الشاعر أحمد البصراوي العبادي
⚖
محامي ومحلل سياسي ومستشار قانوني وباحث بالشأن العبري
القدس
Last updated 5 months, 3 weeks ago
الحساب الرسمي لـ أخبار السعودية.. متابعة أهم الأخبار، أخبار عاجلة، وحصرية، جديد الصور والفيديو .
للتواصل واتس اب: 00966500360610
Last updated 1 day, 13 hours ago
استشهاد أمير المؤمنين
علي بن أبي طالب (عليه السلام)
ما عدنه ابو من الليله
وشنسـوي مشتـاگـيله
بـعـازة حـنـانـه والـگـبـر ويـن
شجابه اعله حنية أبو حسين
وشنسـوي مشتـاگـيله
هل آتى تبكي وهل...عدنه چا تسلم مُقل
وبالگبـر حيدر نزل... وبعد ما ينشـاف ابونه
لا بعد نگـعد سوه...ولا يـوزعـلـنـه هـوه
النجم لعيونه هوى... وغمضت الليله عِيونه
وليـل والما بي عـلي ياهـو اليـنامه
ننحب امگابل نخلصه اويه اليتامه
وياهـو الليلـوم النـايح
ومن عنده حيدر رايح
وكـل ابـو بالدنيـا انعـرف زين
شجابه اعله حنية أبو حسين
وشنسـوي مشتـاگـيله
ـــــــــــــــــــــــــــــــــــ١ــــــــــــــــــــــــــــــــــ
الشيب يبدي اويه الإبن...ويه ابوه مـا يندفن
ويـكـبـر واكـثــر يـحــن... والحـزن يخنـگ طريقه
لا صـبــاح ولا مـسـه... اشـمـا يكـابـر ما نـسـه
وعمره يگضيه يا عسى... بحلم عايش مو حقيقه
شلون ينسى وكلشي يتخيل يشبهه
اوين ما ينظر ضـوه بي يلگه وجهه
الهيـبه وفـرح دنيانه
هالليله خالي امچانه
ولو مَلَـك غـيره وتنظـر العين
شجابه اعله حنية أبو حسين
وشنسـوي مشتـاگـيله
ـــــــــــــــــــــــــــــــــــ٢ــــــــــــــــــــــــــــــــــ
راحت امنه امن الزغر...وحيدر الچان الصبر
والصـبـر لـن منـطـبـر... وراسه ينزف بين ايدينه
الباب والطبـره خَـذَن...الأطيب وأوفى وأحَن
اشعنـده ويانه الزمن...مـا رضــى انبـطـل بچـينه
اليخسر الزهره وعلي اشيبقه بحياته
مـثـل دمـعـه ابـحـر ضـاعـت امنياته
وي كـل حلـم ننطرهم
وين الله بس ننظرهم
والحـلـم للواقـع يجـي منيـن
شجابه اعله حنية أبو حسين
وشنسـوي مشتـاگـيله
ـــــــــــــــــــــــــــــــــــ٣ــــــــــــــــــــــــــــــــــ
نشفت عـيـون البـشـر...ونگعت عيون الحجر
امن البواچي ومن قهر...فگـد ابو حسين وغيابه
وكلشي بي روح اختنگ...كـثر ما شاغ وشهگ
وبنحيـبه ودمـعـه دگ... بـابه بلـكي ويفـك بابه
وبـس نـفـك الباب تسـأل كلـها عنه
واحنا بعده اعلينه باقي تراب دفنه
مدفون گلنه وطاحو
الحنيه راحت صاحو
وصار اللطم بچـفوف الاثنين
شجابه اعله حنية أبو حسين
وشنسـوي مشتـاگـيله
ـــــــــــــــــــــــــــــــــــ٤ــــــــــــــــــــــــــــــــــ
الليل يخلص والصبح...ايزَّود لزينب جرح
شـلون تـهـدأ ما يصح...والـد ايـهَّـوِد دمـعـهـا
امگابِلَّه اثيابه وتِعِد...چم نَفَس عاشت بُعِد
ومن تشم ثوبه يرد...ثـوب حيدر هـم يشمها
الله أكـبـر حـتـى واثـيـابـه حنـيـنـه
حگها من تگضي العمر زينب حزينه
واثيابه لو حضنتها
تمسح تظل دمعتها
وتذكـر علي ولمـسـة الچـفين
شجابه اعله حنية أبو حسين
وشنسـوي مشتـاگـيله
ـــــــــــــــــــــــــــــــــــ٥ــــــــــــــــــــــــــــــــــ
منفجع يـم منفجع...وكلشي ساكت والدمع
ابيت حيدر ينسمع... وبويه بويه انريدك انته
وبده العاشر يقترب... والثـيـاب التنـسـلـب
والاخيام التلتهب...كلـها صارت تبچي سكته
اتخـاف زينب تسمـع وتنجـرح اكـثـر
وهوَّ وحده اچبير تعرف جرح حيدر
والدنيا سكته وتنحب
عــن لا تِــلَــوّع زيـنـب
وخلـيـه حنـان الدنيـا ضعفين
شجابه اعله حنية أبو حسين
وشنسـوي مشتـاگـيله
ـــــــــــــــــــــــــــــــــــ٦ــــــــــــــــــــــــــــــــــ
أحمد البصراوي العبادي
ولادة الامام الحسن المجتبى (عليه السلام)
بيت الزهره صح نيَّر
