပ်ရှင်ကြည့်လိုက်
ဘောလုံးကန် ခြင်းခတ်
စက်ဘီးလျှောက်စီးလိုက်နဲ့
နေချင်သလိုနေခဲ့မိတယ်။
ဒါပေမဲ့ ကျွန်တော် မပျော်ခဲ့ဘူး။
အဲ့ဒီ နောက် ကိုယ်တကယ်
ဘာပဲဖြစ်ချင်လဲဆိုတာ သိအောင်
အများကြီး လေ့လာခဲ့တယ်။
အဲ့ဒီမှာ ကိုယ်ကြိုက်တဲ့
အရာတွေ နဲ့ မကြိုက်တဲ့အရာတွေကို သိရှိလာခဲ့တယ်။
အခုတော့ ကျွန်တော်
ဘာဖြစ်ချင်လဲဆိုတာ
သေချာသိသွားခဲ့ပြီ။
ကိုယ်ဖြစ်ချင်တဲ့ ဘဝကို
ဘယ်လိုအရောက်သွားရမလဲ
ဆိုတာကိုလည်း အသေးစိတ် Planတွေ ချပြီးသွားပြီ။
Goals သေးသေးလေးတွေ
အဖြစ် ပြန်ခွဲပြီးသွားပြီ။
ကျွန်တော် ဒီ channel ထဲက
ညီလေးတွေ ညီမလေးတွေ
အကိုတွေ အမတွေကို
ပြောချင်တာက ကိုယ့်
ဘဝမှာ အခုအချိန်ထိ
ဘာဖြစ်ချင်လို့ ဖြစ်ချင်မှန်း
မသိရင် မြန်မြန် အဖြေရှာပါ။
မြန်မြန် Figure Out လုပ်နိုင်လေ
ပိုကောင်းလေပဲ။
ကျွန်တော်ဆိုရင် ကိုယ်ဖြစ်ချင်လို့
ဖြစ်ချင်မှန်းသိတဲ့ အချိန်ဟာ
နည်းနည်းတောင် အသက်
ကြီးနေပြီ။
ကိုယ့်အနေနဲ့ ဘာဖြစ်ချင်လို့
ဖြစ်ချင်မှန်းမသိရင် သူများ
ရေးပေးတဲ့ ဇတ်ညွှန်းတိုင်း
ကရတဲ့ လူတစ်ယောက် လို
ဖြစ်လာလိမ့်မယ်။
ပျော်လားဆိုတော့
ပျော်ရမှာ မဟုတ်ဘူး။
ကိုယ်ပိုင် ဇတ်ညွှန်း ကိုယ်ပိုင်
Code ရှိလားဆိုတော့လည်း
မရှိဘူး။
တိကျသေချာတဲ့ ရည်မှန်းချက်
မရှိတဲ့ လူတစ်ယောက်ဟာ
ရေထဲလျှောက်မျောနေတဲ့
အမှိုက်နဲ့ တူနေလိမ့်မယ်။
ဒါ့ကြောင့် ကိုယ်ဘာဖြစ်ချင်လဲ
ဆိုတာ မြန်မြန်အဖြေရှာပါ။
ကျွန်တော် ဘယ်သူ့ကိုမှ
သူများရေးပေးထားတဲ့
Code အတိုင်း လှုပ်ရှားရတဲ့
စက်ရုပ်လို တစ်ရုပ်လို ဘဝကို
မရောက်စေချင်ဘူး။
ပိုပြီးတိုးတက်ချင်ရင်
ပြုပြင်ပြောင်းလဲရမယ်
ကျွန်တော် အရင်တုန်းက
ကိုယ်သဘောကျတဲ့
စာတွေ ဆိုရင် စာအုပ်ထဲမှာပဲ
ရေးမှတ်လေ့ရှိတယ်။
အဲ့ဒီအခါ ဘာပြဿနာဖြစ်လဲ
ဆိုတော့ ကိုယ်ရေးထားတာတွေကို ပြန်ရှာရတာ အလုပ်တစ်ခု
ပိုလာတယ်။
ဒီနောက်ပိုင်း ကျွန်တော်
Notion သုံးဖြစ်လာတယ်။
စမ်းသုံးကြည့်ရင်း တော်တော်
