Жорий йилнинг 23-сентябрь куни Тошкент минтақаси темир йўл транспортида ХТБ “Ўзбекистон” бекатидаги бўлинма ҲПГ инспекторлари майор И.Ф.Туракулов ва  капитан С.Г.Исаковлар томонидан темир йўлларда фуқаролар билан боғлиқ бўлган турли кўринишдаги бахтсиз ҳодисаларни олдини олиш мақсадида, Тошкент вилояти, Чиноз туман мактабгача ва мактаб таълими бўлимига қарашли 46- сонли мактабда темир йўл харакат хавфсизлиги ва уларга амал қилмаслик оқибатлари мавзусида профилактик йигилиш ташкиллаштирилди. Йиғилишда ўқувчи ёшларга темир йўлни белгиланмаган жойларидан кесиб  ўтмаслик, темир йўл яқинида чорва молларини боқмаслик, темир йўлларда турган поезд вагонлари устига чиқмаслик, ҳаракатдаги поездларга осилмаслик ва релсларга бегона жисмларни қўймаслик тушунтириб ўтилди.