ဘဝမှာ ISO Certified QMS တွေထဲ၊ Audit တွေထဲ၊ Recertification တွေထဲ၊ Annual Review တွေထဲပါဝင်ပါတ်သက်ခဲ့ရဖူးခဲ့ပေမယ့် ဒီတကြိမ်ဟာအမြိုင်ဆုံး အားအရဆုံးပါဘဲ။ Management ကယုံကြည်မှုအပြည့်နဲ့ CEO ကိုယ်တိုင်စာထုတ်ပြီး “Management Representative” အဖြစ်တရားဝင်ခန့်ထားပေးခဲ့ပါတယ်။ ကိုယ်တိုင်လည်း QMS ကြီးတခုလုံးကိုထမ်းပိုးပေးထားတဲ့ SOP တွေအားလုံးရဲ့ ၉၀% ကျော်ကိုတယောက်ထဲရေးခဲ့ပါတယ်။ Umbrella SOP အခုလေးဆယ်ရှိပါတယ်။ Trade SOP အခုနှစ်ရာကျော်ရှိပါတယ်။ Work Instruction & Forms တထောင့်နှစ်ရာကျော်ရှိပါတယ်။ အဖွဲ့အစည်းဟာ ၁၉၈၅ ကထည်းကထူထောင်ခဲ့ပြီး အရင်ကတည်းက BS Standard နဲ့လာခဲ့တာမို့ ဖရိမ်အကြမ်းရှိပြီးသားပါ။ ဒါဟာအတော့ကိုအထောက်အကူရတဲ့အချက်ပါဘဲ။ တနှစ်ခွဲအတွင်း ISO Training အခုသုံးရာကျော်ဆောင်ရွက်ပေးခဲ့ပါတယ်။ Internal Audit နှစ်ကြိမ်၊ External Audit နှစ်ကြိမ် မှာ Audit Team တွေနဲ့ပူးပေါင်းဆောင်ရွက်ပြီး နှိုက်နှိုက်ချွတ်ချွတ်အစစ်ဆေးခံပေးခဲ့ပါတယ်။ Audit အဝင်ခံရတဲ့ကာလတွေဟာ စိတ်ဖိစီးမှုအပြင်းထန်ဆုံးအချိန်တွေပါဘဲ။ ဘယ်လောက်ကောင်းအောင်ဘဲလုပ်ထားလုပ်ထား ချွေးပျံဖွယ်ရာမေးခွန်းတွေကတော့ရှောင်မရခဲ့ပါဘူး။ ကိုယ်ညံ့ရင် ကိုယ့်အဖြေတွေ၊ တင်ပြပုံတွေဟာ အဖွဲ့အစည်းရဲ့ရောင်ပြန်ဖြစ်သွားမှာမို့ အတော်လေးကိုကြိုးစားခဲ့ရပါတယ်။ အဖွဲ့အစည်းတိုင်းဟာဘုရားလောင်းတွေနဲ့ဖွဲ့စည်းထားခြင်းမဟုတ်တာမို့ စုန်းပြူးဝန်ထမ်းတွေကလည်းတပိုင်တနိုင်ဒုက္ခပေးကြပါသေးတယ်။ ဒါတွေကတော့ MR တယောက်ရဲ့ဖြတ်သန်းမှုတစေ့တစောင်းပါ။

ချုပ်ရရင် နိုင်ငံတကာကိုထိုးဖောက်မယ့်ထုတ်ကုန်ပစ္စည်းတခုဒါမှမဟုတ်အများကိုရည်ရွယ်ရင် ISO Certified QMS ဟာမရှိမဖြစ်လောက်ကိုအရေးကြီးပါတယ်။ အဖွဲ့အစည်းကိုတော့ ISO အပြီးနောက်တဆင့်အနေနဲ့ Product Quality အတွက် Six Sigma Project တွေလုပ်မယ်လို့တင်ပြထားပါတယ်။ အဲ … ၂၀၂၅ မှာ Project အတွက် Budget တွေချပေးခဲ့မယ်ဆိုရင်ပေါ့လေ ….. ။ ။

လေးစားလျက်
ကိုထင် (ခ) လင်းမြတ်

အိုင်ဆိုနဲ့ကျနော် ***(တော်လှန်ရေးနဲ့မဆိုင်ပါ၊ မဖတ်လိုကကျော်သွားပါ။)

