Сауд Арабия билігі Германиядағы лаңкестік әрекетті айыптады, деп хабарлайды "Адырна" ұлттық порталы.
ТАСС дерегінше, Сауд Арабиясы Германия халқымен ынтымақтастығын білдірді.
"Сыртқы істер министрлігі Сауд Арабиясы Корольдігінің Германия Федеративті Республикасындағы Магдебург қаласында болған адамдарды қасақана қағу оқиғасын айыптайтынын білдірді. Қайғылы оқиға салдарынан бірнеше адам қаза тауып, жараланды", — делінген хабарламада.
Айта кетейік, 20 желтоқсан күні Германияның Саксония-Анхальт федералдық аймағындағы Магдебург қаласында шетелдік адамдарды көлікпен қағып кеткен болатын.

Алматыда намаз оқып, көшені жауып тастаған 30 адам әкімшілік жауапкершілікке тартылды, деп хабарлайды "Адырна" ұлттық порталы ҚазТАГ агенттігіне сілтеп.
«Құқық бұзушыларға ҚР ӘҚБтК-нің 614-бабының (көлік құралдарын қозғалысына кедергі жасау) талабын бұзған 30-дан астам адам әкімшілік жауапкершілікке тартылды", - делінген ПД хабарламасында.
Айта кетейік, 6 желтоқсан күні Алматыда тұрғындар жұма намазы кезінде жолды жауып қойған.

21 желтоқсан күні сағат 04:39-да Риддер ЖЭО таспалы транспортер учаскесінде жоспарлы жөндеу-монтаждау жұмыстарын жүргізу барысында жарылыс болды, деп хабарлайды “Адырна” ұлттық порталы.
Тозаңды ауа қоспасының жарылысы салдарынан алты адам зардап шегіп, ауруханаға жатқызылды. Олардың жағдайы тұрақты деп бағаланды.
Риддердің ішкі саясат бөлімінің ақпараты бойынша, ЖЭО штаттық режимде жұмыс істеп тұр. Риддердегі сыртқы ауа температурасы - 4 градусты көрсетіп тұр.
Оқиға орнында Шығыс Қазақстан облысының әкімі Ермек Көшербаев жүр.