Қайтарылған активтерден түскен қаражат түрлі әлеуметтік және экономикалық жобалар қаржыландырылатын Арнайы мемлекеттік қорға (Қаржы министрлігінде ашылған қолма-қол ақшаны бақылау шоты) берілуге тиіс.

Әлеуметтік жобалар денсаулық сақтау, білім беру, халықтың әлеуметтік қорғалмаған топтарын, мүгедек адамдарды, жетім балаларды, ата-анасының қамқорлығынсыз қалған балаларды қолдау, коммуналдық және әлеуметтік-мәдени инфрақұрылым салуға бағытталған.

Экономикалық жобалар экономика салаларын дамытуға, сондай-ақ жаңа жұмыс орындарын құруға, материалдық игіліктерді әділ бөлу сияқты мемлекеттің әлеуметтік-экономикалық мәселелерін шешу үшін қажетті өндірістерді құруға (жаңғыртуға) бағытталғандығын атап өткен жөн.

Мемлекет басшысы Қасым-Жомарт Тоқаев Үкіметтің кеңейтілген отырысында қандай мәселелерді көтерді.

7 ақпан күні Мемлекет басшысы Қасым-Жомарт Тоқаевтың қатысыумен Үкіметтің кеңейтілген отырысы өтті.

Осы орайда маңызды 10 бағыттар туралы айтылды.

?Бюджет және салық саясатының тиімділігін барынша арттыру мақсатында Үкімет шығыстардың экономикалық пайдасы барынша жоғары болуына баса мән бере отырып, оның нақты басымдықтарын айқындауы керек деп айтты.

?Жаңа инвестициялық кезеңді бастау керектігі туралы айтылды. Сондықтан, ішкі және сыртқы инвестицияны айтарлықтай көбейту керек.

?Мемлекеттік сатып алу, мемлекет пен жекеменшік серіктестігі, құрылыс саласын реттеу жүйесін реформалау қажеттілігі инвестиция тарту және бюджет қаражатын тиімді пайдалану ісіндегі реформалармен барынша үйлесіп, оны толықтыра түсуге тиіс.

?Экономиканы кешенді түрде ырықтандыру үшін жүйелі шаралар қабылдау қажет. Үкімет бұл жағдайдан тиісті қорытынды жасады, ахуал біртіндеп түзеліп жатыр.

?Еліміздегі өндірістің дамуына тың серпін беру қажет. Осы тұста, жұмыс істеп тұрған өндірістерді жаңғыртумен қатар, еліміз үшін мүлде жаңа өндіріс орындарын ашуға баса мән беру керек.

?Агроөнеркәсіп кешенін дамыту және су ресурстарын үнемдеп пайдалану өте маңызды. Сондықтан, ауыл шаруашылығына бөлінетін қаржыны барынша, тіпті, мүмкіндік болса, екі есе арттыру қажет.

?Коммуналдық-энергетикалық секторды жаңғырту жұмыстарын жеделдету мақсатында салаға түбегейлі реформа жүргізген жөн. Ол үшін жүйелі жұмыс атқару қажет.

?Еліміздің көлік-логистикалық әлеуетін арттыру үшін белсенді жұмыс істеу қажет. Жалпы, теміржол саласын қарқынды түрде цифрландыру керек.

?Экономиканы цифрландыру ісін жалғастыру және жасанды интеллект технологиясын кеңінен қолдану аса маңызды. Ол үшін жұмысты түбірінен бастауымыз керек, яғни институционалдық орта қалыптастыру керек.

?Әлеуметтік салаға айрықша назар аударған жөн. Үкімет барлық амал-тәсілді зерделеп, халыққа әлеуметтік көмек көрсетудің жаңа кешенді үлгісін ұсынуы керек.