بس شي چنه متغيَّر
شمس اعليهم اتسير
تطلع تضوي بالزايد
اختلفت اليوم...قوانين...كـره الارضيه
الشمس بالليل...على باب...علي محنيه
وتِنادي اويه الگمر
يا اجمـل كل بشر
انفاسـك كالسـوَّر...يالغالي.. يالغالي
إنتَ النور وانعرفك
ظلمه انبيَّن ابصفك
والله الإظفر بچفك...أكثر منّه بي نور
يا مصدر كل ضوه
بكل ريَّه اتحط هوه
والظامي حَس روه..من شافك..من شافك
محد شايل اوصافك
عاشگ يصبح الشافك
باول لحظه بالطافك
لله يشكر وساجد
ـــــــــــــــــــــــــــــــــــ١ــــــــــــــــــــــــــــــــــ
كلشي بالكون...اجه لبيت...علي بإعجوبه
الـله وداه...يـهـنـي...النـبـــي بـمـحـبـوبه
كل كوكب أو نجم
متـعـني ومبتـسم
ويردد بـس اسـم...محبوبه محبوبه
ومتبـسم نبـينه اكـثر
چفه بچف علي حيدر
راحـو هـنـوّ الكـوثـر...اتلاثه اتلاگو الله
وللرابع كلشي حَن
محـلاته هـالحَسن
مـا مثلـه بالـزمن...أي ثاني أي ثاني
اللـه ايـكـرم الحَـبـه
بذكره وينغـفر ذنبـه
ويِخلَّه من الحقد گلبه
ويصبح متقي وعابد
ـــــــــــــــــــــــــــــــــــ٢ــــــــــــــــــــــــــــــــــ
كل نده الكون...يبيَّن...خشن يم خده
اللاحته ايديه...تخضّر...عليهن ورده
انـفـاســه إمهـيّـلَـه
ومن أول لحظه اله
يتـفـايـض مـرجـلـه...الما تُوصف ما تُوصف
ومنه اتلالت العصمه
يشبه جده بالحكمه
يا هنياله اليّخدمه...ويصبحله عبد دوم
اليتَخذه سيده
هالدنيا اتخلّده
والجنه اتمجده... وتنتظره تنتظره
بصيته امحيّر الوادم
كلشي صار اله خادم
كريم ومن بني هاشم
وهوَّ من انولد زاهد
ـــــــــــــــــــــــــــــــــــ٣ــــــــــــــــــــــــــــــــــ
عمره لحظات...والعيون...سـوالــف بيها
والله مشتاگ...للحسين...تحس يحچيها
وعِيونه اتدوّره
تتوسل حيدره
بس حتى ايخبره...اعله حسينه اعله حسينه
حسين ايحس جزء منه
بـدون ايـامــه مـا تِـهـنه
يمتى ايشوفه وايحضنه... وتحلى ايامه وياه
منتظره امن انولد
وبهايه الكل شِهد
لمحبوبه والسند...أشواگه أشواگه
بگماطه وبده ايِعدله
شگد وحسينه يوصلّه
حتى ايامه بي تحله
وغير حسين ما رايد
ـــــــــــــــــــــــــــــــــــ٤ــــــــــــــــــــــــــــــــــ
كُـبر وحسين...وصـل يـوم...فـرح مـولوده
والحسن صار...على الكون...يطش بوروده
والملگه ايسر نظر
والطير الـ عالشجر
هناهم وابتشر...بالملگه بالملگه
ومن ملگـاهم الصحـره
تنشاف اصبحت خضره
وما مش ظلت اي شجره... الا وحملت اثمار
مـولاتي فاطـمه
مِتفضله ومُنعمه
عالگاع وعالسمه...بافضالچ بافضالچ
بدونچ كلشي ما نسوه
حـتى بمـاي مــا نـروه
مو حگنه الكم ونهوى
وانضد كلمن ايعاند
ـــــــــــــــــــــــــــــــــــ٥ــــــــــــــــــــــــــــــــــ
أحمد البصراوي العبادي
أفراح شعبان
ولادة الامام الحسين (عليه السلام)
راحــه إســمـــك لـلـگـلـب...حسين حسين
وماكو حُب بس انت حُب...حسين حسين
حسين حسين... حسين حسين
اسمك الأجمل والاكمل... يا حبيبي وعشگي الاول
والله منـك فضـل تقبل...آنه اذكرك
كـلـشـي بيدك الله خله... بـاذنـه هـذا الكـون كـله
شمـا ردت وشـما تگـله...ايصيح بامرك
وكل ارض وي كل سمه...حسين حسين
اتـطـيـع أمـرك مُـلـزَمَـه....حسين حسين
حسين حسين......حسين حسين
ـــــــــــــــــــــــــــــ١ــــــــــــــــــــــــــــــ
كثـر مـا جيتـك سـعـاده... الـله مــن العـرش نـاده
وأُمَــر مـالــك بالــولاده... النار تخمـد
وأُمَـر رضـوان بحـنـانـه...ايزَيِّن بكل حُب جـنانـه
وينكتـب هـالـليـله آوانه... بن محمـد
والملائـك بالحمـد...حسين حسين
تلتقيـه من ينولـد...حسين حسين
حسين حسين...حسين حسين
ـــــــــــــــــــــــــــــ٢ــــــــــــــــــــــــــــــ