သဘောကျသွားတယ်။
အရင်ထဲက သိခဲ့ပေမယ့်
မသုံးဖြစ်ခဲ့ဘူး။
အခုဆို ကျွန်တော်သဘောကျတဲ့
YouTube Video တွေ
Article တွေ Blog Postတွေ
Quotes တွေ Noteတွေ
ကို Notion မှာSave ဖြစ်လာတယ်။
Page တွေသက်သက်ဆီခွဲ
ပြီးတည်ဆောက်ထားလို့ရတော့
ကိုယ်မှတ်ထားတွေကို
ပြန်ရှာရတာ
အရမ်းလွယ်တယ်။
ကျွန်တော် ပြောချင်တာက
ကိုယ်အရင်တုန်းက သုံးခဲ့တဲ့
နည်းလမ်းတွေက ဘယ်လောက်ပဲ
ကောင်းကောင်း ပိုကောင်းတဲ့
နည်းလမ်းတစ်ခု ပေါ်လာရင်
အဲ့ဒီအရာကို ပြောင်းလဲ
ကျင့်သုံးဖို့လိုတယ်။
ကိုယ့်ရဲ့ gut feeling ကိုသာ
ယုံကြည်ပါ
Gut feeling ဆိုတာ ကိုယ့်ရဲ့
အတွင်းစိတ်က ကိုယ့်ကိုပြောနေတဲ့ စကားလုံးတွေကို ပြောတာပါ။
စာမေးပွဲမှာ ကိုယ့်အဖြေကို မှားမယ်ထင်ပြီး ဘေးနားက လူ
ရေးတာကို ကူးချမိပြီးမှ
သူ့အဖြေက အဖြေမှားကြီး
ဖြစ်နေပြီး ကိုယ်အဖြေက
မှန်နေတာကို ကြုံဖူးလိမ့်မယ်။
ဒါဟာ ကိုယ့်ရဲ့ gut feeling ကို
မယုံကြည်မိတဲ့ အပြစ်လို့
ပြောနိုင်တယ်။
ကျွန်တော် ကတော့ ကိုယ့်ရဲ့
နှလုံးသားကလာတဲ့ စကားတွေကို
ပဲ ယုံကြည်လေ့ရှိတယ်။
ဒါ့ကြောင့်လည်း ကျွန်တော့်ကို တော်တော်များများက
ခေါင်းမာတယ်လို့
ပြောလေ့ရှိတယ်။
ဒါပေမဲ့ ကိုယ့်ရဲ့ ယုံကြည်မူ
နောက်ကို လိုက်ခဲ့လို့
ကျွန်တော့်ဘဝမှာ အကောင်းဘက်ကို ဦးတည်သွားတာ
တွေပဲရှိခဲ့တယ်။
ကျွန်တော် ဆယ်တန်းတုန်းက
လွယ်တာတွေပဲရွေးသင့်တဲ့ ကျူရှင်တစ်ခုမှာတက်ခဲ့မိတယ်။
သီတင်းကျွတ်လောက်အရောက်မှာ ကိုယ့် ကျူရှင်က လွယ်တာတွေပဲ ထပ်တလဲလဲ ပြန်သင်နေတာ သတိထားမိလာတယ်။
တစ်ခြားကျူရှင်တွေနဲ့ ယှဉ်ရင်
ချန်ခဲ့တာတွေ အများကြီးရှိတာ
တစ်ဖြည်းဖြည်းသိလာတယ်။
အဲ့ဒါနဲ့ ကျွန်တော် ကျူရှင်
လုံးဝ မသွားတော့ဘူး။
တစ်နှစ်ကြီးတဲ့ ဝမ်းကွဲအမရဲ့
ရေးစာအုပ်တွေကို တောင်းပြီး
စာတွေလုပ်ခဲ့တယ်။
ကျူရှင်ဆရာကရော အိမ်ကရော
ကျွန်တော့်ကို ဆယ်တန်းကျတော့မှာပဲ ဆိုပြီး ဆူနေကြတယ်။
ကျူရှင်ဆရာက ကျွန်တော့်ကို
