أبوذيات

في أحزان السيده #ام البنين

معاي ابهالمسا اتمنى وألمكم (اضمكم)
ثجيل وروحي يمردها ولمكم (ألمكم)
اودي اويه الهوا اعتابي ولمكم (ألومكم)
ييمه اجنازتي منكم خليه
———-
تمنيت الموت وياكم وردته (اريده)
ولا مرار االفرگه أضوگنه وورَدْتَّه ( ورد اتى ودخل فيه )
ابٌزَهوْ اسنينكم يمه ووردتَه (الورد والزهور)
تشيلون وذبل قلبي اللي بيه
——-
*✍️#* #بنت_الشمري

استشهاد السيدة الطاهرة #أم_البنين عليها السلام#مجاريد **:

اتمنيتكم يُمه تجـــوني
وساعة منيتي اتغمضوني
والگبري يَيُمه اتشيعوني
ووسط التراب اتنزلــوني
يولادي چانت من اظنوني
لو لحظه تنظركم اعيـوني
مو وحدي بعدكم تتركوني
____#فاطمة_كريم ٢٠٢٤ م**

*▪️راية احزانه▪️***

في استشهاد الامام العسكري عليه السلام

بيت الهاشمي هليوم رافع راية احزانه
شال العسكري مسموم خالي هلمسا امچانه
————

نوح وفرگه واموادع ماتنحمل هالليله
شايل ياجبير البيت شال امعدل الميله
ماكمّل ثلاث اعقود ليش وهدّموا حيله
وابورد العمر توه المن هالدهر خانه
————
ياشيعه ثمان ايام املوّع سمّه اكليبه
روحه تنازع وتطلع يا معظمها لمصيبه
ويايوم الوداع اشلون كلشي ينادي بِمْغيبه
ظلمه والحزن خيّم اختلفت هلمسا الوانه
————-
شايل وابورد عمره ويلي حسرة اشبابه
ينعونه ابونين ونوح اوليده واهله واحبابه
اشلون ايجهّزه المهدي وگلبه يجرحه اغيابه
وحده ويلي ايعوفه وروحه الروحه لهفانه
——-
بعده لاحضن يلگاه بعده الوحده چتاله
بعده تبتدي الغيبه وحمله ايشيله إلحاله
الله ايعينه من غسّل ابوه وللقبر شاله
وسد بيده الغالي وبيده حلّه إلثامه
——
بس ياويلي عالمذبوح ناره تجوي مستعره
ذبحوه والف مره من گبل يحز نحره

واتروح وترد لخيول عشره اتكسّر ابصدره

مايشبه مصابه امصاب روحه ابهمه رويانه
———
#بنت_الشمري

رابط استشهاد الامام العسكري

https://t.me/c/2189065579/41

مكتبة بنت الشمري

https://t.me/+INNbAljAHK42MTI8

Telegram

✍️مكتبة قصائد بنت الشمري📚

ياهلالا غائبا عن كل عين

نعي
لشهادة الامام العسكري عليه السلام

اشحاله المنتظر ياناس هليوم
عينه تهل او گلبه مالوم
الغالي شال وخله الهموم

شال وفطر مني الگلب
يا راعي الوجه العذب
يا شيعه وافراگه صعب

ظلمه الليالي بدون عينه
راح وغدت ظلمه المدينه
وطيبه على فگده حزينه

ذكرنه گعدته وعزنه ودلاله
ذكرنه اسوالفه وهيبة جلاله
شفته يون مترادي حاله
—————-
فائزي

شايل يشيعه هالمسا والدي الغالي
ابن النبي المصطفى يا ويل حالي

هالليله ظلمه وموحشه من غير الايام
شايل عزيزي وبالترب خلاني ونام
مسموم من بعد الصبر وايروح منضام
منضام ياشيعه ورحل والدمع هالي

عاش السنين ابكل الم ويروح مسموم
فوق الهموم واغربته زوًدنه اهموم
گلبي ابرحيله منفطر وابهمه ملچوم
وحشه المدينه ومنزله ينعاه خالي

نزلته بيدي للترب واشلون ليله
بيها تون كل الحرم ماالها حيله
لكن يايوم ابو علي ماكو مثيله
ظلن حريمه بالفلا من دون والي
————-

الفراق

آيبويه. عني شايل هلمسيه
آيبويه. اعليك دمعاتي جريه
آيبويه. صعبه لحظات المنيه

آيبويه. ينعه بيتك والله خالي
آيبويه. والدمع ابحرگه هالي
آيبويه. سوده بعدك هالليالي

آيبويه. ماشي وامخليني وحدي
آيبويه. تدري بس انت اللي عندي
آيبويه. موحشه وأتلگه وعدي

آيبويه. دنيتي الفگدك حزينه
آيبويه. تنحب اعليك المدينه
آيبويه. اظْلّمت ابفگدك علينه
—————
تمت بحمد الله تعالى
بقلم بنت الشمري

مكتبة بنت الشمري

https://t.me/+INNbAljAHK42MTI8

رابط استشهاد الامام الحسن العسكري عليه السلام عبر المكتبه

https://t.me/c/2189065579/41

Telegram

✍️مكتبة قصائد بنت الشمري📚

ياهلالا غائبا عن كل عين

#الأنصار
نعي

الك يبن الزچيه العمر منذور
من گبل الحياة وگبل إلدهور
نفديلك عمر نفديلك انحور
ودمنه اعلى حبك يظل مهدور

يخيرنه وابد ماغيره نختار
لابن الزجيه ونفدي الاعمار
من گبل الدهر سجلنه انصار
اجنود الايمه جنود الاطهار

———

ابجي يا زينب عالميامين
خلوا اخيج ماله امعين
فوق الثرى كلهم امنومين
ابجي يخيه ولاتفترين
اوياهم الي شويه وتفگدين
شبوا دليلي خيه نارين
ماظن مثلهم والله تلگين
———-
#بنت_الشمري

#جديد#الأنصار طور : جاوبني يا عليhttps://youtu.be/pG7w5cv2zmE?si=iPifVqRURi3Wd16D **.
.
يا بو علي معاك
كل العمر فداك
حاشه نظل وراك
مولانه يا حُسين

يالما إلك مثيــل
نُعوفك مستحيل
فاز الصُبح قتيل
فِداءك يا حُسين

بينه شنهو اليمر
هيهات او نعتذر
نفديــلك العمــر
مولانه يا حُسين

كلشي إلك يهنون
ويِحله لنه المنون
وابنصرتك نكون
مُنانه يا حُسين

وابأرض الملحمه
نتخضب ابدمه
ونسعدها فاطمه
نتمنى يا حُسين
_____
تمت ببركات مولاي الحسين عليه السلام#فاطمة_كريم ٢٠٢٤ م**https://t.me/qasaidfk128