ဒီနှစ်အောက်တိုဘာကုန်ခါနီးကတည်းက အလုပ်ထဲမှာ Vibes ကောင်းကောင်းတွေရနေခဲ့တယ်။ အထူးသဖြင့် အိုင်ဆို (ISO) လက်မှတ်ယူဖို့ သုံးရက်ဆက်စာရင်းစစ် (Audit) ဝင်တဲ့အချိန်မှာ ပြဿနာကြီးကြီးမားမားမရှိလိုက်ဘဲနဲ့ အောင်အောင်မြင်မြင်ပြီးဆုံးသွားခဲ့ခြင်းလိုမျိုးပေါ့။ အဖွဲ့အစည်းဟာ Biochemical Engineering အလုပ်တွေလုပ်တာမို့ လိုအပ်ချက်တွေဟာ ပုံမှန် QMS ထက်ပိုမိုကျယ်ပြန့်ခဲ့ပါတယ်။ ဒီကြားထဲမှာ Management ရဲ့ညွှန်ကြားချက်နဲ့ ဆောင်ရွက်ဆဲလုပ်ငန်းစဉ်ကို Quarter သုံးခုစာလောက်ရပ်ထားပေးလိုက်ရသေးတာမို့ အစအဆုံးကြာမြင့်ချိန်ဟာ (၁၈) လလောက်ရှိသွားခဲ့ရတယ်ပေါ့လေ။ အခုတော့ အဖွဲ့အစည်းလည်းလက်မှတ်ရ၊ ကိုယ့်ခေါင်းပေါ်ကဝန်ထုပ်ဝန်ပိုးလည်းပေါ့ပါးသွားခဲ့ပြီပေါ့။ ISO certified QMS အကြောင်းသိလိုသူတွေ၊ လက်မှတ်ရယူလိုသူလုပ်ငန်းရှင်တွေအတွက် အတိုင်းအတာတရပ်အထိသိမြင်နိုင်ကြရန်အလို့ငှါတို့ထိရေးသားမှာမို့ ဒီပိုစ့်ကို knowledge sharing လုပ်တဲ့စာစုလို့ မှတ်ယူနိုင်ကြပါတယ်။

နိုင်ငံကြီးတွေဟာ သူတို့တိုင်းပြည်ထဲကကုန်ထုတ်လုပ်ငန်းများကို စည်းစနစ်တကျစံသတ်မှတ်ချက်များနဲ့အညီ နိုင်ငံတကာကလက်ခံလာစေဖို့ကြိုးပမ်းလေ့ရှိကြပါတယ်။ အဲသလိုကြိုးပမ်းတဲ့အခါမှာသူတလူငါတမင်းဆောင်ရွက်ခြင်းမျိုးမဟုတ်ဘဲ ခိုင်မာတဲ့အဖွဲ့အစည်းတွေတည်ထောင်ပြီး နိုင်ငံကိုကိုယ်စားပြုစေပါတယ်။ အမေရီကန်ပြည်ထောင်စုမှာတော့ စံသတ်မှတ်ချက်များနဲ့သက်ဆိုင်လာရင် ANAB (ANSI National Accreditation Board) ဆိုတဲ့အဖွဲ့အစည်းက ဒီတာဝန်ကိုဆောင်ရွက်ပေးပါတယ်။ ဒီအဖွဲ့ဟာ IAF (International Accreditation Forum) လို့အမည်ရတဲ့နိုင်ငံတကာအဖွဲ့အစည်းနဲ့ချိတ်ဆက်ပြီးအလုပ်လုပ်ပါတယ်။ တနည်းအားဖြင့် စံသတ်မှတ်ချက်တွေနဲ့ပါတ်သက်ပြီး ကမ္ဘာလုံးလွမ်းခြုံချိတ်ဆက်ထားတဲ့ကွန်ယက်ကြီးပေါ့လေ။ (ဒါကြောင့်မျက်မှောက်ခေတ်ကမ္ဘာကို ရွာတခုလိုတင်စားကြတာပါ။ ကကျိုးကကြောင်လုပ်တဲ့ကောင်တွေကို သပိတ်မှောက်၊ ပိတ်ဆို့၊ အရေးယူတာမျိုးလုပ်လာရင် အဲသလိုအလုပ်ခံရတဲ့တိုင်းပြည်ဟာ အကျဉ်ခံရသလိုဖြစ်တာကြောင့် အင်မတန်နစ်နာရတတ်တာမျိုးဖြစ်ပါတယ်။ ဒါကြောင့် နိုင်ငံတကာကနေ ကိုယ့်တိုင်းပြည်ကိုအရေးယူတာမျိုးမခံရအောင်လို့ အုပ်ချုပ်သူအစိုးရများဟာ လိမ္မာရေးခြားရှိဖို့ အလွန်အရေးကြီးပါတယ်။ ဤသည်ကား စကားချပ်ပါလေ။) ဥပမာအားဖြင့် ကျနော့အဖွဲ့အစည်းကိုလက်မှတ်ပေးဖို့အတွက် IAF ပဋိဉာဉ်တွေ၊ စံသတ်မှတ်ချက်တွေနဲ့ညီ-မညီ ANAB အသိအမှတ်ပြု Audit Firm တခုခုကစစ်ဆေးအတည်ပြုပေးရတယ်ပေါ့။ ဒါက လက်မှတ်ချပေးတဲ့လုပ်ငန်းရဲ့သဘောသွားပါ။