အဲ့ကောင် ကျမယ့်ကောင်တဲ့။
ဒါပေမဲ့ ကျွန်တော့်ရဲ့ gut feeling
အရ ကျူရှင်ကို ဆက်သွားနေရင်
ဆယ်တန်းကျတော့မှာပဲဆိုပြီး
ခံစားနေရတယ်။
အဲ့ဒါနဲ့ အောင်စာရင်းထွက်တော့
ကျွန်တော် အောင်သွားခဲ့တယ်။
ကျူရှင်က fresher အားလုံး
အကုန်ကျခဲ့တယ်။
တစ်ယောက်မှာ မအောင်ခဲ့ဘူး။
ကျူရှင်သာ ဆက်သွားနေခဲ့ရင်
ကျွန်တော် လည်း
ကျိန်းသေပေါက်
ဆယ်တန်းကို နှစ်နှစ်ဖြေခဲ့ရမှာ။
ကျွန်တော် ဆယ်တန်းကို
တစ်နှစ်ထဲနဲ့အောင်ခဲ့တာဟာ
ကိုယ့်ရဲ့ gut feeling ကို
ခြွင်းချက်မရှိ ယုံကြည်ခဲ့လို့ပဲ။
ကိုယ်လုပ်ချင်တာတွေ
လုပ်ခွင့်ရဖို့ မလုပ်ချင်တဲ့
အရာတွေ အရင်လုပ်ပါ။
ကျွန်တော်တို့ လူငယ်အများစုဟာ
ဘဝအခြေအနေကြောင့် ကိုယ်လုပ်ချင်တဲ့ အလုပ်ကို
တိုက်ရိုက်လုပ်လို့ မရတာ
များတယ်။
ကြားထဲမှာ ကိုယ်မလုပ်ချင်တဲ့
အလုပ်တွေလည်း လုပ်ရမှာပဲ။
ကျွန်တော်ကိုယ်တိုင်လည်း
ကိုယ်မလုပ်ချင်တဲ့ အလုပ်တွေ
လုပ်ခဲ့ဖူးတယ်။ နောက်လည်း
ထပ်လုပ်ရဦးမယ်။
ကိုယ်မလုပ်ချင်တဲ့ အလုပ်တွေမှာလည်း ကိုယ်သင်ယူလေ့လာရမယ့် အရာတွေရှိတယ်။
အလုပ်ကို စေတနာထား လုပ်ကိုင်ပေးပြီး လုပ်ငန်းတစ်ခုလုံးရဲ့
လည်ပတ်ပုံကို
လေ့လာသင့်တယ်။
အရေးကြီးတာက ကိုယ်မလုပ်ချင်တဲ့ အလုပ်တွေမှာ အကြောင်းအမျိုးအမျိုးကြောင့် ပျော်မွှေ့ပြီး
ကိုယ့်ရဲ့ အိပ်မက်တွေကို
မမေ့ဖျောက်ပြစ်လိုက်ဖို့ပဲ။
Question everything
အရာအားလုံးကို မေးခွန်းထုတ်ပါ
ဗုဒ္ဓမြတ်စွာဘုရားဟာ သူ့ကို ယုံကြည်ကိုးကွယ်တဲ့သူတွေကို သင်ကြားပေးခဲ့တဲ့ အရာတစ်ခုရှိတယ်။
အဲ့ဒါဟာ Question everything အရာအားလုံးကို မေးခွန်းထုတ်ပါတဲ့။
သူကိုယ်တိုင်လည်း အိမ်ရှေ့စံမင်းသား
ဘဝမှာ အရာအားလုံးကို မေးခွန်းထုတ်ခဲ့တယ်။
- လူတွေဘာလို့ အိုတာလဲ
- လူတွေဘာလို့ နာမကျန်းဖြစ်တာလဲ
- လူတွေဘာလို့ သေတာလဲ
ဗုဒ္ဓဟာ အဲ့ဒီလို အရာအားလုံးကို မေးခွန်းထုတ်ခဲ့တာကြောင့်ပဲ သူများ မမြင်တဲ့ အရာတွေကို မြင်ခဲ့တယ်။ လူတိုင်းရောက်ဖို့ခက်တဲ့ လွတ်မြောက်ခြင်း ဆိုတဲ့ နိဗ္ဗာန်ကို ရောက်ရှိခဲ့တယ်။
