ئەم هەوەس بازانە جێی متمانە نین !

هێمن

**ئەگەر کچێکم هەبێت...

ئەوەندە ناڵێم لەکوێ بوویت؟
بۆ کوێ ڕۆشتیت؟
ناڕۆمە ژورەکەیەوە
کەلوپەلەکانی ژێرەوژوور ناکەم؛

بەڵام بەیانیان
سەیری سەرینەکەی ئەکەم بزانم تەڕ نییە
کەسێک شەوان دڵی نەڕەنجاندووە!

✰بەختیار عەلی✰**

ئاواتی دووری ...
شێعر: م. گۆران
بە دەنگی: حەمەی نێرگز

‌
شینم گەلێک گێڕا و شادیم کەم دیوە
خۆشی دەڵێن هەیە، بەڵام نەمدیوە
هەڵوەدا بووم لە دووی پەری ئازادی
تووشی نەبووم نە لەودیو نە لەمدیوە
«مامۆستا هێمن»

که باسی ماچی تۆ دەکەم
چی هەنگوێنه، دەبێ به تەم!
که باسی پرچی تۆ دەکەم
هەتاو پرچی خۆی لوول دەکا و
به جێ دەهێڵێ ژوورەکەم!
کە باسی باڵاشت دەکەم
چی عەرعەر و سنەوبەرە
زیز دەبن و
یەک له دوای یەک
بەجێ دەهێڵن باخچەکەم...!

❣لەتیف هەڵمەت"

مانای یاسا
لە گشت جیهان
یانی حورمەت
یانی شکۆی بەرزی ئیسان!

لە خاکی من؛
یاسا یانی سووچ و تاوان!

#ک_د_ئازاد

ئەم سەردەمە
چەرخی دەردە
سەدەی تەنیایی ئینسانە
لە پانتایی ئەم کەویرە پان و پۆڕە
تۆ ئەو ئاسکە سەرگەردانەی
خێڵی ڕاوچی
لەسەر چارەنووست دەدوێن.
بڕیار دەدەن
بازنەی گەمارۆ کات بە کات
تەنگتر دەبێ
لە هەر لاوە دەسڕێژ دەکەن!
تۆ نازانی لە کام لاوە
لە دۆزەخی تەنیاییدا
لاشەت دابێژ دابێژ دەکەن

جا ڕەشەبا چی لە دەس دێ؟
ئەگەر دارەکان بشکێنێ
خۆ ڕەگەکان هەر دەمێنێ
گەر چراکان بخنکێنێ خۆر دەمێنێ

#لەتیف_هەڵمەت

*? چیرۆکی: زێنەب و شتی تریش
? لە کتێبی #پەتاتەخۆرەکان *✍?** #فەرھاد_پیرباڵ
http://t.me/Farhad_pirbal_official