فيد باك لجلسة الديتوكس:

أول شيء حابة أقوله: قبل الجلسة يمكن بأسبوع كنت حاسة جسمي مشحوون رغم اني أعمل له تمارين تفريغ ويوغا..
وسبحان الله قبل الجلسة بيومين انتبهت لها وتطلع فعليا زي ما أحتاج تطهيير ?

يوم الجلسة ما تيسر لي أسمع للساوند معاكم لكن فتحته عشان أستقبل فايدة التوقيت زي ما علمتينا..

وسمعت الجلسة اليوم الثاني قبل النوم (غاالبا مع الساوند أنام) ذاك اليوم حضرته كامل بس للأسف ما قدرت أطرد من راسي فكرة الموت ?

من أول الساوند غمر قلبي رضا عن حياتي وإني لو ما صحيت بكرة أنا راضية عن نفسي ومبسوطة..

- طبعا كل كم سنة تجي علي ليلة أحس فيها إني بكرة ما راح أصحى وبصراحة ما أكون حابة اني أموت .. أبغى أسوي أشياء ونادر أكتب وصية واذا كتبت أكتب تحذيرات وكيف تتصرفون في أغراضي وهذا ينحرق وهذا ينكسر ?

لكن مع الساوند ذاك اليوم أبد جاتني رغبة ملحة أكتب لهم وصية أعبر فيها عن امتناني لهم وقد ايه أنا ندمانه لأني ما بحت لهم بحبي أكثر.. و انهم يتصرفون كما يحبون في ممتلكاتي ..

وفعلا خلص الساوند وجلست ساعتين اكتب وبكيييت لدرجة الصداع .. بعدها بكم ساعة نمت..

صحيت عادي حطيت خلطة على شعري ? وبعدها طلعت العصرية للسطح وعلى أذان المغرب سويت تنفس مدته ٢٠ دقيقة .. تشنجت أطرافي كأني أول مرة أسويه وبكيت وجلست أتنفس عشان أخففه وزاد البكاء وصرت أتحرك حركات لا إرادية وأخبط نفسي وأتنافض بعد وقت وقفت بكاء وصرت ذبلااانه بالعافية أتحرك وجلست على الدرج وما زال وجهي وفمي يتحرك لا إرادي، وجلست أفكر ايش أسوي ايش يسهم لي؟
طبعا قبلها جاتني أفكار اني تعبت وطفشت وأبغى أموت خلاص (بس ما أبغى أنا أموت نفسي لا أبغاها من ربي) ?
وخفت وقتها أكتئب وأنا مش دارية .. فقررت اني أسأل شو يسهم لي وكذا؟
جات على بالي أفكار طبعا كثير وحلوة من ضمنها أصوم عن الكلام وكل الأفكار جاري تطبيقها بحول الله..

المهم بعدها نزلت أتروش وأنا قاعدة أفكر كيف أنتهي من الترويش بسلام لأن حيل ما في.. وبالفعل جلست على كرسي وتروشت وقررت أستشعر الموية وحرارتها وأتعمق بالإحساس ومو لازم أفكر ..

وخرجت من الحمام الله يعزكم بنفسية أحسن ونشاط خفيف.. ولبست فستان وردي يوم اخترته جلست أضحك قلت بس الحمدلله معناتي ما اكتئبت?
وسويت شعري ومشروب دافي لي وجلست على الكنبة لأول مرة أحس كل مادون جلدي ينبض لدرجة حسيت انه ملاحظ من كثر ما هو ينبض ..

وقبل النوم طبعا أخذت جولة بكاااء اخرى وفرغت بالكتابة ونمت .. والحمدلله كل يوم أحس نفسي أحسن ..

واليوم هو اللي حسيت أقدر أكتب فيه الفيدباك ??

طبعا أتوقع الضغوط اللي متراكمه علي هالفترة وما عرفت أتعامل معاها وصلت جسمي لهالمرحلة ..

لذلك ألف شكر لك أبلة خلوود على عطائك♥️
من فبراير العام وأنا معاك وهذا ثاني مرة يصير لي تنظيف عميق مو تنظيف قد ما هو نففض?
المرة الأولى من بعده وأنا غضبي على أخويا الحمدلله اختفى ?

عاد بإذن الله إنه خير كبير مستنيني ♥️

ما أدري بصراحة ايش أقول لك غير ربي يرزقك أضعاااف أضعاف هالخير ♥️?