သောမတ်အီဒီဆင် ဟာလည်း ငယ်ငယ်တုန်းက အမေးအမြန်းထူခဲ့လို့ပဲ အရွယ်ရောက်တဲ့အခါ အောင်မြင်တဲ့ သိပ္ပံပညာရှင်တစ်ယောက်ဖြစ်လာခဲ့တယ်။
ကျွန်တော် လွန်ခဲ့တဲ့ ခြောက်နှစ်လောက်တုန်းက မနောရမ္မ ဘုန်းကြီးကျောင်းမှာ ဖွင့်တဲ့ ပညာဒါနသင်တန်းကျောင်းမှာ အင်္ဂလိပ်စာ ပညာဒါန သင်တန်းတစ်ခု တတ်ခဲ့ဖူးတယ်။ သင်တဲ့ ဆရာကတော့ ဆရာကြီးဦးသန်းဖေပါ။ အဲ့ဒီအချိန်မှာ ဆရာကြီးဟာ အသက်တော်တော်ကြီးနေပြီ။ အသက်ကိုးဆယ်နီးပါး ရှိနေလောက်ပြီ။ လမ်းတောင် တွဲပေးမယ့် သူရှိမှ လျှောက်နိုင်တယ်။ ဒါပေမဲ့ ဆရာကြီးဟာ လူငယ်တွေကို တော်တော်လေး စေတနာထားတဲ့ပုံပဲ။ သင်တန်းကြေးမယူပဲ လူငယ်တွေကို အင်္ဂလိပ်စာသင်ပေးနေခဲ့တယ်။
ဆရာကြီးဟာ ကျွန်တော်တို့ကို အင်္ဂလိပ်စာတင်မဟုတ်ဘဲ ပြင်ပ ဗဟုသုတတွေပါ ပြောပြခဲ့တယ်။
သူ့ကို လည်း အမြဲတမ်း သိချင်တာ မေးဖို့အတွက် ကျွန်တော်တို့ကို ပြောတယ်။ မမေးရင် ကျွန်တော်တို့ကို စိတ်ဆိုးတယ်။ မင်းတို့ ဘာမှ မေးစရာမရှိတော့ဘူးလား။ မင်းတို့ ခေါင်းထဲမှာ အမှိုက်တွေဘဲ ရှိတာလားဆိုပြီး ကျွန်နော်တို့ကို ဆူတယ်။
အဲ့ဒီအချိန်တုန်းက ကျွန်တော် စာဖတ်အားနည်းခဲ့လို့ ဆရာကြီးကို ဘာမေးခွန်းမှ မမေးဖြစ်လိုက်ဘူး။ အခုမှ အဲ့ဒီတုန်းက မေးခွန်းမမေးလိုက်ရတာကို နောင်တရတယ်။
ဒီနောက်ပိုင်း ကျွန်တော်စာဖတ်အားကောင်းလာတော့ အရာအားလုံးကို မေးခွန်းထုတ်တတ်တဲ့ အကျင့်တစ်ခု ကျွန်တော့်ဆီမှာ ဆွဲငြိလာခဲ့တယ်။
- တစ်ချို့လူတွေ ဘာ့ကြောင့် ကြိုးစားရက်နဲ့ မချမ်းသာတာလဲ
- တစ်ချို့လူတွေက အောင်မြင်ပြီး တစ်ချို့က ဘာလို့ ကျရူံးတာလဲ
- ဘဝမှာ အောင်မြင်နေတဲ့ သူတွေဟာ ဘာအလုပ်တွေ လုပ်လို့ အောင်မြင်တာလဲ
- သူတို့ရဲ့ တစ်နေ့တာကို ဘယ်လို အလေ့အကျင့်တွေနဲ့ တည်ဆောက်ထားလဲ
- ငါကိုယ်တိုင်မှာရော ဘယ်လို အားနည်းချက်တွေ ရှိနေလဲ