حسين لَمَّـن فتـح عينـه... الورد خَضَّـر بالمدينـه
والنجـوم اصبـحت زِينه... اباب حيـدر
والمــلائـك الــف تـنــزل... والـف يتبعـها ويرتـل
يـا هـلا بمحـبـوب للكـل... وأطهر اطهر
يا هلا بعشگ الضوه...حسين حسين
والصُبَح بامـره الهوه...حسين حسين
حسين حسين...حسين حسين
ـــــــــــــــــــــــــــــ٣ــــــــــــــــــــــــــــــ
الدنيا من دونك سوالف...ابلايه قيمه اعله الشفايف
لا مـشــاعـر لا عـواطـف... دون حبك
الما يحبـك سبـب جـده... اثر چـف حمزه اعله خده
وباقـي يتـوارث بحقده...ويضد گربك
واحنه هم ليه ما نحب...حسين حسين
ولـلـيـحـبـك نـنـجــذب...حسين حسين
حسين حسين...حسين حسين
ـــــــــــــــــــــــــــــ٤ــــــــــــــــــــــــــــــ
نـورك لـكـل نـور غـالـب... واعلـى من كـل المـراتـب
يعني حبك فرض واجب... مثل جـدك
هـو مـنـك وانـت مـنـه... الذره مـنـك تـسـوى جـنـه
ولــذلــك انـــت امـلـنـه... تبقى وحدك
وبالقسم هذا الوعد...حسين حسين
ما نحـب غيـرك ابد...حسين حسين
حسين حسين...حسين حسين
ـــــــــــــــــــــــــــــ٥ــــــــــــــــــــــــــــــ
سيـدي وبينه انت تعلـم... ويـن ذكـرك احنـه نلتـم
بعشگـك أزغـرنـه مـتيـم... وبقنـاعـه
وتدري انت هوايه فضلك...وإلنه منطي شما نگـلك
الليله هـم نطـمـع نسـألـك...للشفاعه
إله الما تشفـع خسـر...حسين حسين
وماله ملجأ من سقـر...حسين حسين
حسين حسين...حسين حسين
ـــــــــــــــــــــــــــــ٦ــــــــــــــــــــــــــــــ
أحمد البصراوي العبادي
السيدة زينب (عليها السلام)
وازينباه وازينباه وازينباه
سـوه بشـغـف هـودج ضـوه بالجنـه عبـاس
ولَم النجـم سـواه خيـم وامعطره باحساس
وذب خوذته اتشوفه رغب ما منجرح راس
وكلشي شَبَه شكل السهم ما خله ليه ساس
وجوده شاله بمتونه
اتخيل انـت وشلونه
وتنظر اختـه لعيـونه....اشيكون اللقاء
الكافل واخته.....واتخيل تلاگو
كافل واخته... واتخيل تلاگو
وازينباه وازينباه وازينباه
ـــــــــــــــــــــــــــــ١ــــــــــــــــــــــــــــــ
اتعـنه الارض مـن جنته ولـزينـبـه راح
ولمن گعد بيها نظر چم چويه واجراح
الما هـزه عسكـر عالنهر يمها شكثر ناح
شلونچ سأل گالتله أنه بس يمك ارتاح
خويه اخذني عذبوني
بنـاگه هزله صعـدوني
هـوايـه خويه ألمـوني....برماح وسياط
لا يردولي.....خويه اوياك اخذني
وازينباه وازينباه وازينباه
ـــــــــــــــــــــــــــــ٢ــــــــــــــــــــــــــــــ
لچـفهـا نـظر شـاف شكثر عد زينـب آلام
اصبع عله اصبع منلحم من جمر الاخيام
وگـالتله لاطفـالي بعـد لو شفـت الاجدام
رجليهم الترفه انتهت من دوس الاسهام
الصحـره كلها ركضوها
ونـبـلـه نـبلـه داسـوها
امچلبه خويه يلگـوها...بجدم كل زغير
وحِيرتي هنانه....خويه المن اصيرن
وازينباه وازينباه وازينباه
ـــــــــــــــــــــــــــــ٣ــــــــــــــــــــــــــــــ
حسيـن اعـتنه لاختـه گـبل لا تغـمـض العين
ومن عطره لبسابع سمه صاحت اجه حسين
بـس كـونه يوصـلي بجـسـم مـا صـاير اثنين
وعـشره الاصـابـع لو تسـع خبـروني الايدين
ويـلي ويـلي يالحـافـر
شسوه جسمه بالعاشر
بصـحره شفته متـناثر...اخوي الحبيب
عالرمح راسه...والنار بعباتي
وازينباه وازينباه وازينباه
ـــــــــــــــــــــــــــــ٤ــــــــــــــــــــــــــــــ
يمـها ابو اليمـه گعـد بس حاله يا حال
گـبل الحچي لچفها مسح اثار الاحبال
المثلك تگـله وينـطبـر وبرمـح ينـشال
طبراتي گلها اهون لچن عثراتچ اثگال
العثره عندي مو طبره
والله اعدها عن عشره
انـتــي زيــنــب الحـره...وحبال بإديچ
لو الف حافر...يسحگني وسلمتي
وازينباه وازينباه وازينباه
ـــــــــــــــــــــــــــــ٥ـــــــــــــــــــــــــــــ
