🔰كل ما يخص المحاضرة 4 ( جذع الدماغ ) :

1️⃣ الدماغ المتوسط
2️⃣ الجسر
3️⃣ البصلة السيسائية

السلايدات

بسبب الظروف الاقتصادية الصعبة يلي عم نمر فيها حابين نقدم مبادرة من فريقنا علّ و عسى نقدر نساعد عدد اكبر من الطلاب ، لهيك قررنا نقدم كمان كورس التشريح 3 بسعر مخفّض يلي هو (125,000) بدلاً من (185,000).

طبعاّ أعلننا عن الخصم من هلا كرمال تشتروا الاكواد قبل المادة بفترة لان عم يصير ضغط ونتأخر أحياناً بإرسال الأكواد

#الحساب_الخاص_بشراء_الأكواد :
@Androgen_help

يعطيكم العافية 🤍

هي الرسالة لزملائنا بجامعة حمص
امتحان الكيمياء 12/2

قسم استقلاب السكريات مطابق لجامعة تشرين بالسنة الثانية
ال٢ من نفس المرجع ومتبعين نفس التفاصيل.

لهيك فينكن تستفادو من فيديوهات استقلاب السكريات عقناة اليوتيوب
بتساعدكن بالفهم واختصار الوقت، كلشي بخص استقلاب السكريات مشروع بساعتين ونصف.

رح تشوفو هون بهي الرسالة :
(https://t.me/Biochemistry_Jaafar/19)
شرح لكل محاضرات استقلاب السكريات بالتفصيل و وبوقت مختصر ومدققين من دكتور جامعة تشرين الدكتور فيصل رضوان.

وبالنسبة لإمراضيات استقلاب السكر ( السكري ) فيكن تشوفو شرحنا عن الامراضية بالكيمياء السريرية عنا هون https://t.me/Biochemistry_Jaafar/176

القسم بيحتاج حسب محاضراتكن والفيديوهات يوم ونص مع حل للدورات
دورات الدكتور عدنان لقسم السكريات معتمدة عالبصم لأنزيمات التفاعلات والنواتج.
فاذا فهمنا كلشي بصير حل الاسئلة كتير سهل، وبالشرح فيه قصص تختصرلنا الانزيمات والنواتج بسهولة.

موفقين جميعاً ولأي استفسار بعتولنا عالشات 🤍
#𝐒𝐭𝐚𝐲_𝐏𝐨𝐬𝐢𝐭𝐢𝐯𝐞

مساء الخير دكاترة ❤

شرح المحاضرة الأولى من مادتنا لهاد الفصل صار عالقناة ❤
مدقّقة من دكتور المادة ?
الفيديوهات فيهن شرح كامل المحاضرة، وملف الشرح كمان حينزل بعد البوست كرمال ماحدا يتعذب بالكتابة للأشخاص الي كانت تكتب السنة الماضية ❤

رابط الفيديوهات : https://youtu.be/TzGs-6RPX98?si=MEmvgrbRojwgi63L

بوت تحميل من يوتيوب: @Ds4Robot
المحاضرة بعنوان :
" إمراضيات استقلاب السكريات "
المحاضرة عديدة المحاور:
⭕مقدمة عن السكريات وطرق تنظيم سكر الدم
⭕تأثير الهرمونات على مستوى سكر الدم
⭕اختبار تحمل الغلوكوز
⭕الداء السكري
⭕نقص سكر الدم
⭕الإستقصاءات المخبرية للداء السكري
⭕الألبومين المكروي والببتيد C
⭕الحماض الكيتوني السكري

صح المحاضرة ضخمة نوعاً ما وفيها كتير معلومات بس بشكل عام متوسطة الصعوبة ومع الفيديوهات أكيد سهلة.

وهلق كرمال القسم، كرمال الكل مايراكم شي وبنفس الوقت ما يضغط عباقي المواد التي تعتبر أصعب وأضخم.
كل ما ينزل شرح محاضرة احضروه وبعدين قلبو المحاضرة تقليب حتى لو ماكتير معلومات علقت ببالكن مو مشكلة، وأهم شي لاتحلو دورات بعد كل فقرة، تركوهن للأخير بكون أفضل. ❤

وإلي ما بلش فيزيو يشوف الدكتور زين ❤
موفقييين جميعاااً
#????_???????? ♥

وآخيراً رسالة ختام رحلة هاد الفصل ❤

بدايةً ألف مبروك لجميع زملائنا الي تعبوا عالمادة وحبّوها وماكان فقط هدفهن العلامة، مع أنو عندي ثقة أنّ الكل بيستاهل لسا يجيب أكتر من هيك بكتير.
وحسب إطلاعي عباقي السنين بهدف التحضير، دفعتنا كانت الدفعة الأكثر تعمّقاً بالمادة، وأكتر دفعة ناقشت عن فهم و بطريقة علمية وقت السلم.

لهيك عنجد نحنا دفعة مميزة
وأول دفعة بتاريخ الكلية بتم قبول اعتراضاتها عالسلم "ولو سؤال واحد بس ?❤"

والشي الأهم، أنها الدفعة صاحبةً أعلى العلامات بتاريخ المادة ?

