استشهاد مولاتي فاطمة الزهراء (عليها السلام)

رضيةٌ مرضية...تقيةٌ نقية
صديقـةٌ زكية
ويكسـر ضلعـها ارذل بشـر

المِـن نـورهـا الـلـه خـلـق ارض سـماوات
وبيهـا شكـثـر نِزلـت سـور وشـكـثر ايات
وذاكـر محـبـتـهـا النبـي باجـمـل عـبارات
ويهجم عليها السيرته بكل حرب شردات

وبابها اليگرب إله...وعنده چانت معضلة
يلمسه ويـرد لهٕله...مگضيه مرتاح

واملاك چانت يمه...تاخذ مراد بشمه
والحطب تالي ايلمه
ويكسـر ضلعـها ارذل بشـر
ــــــــــــــــــــ١ـــــــــــــــــــــ

اليتـعـده ويـسـلم عـلـى هالبيـت بالعـين
يطلـع وراه واعلـيه يِرِد سـلامه الحسين
وانوب يطلعله الحسـن يـترسله الايدين
وحيدر عـلي ايگلهم بعد كرموه يطيبين

والحـسن لو لأمه رَد...اتگله هاك انطي بعد
وزِيد كل واحد حمد... يا يمه لله

وحـر وبـرد او تمطر... تخبز وزاد اتحضر
ويوزعه حيدر بالسر
ويكسـر ضلعـها ارذل بشـر
ــــــــــــــــــــ٢ـــــــــــــــــــــ

دار ويِـلــم حـيـدر عـلــي والزهــره وياه
وزينب والحسين وحسن هالبيت محلاه
اتشـوفـه المـلائـك بالسـمـه واتنـادي الله
وتـستـأذن اللـه من قـبل لا تنـظر اضواه

لدار حمـاي الحمـه...والزجيه فاطمه
تنظر املاك السمـه...إلا بإذن كون

والمـالـه لـلـه سجـده...ولا زيَنَه تُذكر عنده
يهجم بجنده وحقده
ويكسـر ضلعـها ارذل بشـر
ــــــــــــــــــــ٣ـــــــــــــــــــــ

دار وعليه وصى النبي المفروض هالدار
اوكـات خـمـسـه بـالاقـل يـومـيـه يـنزار
ويـعـتـذر مـن الـلـه الـذي يـتـأخر إِنـهـار
مـو ناس تهجـم حاقـده وتحـرگـه بالنار

وبنته خدها ينسطر...وابن يوگع بالجمر
شينطي للهادي عذر...السماهم اصحاب

شـيگـله باللـه بـعـذره...حسبالي ماهي الزهره
واشيخفي نور الحره
ويكسـر ضلعـها ارذل بشـر
ــــــــــــــــــــ٤ـــــــــــــــــــــ

الما حفظ حرمة بنت نبي من ينذكر كون
مو بالاسـم وبكـل وكـت يتسـمى ملعون
وبي مـن فجر حـد الفجر واجب يلعنون
واللي يلـعـنـونـه وعـلـي بـاچـر يفـوزون

والنبي إلـهم لِعـن...يعني واجب كل زمن
نلعن اصحاب الفتن... اعداء الاسلام

والما لعنهم خاسر...ومينفعه اي شي باچر
چي رضا بنت الطاهر
ويكسـر ضلعـها ارذل بشـر
ــــــــــــــــــــ٥ـــــــــــــــــــــ

نسألكم الدعاء والفاتحة لوالدّي
أحمد البصراوي العبادي

السنه نگضيها نحسب للعَـزَه احساب
غـريـب وگـلبه حَـن لنـاسـه الأحباب
فـــاگــد مـنــتــظـــر جــيــة الغـياب
وگـاعــد عـام كـلــه ابـعـتـبـة الـباب
هيچ انعيش نحسب للعَزَه احساب

وگـبــل ايـام مــن اهــلال عـاشـور
نحَضّر ادموعنه وانحَضّر الاصدور
ونگـله المـا تِحَـضّـر مـوش معذور
وخـادم لاگـه خـادم خويه مأجور
ونـتـلاگـه بـعـزاك بـسـود الاثياب

وخِدَمنه وما لحگنه وگضت الايام
وبعدها الخَدَم لسه امحزمه احزام
ذاك ايــريــــد يـقـــره وذاك لـطـام
بالله شـلـون نـصـبـر ننــتظـر عام
ومن الشـوگ بينه وكل گلب ذاب

ومن گـالو الخـدمــة تنتـهـي اليوم
اگلوب الخَدَم صارت جرح ملچوم
ذاكـه انفـرد يبـچـي وذاكه مهموم
ليـش اللي نـريـده ايـدوم مَيدوم
حگـنـه الليله نبچي بدمع سچاب

تقبـل منـه هـاي الخـدمه يحـسـين
عـليك بچـف اخـوك ونبـلـة العـين
بدونـك احـنه ما نمـلـك حـسنتين
ومـن ترضى وعـلي مـولاي زينين
علينه ايهون بعد الموت الاحساب