حسين وكفيل وتحتضر شافوها ام عون
واتـذكـرو وكـت الـذبـح شـافتـهـم شلون
ونحبو عليها وحومرت من عدهم عيون
اهـل الوفـه لأم الوفـه هـالليلـه يـوفـون
آه اختنه من صاحو
اعليها مدمع وطاحو
ميته هيه من ناحـو...وتضمهم بانين
حتى لو ميته...تشبگهم اختهم
وازينباه وازينباه وازينباه
ـــــــــــــــــــــــــــــ٦ــــــــــــــــــــــــــــــ
الجـنه اعتـنـو راحو سـوه بس زينب تنوح
لـيـش البـچــي گـالــو تـره لاولادچ انـروح
جـاوبـت لارقـيـه وعـلي مشـتاگـه هالروح
لمَّن مشت شوك وحرگ متروسه واجروح
شـمـعـه چــانـت وذابت
وموتي شفته من غابت
بـشـرو هـسه ما طـابـت...هذيچ الجروح
لَيَّه جيبوها...أريد اشتَم عطرها
وازينباه وازينباه وازينباه
ـــــــــــــــــــــــــــــ٧ــــــــــــــــــــــــــــــ
أحمد البصراوي العبادي
لمولاتي أم البنين (عليها السلام)
اليـوم الملتـقـى ابيـن
ام عـبـاس وحـسـيـن
وصار الموت شاعر
يكتـب عـن مشاعر
اول مـلگـه الاثـنـيـن
ملك المـوت اجه وگدامه ابو اليمه
وام عـبـاس صـارت مدمـع وبسـمه
وشِـهگـت بالمَـحَـنَّه وعينـها اتكلمه
هـلا بالعـافيـه ونـور الله والـرحمه
اخذني اليـوم وَياك
بعـد ما بيَّـه فـرگاك
ولا محتاجه باچـر
يكتـب عـن مشاعر
اول مـلگـه الاثـنـيـن
ــــــــــــــــــــــــ١ـــــــــــــــــــــــــ
گـعد يمهـا الحسـيـن وگـلهـا هـا يُمَّه
اعـله خـدچ شو أثر لطمه بأثر لطمه
تگـله اللـطـم هَـيّـن فـرگـتـك هـضمه
بعيني الشمس صارت طافيه وظلمه
ادَوّر الشمس والنـور
ويفز بعيوني عاشور
وصوت يريد ناصر
يكتـب عـن مشاعر
اول مـلگـه الاثـنـيـن
ــــــــــــــــــــــــ٢ـــــــــــــــــــــــــ
اعله جيتك حيره گلبي اشيحچي وايشكرك
بــــس إتــگــــرب ارد اتــبــــاوع الـنــحـــرك
وصـدگ سـهــم المـثــلـث صـابـك بـصـدرك
ولَـمَّـــن طـلــع مــاخــذ مـــن خــرز ظـهــرك
ريـتـه بـصـدري يـا ريـت
وسـالـــم يـبـنــي رديـت
اوذَر خل جسمي صاير
يـكـتـب عــن مـشـاعـر
اول مـلـگــه الاثـنــيــن
ــــــــــــــــــــــــ٣ـــــــــــــــــــــــــ
متـغيـرات گـلهـا عـيـونـچ اشبيـهن
گـالتـله حـوافر سـاحـگـه اعـليـهـن
ضلوعك يبني من گالو امطشريهن
وآنه عـيوني منها وما شفـت بيهن
بـعـد اتـباوع شلـون
والمن رايـده عيـون
النظر مُلكك يطاهر
يكتـب عـن مشاعر
اول مـلگـه الاثـنـيـن
ــــــــــــــــــــــــ٤ـــــــــــــــــــــــــ
آنـه المـوت اجـانـي بصـوت ابـن حـذلم
مـن صـاح اهـل يثـرب طفـح يَـمَه الدم
وركضت ودربي احسه بعمري ظل يلهم
إوصـلـت وكـلشـي بيـه امـوذر مـن الهَم
وسألته وگلي مـذبـوح
وعمري اتطشر اجروح
مـا بـيـن الحــوافـر
يكتـب عـن مشاعر
اول مـلگـه الاثـنـيـن
ــــــــــــــــــــــــ٥ـــــــــــــــــــــــــ
رحــت لـزيـنـب وگــوه انـگـل الخـطـوه
وزيـنـب تـمــشــي أثـگـــل گـــوة الگـوه
ومـن شافـتنـي صـاحـت ريـحـة الخوه
وصحت كلنه لأصبعه انروح الف فدوه
ونطرت المـوت اتانيك
بس حـتى انظر اعليك
وهذا الموت حاضر
يكتـب عـن مشاعـر
اول مـلگـه الاثـنـيـن
ــــــــــــــــــــــــ٦ـــــــــــــــــــــــــ
أحمد البصراوي العبادي
استشهاد مولاتي الزهراء (عليها السلام)
ويـن نـروح
يم ضلع الزهـره الكـسـروه
لـو يـم محـسِنَّـه الذبحـوه
لـو وي والـدنـه الچـتـفـوه
ويـن نـروح
ارماد من البـاب بوجنتها... وتكتـب ويلاه بي دمعـتها
وتنحب زينب يم اخوتها...ونبقى اويامن تسألهم
بالبيت أُمنَّه وبالدم نگعت... وكلما تنهض انظر وگعت
وكلما توگع تنهض رجعت...وتوگع أنظرها اتگلهم
ومحسن يمها...وهي بدمها...وأنظر ليها...لحيدر همها
كِـلها اجروح
وشافت حيدر بيده حبال
ويـجــرونـه اشـرار انـذال