- ငါ့အနေနဲ့ ပိုပြီးကောင်းတဲ့ လူတစ်ယောက်ဖြစ်လာချင်ရင် ဘယ်လိုအချက်တွေ ပြုပြင်ရမလဲ
အဲ့ဒီလို မေးခွန်းပေါင်းစုံ ကျွန်တော်ကိုယ့်ကိုကို ပြန်မေးခဲ့တယ်။ ကိုယ့်ရဲ့ အတွေးထဲမှာ အမြဲတမ်း အမေးအဖြေတွေနဲ့ ပြည့်နေခဲ့တယ်။
အခုနောက်ပိုင်း ကျွန်တော် မေးခွန်းမေးလို့ရမယ့် နောက်ထပ် တစ်နေရာထပ် တိုးလာခဲ့တယ်။
အဲ့ဒါကတော့ Chat GPT ပဲ။ Chat GPT ကို ကျွန်တော် သဘောကျတာက Google မှာ အလွယ်တကူ ရှာလို့မရတဲ့ အချက်အလက်တွေကို လွယ်လွယ် မေးလို့ရလို့ပဲ။ မနေ့ကလည်း နောက်ထပ် update တစ်ခု ထပ်ထွက်လာခဲ့တာ အားလုံးသိကြလိမ့်မယ်။ အဲ့ဒီ Update မှာ Chat GPT ဘက်က ဖြေပေးတဲ့ အဖြေတွေဟာ ပိုပြီး စနစ်ကျလာသလို မြန်မာလိုလည်း မေးလို့ရနေပြီ။
အဲ့ဒါကြောင့် ကိုယ့်ကိုကို မေးခွန်းထုတ်ပါ။ ကိုယ့်ကိုကို မေးခွန်းထုတ်လို့ မရနိုင်တဲ့ ကိစ္စတွေကို Chat GPT မှာ မေးခွန်းထုတ်ပါ။
ကိုယ့်စိတ်ထဲမှာ ဘဝင် မကျတဲ့ ကိစ္စမှန်သမျှကို မေးခွန်းထုတ်ပါ။
ဖြစ်နိုင်လား မဖြစ်နိုင်လားဆိုတာ
လုပ်ကြည့်မှ သိမယ်
ကျွန်တော်တို့ရဲ့ စိတ်ဟာ
အလုပ်တစ်ခု စလုပ်ခါနီးကြရင်
အနာဂတ်ကို တွေးပူလေ့ရှိတယ်။
ငါဒီအလုပ်ကို လုပ်ရင်
အဆင်ပြေပါ့မလား။
ငါဘယ်လို စလုပ်ရမှာလဲ။
အမှန်တော့ စ လုပ် လိုက်ပြီ
စတာနဲ့ လမ်းကြောင်းတွေဟာ
သူ့အလိုလို ပါလာလိမ့်မယ်။
ကိုယ်တွေးပူနေခဲ့တဲ့အရာတွေဟာ
ကိုယ်စိတ်ထဲကလောက်
မခက်ခဲဘူးဆိုတာ
တစ်ဖြည်းဖြည်း
သိရှိလာလိမ့်မယ်။
ရန်ကုန်ခေတ်သစ်သတင်းဌာနသည် ၂၀၁၈ ခုနှစ်၊ ဇန်နဝါရီလ ၁ ရက်နေ့တွင် စတင်ထူထောင်ခဲ့သော သတင်းဌာနဖြစ်ပါသည်။ https://yktnews.com/
Last updated 6 days, 2 hours ago
ကြော်ငြာများထည့်သွင်းလိုပါက ဒီအကောင့်ကိုဆက်သွယ်ပေးပါ👇👇
@sithuaung2006
Last updated 1 month, 1 week ago
ကြော်ငြာများထည့်သွင်းလိုပါက ဒီအကောင့်ကိုဆက်သွယ်ပေးပါ👇👇
@enjoy_admin_official_bot
Last updated 2 months, 1 week ago