نسألكم الدعاء والفاتحة لوالديَّ

أحمد البصراوي العبادي

(المشاية)

دربه والله...دولة عشگ طاهر

مشايه
لاغلى شي بسنيني.. للضوه اليحييني
الما يـفـارگ عـيـني..وأعمَه لولاه
مشايه
للسفيـنه الأوسـع.. والسبيـل الاسـرع
للحسين اليشـفع..للتعناه

لهـاي الايـام..مــدى العـام..أحَضّر حالي
الممشه لحسين..والحسين..ربح اعمالي
مصـدر الخيـر ..ولا غيـر..عمل يحلالي

والخَدَم بيه...ناصر سند ناصر
دربه والله...دولة عشگ طاهر
ــــــــــــــــــــ١ـــــــــــــــــــــ
خدامه
كلها تطـلـب نظـره..مـن عزيز الزهره
وتركض وتحت امره..امحزمه احزام
خدامه
والـله يـا حيـاهم.. كالأخـو ملگـاهم
خُلَّص بمـسـعـاهم..واوفـى خدام

شايب اچبير..فتى ازغير..تشوفه امحزَم
يركـض اعليـك..ينـاديك..يـمِبـعِـد كل هم
هـنـانـه ليجاـي..يـمـشـاي..يـفـدوه اتقدم

اليگصد حسين...أخدم إله وصاغر
دربـه والله...دولـة عـشـگ طـاهـر

ــــــــــــــــــــ٢ـــــــــــــــــــــ

تسمعها
بس هلا بكل دربه..ومحد ايحس غربه
كل شخـص من گلبه..حـبك اختار
تسمعها
چـنها نـبـرة والـد..فقـط گـول شـرايد
يـوصلـك بـالـزايد..تـأمـر وصـار

توگف هناك..بالاملاك..تحس موجوده
للي يـمـشـون..يــنــادون..يرب العوده
العاقبه اهنا..ووالله..الصـدگ محموده

وعاقبة خير...لكلمن خِدَم باچر
دربـه والله...دولة عشـگ طاهر
ـــــــــــــــــــــ٣ــــــــــــــــــــ

معروفه
الموكب اليبدونه..ازغـيّر يشـوفـونه
بمـاي اليـوزعـونه..يبارك الله
معروفه
الموكب اعليه لو مَر.. سنه يصبح أكبر
والخدم بي تكثر..ويزهي محلاه

بـدربه كـل خـيـر..تـحـس غـيـر..كـأنـه الجـنه
الجــنــه لا لا ..إهــــي هــنــا..تـجـي تـتـمنـى
وموكب تكون..باسم جون..لاجل خِدمه النه

مو حگنه يا ناس...من نمشي وانفاخر
دربــه والــلــه...دولـة عـشــگ طـاهـر
ـــــــــــــــــــــ٤ــــــــــــــــــــ

كل رايه
فاطمـه اتحيـيـها.. وتدعـي مـن بـاريها
ربـي بـارك بـيـهـا..وانعـم وزِيد
كل رايه
بالدرب تسعدها.. وتشفي سطرة خدها
وتعرف اتعاهدها..بلعنة ايزيد

وتجعل النور..يجي يزور..الگـصـد بالرايه
وتگضي حاجات..وَدَعوات..شـكو مشايه
أم الأطــهـــار..يــزوار..فــرحـهــا بـهـايـه

وتفرح هواي...من تنظر الزاير
دربه والله...دولة عشگ طاهر
ـــــــــــــــــــــ٥ــــــــــــــــــــ
راح امشي
انـه ويـه عــيـالـي.. والتـعــب يـحــلالـي
لابو اليـمه الغالي..الضامي مذبوح
راح امشي
وامشي واقره المقتل..وبالدموع اتوسل
بيه يا رب تقبل..وافدي هالروح

وبالمشي ادعيت..ترجيت..يرب بحسيني
لخدمتـه دوم..وكـل يـوم..تـوفـق ابنيني
الخدمه بس هاي..يمولاي..احب تدريني

ولدي مولاي...لهذا الدرب ناذر
دربه والله...دولة عـشگ طاهر
ـــــــــــــــــــــ٦ــــــــــــــــــــ
نسألكم الدعاء والفاتحة لوالديَّ

احمد البصراوي العبادي

منهاج محرم الحرام لعام 1446 هـ

شهيـد وماكو حاجه اتغسله بمـاي
بس الرمـل غـطه جـروحه الهواي
مسحت الرمل عـنه
لـو بـي صــار دفـنه
عمه عمه

شفت حسين.. شوف العين.. اگعد عنه سولفلي
كِله الگـيت.. لو لمـيـت.. جسمه مـن الرمل گلي

