قصيدة للزهراء لسان حال زينب عليها السلام

✧────⊱◈◈◈⊰─────✧

من عمت عين المنيه ماخذه أمي
خلت بكلبي حسرتي وزاد همي
أمي ماترجع بعد
ما محسبته أبد

ماخذه. أمي. ماخذه أمي

✧────⊱◈◈◈⊰─────✧

أمي راحت ونحرمنه بساع منهه
أمي بتراب الكبر غمض جفنهه
ليش مكسور الكلب عافت ابنهه
نامت امي بلترب
وأنه مكسورة كلب
من تضيك الدنيه ماالكاها يمي
ماخذه امي. ماخذه امي

✧────⊱◈◈◈⊰─────✧

عني شالت والگلب ماشي وراها
من عمت عينه الگبر مني خذاها
وضم عطرها والترب صاير غطاها
يحفر بگلبي أثر
لون خدها المنسطر
أعلية من رحتي يبمة ثگل هدمي

ماخذه أمي. ماخذه أمي

✧────⊱◈◈◈⊰─────✧

ثگلت همومي بغيابج يالحنينة
حتلو طيفج يزهرة يمر علينة
جنتي حته ابنومنه تشمين ادينه
وتالي نمتي عالثرة
وحشة يمة المگبرة
وهسة من بعدج يتيمة صاحو اسمي
ماخذه أمي. ماخذه أمي

✧────⊱◈◈◈⊰─────✧

عفتي بتج والزمن رايد سند
وانتي جنتي بدنيتي حزام وعمد
نذر انذر لو علية امي ترد
ورد انثر بالدرب
وامسح الدمع اليصب
الصار من بعدج ييمه هو سهمي
ماخذه أمي. ماخذه أمي

✧────⊱◈◈◈⊰─────✧

گبال عيني حملوو بيج ومشو
صحت بس خلوني اودع مارضو
بعد ماترجع يزينب بس حجو
جن خناجر مو حجي
واعتلى اعليها البجي
وباد من كثر البواجي يمة عظمي

ماخذه أمي. ماخذه أمي

✧────⊱◈◈◈⊰─────✧

تمت

خادمه أهل البيت العلويه فضيله هاشم الموسوي

ماذكرناه في عشره أيام.  رأته العقيله في يوم واحد 🚫 لا أجيز حذف الاسم وغير مبري الذمه من يتلاعب بالقصائد 🚫

أشتركو فيها فضلآ وليس أمرآ تجدون فيها كل ما هو جديد لشاعرتنا

قـصـيدة الى مـولاتناا فاطـمـة الـزهـراء (عليه السلام)

شـنـهي الـعـاجله ام حـسـیـن
بـلـیـل ارحـلـت سـکـتـه
❥❥ـــــــــــــ❁❂❁ـــــــــــــ❥❥

رد حـیـدر عـلـي مـوجـوع
وگـلبـه عـلـیـهـه ضـل مـفـجـوع
یـبـجـي وراسـه مـا مـرفـوع
شـصـایـر یـاعـلـي الـیـلـه

❥❥ـــــــــــــ❁❂❁ـــــــــــــ❥❥
مـاتـت فـاطـمـه الـیـلـه
یـتـیـمه ضـلـت الـعـیـلـه
زیـنـب ضـلـت انـحـیـلـه
حـمـلـه مـنـهـو ایـشـیـلـه
❥❥ـــــــــــــ❁❂❁ـــــــــــــ❥❥

یـمـه فـدوه ردیـلـي
رحـتي یـابـعـد عـیـنـي
ضـل یـبـجي تـره حـسـیـني
رجـعي یـمـه اعـلـیـنه
❥❥ـــــــــــــ❁❂❁ـــــــــــــ❥❥

صـارت دفـنـتـج بـلـیـل
ابـونـه بـعـد مابـي حـیل
یـمه اویـاج احـنه نـشیل
یتـامـه لا تخـلـینه

من ديوان?️ خادمة اهل البيت
ام علي أفضل الزينبي

https://t.me/omali1290

تعبانه خويه حسين اي تعبانه
ذبلانه من ضيم اليسر ذبلانه

-----------------------------------------

اجيت وللمحنه الروح مشتاگه
لفيت الكربله اونيت علناگه
اه يحسين يلمذبوح وفراگه
بعد چا وين اشوفك يمتى نتلاگه

يلجوه التراب أگعد لفيتك
ارد راسك الك وابچي بثنيتك
آنه ام عون بس باوع لاخيتك
نخيتك بالقصر هسه نخيتك

اگعد نريدك بس ترد ويانه
ذبلانه من ضيم اليسر ذبلانه

------------------------------------------

اجيت وكون الگه من التعب راحه
الينام اعله الدمع ما يهوى مصباحه
لفيت من السبي من ضيمه وجراحه
هلي ها ما گعدتو الغربه ذباحه

هايه آنه المشيت بغير حماي
هايه آنه الهلي ما راحو وياي
هايه آنه الكرهت بكربله الماي
هاي وهاي ذبحني بعد هاي