هـا يخـوانـي بهـذا الحال
ويـن نـروح
ــــــــــــــــــــــــ١ـــــــــــــــــــــــــ
ياهو البينه اليحمـل يگـدر... ينظـر خد الزهـره الأزهـر
صايـر من سطـرتهم أحمـر...وما يوگع يمها من الهَم
والمحـسن ذاك الننـتـظـره...يم الباب ايمـوت ابعصـره
ومـا خلـونه حتـى إنِّـظـرّه...مـن گـدمـا نـاگـع بالدم
ونحسب ردنه...نشوفه وعدنه...حتى ايخفف...فرگة جدنه
تـالي اتنـوح
أُمنَّـه ومچـويـه مـن النـار
ورغـم البيها ورغـم الصار
تــتــبــع نـيــتـهــا الكـــرار
ويـن نـروح
ــــــــــــــــــــــــ٢ـــــــــــــــــــــــــ
خل نتحَـضَّر نمـشي وياهـا...خــافـن قـنـفـذ لــو لاگـاهـا
بنفـس السـوط الـلي أذاهـا...بحقده وظلمه وليها ايرد
قــنــفــذ أرذل مـــن الأرذل...يضـرب أطـهـر مـرأة وأكمـل
وسفه المثلـه هنا يتمـرجـل...ويضحك مره ومره ايهد
الأكثر غَصَه...يصرخ فرصه...ياهو ايرده...علي وإموَصَّى
بـدم مـسفـوح
فرحان امن أُمنّه اعله الگـاع
وانغـث چـي عطـره النعـناع
يخـوانـي وگـلــولـي ابـسـاع
ويـن نـروح
ــــــــــــــــــــــــ٣ـــــــــــــــــــــــــ
باب البـيـت اندفـع انـظـرتـه... واصياح وهوسه ومو صنته
وضلع امن امي انكسر اسمعته...چا بي هسه الألم شگد
وبـسـمـار امـن النــار انـظـرلـه...حـامـي وأحـمر صايـر كلـه
ونـبـت بصدر الزهـره وخـله...بچويه وكسره الألم اشتد
شكثر اتألمت...شكثر انهضمت...وطاح المحسن...واعليه سَلمَت
ومـا مـسـمـوح
يـمـهـا اتــگــرَّب مــا يـرضـون
ولَـيَّــه ايـحَـذروِن ايـذبـحـون
ولامي ارد اركض بالله شلون
ويـن نـروح
ــــــــــــــــــــــــ٤ـــــــــــــــــــــــــ
للـمـسـجـد تـرحـون وآنـه...شـيـصـبـرنـي لــوحــدي هـنــانـه
وهـاي اثـار الـلـي عـادانه...اسـيــاط ونـار وحـقـد وشـر
روحو وخلوني اويه المدمع... بكلشي اقبل بس حيدر يرجع
ويم محسن خلوني ارد اشبع... من عطره وبلكي اتصبر
أرد ابچيله...وأرد احچيله...أحسب جيته... في كل ليله
ولـن مـطـروح
يـمـي ابلا نـفـس ولا صـوت
وبـعـصـره وبـسـمـار ايمـوت
واوياه ارد أحچي وبسكوت
ويـن نـروح
ــــــــــــــــــــــــ٥ـــــــــــــــــــــــــ
روحـو ولو رديتـو اتـمـنـه...مامش أثر اسـياط اعله أُمـنّه
ومثـل اول من نلتـم كلـنه...مَتغطي أَمنّه العين ابچف
ما تنـحني كـون ابمشيتـها...ومـا تـتــألـم مــن كـســرتـهـا
كلـمـا رادت تـحـضـن بتـها...وچن طير ومذبوح اترف
ومن نحـضنـهـا...ونگـرب منـهـا...اتكـابر لكن...يطلـع ونهـا
هـي الـروح
وابـلـيــاهـا الدنـيـــا آلام
ويا خـوفي وظلـت أيام
وترحل من جور الظـلّام
ويـن نـروح
ــــــــــــــــــــــــ٦ـــــــــــــــــــــــــ
أحمد البصراوي العبادي
استشهاد مولاتي الزهراء (عليها السلام)
اول كـلامـه الكـافـل بـزغـره
كلمـة علـي والثـانيه الزهره
طـفـل وراد البـاب ايقلعه
وكلما شافه ويلزم ضلعه
ويالزهره نادى
بأسم امه الطفل معروف... يـنـطـــق اول حـچـايه
وابو فاضل علي وزهراء... من زغـره ابتـده بهـايه
بس من نطق يالزهره شو راح...ينحب
گــابــل البــاب وبـالألــم طــاح...ينحب
ويالزهره بَچَّه الكون من صاح...ينحب
ويوميه ينحب يَمه كل وكتـه
وحـسيـن إلا ايـرده أو اخـتـه
ويرجـع ناگـع كـله بدمعه
وكلما شافه ويلزم ضلعه
ويالزهره نادى
ــــــــــــــــــــــــ١ـــــــــــــــــــــــــ
يـسمـع امه من اتگـوم... تنـدب يا عـلي وتنـهـض
وباول خطوه يا زهراء...گبلچ ضلعي ريت انرض
وتنظـرله يركـض يعصر الباب...ضلعه
ايشارك يريد الزهره الامصاب...ضلعه
وما يرجـع الا وكـون ينصـاب...ضلعه
وبس يهده ضلعه يرجع ايلچمـه
ايگـلـه الزجـيـه هـوايـه متـألمـه
الألـم لضلعـه إلا ايرجـعـه