اذكــره امـحــاوطـيـنه... وحجـر صـوب جبـيـنه
وجزء من عنده وادماه... شفت طاح اعله عينه
وسـهم يا عمـه شـفـته... طــاح بـوسـط شـفـته
هـذن بـالـراس والـراس... ويـــاه مــــا دفـنـتـه

چـا جسمه يعمه شبـاوعت بيه
ومرتين الحوافر سحگت عليه
أَخـــذَن وذَر مـنـه
لـو بـي صـار دفنه
عمه عمه
ــــــــــــــــــــــ١ـــــــــــــــــــــــ

العـسكر چـان..عالعطـشان..بكل جارح يِصـوبونه
سهام ونار..ارماح احجار..وحتى سيوف يرمونه

والامـثـلـث بـصـدره... اموتـن مـن اذكـره
ظهـره الچـان عباس... سهم متعدي ظهره
وراسه السيف لاحه...و رَد لـيـنـه بجراحه
ونطيته ضماد بس آه...مـوتتـنـي النياحه

تعـده الخوذه ذاك السيـف للراس
واحس الألم بي وي جر الانفاس
وتخيل گلبي حزنه
لـو بـي صـار دفـنه
عمه عمه
ــــــــــــــــــــــ٢ـــــــــــــــــــــــ

شفـت ازلام.. ترمـي سهام.. غيمه ونزلن بجسمه
بنحره تطيح..بصدره الطيح...وناگع أصبح بدمه

وگع من مهره وحده... والطيحه اعله خده
وجسمه سهام متروس... وسهامه التسنده
وگعد بالدم تخضب... بسهم النحر يسحب
وجر السهـم وارماح... بالخـاصـره اتصـوب

وتِوذِر بي اشوف سيوف وارماح
دِفَنته شلـون عمـه بذيچ الجراح
بسِـهـامـه الألـمـنـه
لـو بـي صـار دفنه
عمه عمه
ــــــــــــــــــــــ٣ـــــــــــــــــــــــ
من مگفاه.. واويلاه.. بنحره الشمر ظل يطبر
ويضـحـكون.. ويصيـحـون..كَـثر بالطبر كَـثر

وراسـه الشـمـر شـاله...واتـبـاوع عِـيـاله
والعــبــاس مـذبــوح...لـكـن دم بـچــاله
وبعد احداث صعبه... بدت خيل التگلبَه
وكثر ما داست اعله...وصل حافـر لگلبه

وعليـل انت يا عمه وما إلك حيل
شكثر لميت ابوك الطشرته الخيل
وخنـصر ماكو شفنه
لــو بـي صــار دفـنه
عمه عمه
ــــــــــــــــــــــ٤ـــــــــــــــــــــــ

للكفال.. شنهي الحال..شحـالـك عمـه بِچـفوفه
عم هواي.. وبعد هواي..مشتاگه وعلي لشوفه

يمتى لكربلـه انرد... اريد بصفهـم اگـعد
بـلكـي بشـم التراب...شويه لگلبي ابَـرِّد
جـاوب يالعـقـيـلـه...رحـلـتـنـه طـويـله
بعـد يا عمـه بالشام... الدمـوع الثگيله

بسناسلنه ونطب ليزيد ديوان
بس ندخـل مثـل هيبة القران
وعـمــه الراي إلـنه
لـو بـي صـار دفنه
عمه عمه
ــــــــــــــــــــــ٥ـــــــــــــــــــــــ

نسألكم الدعاء والفاتحة لوالديَّ

أحمد البصراوي العبادي

منهاج محرم الحرام لعام 1446 هـ
مولاي أبا الفضل العباس (عليه السلام)

عباس...المُتَهَجد في الظُلَم
عباس...بذكـره اتدوم النِعَم
عباس...نـوره بـإذن الله تَم
عباس...عباس

إِذَا الشَّمْسُ كُوِّرَتْ عباسُ باقي
قـمـرٌ يبـقـى قـمـر يـوم التـلاقي
عالنهر ذل كلَ من هُم في شقاقِ
ذا ربيعُ الطفِ للطف خير ساقي

وگــدمــا روَّاي...الـكــل شــافـه...گــدمـا روَّاي
ماي انطه الماي...امن چفوفه..ماي انطه الماي
وللطف افـيـاي...اصـبـح طـولـه...للطف افياي

خيـم..نـده..وعـلى..العـده..نــزل كالـزلـزله
اجـه..لألـف..گـضـو..ألـف..لَمَـن نـظـروا اله
وگف..بچو..مشه..اشردو..زَحِف من كربله

ومن صال...هـوه إلـهـم مـا لگو
من صال...بـس بالمـوت التـگـو
من صال...اويه الروس اتفارگو
عباس...عباس
ــــــــــــــــــــــ١ـــــــــــــــــــــــ

جدمه لو لاح الارض يكتب عليها
بجنحـه جـبرائيـل قـد باركنا بيها
ويصـرخ بوجـه الجنـود اليعتنيها
ابو فاضـل يفـني اكـابر مجرميها