منجي للأهم ❤

كان هدفنا بالشرح نخلي المادة محبوبة مفهومة والكل يحب تفاصيلها، وبعدين تجي العلامة تكافئ تعبنا بالمادة ولو قليلاً

والحمدلله كان فيه كمية علامات بترفع الراس وبتخلينا فخورين ببعض ❤

مبروك للجميع وانشالله عقبال السريرية الكل يجيب اكتر واكتر ❤

ومبروك مخصوصة للدكتور الغالي جداً يلي كان معنا من بداية الشرح لنهايته، والغني عن التعريف أكيييد ، الدكتور علي ونوس صاحب أعلى علامة عنا ❤❤

وشكراً بكل لحظة للشخص يلي بضل مميّز وين ماكان وشو ما اشتغل الدكتور أصيد عنتر الي كان معي بهالرحلة الجميلة وانشالله منضل كل سنة نعمل شي مميّز وملفت وله أثر. ❤

طبعاً الصورة عبارة عن قلة قليلة من علامات زملائنا الي حبّوا وماكان عندن مشكلة نحطهن عالقناة بهدف تضل ذكرى، وأي حدا لازم يكون فخور بعلامته شو ماكانت تكون ويطمح للأعلى دائماً❤

ونأمل انو كنا خفيفين الظل وصاحبين أثر بهاد الفصل ❤

موفقين جميعاً وانتظرونا قريييييباً ❤

بعد ماصارت العلامات كلها رسمية وما طلع فيه غلط بالسلم.
(طبعاً أكيد فيه شي بس ما تم اكتشافه للأسف?)

ماحدا ينزعج بالعكس عادي، كل حدا عمل الي عليه وتعب عالمادة وحبّها بغض النظر عن النتيجة وحلول الأسئلة.

كلنا صرنا منعرف الصح وجاهزين نناقش فيه بعد تعبنا هالفصل. ❤

لهيك بتمنى ماحدا ينزعج والكل يكون فخور بعلامته شو ماكانت، إن كانت ٦٠ ولا ٩٨

وآخيراً بدون طول كلام ❤

بتمنى كل حدا استفاد من القناة بأي شي ولو برسالة او فويس يبعتلي علامته عمعرّفي @Ja3far_Z_Ahmad
أو عمعرّف أصيد @assiadantar

شو ماكانت العلامة تكون بعتوها وخلوكن مبسوطين فيها وخلوها تحدي كرمال تجيبوا اكتر منها بالسريرية.
رح نجمع العلامات بصورة نخليها ذكرى بالقناة❤

الكل يحاول يبعتلنا اليوم كرمال بعد المصطلحات ننزل بوست الختام ❤

موفقين جداااً غداً ❤❤

وهلق مع نهاية رحلتنا لهاد الفصل ⌛

كانت تحدي عظيم بالنسبة النا اتخاذ هيك قرار بشرح مادة عم ندرسها سوا
ونمشي فيه من البداية بتنظيم وخطة دقيقة و إنهاء كامل المادة بدون تقطيع او توقف، ونتطور بكل محاضرة عن سابقتها. ❤

طبعاً الحمدلله فخورين أنا وأصيد أنه قدرنا نكون مصدر مساعد بمادة تحتاج الفهم والتحليل لطلاب دفعتنا المميزين ❤

وطلعنا بتجربة جديدة مميزة، فيديوهات وفويسات قصيرة شاملة لكل المعلومات وكسبت ثقة دكتور المادة أولاً وعدد كبير من زملائنا ثانياً❤

فخورون بأنّه كان النا دور ولو بعلامة وحدة حيحصلها عدد كبير من زملائنا اليوم بسبب رسالة او فيديو او تسجيل او ملف. ❤

وأيضاً بأنَّ جميع أسئلة اليوم كانت مشروحة كاملةً، والأجمل أنَّ أسئلة آخر محاضرات الدسم جميعها ذُكرت بالفيديوهات والفويسات بحرفيتها بطريقة فهمية ونصحنا الجميع بعدم ترك أي محاضرة، عالأقل حضور فقط، واي شخص حضر حتى بدون مايدرسها عالورق قادر كان يجاوب عال13 سؤال الي وردت من آخر 3 محاضرات.❤

انشالله نكون قدرنا نتم عملنا عأكمل وجه
ونحفز الكل على فهم التفاصيل بحذافيرها وبعدها الإجابة على أي سؤال يواجهنا بدون بصم. ❤

وقبل الختام بدي اطلب طلب من كل حدا شاف ولو فيديو واحد أو تسجيل أو شاف شي بالقناة أنّه يفوت عرابط الصراحة هاد
http://t.me/SY8Bot?start=iRhhe100Sw

ويقلنا التالي (رأيه الصريح، تعليقاته بوَجهيها واقتراحاته، شيء كان من الممكن ان يرفع سوية الشرح أكثر، وتجربته القصيرة معنا ومدى الإفادة واختصار الوقت).
طبعاً الهدف من هالسرية التامة لنأكد عأنّه الترويج ونشر محادثات الشكر ما له داع وكرمال الشخص راحته مين ماكان.

طبعاً منشكر كل شخص دعمنا ووثق فينا ومنتمنى للجميع أعلى العلامات بغض النظر عن السلم شو ماكان يكون.

وآخيراً ❤

موفقين جميعاً بباقي المواد وانتظروا القادم بإذن الله ?❤

صباح الخير ❤

آخر محاضرة بعنوان البروتينات الشحمية نزلت عالقناة. (بدون الفوسفولبيدات لأنّها لم تشرح)

ومدَّققة من قبل الدكتور ✅.

الفيديو الأوَّل 8min
الفيديو الثاني 14min
الفيديو الثالث 8min

بالتوفيق ❤