وكلما شافه ويلزم ضلعـه
ويالزهره نادى
ــــــــــــــــــــــــ٢ـــــــــــــــــــــــــ
تلـثمـيه الاجـو عالـدار... زيـنـب سـولفـت مـره
تلثميه بچفوفه وحيل...ظل يلطم على صدره
وفرفح ركض وتعنه لحسين...يسأل
دليـني ذوله الهجـمـو منـيـن...يسأل
وارخصني ارد الثار ضعفيـن...يسأل
وحسين ضَمه لصدر وايگله
عالنـهر ثـارك يالگـمـر يحـله
گله افنيهم لاجل البضعه
وكلما شافه ويلزم ضلعه
ويالزهره نادى
ــــــــــــــــــــــــ٣ـــــــــــــــــــــــــ
گالوا سطرو الزهراء...وسطر بابه وزعل وأغضَّب
منها وسطرة العباس... صـارت لـلمـثـل مـضـرب
وعالگنطره لهذا السبب چان...يسطر
كلـمـن هــواه لـفـلان وفـلان...يسطر
وكلمـن قِبَـل يوصـلها دخـان...يسطر
وعالنهر چانت سطرته الشاهد
ما يسطر الا الـ عالضـلع حـاقد
وكلشي بكيفه وياهو ايمنعه
وكلـمـا شـافـه ويلـزم ضلعه
ويالزهره نادى
ــــــــــــــــــــــــ٤ـــــــــــــــــــــــــ
تحب الزهره كل انسان...عاشـگ گـلبه للكافل
واتريد اليزور حسين... كون ايزور ابو فاضل
الزار ابـو اليمـه بـدون عـبـاس...تزعل
وليهـا تِحسه يجـرح احسـاس...تزعل
وزحمه وعلي واعلينه يا ناس...تزعل
وهـنـيالـه مَن حَـصَل زيـارتهـم
ويا ربنـه ارزقـنـه بشـفـاعـتهـم
الصحن اندخله كون وننعه
وكلمـا شافـه ويلـزم ضلعه
ويالزهره نادى
ــــــــــــــــــــــــ٥ـــــــــــــــــــــــــ
أحمد البصراوي العبادي
استشهاد مولاتي الزهراء (عليها السلام)
كـثـر مـا نيران تلهب....صاير البسمار أحمر
ونام بضلوع الزجيه....شصار بيها اللهُ أكبر
هم جرح هم نار تلسع
ولوَحَدهـا وزلـم تدفع
شصـار بيها اللهُ أكـبر
كل حـديد بـنـار يبـقـى....ايصير أحمر من لظاها
وباب من جذوع وَجَّت....شلون باليوگـف وراها
وبـسـمـار البـيـهــا امـجَـمُـر....وبـضـلـع الزهــرا يـعـصـر
ومدري اشچم زلمه ايدفعه....ويجرح وايچَوِّي ويكسر
وهي بسمـار بضـلعـهـا...ويا ألمـها ويا حزنها
وفوگ كل هذا وتباوع...عالجمر طايح إبنها
وحيل ما ظل حتى تطلع
ولـوَحَـدهــا وزلـم تـدفـع
شصـار بيها الله أكـبر
ــــــــــــــــــــــــ١ـــــــــــــــــــــــــ
غير طاحـت يـم ابنها....الظالم ايكف من عصرها
شو بحقده ورد عليها....بـچـفـه وبقـوه سـطـرها
وسياط اعليـها التمـت.... ومن كـثر الضرب اتدَمت
هـيـه الزهــراء وقـنفـذ.... يـا وادم بـيـهـا اتـشــمـت
الزهره محبـوبه نبينا...وكلشي خالق الله ليها
وقنفذ وباقي الاراذل...بسوط ويضربون بيها
شلون نسكت بالله نقنع
ولـوَحَـدهـا وزلــم تدفع
شصـار بيها الله أكـبر
ــــــــــــــــــــــــ٢ـــــــــــــــــــــــــ
ثـلثـمـيـه اعليـها تفتر.... وبالهـوه الدخـان يـشـرب
منين ما دارت وجهها.... بصوت لو بالسيف تُضرَب
والجـمـر بچـفـهـا اتـدفـعـه.... والثـاني اعليـها ايرجعـه
والجـمــر بـگــد حـرگـتـهـا.... صـارت هـيه اللي تلسعه
يا علي متريد تندب....الزهره من گد ما وفيه
النـار تاكـل بيها لكـن....بالـهـا بحفـظ الوصـيه
اتفـكـر الاسـلام يُـرفَع
ولوَحَدهـا وزلـم تدفع
شصـار بيها الله أكـبر
ــــــــــــــــــــــــ٣ـــــــــــــــــــــــــ
رِكَض حيدر على الثـاني....وعـالارض داس برگـبـته
وجوه رجله الثاني يصرخ....خَلصوِني الموت شفته
يــدرون بــكـــل القــصــه.... ولــومــا يـدرون امـوصـه
چــا والـلــه مـــن الثــانـي....مـا لحـگـو خَـلصــوّ نـصـه
هو حيدر شنهي اول....شنهي ثاني ويِوصـلونـه
لكـن لديـن الله يقبل....بـالحـبــال ايچــتـفــونـه
وينشتم حُب گلبه يسمع
ولـوَحَـدهـا وزلــم تـدفع
شصـار بيها الله أكـبر
ــــــــــــــــــــــــ4ـــــــــــــــــــــــــ
زيـنــب لأمـهــا تـعــنَــت.... وشافت جروح اعله خدها