الشارد نص يوم...بصيحاته...الشارد نص يوم
يوگع مگـسوم...امن الصيـحه...يوگع مگسوم
وميت محكـوم...الـ بالحـومـه...ميت محكوم

والى..النـهر..لَمْن..إجه..بطرف جوده انفلق
وعـبد..إلـه..صـبـح..لچـن..لوجـه الـله عتق
وإله..الفضل..على..النهر..طعم عَذب انرزق

كل ماي... لجـود الكـافل خضع
كل ماي.. صيـته بفـضـله ارتفع
كل ماي... بالطف صوته انسمع
عباس...عباس
ــــــــــــــــــــــ٢ـــــــــــــــــــــــ

ذهـبٌ مــن ذهـبٍ بــل والـلـه أعـجـب
الإسمه بعد حسين بالطف صارَ يُكتَب
اويـن مـا إسـمـه انـذكـر تنـذكـر زينب
للـه يـعـنـي شگـد ابـو فـاضـل مُـقَرَب

صُـلب الايمان...ما أعظم...صـلب الايمان
خَيْرَاتُ حِسَانٌ...للحَبه...خَيْرَاتُ حِسَان
وحَـمِـيــمٍ آنٍ...لـلـضَـده...وحَــمِـيــمٍ آن

حسب..نسب..شرف..علم..صعب وصف اشحوه
الحــرف..إلــه..اذا..كُـتِــب..ضــوه ايـزيّـد الضوه
لاخـوه..وفـه..مِـلَـك..عَـذِب..وروه الطف ما روه

لحسين... سـنـد ونـعـم السـنـد
لحسين...قِـسـم بـواحــد أحـد
لحسين...يُطحَن لاجله الجسد
عباس...عباس
ــــــــــــــــــــــ٣ـــــــــــــــــــــــ

أيـهـا الانـســانُ أُنــظُــر لأبــو فـاضل
خُـلُـقــاً نِـعـمـاً وخَـلـقــاً كــان كـامـل
ولابـو اليـمـه اتـوذر ابحـد الصـواقل
ياهو انت ولاجله دمعك ماهو هامل

بكل مجلس كون...انت امحزَم...كل مجلس كون
واتـهَـدل امـتـون...بكـل لـطـمـه...واتـهدل امتون
وتبچـيله اعيـون...ومـا تـوفـي...تبچـيله اعيـون

بحزن..بچي..صبح..مسه..لوَّن تگضي العمر
وتظل..لطم..على..الجرى..لحد كـسر الصدر
لجـرح..سهـم..ولا..تَـفِي..عِـشر عِـشر العِـشر

كل يوم...لازم تـنـگــع دمـع
كل يوم...لـلعـاشـر تـنفـجـع
كل يوم... صرخاتك تنسمع
عباس...عباس
ــــــــــــــــــــــ٤ـــــــــــــــــــــــ

ويـن مـا تنخـاه تحـس بي چـنـه يمك
وابَريد السمه وتگضي الحاجه باسمك
ولـو تـطـشـرك دنيـتـك مـن كـثر همك
ابـلا چـفـوف الكــافـل ويـرجـع يلـمك

وزامط دنياك...انت بزوده...زامـط دنـيـاك
تـلگــاه ويـاك...بـكــل شـده...تـلـگـاه وياك
وياهو اليدناك...بذكر اسمه...ياهو اليدناك

ذكر..إسم..أبا..الفضل..يفك باب السمه
الوفي..إله..إله..وفي..وإله يصبح حِمه
ولا..تِهم..وكت..شدد..يحـل كل موزمه

كل خير... يبـدي اباب الگـمر
كل خير... شافه بفضله النهر
كل خير... ينـزل ويـن انذكـر
عباس...عباس
ــــــــــــــــــــــ٥ـــــــــــــــــــــــ

نسألكم الدعاء والفاتحة لوالديَّ

أحمد البصراوي العبادي

منهاج محرم الحرام لعام 1446 هـ

دَع الحِرصَ على الدُنيا... ولا تِطمع يخادم
وبـالحُـبِ أقـم وجـهـك... الى حيـث المآتم
غير حسين..تلگه منين..هوه من تختنگ
المشافيك..وامعافيك..وبالطف منسحگ

دَع الحرصَ على الدُنيا... وفي العيشِ فلا تطـمَع
شـنـهي الدنيـا واتغـرك... وبيها احسينك امگطع

منو المـن عـنده أجمل...منو المن عنده أفضل
حتى اتهـشِم صـدره الخيل
وإهـو حـتى اليذكـره... يصـيـر مـن الله عطره
مسـك وعنبـر ياس وهـيل
الشمس من عينه لمحه... شني الشمر ويذبحه
الوجهه أسود من أظلم ليل

اذا كــل هـــذا مــا هَـــزَك... ولا تـبـچــيـلـه قـانع
اعله روحك إبچي ذاك انت...اليظل ابلايه شافع
الما بي نوح...للمذبوح...خاسر من صدگ
المشافيك..وامعافيك..وبالطف منسحگ
ــــــــــــــــــــــــــــــ١ــــــــــــــــــــــــــــــــ