طريت سوگ الغربه زينب آنه
ذبلانه من ضيم اليسر ذبلانه

-----------------------------------------

يبعد الضيم كله وحرگت اخيامي
اروحن فدوه الك يلمنذبح ضامي
اجيت وشو لگيت اتراب گدامي
چا وين الهلا مو بادن عظامي

شنهي الصار وين اهل الدواوين ؟
آنه الرديت اصيح حسين يحسين زينب آنه اخيتك چفك منين ؟
أذب روحي اعله گبرك واشبع ونين

آذانه يا خويه الدرب آذانه
ذبلانه من ضيم اليسر ذبلانه

------------------------------------------

أذب روحي اعله گبرك وابچي علخوه
واصيح شتسوى بعدك دنيتي شتسوى
هوه حسين جوه الرمله اي هوه
ربي اليوم منك طالبه الگوه

ما يحمل دليلي وهايه الگبور
الماتو كل اهلهه بيوم عاشور
على التربان تشعل روحهه بخور
دله اتصب دمع وعيونهه تفور

صاحولي خويه الغربه بنت فلانه
ذبلانه من ضيم اليسر ذبلانه

-----------------------------------------

نرد لارض المدينه وهاي تاليهه
الطلعت وي كفيل ترد لاهاليهه
لا عباس بس الونه تحديهه
بس بيوت ظلت كلشي ما بيهه

بارض الطف دفنه اعزاز واخوان
ورجعنه وآه يا رجعت الدفان
يرد بس آخ يمشي بهيئة انسان
كل خطوه وتصيح انفاسه تعبان

يا كسرة اليرجع بلا خوانه
ذبلانه من ضيم اليسر ذبلانه

كلمات الخادم / رعد الفريجي
21 / محرم / 1446
ثوابها الى روح والدتي

غريبــــات    رجعنه الشام أذانه
وحيـــدات   بعد ياهو يتلكـــانه
يا عباس يحسيـــــن
شنهي الموت ميتين
غريبــــات  غريبــــات
،،،،،،،،،،،،،،،،،،،،،،،،،،،،،،،،،

رجعنه بيا وضع يخوان حيل اتغيرينـــــــه
من گد التعب والنوح علهزل غفيــــــــــنه
صعبه الكلمه من تنگال بس عالو عليـــنه
ها يخواني من السوط أذونه وخويـــــــــنه

مسافات::: طويله وراسك الرايه
يعباس ::: اريد احچيلك حچـايه
شتمو امي والديـــن
شنهي الموت ميتين
غريبات    غريبات

،،،،،،،،،،،،،،،،،،،،،،،،،،،،،،،

وسفه وبالچفوف احبال وين اهل الحميه
انه ام الخدر يحسين هيچ يصير بيـــــــه
اني بذمة العباس جيت الغاضريـــــــــــه
الف وسفه اردن ليك تعبانه وسبيه

بعد ويـــــن :: اذا تسألني شحچيلك ؟  
على النـوگ :: اجاوب خويه وابچيلك
يا ضيم البعيديـــــــن
شنهي الموت ميتين
غريبات ،، غريبات
،،،،،،،،،،،،،،،،،،،،،،،،،،،،،،،،،،

وصلنه لكربله وناديت ها يلفارگــــــــــــونه
سكنه تصيح عمه ارجوچ خلي نگعد ابـونه
عندي حچايه وي عباس خي فتح عيــــونه
عمي چفوفك اعلى الگاع غيرك شربــــونه

بالسيـــاط :::  ضربني واني عطشانه
الف اااااه :::  صحت عباس هاي انه
يعمي الماي چا وين
شنهي الموت ميتين
غريبات ،، غريبات

خلوني اعله گبر حسين واتلمس تــــرابه
باب الله شعجب مدفون ما يفتحلي بـــابه
اجيت وما اجت وياي ماتت بالخــــــرابه
ذيچ الحظنتك وتصيح لا تتركني بـــــــابا

عزيزه ::: ادري وداعت عيونك
  رساله ::: رقيـــــه تگلك شلونك 
شوگ اموات عدلين
شنهي الموت ميتين
غريبات ،، غريبات

،،،،،،،،،،،،،،،،،،،،،،،،،،،،،،

اروح اعله النهر والماي يخنگني من اشوفه
مو حسرة عطش والله بس فرگة جفــــــــوفه
هم عندك گلب يــــــــا ماي گمت اسال جروفه
لو عندك مثل عبــــــــــــاس تتحمل تعوفه ؟؟

تركته :::  بعدهه الصـــوره البالي
حسافه ::: اشوفه مگطع گبــــــالي
حگچ من تونيـــــــن
شنهي الموت ميتين
غريبات  :::  غريبات

،،،،،،،،،،،،،،،،،،،،،،،،،،،،،،،

ها يعيوني يا عبـــاس تدري عيـــــــــوني ظلمه
سوط  ودمعه لطم خـــدود واعرف والله زحمــه
اجيت وحيــــــــــلي طاح وياك بس ياهو أليلمه
من گبرك طلــع  دخــــــــان مـــــن دنگت اشمه

على الراح ::: يخويه الندم مــــــا ينفع
وانه وياك ::: التقينه ارواح بالمصرع
اخيرآ احنــه ماشين
شنهي الموت ميتين
غريبات    غريبات