يمها فوگ الجمر طاحت.... الجـمــر بـارد چـان عـدهـا
التچـويـهـا ادمـوع الـزهـره.... واثـار الچــف والســطـره
وعيـن امـها التلمـع طِـيِبه.... امورمه ومسدوده وحمره
يالحسن وحسين صاحت....لِحگو شوفو هنا شصـاير
غـيـر أكـبــر شــو زِغـيـره....وعدنا اصبـح يـوم عاشر
الزهره گالت هذا مطلع
ولـوَحَدهـا وزلـم تدفع
شصـار بيها الله أكـبر
ــــــــــــــــــــــــ5ـــــــــــــــــــــــــ
الزهره گالت بنتي زينب.... شوفي الحسين وجمـاله
يـوم عــاشـر والحـوافـر.... گـبـالـچ اتـگـطـع وصـاله
الحــافــر يـمــچ يـتـعـــده.... شايل بي شي من چـبده
وعـالـرمح حسينـچ راسـه.... ورمـل ودم صـايـر خـده
وهمه ذوله البابي حرگو....باچـر ايحـرگـون خيـمه
هنانه بالبيت وركضتي....هناك ركضچ على الهيـمه
وشكثر اطفال توگـع
ولوَحَدهـا وزلـم تدفع
شصـار بيها الله أكـبر
ــــــــــــــــــــــــ٦ـــــــــــــــــــــــــ
أحمد البصراوي العبادي
نسألكم الدعاء
ليل وحچي عـيون
عــن لا يـسـمـعـون
بيـن العـقـيله وراس الحـسيـن
وعباس من يحچي ابفرد عين
ليل وحچي عيون
تـعبـانـه العـقـيله مـن الدرب حـيل
واليتـعـب يـريـد الـراحــه بـالـلـيل
واجـه الليـل وتريـد شـويه ترتـاح
وتِعَده الداس اخوها بكربله بخيل
وطفـل وبخنگة أنفاسه... صرخ هذا وعلي الداسه
وزينب باوعت لحسين... ومـال إلـهـا رمـح راسـه
وصار الحچي هواي
وجـابـت إلــه المـاي
چـي لـسـه متـفطِـرّه الشـفـتين
وعباس من يحچي ابفرد عين
ليل وحچي عيون
ـــــــــــــــــــــــــــــــ١ـــــــــــــــــــــــــــــــ
سألهـا وجـاوبت واتـسألـه نظـرات
اعله رمحه ولسه وعيونه حنينات
وسـألـهـا شـلـونـچ وگـالتله مولاي
بگـلبي ابـدال رمحك ريتك اتبـات
انـه بخـيـر بس كـونك... برمحـهـم مـا يـأذونك
الدرب كله واباوع ليك... خوفي ولا يِطَيحوّنك
واخـتـارو اعناد
اطول رمح حاد
ايموتوني وي كل خطوه مرتين
وعـباس من يحچي ابفرد عين
ليل وحچي عيون
ـــــــــــــــــــــــــــــــ٢ـــــــــــــــــــــــــــــــ
گـلهـا شلونـه چـفـچ ويه الاحبال
گـالتـلـه الحـوافــر چـانـن اثـگـال
فقط من يَمنَه مرَّن يـوم عاشـور
وكسرن چـم ضلع للحرم واطفال
النظرها بعينه من تركض...يسكت گلبه ما ينبض
الله ايعينك انت شلون...فوگك روحه رَدَّه اترض
واليــاذي شـفــنـاك
من طَشْرَن اعضاك
واتــوَذَرِت مــن ويــن لا ويــن
وعباس من يحچي ابفرد عين
ليل وحچي عيون
ـــــــــــــــــــــــــــــــ٣ـــــــــــــــــــــــــــــــ
التفتـت عـين زينب لابـو النـوماس
تـگـلــه النـبــلــه أذتــنـــي يـعـبــاس؟
امـوت امـن انـظـر إلها تارسـه العين
والأصعب حقد بيها اتشمـتت الناس
وليها اشـما أصد گـوه...أحَصِل حيل للخطوه
ورغم النبله بس والله...عـينـك يالگمـر حلوه
وبس باسمك انصيح
سـوط العـده ايطيح
ايتَيهـون سطرتهـم تجي منين
وعباس من يحچي ابفرد عين
ليل وحچي عيون
ـــــــــــــــــــــــــــــــ٤ـــــــــــــــــــــــــــــــ
العـيـن السالمـه لعـبـاس تـنـدار
مره لزينـب ومـره اعله الازغـار
ويگـلها النبله ما عَـذبتني گدما
عَـذَبْـنِي العـليكم يشـمـر احجار
وچِفوفچ جمر چاويها...وتِصِـديـن الحجر بيهـا
الدرب كله وأفكر بيچ...خـويـه النبـلـه نـاسيهـا
وكل ذيچ الاسهام
عـن خطـوه للشام
وگـلـلـهـا ريـت وعنـدي چـفين
وعباس من يحچي ابفرد عين
ليل وحچي عيون
ـــــــــــــــــــــــــــــــ٥ـــــــــــــــــــــــــــــــ
إهـو شـويـه الوكـت وإهـواي الاجراح
وعِـز ذيــچ الســوالـــف والفـجــر لاح
وزيـنـب حـاولـت بس تشبـگ الروس
واجاها الحادي نهضو انروح لن صاح
مــا لِـحـگـت تِـقَّـبِـلـهــم...ولنَّـه الحـادي شـايـلـهم
