🗣Ташкентте CENTRAL ASIA RETAIL WEEK Халықаралық Форумында Орталық Азия елдеріндегі бөлшек сауда мен электрондық коммерция саласындағы мемлекеттік реттеу тақырыбы бойынша пленарлық пікірталас өтеді.

Бұл іс-шарада Өзбекстан мен Ресейдің мемлекеттік органдарының сарапшылары тұтыну нарығын реттеу, елдер арасындағы сауда ынтымақтастығы, контрафактімен күрес және ЕАЭО мен Өзбекстанда өнімдерді таңбалауды енгізу мәселелерін талқылайды.

Пікірталастың модераторлары:
Иномжон Абдурахмонов, Өзбекстан Республикасы Инвестициялар, өнеркәсіп және сауда министрлігінің Сыртқы сауда департаментінің басшысы.

Никита Кузнецов, Ресей Федерациясының Өнеркәсіп және сауда министрлігінің ішкі сауданы дамыту департаментінің директоры.

Форумға Орталық Азияның барлық елдерінің өкілдері шақырылады, бұл ритейл мен электрондық коммерция саласында тәжірибе алмасуға және шешімдер іздеуге мүмкіндік береді.

Форумға тіркелу сілтемесі:
https://lk-asia2024.retailregistration.ru/reg/?utm_source=tg&utm_medium=link&utm_campaign=tengelife2

@Tengelifekz

ҚАЗАҚСТАНДАҒЫ НЕСИЕ ДЕМАЛЫСЫ: КІМДЕРГЕ ЖӘНЕ ҚАЛАЙ РӘСІМДЕУГЕ БОЛАДЫ?

Қазақстанда несие демалысы деген ұғым бар, бірақ ол ресми түрде несие төлемдерін кейінге қалдыру деп аталады.

Бұл төлем қабілеттілігі уақытша төмендеген жағдайда қарыз алушының несие төлемдерін кейінге қалдыруына мүмкіндік береді, әрі бұл оның несие тарихына кері әсер етпейді.

Дегенмен, "несие демалысы" термині Қазақстан заңнамасында бекітілмеген.

Кімдер несие демалысын ала алады?
• Әскери қызметшілер: Қазақстанда мерзімді әскери қызмет атқарып жүргендер үшін несие төлемдерін кейінге қалдыру мүмкіндігі қарастырылған. Бұл ҚР Қорғаныс министрлігі мен Қаржы нарығын реттеу және дамыту агенттігі арасындағы меморандумға сәйкес жүзеге асырылады.

• Қалған қарыз алушылар келесі жағдайларда несие демалысын ала алады:

- Еңбекке қабілеттілігін жоғалту (ауру немесе басқа себептермен);

- Жұмыстан босатылу;

- Жалақының төмендеуі;

- Күтушілер санының көбеюі (бала тууы, туысының мүгедектік алуы);

- Форс-мажорлық жағдайлар (өрт, су басу, табиғи апаттар және т.б.).

Несие демалысын қалай рәсімдеуге болады? Несие демалысын алу үшін қиын қаржылық жағдай туындағанда банкке жүгіну қажет.

Жағдайды растайтын құжаттарды (мысалы, аурухана парағы, жұмыстан босатылғаны туралы бұйрық) қоса ұсыну керек.

Банк өтінішті 15 күнтізбелік күн ішінде қарастырады. Егер банк өтінішті қанағаттандырмаса, Қаржы нарығын реттеу және дамыту агенттігіне шағым жасауға болады.

Дереккөз: the HODL

АЛМАТЫДА ЖЕҢІСТІҢ 80 ЖЫЛДЫҒЫНА ОРАЙ АРДАГЕРЛЕРГЕ ТӨЛЕМДЕРДІ ҰЛҒАЙТУ ЖОСПАРЛАНУДА

🗣Алматыда Ұлы Отан соғысының ардагерлеріне Жеңістің 80 жылдығына байланысты біржолғы төлемдерді едәуір ұлғайту мәселесі қарастырылып жатыр.

Қала әкімі Ерболат Досаев ардагерлер кеңесінің өкілдерімен кездесуде төлемдерді қазіргі 2 миллион теңгеден 5 миллион теңгеге дейін арттыру мүмкіндігі бар екенін мәлімдеді.

Сонымен қатар тыл еңбеккерлеріне төленетін соманы 50 мың теңгеден 100 мың теңгеге дейін ұлғайту көзделуде. Биыл ардагерлерге төлемдер 1 миллион теңгеден 2 миллион теңгеге дейін көтерілген болатын.

Қазіргі уақытта Алматыда 31 соғыс ардагері және 8 мүгедек ардагер тұрады.