ولا تَجـمَــع مِـنَ المـال ِ... فـلا تـدري لِمَـن تَجمع
واجمع للعَزَه ادموعك... الزهره اتجازي عالمدمع

وتِخيَّل هي دمعه... وتحب شوفتها بضعه
لهـاي الرحمـه الله الله
وتجي اتدَوّر الزچيه... على اللي صافي نيه
مَتهمها الشهره ولا جاه
الفقـيـر الثـوبه راكد...وغـنـي تنظرله واحد
وكلمـن يتـكبـر تنـسـاه

الوحـيد المجلس الما بي... وساطه ولا وجاهه
اعله نيتك أجرك امسجل...شـتريد اكـثر نزاهه
وبي احساس..من عباس..تشعـر تنشبگ
المشافيك..وامعافيك..وبالطف منسحگ
ــــــــــــــــــــــــــــــ٢ــــــــــــــــــــــــــــــــ

ولا تَـدري أفـيِ أرضِـكْ... أم في غَيـرِها تُصرع
مِوِت بأي ارض خادم...لأبو اليمه وعلي ترجع

المهم إِخلِص نحيبك... وابو اليمه يجيبك
سيـد جاسـم شوفه شلـون
لأن بس حُبَه هَمَه... بحـنانه اختـاره يَمَه
وباقدس بقعه اصبح مدفون
عِبَر من عدها واجب... لضمائرنه نحاسب
وافضل وادم خدمه انكون

وشـني الشـهـره وتـدَوّرهـا... اذا اتـزعـل إمـامك
وعلي الشهره الصدگ تسوى...لَمَن يسمع سلامك
والله امصاب...لأجل اعجاب..وياه تفترگ
المشافيك..وامعافيك..وبالطـف منسحگ
ــــــــــــــــــــــــــــــ٣ــــــــــــــــــــــــــــــــ

فــأنَ الـرزقَ مـقـسـومٌ... وســــوءُ الظــنِ لا يَـنـفَـع
ورزق خدمة ابو اليمه... وعلي ما مثله رزق اوسع

اشحلاتك لو خدمته... وتجي اتطب لحضرته
وتشعـر بي چـن يتلگـاك
هِموم الدنيا عندك...ولاجل دمعه اعله خدك
تطلع كلشي الردته اوياك
يعالم والله رحمه... ومثلها الماكو نعمه
لا ما عنده وفقط الهاك

ويفرح لو نطاني اكثر...وإهو امسلبيله محبس
ثـيـابـه امـسـلـبه وآنه... جـديـد انطـاني ألبس
وعنده ايتام.. وسط خيام..شاهَد تحترگ
المشافيك..وامعافيك..وبالطـف منسحگ
ــــــــــــــــــــــــــــــ٤ـــــــــــــــــــــــــــــــ

فـقـيـرٌ كُـلُ مـن يَـطمـع...غنـيٌ كُـلُ من يَقنَع
ولكن بالبچي اعله الطف... لا تقنع لوّن تنگع

القنـاعه بكلشـي زينـه....لچـن المطـشـرينه
شلون اعليه تقنع الادموع
الدمع ما يشفي سحگه... ولا لبنيته شهگه
من سمعت كسرات اضلوع
وتخيل هذه بنته... تسائِل زينب اخته
الراس برمح المن مرفوع

رقـيــه اگـبـالـك وقـرر...اشتـواجـه مـن حقـيـقه
بقصيده اتواسي لوعتها... وترن بيها الموسيقى
قرر هـاي..نار ومـاي...واشتنطي العشگ
المشافيك..وامعافيك..وبالطف منسحگ
ــــــــــــــــــــــــــــــ٥ــــــــــــــــــــــــــــــــ

أحمد البصراوي العبادي

يـا سـلاب تـاج حسيـن...گـلـي ويــن لَـبَـاسـه
گلها التاج شلچ بيه...وذاك اعله الرمح راسـه

أَسأَل مـا اريـد التـاج... حسين التاج يِكرِم بيه
كلـمن يحله بعـيـونـه... ادري حسين إله ينطيه
ردته وما ردت تيجان...مِن فدوه ويروحن ليه
يرخص للحسين الكون...آنه اتـهـمنـي أنفـاسـه
ـــــــــــــــــــــــ١ـــــــــــــــــــــــــ

راسـه اعله الرمـح مرفـوع... هـو العـالي يحلاله
ويمكـن بالخيـام النـار...حـجـبـت شـوفـه لعيـاله
صعد فوگ الرمح وايريد...ينظر لاخته واطفـاله
لو يمكن صعـد مـن فوگ...راد ايشـوف عبـاسـه
ـــــــــــــــــــــــ٢ـــــــــــــــــــــــــ