حتى شوكت نحچي انوب...هم ما لِحگت اتگلهم
وبـنـظــرة اوداع
رَد المشي ابساع
ونـاح الحجـر لاخـر نـظـرتـيـن
وعباس من يحچي ابفرد عين
ليل وحچي عيون
ـــــــــــــــــــــــــــــــ٦ـــــــــــــــــــــــــــــــ
أحمد البصراوي العبادي
لسان حال العقيلة الحوراء (عليها السلام)
وما جرى على الإمام السجاد (عليه السلام)
أصدله....عليل وذبح أبوه أذاه
وخِوَلَّه...جر افراشه من جواه
ويگـله...موتـك إلا أريـده هـنا
أويلاه...أويلاه
نـار بـخـيـمــة الســجـــاد تـلـهـب
وناس اتطب عليها وكلشي تنهَب
وخِوَلَّه شي إجه ايحَصِلَّه حَسَب
وكـل البــيـهــا بـاوعـلـه تِـسَـلَـب
من ما حصل شي ما عاد...ركض اعله افراش السجاد
مـن جـواه جَـرَه وخــلاه...فـوگـه النـار وتحـته ارمـاد
مصيبه... حرمه ولا معين اوياي
غـريبـه...والهجـمو عـلينه هـواي
اجيـبـه...منـيـن الكافـل آنه لهاي
أويلاه...أويلاه
ـــــــــــــــــــــــ١ـــــــــــــــــــــــــ
عـلـيـل وعـالجـمـر أنـظـرلـه خـده
وارفـــع خـــده والسَــلَــب يــرده
وعَصَاته احترگت الچانت تسنده
عـن الجـمـر حـيره شلـون ابعدَه
كلما اسنـده ايرد ايطيح...مـن العِـلَّـه اتطَيحـه الريح
وانه اسمع كل الاصوات...ذِبحِوِه ذِبحِوِه كلها تصيح
إلـيـه...ظـل بـس هـوَّ مـا مذبوح
سويه...جرح گابل گلب مجروح
رزيــه...حتى الحجر ليها اينوح
أويلاه...أويلاه
ـــــــــــــــــــــــ٢ـــــــــــــــــــــــــ
خِـوَلَّـه ابـتـعـد لـن الشـمـر ليـه رَد
يذبـحـه ايريـد وآنـه اصـرخ تِبَـعَد
وشمر بچفوفه دم حسين من هَد
ونـفـس السـيـف عـالسـجـاد جَـرَّد
گتله أَصرخ باسم العباس...گلي اعله النهر ابلا راس
والهضـمتني بهـذا الحـال...وياه أسمع تضحك ناس
شماته...اباوع لَمَّن ايضحكون
حـلاته...تِبَـدَت عالنهر يدرون
حيـاته...للسجـاد اجو يردون
أويلاه...أويلاه
ـــــــــــــــــــــــ٣ـــــــــــــــــــــــــ
سندته ويوگع شما نمشي خطوه
وجـوانـه الجمـر بس نمشي گوه
وكـثر ما بينـه ذاك الجـمـر چَوَّه
گـمنـه انـصـيـح يا عـازة الخـوه
يا هضم الما عنده اخوان...ولا أبو وإبين النيران
يلگـه منيـن اليشعـر بيه...بهذا الحال شگد تعبان
تِعـبنه... مـا بـيـن السِـيـاط ونـار
ضَرُبنه... تفرح بي نشوف اشرار
حِسَبنه...شگـد ماتو اثاري ازغار
أويلاه...أويلاه
ـــــــــــــــــــــــ٤ـــــــــــــــــــــــــ
بحـبل وكـت السبي چتفـو ايدينه
وعـلـيـلـي بـگـيـد حـاد امگـيـدينه
وعلى أهزَل ناگه شفته امصعدينه
ويـوگــع مـا إلـه الحـيـل اليـعيـنـه
وعالهِزَّل من شافوه مال...ثَبتوه من رجليه بحبال
وأَتـبَـاوع للـگـاع اتـمـيـل...كـلـمــا مـن الهِـزَّل مـال
وسلاسل...ثگيله وهـوَّ جسمه انحيـل
يـحــاول...يَعَـدل جسـمه بـس ايمـيل
يكافل...صحت من شفته دمه ايسيل
أويلاه...أويلاه
ـــــــــــــــــــــــ٥ـــــــــــــــــــــــــ
نـمـشي والـدرب اطـفــال يـشـرب
كثـر مـا بالـرگـاب الحـبـل ينـضَـب
ومامش من سياط الجيش مَهرَب
الآه ايصـيـح أكثـر يـعـني يُضـرَب
بس من طبينه اعله ايزيد...بس شال السجاد الإيد
خورسهم وإنعِمت اعيون...كل واحد ينظرنه ايريد
قصرهم...رجف من أول الخطوات
نـظَـرهم...أول مـا دخـلنــه ومـات
ذِكـِرهـم...خـلاه تـتـبعـه اللـعـنـات
أويلاه...أويلاه
ـــــــــــــــــــــــ٦ـــــــــــــــــــــــــ
أحمد البصراوي العبادي
⚖
محامي ومحلل سياسي ومستشار قانوني وباحث بالشأن العبري
القدس
Last updated 5 months, 3 weeks ago
الحساب الرسمي لـ أخبار السعودية.. متابعة أهم الأخبار، أخبار عاجلة، وحصرية، جديد الصور والفيديو .
للتواصل واتس اب: 00966500360610
Last updated 1 day, 13 hours ago