@Tengelifekz

ҚАШАҒАН АКЦИОНЕРЛЕРІ ЭКОЛОГИЯЛЫҚ АЙЫППҰЛДЫ ӘЛЕУМЕТТІК ИНВЕСТИЦИЯЛАРҒА АЙЫРБАСТАУДЫ ҰСЫНДЫҚашаған жобасының акционерлері экологиялық айыппұлды әлеуметтік инвестицияларға айырбастауды ұсынды.

Bloomberg агенттігінің хабарлауынша, инвесторлар Қазақстан үкіметіне Қашаған кен орнында күкірттің көп мөлшерін сақтау бойынша туындаған экологиялық дауды реттеу туралы ұсыныстарын жіберген.

Олар 2 жыл ішінде әлеуметтік жобаларға $110 млн инвестиция салуды ұсынып отыр. Бұл қаражат Қашаған табысы есебінен бөлініп, өтелмейтін болады.

Сондай-ақ өңірлердің қажеттіліктерін қаржыландыру үшін әлеуметтік даму қоры құрылатыны ұсынылған. Бұл ұсынысқа сәйкес, мемлекет күкіртті сақтау мен қоршаған ортаға келтірілген зиян туралы талаптардан бас тартуға міндетті болады.

2014 жылы NCOC осындай жолмен «Астана ЭКСПО-2017» ұлттық компаниясына 2017 жылы өткізілген Дүниежүзілік көрмені қаржыландыру үшін $50 млн демеушілік көмек бөлген болатын.

Ақпарат көзі: https://t.me/oilgazKZ

Жоғарыдағы ақпаратқа “Bank RBK” ресми түсініктеме берді. Банк сату туралы ақпараттың шындыққа жанаспайтынын хабарлайды.

Қазіргі уақытта Банк және оның акционері қаржы институтының акцияларын, соның ішінде ForteBank-ке сатуға қатысты келіссөздер жүргізіп жатқан жоқ, деп ресми хабарлама жасады.

«Күміс жас»: 50 жастан кейін қалай жұмыс табуға болады?

Көпшілік білмейді, бірақ Қазақстанда 50 жастан асқан адамдарға арналған арнайы жоба бар: «Күміс жас».

Бұл жоба жұмыс беруші тарапынан жұмыс орнының құрылуын және 50 жастан асқан, бірақ зейнет жасына жетпеген жұмыссыздарды жұмысқа орналастыруды көздейді, оларға төленетін жалақының бір бөлігін мемлекет субсидиялайды.

Жүйе былай жұмыс істейді: жобаға қатысатын жұмыс беруші 50 жастан зейнет жасына дейінгі жұмыс іздеушілерді тартады. Мұндай жұмыс орнындағы жалақыны жұмыс беруші белгілеп, төлейді, бірақ оның бір бөлігі мемлекет тарапынан өтеледі:
✅ алғашқы 12 айда — жалақының 70%-ы;
✅ 13 айдан 24 айға дейін — жалақының 65%-ы;
✅ 25 айдан 36 айға дейін — жалақының 60%-ы, бірақ 30 айлық есептік көрсеткіштен (АЕК) аспайды.

Жұмыс ұзақтығы кемінде 36 айды құрайды, осы мерзімнен кейін қатысушыға тұрақты жұмыс орны кемінде 1 жылға немесе зейнет жасына жақындаған азаматтар үшін зейнетке шыққанға дейін беріледі. Еске сала кетейік: 2024 жылы зейнет жасына жақындаған әйелдер үшін 59 жас, ал ерлер үшін 61 жас.

➡️ Жобаға қалай қатысуға болады?

Алдымен жұмыссыз ретінде тіркелу қажет. Мұны онлайн режимінде Енбек және eGov порталдары арқылы немесе офлайн режимінде жұмыспен қамту орталығы арқылы жасауға болады. Жеке куәлік қажет, ал онлайн тіркелу үшін ЭЦП кілті қажет.

Жұмыссыз ретінде тіркелгеннен кейін, тұрғылықты жері бойынша жұмыспен қамту орталығына қатысу үшін өтініш беру керек. Өзімен бірге:
✅ жеке куәлік;
✅ еңбек қызметін растайтын құжат (бар болса);
✅ білім туралы құжат (бар болса) қажет.

? Жұмыспен қамту орталықтарының байланыстарын сілтеме арқылы табуға болады.

Және дәстүрлі түрде біраз статистика: 2024 жылғы 26 маусымдағы мәліметтер бойынша «Күміс жас» жобасы аясында 15,6 мың адам жұмысқа орналастырылды. Биыл жоба аясында барлығы 19 060 адамды жұмысқа орналастыру жоспарлануда.

Ең көп жұмысқа орналасқандар саны Түркістан (2,3 мың адам), Жамбыл (1,5 мың адам), Қарағанды (1,1 мың адам) және Алматы (1,1 мың адам) облыстарына тиесілі. Жобадағы әйелдердің үлесі 54,8% немесе 8,6 мың адамды құрайды. Қатысушылардың ішінде ауыл тұрғындары – 9,3 мың адам немесе 59,8%.