راسه اعله الرمح لاسباب...وغايه بصعدته هنانه
رايـد للسـبـي امـن انـروح ...إلا ايــروح ويــانـه
ومن ويـانه يمـشي الراس...بيـكم ياهـو يدنانـه
إرسـل طــارشـك ليـزيـد...إلا انـذلـهـا حـراسـه
ـــــــــــــــــــــــ٣ـــــــــــــــــــــــــ

خَبر الشام يالسلاب ...مات ايزيد عاش حسين
وما يحتاج وأحچي هواي...للينشد شلون اوين
لو صـوت المـؤذن صاح...خل تسمع الوادم زين
جَـدمَـن ذِكره دام اليوم...والطـف هـذا مقياسه
ـــــــــــــــــــــــ٤ـــــــــــــــــــــــــ

يـسـلاب القـصـر نـلـفـيـه...ونـوگــف آيـة يم آيـة
وغـصـبـاً مـا عليـه ايـزيد...لـيـنــه ايـرَّجـع الـرايه
وإِنـسِـن بالمـشي قانـون...تمـشـي اعليه المشايه
ومواكب الاربعين اتدوم...وقصره الينهدم ساسه
ـــــــــــــــــــــــ٥ـــــــــــــــــــــــــ

نسألكم الدعاء والفاتحة لوالديَّ

أحمد البصراوي العبادي

منهاج محرم الحرام لعام 1446 هـ
قصيدة ولائية

لا تشغلني بأي شـي حتى لو زين
أَريـدن بيك بس انشغـل يحسين
بجلوسـي وقيامي
بصحوتي ومنامي
بـسـكـتي وكلامي
أَريدن بيك بس انشغل يحسين

وين امشي احس غرگان...وما ارتـاح بأي امكان
بس من اگـعد اكتبلك...وابچـيلك احـس سلطان
ودمعـي لو هـدأ والله... عندي الخوف يبدي هنا
اخـافـن لا بِدَر فد شي... مـنــي والگـلـب قَــسَّاه
واذا راح الــدمــع
بعد شـنهـي النفـع
وانه اعرف ينشمر
بلا خـيـط الشـمـع

جبت كل عمري خايف والله من هاي
لا فـــد يــوم ازل وانـطــــرد مــولاي
دخـيـلــك امـامـي
بصحوتي ومنامي
بـسـكـتي وكلامي
أَريدن بيك بس انشغل يحسين
ــــــــــــــــــــــــــــــــ١ــــــــــــــــــــــــــــــــ

الدنيا حچايه وسط الريح... بس شويه تمشي تطيح
الوحـيد حچايته الظـلت... الحسيناً وا حسين يصيح
وعشت كل الزمان الفات...إِبـ وين فـلان؟ گالـوا مـات
چـا ليــش التــهي بغــيرك... اذا هـو العــمر لحـظــات
وحـرامـات العــمـر
اويه غيرك من يمر
وصـحبـة كل بـشر
لحـد حلـگ الـگــبر

كلها اترد لاهلها الصحبه واحباب
وغيرك مالي منـقذ جوه التـراب
لــذلك هـــيـامـــي
بصحوتي ومنامي
بـسـكـتي وكلامي
أَريدن بيك بس انشغل يحسين
ــــــــــــــــــــــــــــــــ٢ــــــــــــــــــــــــــــــــ

حبـك سـيد الأعـمال...ويِـغَـيِّـر الحـال لافـضـل حــال
اليـبـدي بـدربــك بــخـطـوه... تــتـقــربــله بالأمــيــال
وشـفتها بشكثر كل عام...اليخدمك حتى لاجل اعلام
تجـيبه شويـه وشـويه... ويصـير من افـضل الـخـدام
لخدمتك بس يطب
ويلوحه شويه حُب
يظـل همــه الأهــم
إلـك يرجـو القرب

وبالمجلس وموكب يبچي ينخاك
بـس وفقني أظل يحـسين ويـاك
إلك كـــل غرامــي
بصحوتي ومنامي
بـسـكـتي وكلامي
أَريدن بيك بس انشغل يحسين
ــــــــــــــــــــــــــــــــ٣ــــــــــــــــــــــــــــــــ

ما راضي اعله روحي بيوم... وكل وكتي احس مهموم
ليـش بيـومي چـم ساعه... من ذكــرك أحــس محـروم
اذا مـو بـيـك كل تـــفكـير... اذن بيـــه خـلـل واچــبــير
اواجـب نفســي احاســبها... لأن هـــذا وعــلي تقـصيـر
مـنو لغــيرك أهـم
يالمضحــيلي دم
ويـحارم عيلــتَّك
اعلمودي من الخيم