لخادم الحسين /    رعـــد الفريــــجي

لا تبطين يلناگه
اريد اخواني مشتاگه
يم أهل الهله ،، اريد الكربله

------------------------------------------

اريدن يم هلي وديني تعبانه
اريد أوصل واصيح حسين هاي آنه
وكت خلانه مسبيات خلانه
وينك يلأخو بس گوم ويانه

تعبنه من البواچي ونظرة الغربه
عطشنه ومايهم ليهسه منشربه

ذكرنه الطف واهالينه
فوگ النوگ ونينه
اجيت امعلعله ،، اريد الكربله

----------------------------------------

اريد اوصل واشم اتراب خواني
رجعت الكربله ومديت ذرعاني
ها عباس ها يحسين هايه آني
يلمدفون اريدك كون دفاني

اجيتلكم واريدن ملگه للخوه
تراهه ابدونكم دنياي مو حلوه

هلرديت يلكافل
ما تسمع يبو فاضل
تلگى القافله ،، اريد الكربله

-------------------------------------

أذب الروح فوگ ترابهم وانعى
على الحزو وريده وكسرو ضلعه
على چفوف الكفيل الونه والدمعه
ها يخوان زينب مالكم رجعه ؟

شحچي وهالكلام الدمعه خانگته
بلوى المنذبح وتروح منه اخته

وايسموهه مسبيه
الگبل تتسمى علويه
الگلب رايد هله ،، اريد الكربله

--------------------------------------

اجيت من السبي عباس مهمومه
اريد اخوان تتلگاني مهضومه
واصيح حسين خويه امطول النومه
اختك من مصاب الشام ملچومه

اريد اهلي ابيارغ ويتلگوني
اريد چفوف تمسح دمعة عيوني

يا ونه المثل ونتي
وين الگال هاي اختي
اخيتي امدلله ،، اريد الكربله

-------------------------------------

اخذ حيلي التراب وحيل شابگته
يدافن طول اخوي اتريده عايلته
آخوي الچان امنه الزهره حاضنته
وسفه خيولهم بالحومه ساحگته

صبح تحت الرمال الچان حامينه
لموه بالحصيره شلون والينه

صحنه اهنا يوالدنه
اجينه من اليسر كلنه
يراعي المرجله ،، اريد الكربله

كلمات الخادم / رعد الفريجي
28 / محرم الحرام / 1446
ثوابها الى روح المرحومه والدتي

دخيلك سيدي
يأمي اوالدي
حسين وخدمتك
حياتي اومولدي

آنه دونك ما اصيرن مالي قيمه ولا أسم
انته نور عيوني أنته والاهم من المهم
شما أضيع الگاك يمي حتى باوقات الحلم
اقسم اعليك برقيه ايدي بيدك يا شهم

حظن دافي
گلب صافي
احس أيدك
على اچتافي

يبعد عيوني ذن
العلى مصابك بچن
يغالي وحضرتك
الي ديره أوطن

--------------------------------------

حسين يا بخت الطوايف يا ملوحة كل حچي
انته يا راحة گلبنه حتى باوقات البچي
العنده مثلك گلبه بارد ولو مثلك ما يجي
نخلي بيدك كل عمرنه وعلى دموعك ننتچي

حزن ينحب
يل إمجرب
يهل حاضر
عطايا الرب

اعز من الضنى
الربيع وموطنه
تفرقنه الشهور
وتلمنه بكل سنه

---------------------------------

راسي مرفوع بخدمتك گلبي لحروفك يدگ
كربلائي بكل وجودي وحضرة حسين العشگ
مولدي بشوفة ضريحك يم الجروح الصدگ
ياهوى الله المالي غيرك بس اعوفك اختنگ

وطن غالي
يدلالي
انه بدونك
بشر بالي

شگلك وانته ضي
ذبيح ولسه حي
يعطاي المراد
الك رافع أدي

-------------------------------

تنتهي الناس بحزنهه وانه من حزنك بديت
دوريتك وانته بيه وعن غرامك ما حچيت
حسين واسمك سر اللهي باول حروفك بچيت
وبالختام النون نعمه كل مرض منه شفيت

دوى جروحي
الك نوحي
ولا اعوفك
يسر روحي

بعيد ومقترب
هوى الجنه وتهب
احبك يا حسين
يلفراگك صعب

-------------------------------------

مالي غير الله ورحمته شما تمر بيه الشدد
وبعد عندي حسين حامي بساعة الماكو أحد
گبل لا ادخل ضريحك آسمع ( شعندك بعد )
تخلص ابابك حبيبي يلي تنطي بلايا حد

صدگ جنه
شوصفنه ؟؟
ابو الكلفه
ونعم منه

حبيبي وكافلي
ابن حيدر علي
يعنوان العراق
ولي من الولي

كلمات الخادم / رعد الفريجي

دعم مؤسسة منبريون الحسينية
#افضل قناة للنعي
https://t.me/+P0VV4bLqtzuKdcQS
#للاشتراك بالدعم @ahmed_alziwar0