Жобаның республика бойынша орташа жалақысы 136,2 мың теңгені құрады, ең жоғары көрсеткіштер Шығыс Қазақстан (200,3 мың теңге), Қызылорда (180 мың теңге) облыстарында және Астанада (177,7 мың теңге), ал ең төменгі көрсеткіштер Батыс Қазақстан облысында (100 мың теңге) және Алматыда (98,8 мың теңге) байқалды.

the HODL

?Тұрғын үйді өрт пен басқа да оқыс оқиғалардан сақтандыру қанша тұрады?

Астанадағы Хан Шатырдың маңындағы тұрғын үйдің жанып жатқанын көбіңіз көрген шығарсыздар. Ал бүгін әкімдіктің ресми жауабы шықты, олар үйді бюджет есебінен қалпына келтірмейміз дейді. Сондықтан біз осы жазбада тұрғын үйді сақтандыру бойынша бар тапқан ақпаратымызбен бөлісуді шештік.

Жедел сақтандыру бойынша ұсыныстар көп. Оның мәні мынада: сіз өз пәтеріңізді немесе үйіңізді өрттен, сұйықтықтардың әсерінен, қарақшылықтан, дауыл мен басқа да табиғи апаттардан көп шығын шығармай-ақ сақтандыра аласыз (жылына 15-23 мың ₸ аралығында). Тек жөндеу жұмыстары мен тұрғын үйдің өзі ғана емес, сонымен қатар техника, сондай-ақ көршілер алдындағы жауапкершілік те сақтандырылады (егер олар сіздің кесіріңізден зардап шексе, оларға да сақтандыру сомасы төленеді). Ерекшелігі — рәсімдеу көп құжатты талап етпейді, әрі онлайн режимде жүзеге асады. Көптеген ұсыныстарда полисті ай сайын төлеуге болады.

Бағасы мен төлем құны қанша?
• Halyk — жылына 15 000₸. Пәтер мен жеке үйді сақтандыруға болады. Бүлінген жөндеу мен техника үшін 1 250 000₸-ге дейін және көршілерге төлеуге 625 000₸-ге дейін төлем қарастырылған. Толығырақ Halyk қосымшасындағы «Сақтандыру» бөлімінен біле аласыздар.

• Home Credit Bank — жылына 17 000₸ (пәтер немесе жеке үй). Жалпы төлем 3 млн ₸-ге дейін: зақымдалған жөндеу жұмыстары, техника мен көршілерге төлеу үшін 1 млн ₸-ден. Толығырақ сілтемеде.

• Freedom — жылына 13 200₸-ден 60 000₸-ге дейін (ай сайын бөліп төлеу). Төлем неғұрлым көп болса, сақтандыру төлемі соғұрлым жоғары. Минималды түрде — 2,2 млн ₸-ге дейін (оның ішінде 1 млн ₸ — жөндеу жұмыстарына, 600 мың ₸ — техникаға және 600 мың ₸ — көршілерге) және максималды түрде — 12 млн ₸-ге дейін (5 млн ₸ және тиісінше 3,5 млн ₸-ден). Толығырақ сілтемеде.

• Nomad — ПреИмущество тарифі бар. Құны жылына 4000₸-ден 20 000₸-ге дейін. Таңдауға бір, үш және бес млн ₸-лік сақтандыру төлемі бар үш пакет ұсынылады.

• НСК — таңдауға үш пакет ұсынылады: жылына 6279₸ тұратын сақтандыру — төлем 1 млн ₸-ге дейін, жылына 18 837₸ тұратын сақтандыру — төлем 3 млн ₸-ге дейін және жылына 31 395₸ тұратын сақтандыру — төлем 5 млн ₸-ге дейін.

• Еуразия — пәтерлер мен үйлерге арналған Smarthouse тарифі бар. Сақтандыруға қоса алатын немесе алып тастай алатын қосымша опцияларды есепке ала отырып, сайттағы мына калькуляторда жеке есептеледі. Тек өрттен қорғайды. Сентрас иншуранста да осылай.

Қосымша: егер аталмыш сомалар жеткіліксіз болса, онда баспананы бағалаушыны ертіп барып, тұрғын үйді толық құнына сақтандыруға болады. Мұндай опция Nomad, НСК мен Еуразияда бар. Бірақ ондағы төленетін жылдық сома жоғарыда көрсетілгендерден едәуір көп. Ал егер жер сілкінісінен сақтандырылғыңыз келсе, мұндай опция Nomad (байланыс орталығы: 2233) пен Еуразияда (5678) бар.

Егер тұрғын үйді сақтандыру бойынша тәжірибеңіз болса (немесе жазбаны толықтыратын ақпаратыңыз болса), оның нәтижесімен пікірлер бөлімінде бөлісе отырсаңыздар.

Дереккөз: Тиімді Қазақстан