عـليك بعينه وبچـفينه عبـاس
اريدن كون اذكرك گد الانفاس
واصـيحن يـدامي
بصحوتي ومنامي
بـسـكـتي وكلامي
أَريدن بيك بس انشغل يحسين
ـــــــــــــــــــــــــــــــ٤ـــــــــــــــــــــــــــــــــ
عدل بس يمي اشوف الموت...ومشيول اشعر بتـابوت
واگـول حسيـن هم يحضر... واسـمع منه نبرة صــوت
والمثـلي شنـو المنـطـيه...حــتــى وانـــت تـحـضر ليــه
آنــه الكلشـي ما أســـوه...وانــت الـكلـشي مُلـك ايديـه
وتـطمني الـ لچـن
أبو اليــمـه الأحـن
شوكت عافك گبل
ويعـوفك بالچـفن

عـلى ذنـوبـي واجـيـك ابـلا مـواعـيـد
وارد متــروس راح ومــنـترس إيــــد
بــمـجـرد سـلامي
بصحوتي ومنامي
بـسـكـتي وكلامي
أَريدن بيك بس انشغل يحسين
ــــــــــــــــــــــــــــــــ٥ــــــــــــــــــــــــــــــــ

أحمد البصراوي العبادي

استشهاد أمير المؤمنين
علي بن أبي طالب (عليه السلام)

ما عدنه ابو من الليله
وشنسـوي مشتـاگـيله
بـعـازة حـنـانـه والـگـبـر ويـن
شجابه اعله حنية أبو حسين
وشنسـوي مشتـاگـيله

هل آتى تبكي وهل...عدنه چا تسلم مُقل
وبالگبـر حيدر نزل... وبعد ما ينشـاف ابونه
لا بعد نگـعد سوه...ولا يـوزعـلـنـه هـوه
النجم لعيونه هوى... وغمضت الليله عِيونه
وليـل والما بي عـلي ياهـو اليـنامه
ننحب امگابل نخلصه اويه اليتامه

وياهـو الليلـوم النـايح
ومن عنده حيدر رايح
وكـل ابـو بالدنيـا انعـرف زين
شجابه اعله حنية أبو حسين
وشنسـوي مشتـاگـيله
ـــــــــــــــــــــــــــــــــــ١ــــــــــــــــــــــــــــــــــ

الشيب يبدي اويه الإبن...ويه ابوه مـا يندفن
ويـكـبـر واكـثــر يـحــن... والحـزن يخنـگ طريقه
لا صـبــاح ولا مـسـه... اشـمـا يكـابـر ما نـسـه
وعمره يگضيه يا عسى... بحلم عايش مو حقيقه
شلون ينسى وكلشي يتخيل يشبهه
اوين ما ينظر ضـوه بي يلگه وجهه

الهيـبه وفـرح دنيانه
هالليله خالي امچانه
ولو مَلَـك غـيره وتنظـر العين
شجابه اعله حنية أبو حسين
وشنسـوي مشتـاگـيله
ـــــــــــــــــــــــــــــــــــ٢ــــــــــــــــــــــــــــــــــ

راحت امنه امن الزغر...وحيدر الچان الصبر
والصـبـر لـن منـطـبـر... وراسه ينزف بين ايدينه
الباب والطبـره خَـذَن...الأطيب وأوفى وأحَن
اشعنـده ويانه الزمن...مـا رضــى انبـطـل بچـينه
اليخسر الزهره وعلي اشيبقه بحياته
مـثـل دمـعـه ابـحـر ضـاعـت امنياته

وي كـل حلـم ننطرهم
وين الله بس ننظرهم
والحـلـم للواقـع يجـي منيـن
شجابه اعله حنية أبو حسين
وشنسـوي مشتـاگـيله
ـــــــــــــــــــــــــــــــــــ٣ــــــــــــــــــــــــــــــــــ

نشفت عـيـون البـشـر...ونگعت عيون الحجر
امن البواچي ومن قهر...فگـد ابو حسين وغيابه
وكلشي بي روح اختنگ...كـثر ما شاغ وشهگ
وبنحيـبه ودمـعـه دگ... بـابه بلـكي ويفـك بابه
وبـس نـفـك الباب تسـأل كلـها عنه
واحنا بعده اعلينه باقي تراب دفنه

مدفون گلنه وطاحو
الحنيه راحت صاحو
وصار اللطم بچـفوف الاثنين
شجابه اعله حنية أبو حسين
وشنسـوي مشتـاگـيله
ـــــــــــــــــــــــــــــــــــ٤ــــــــــــــــــــــــــــــــــ

الليل يخلص والصبح...ايزَّود لزينب جرح
شـلون تـهـدأ ما يصح...والـد ايـهَّـوِد دمـعـهـا
امگابِلَّه اثيابه وتِعِد...چم نَفَس عاشت بُعِد
ومن تشم ثوبه يرد...ثـوب حيدر هـم يشمها
الله أكـبـر حـتـى واثـيـابـه حنـيـنـه
حگها من تگضي العمر زينب حزينه

واثيابه لو حضنتها
تمسح تظل دمعتها
وتذكـر علي ولمـسـة الچـفين
شجابه اعله حنية أبو حسين
وشنسـوي مشتـاگـيله
ـــــــــــــــــــــــــــــــــــ٥ــــــــــــــــــــــــــــــــــ

