هنر و جامعه/ چاغداش تورکجه ادبیات
علی حامدایمان/ ابوالفضل پاشا/ ثریا خلیق خیاوی
✨ تبلیغات پر بازده [ @tabligat_YaSiNoli ]
- منمو هدفونم فقط میخوام چِت کنم 🎧
╰) ایران موزیک♪ (╯
"ما بهتریـنها را براے شما بـہ اشتراڪ میـگذاریـم✘"
تبلیغات و ثبت موزیک :
@AdIranMusic94
فرشتــهی موسیقی💙"
- موسیقی تَپیت و نتها در رگ ها جریان یافتند و من زنده ماندم . .
#تبلیغات با بهترین #بازدهی : [ @AMEOOaW ]
•• 🎧🖤📀🔐••
??
گؤزلویونو ایتیریب دونیا اؤز ایشینده دئییل
سوخولور بؤیرومه بورنویلا، بوینوزویلا
آراق چکیرم باشیما یورغانی چکیرم سو کیمی
دوداغیما گولوشو ساتین آلماغا دوکان هانی؟
بول تاماتلی ماکارنا دملهدیم تئلویزیونا زیللهنن گؤزسوز اوشاغیما
قونداغینا توفنگ دویوملهدیم
فداکار آنایام چونکو
آمان چکیرم، بو میکروبفونلار الیندن آمان
هانسی سنگرین نئچهنجی سونگوسوندن
هانسی ایلین نئچهنجی چووغونوندان توشلانیب آغزیما بیلمهم
یوخ اولماییر یوخولاریمدان، اولمایاجاق دیلیمین آچیلیشی
نییه بیله بیلمهییر بو یوبانمیش آلقیشی دئسم اؤلمهم
بونجا کی، گؤبهییم آتیلیر خزره گئدن گمیلره
بونجا کی جنازهم باتیر شاه گؤلونون حیرانلیغینا
و نامازی هئی چاره قیلیر «میگرن»لی آخشاما آغلایان قادینلیغینا
سیقارلارین کؤزو بیر- بیریندن کوچهده قبیر آدرئسی سوروشور
و قولاغیم وورهای مئییت نامازی قیلیر
هله باخین یئددی کفن چوروتموش آتاما
کامیونلا بئل-کولونگ داشییر تلسه-تلسه
من بیلمیرم کیمدن کوسه-کوسه:
«بولدئزر کیرالامیشیق آتاجان!»- دئیه، ایچقیریرام
آنام تک جانینا باغلی-باغاتلی بیر پنجرهدی
اورهیین آچیلار اونو گزیب دولانسان
اورهیین توتولار دیندیریب دانیشدیرسان:
«نه افسرلر، نه افسرلر… اؤلوم ننهلریندی، ننهن قوربان سنه، ننهلرین…»!
هله ده بو سؤیودون، او کؤهرهنین کؤلگهسینده
قاراسو آخیر آنامین گؤزلرینده
بوداقداکی جنازهلرین دیزیندن یوخاری
باخمیر
باخانمیر آنام
??
??
?شاعر: #فاضیل_حوسنو_داعلارجا (#فاضل_حسنی_داغلارجا) [ Fazıl Hüsnü Dağlarca | ترکیه، ۲۰۰۸-۱۹۱۴ ]
? برگردان: #ابوالفضل_پاشا
دریاها
هر شبانگاه
در تمامیِ اندیشهها
در حالِ رفتوآمدند
دردِ آنها
و طولانی بودنشان
و محوری که در آن میچرخند
همهگی با توست
و نیمهشب است
و این چیزِ بسیار آبیرنگ
سکوت است
سکوتی که تو در دوردستها فراموش میکنی.
??
??
من بیر اینسان
من تورک شاعیری ناظیم حکمت
من تپهدن دیرناغا اینسان
تپهدن دیرناغا موباریزه، حسرت
و اومیددن عیبارت
??
??
آغ قاتمایلا
قارا بولودون یاماقین تیکدیم
بولود دیل آچدی
دئدی :
آغایین گونه چیخاسان گلین!
??
بو کانال «هنر و جامعه» درگیسینین چاغداش تورکجه ادبیات بؤلومونده نشر اولان اثرلردی. کانالداکی یازیلاری قایناغی درج ائدیب و کانالین لینکینی وئرمک شرطی ایله پایلاشماق اولار
??
اینانیرام
هر یئنی گونون اؤزو ایله
گونش گتیردییینه
سحر اوباشدان
آچیرام پنجرهنی
سحر یئمهیینه بیر آز کولک
بیر آز دا دنیز هاواسی
قیراغیندا سو
لاکین بیلیرم
گونشه اینانماق آزدیر
اونونلا یاشاماغی دا باجارمالیسان
اگر زامان
سوپورموشسه ائویندهکی اینسانلاری
کدر خستهلیک کیمی دولموشسا ایچینه
روحون مئیدانی
ساعات با ساعات دارالماداسا
اینانماق سادهجه اینانماق
تنهالیغا اوکئی دئمک کیمیدیر
حیاتین معناسینا بو قدر یاخینلاشمیشکن
آتیلماق پنجرهدن
اوچماق بیر آن
قوللارینی گرمک
باشقالارینین گیرمک آدلاندیردیغی حادیثهنین
آلت قاتینی اؤز گؤزلرینله گؤرمک
هر آن بیزی یولدان چیخارماق ایستهین
او قیللی شئیطانا
ان یاخشی ضربه اولاجاق
اینانیرام
هر یئنی گونون اؤزو ایله
قارانلیق بیر گئجهنی گتیردییینه
آخشام دوشور
کدرله دولو اورکلره
بیر آز دا ظولمت سپیشدیریر
بوش اوتاقلارین آغریسینی دینلهدیر؛
گونلرین توزو
ماسانین آلتینا دوشموش اویونجاغا هله
یاخین دوشه بیلمهییب جینلر
اوستهلیک بو پلاستیک تاپانچا
هر آن آچیلا بیلر زامانین تن اورتاسینا
ساعات اومیدسیزلییین یاریسی
ایندی بیاض رنگی ایله سویودور بوز دولابی
گوزگوده اوزو توکلو ایکینجی من
آرخامجا کؤکس اؤتورور
حیاتین معناسینا بو قدر یاخینلاشمیشکن
ال آتیرام بیچاغا
اؤزومو وورماق اوچون دئییل
سادهجه الیمده سویوق بیر شئیین اولماسی
یاخشیدیر زامانا قارشی دورماغا
اوستومه گلن خیاللاری
قووماق اوچون
سیلاحسیز اولمامالی اینسان
کئچمیش گونلره قاپیلیرکن
اینانیرام
روحون مئیدانینی گئنیشلهدیر
بو دمیر
یئنیدن باشلامالی
ایندیکی زامانین چیخیشلیق حالینا
شهر آیاغیمین آلتیندایکن
??
✨ تبلیغات پر بازده [ @tabligat_YaSiNoli ]
- منمو هدفونم فقط میخوام چِت کنم 🎧
╰) ایران موزیک♪ (╯
"ما بهتریـنها را براے شما بـہ اشتراڪ میـگذاریـم✘"
تبلیغات و ثبت موزیک :
@AdIranMusic94
فرشتــهی موسیقی💙"
- موسیقی تَپیت و نتها در رگ ها جریان یافتند و من زنده ماندم . .
#تبلیغات با بهترین #بازدهی : [ @AMEOOaW ]
•• 🎧🖤📀🔐••