منفجع يـم منفجع...وكلشي ساكت والدمع
ابيت حيدر ينسمع... وبويه بويه انريدك انته
وبده العاشر يقترب... والثـيـاب التنـسـلـب
والاخيام التلتهب...كلـها صارت تبچي سكته
اتخـاف زينب تسمـع وتنجـرح اكـثـر
وهوَّ وحده اچبير تعرف جرح حيدر

والدنيا سكته وتنحب
عــن لا تِــلَــوّع زيـنـب
وخلـيـه حنـان الدنيـا ضعفين
شجابه اعله حنية أبو حسين
وشنسـوي مشتـاگـيله
ـــــــــــــــــــــــــــــــــــ٦ــــــــــــــــــــــــــــــــــ

أحمد البصراوي العبادي

ولادة الامام الحسن المجتبى (عليه السلام)

بيت الزهره صح نيَّر
بس شي چنه متغيَّر
شمس اعليهم اتسير
تطلع تضوي بالزايد

اختلفت اليوم...قوانين...كـره الارضيه
الشمس بالليل...على باب...علي محنيه
وتِنادي اويه الگمر
يا اجمـل كل بشر
انفاسـك كالسـوَّر...يالغالي.. يالغالي
إنتَ النور وانعرفك
ظلمه انبيَّن ابصفك
والله الإظفر بچفك...أكثر منّه بي نور
يا مصدر كل ضوه
بكل ريَّه اتحط هوه
والظامي حَس روه..من شافك..من شافك

محد شايل اوصافك
عاشگ يصبح الشافك
باول لحظه بالطافك
لله يشكر وساجد
ـــــــــــــــــــــــــــــــــــ١ــــــــــــــــــــــــــــــــــ

كلشي بالكون...اجه لبيت...علي بإعجوبه
الـله وداه...يـهـنـي...النـبـــي بـمـحـبـوبه
كل كوكب أو نجم
متـعـني ومبتـسم
ويردد بـس اسـم...محبوبه محبوبه
ومتبـسم نبـينه اكـثر
چفه بچف علي حيدر
راحـو هـنـوّ الكـوثـر...اتلاثه اتلاگو الله
وللرابع كلشي حَن
محـلاته هـالحَسن
مـا مثلـه بالـزمن...أي ثاني أي ثاني

اللـه ايـكـرم الحَـبـه
بذكره وينغـفر ذنبـه
ويِخلَّه من الحقد گلبه
ويصبح متقي وعابد
ـــــــــــــــــــــــــــــــــــ٢ــــــــــــــــــــــــــــــــــ

كل نده الكون...يبيَّن...خشن يم خده
اللاحته ايديه...تخضّر...عليهن ورده
انـفـاســه إمهـيّـلَـه
ومن أول لحظه اله
يتـفـايـض مـرجـلـه...الما تُوصف ما تُوصف
ومنه اتلالت العصمه
يشبه جده بالحكمه
يا هنياله اليّخدمه...ويصبحله عبد دوم
اليتَخذه سيده
هالدنيا اتخلّده
والجنه اتمجده... وتنتظره تنتظره

بصيته امحيّر الوادم
كلشي صار اله خادم
كريم ومن بني هاشم
وهوَّ من انولد زاهد
ـــــــــــــــــــــــــــــــــــ٣ــــــــــــــــــــــــــــــــــ

عمره لحظات...والعيون...سـوالــف بيها
والله مشتاگ...للحسين...تحس يحچيها
وعِيونه اتدوّره
تتوسل حيدره
بس حتى ايخبره...اعله حسينه اعله حسينه
حسين ايحس جزء منه
بـدون ايـامــه مـا تِـهـنه
يمتى ايشوفه وايحضنه... وتحلى ايامه وياه
منتظره امن انولد
وبهايه الكل شِهد
لمحبوبه والسند...أشواگه أشواگه

بگماطه وبده ايِعدله
شگد وحسينه يوصلّه
حتى ايامه بي تحله
وغير حسين ما رايد
ـــــــــــــــــــــــــــــــــــ٤ــــــــــــــــــــــــــــــــــ

كُـبر وحسين...وصـل يـوم...فـرح مـولوده
والحسن صار...على الكون...يطش بوروده
والملگه ايسر نظر
والطير الـ عالشجر
هناهم وابتشر...بالملگه بالملگه
ومن ملگـاهم الصحـره
تنشاف اصبحت خضره
وما مش ظلت اي شجره... الا وحملت اثمار
مـولاتي فاطـمه
مِتفضله ومُنعمه
عالگاع وعالسمه...بافضالچ بافضالچ

بدونچ كلشي ما نسوه
حـتى بمـاي مــا نـروه
مو حگنه الكم ونهوى
وانضد كلمن ايعاند
ـــــــــــــــــــــــــــــــــــ٥ــــــــــــــــــــــــــــــــــ

أحمد البصراوي العبادي