ကျနော့ရဲ့အဖွဲ့အစည်းအနေနဲ့လက်မှတ်လိုချင်ပါတယ်၊ ဘာလို့လည်းဆိုတော့ လုပ်ငန်းရဲ့ Reputation ကောင်းဖို့ပါ။ “ဟေ့ … ငါ့ကုမ္ပဏီ QMS က ISO Certified ကွာ့” ဆိုရင် Quality နဲ့ပါတ်သက်ပြီးစျေးကွက်ထဲမယ် လက်မထောင်နိုင်ပါတယ်။ စရိတ်အပိုင်းကျတော့ အပြင် Consultant အဖွဲ့တွေငှါးရင် ဒေါ်လာလေးငါးသောင်းကုန်မယ်၊ Internal-External Audit တွေအတွက်ကလည်း တသောင်းခွဲနှစ်သောင်းလောက်ကသွားဦးမှာဆိုတော့ စျေးတွက်ကောင်းတဲ့ Management အနေနဲ့ ကျနော့ကိုခန့်လေသတည်းပေါ့။ ISO အတွက်လည်းသုံးလို့ရမယ်၊ တကယ့် QMS အစစ်ကိုလည်းထောင်နိုင်မယ်၊ QMS ကိုစောင့်မယ့်ကောင်လည်းရသွားမယ်၊ အခြားဝန်ထမ်းတွေအတွက်လည်း ISO Training အတွက်ပူစရာမလိုဘူး၊ ကုမ္ပဏီရဲ့ Process & Product Quality တွေအတွက်လည်းစဉ်ဆက်မပြတ်အကြံဉာဏ်တွေရမယ်၊ Client Visit တွေဆိုလည်း QMS နဲ့ပါတ်သက်လာရင် ‘ဂတုံးလာစမ်း ငါတို့ကိုယ်စား မင်းပွါးပေတော့’ ဆိုပြီးခိုင်းလို့ရပါသေးတယ်။ ဒါကတော့ အဖွဲ့အစည်းဖက်ကရခဲ့တဲ့အကျိုးအမြတ်ပေါ့လေ။ လိုချင်တဲ့အနေအထားရသည်အထိ ဂတုံးရစ်တဲ့ဒဏ်ကို Trade Employee တွေခံရတာကတော့ မဖြစ်မနေပေးဆပ်ရတဲ့အရင်းအနှီးတွေထဲကတခုပေါ့။

ဗျူဟာ *
ကိုးကန့်ခေါင်းဆောင်ကိုစိနကဖမ်းတယ်လား??? လွယ်လွယ်လေး၊ ကိုးကန့်အဖွဲ့အနေနဲ့ NUG နဲ့ပေါင်းပြီးတိုက်ပွဲကိုဆက်၊ စိနကိုလှန်ပြလိုက်ကြ !!!!!

လေးစားလျက်
ကိုထင် (ခ) လင်းမြတ်

ဒီပဲယင်း နဲ့ ၂၁ နှစ် ****လွန်ခဲ့တဲ့ ၂၁ နှစ်ကျော် ၂၀၀၃ မေ (၃၀) မှာ လူထုခေါင်းဆောင်ဒေါ်အောင်ဆန်းရဲ့စည်းရုံးရေးယာဉ်တန်းဟာ ဒီပဲယင်းမြို့နယ်အတွင်းမှာ စစ်အစိုးရရဲ့လက်ပါးစေများရဲ့ အကြမ်းဖက်တိုက်ခိုက်ခြင်းကိုခံခဲ့ရပါတယ်။ အမိန့်ပေးသူ သန်းရွှေ (ခ) ခွေးဘီလူး၊ မြေပြင်စစ်ဆင်ရေးမှူး စိုးဝင်း (၂၀၀၇ မှာသွေးကန်ဆာရောဂါနဲ့သေဆုံး) နဲ့ အဓိကပါဝင်ပါတ်သက်သူ အောင်သောင်း (လက်ရှိ စစ်ကောင်စီ ရေချုပ်ဟောင်းမိုးအောင်ရဲ့အဖေ) တို့ ပဓါနကျတဲ့အခန်းကဏ္ဍကနေ ပါဝင်အသုံးတော်ခံခဲ့ကြပါတယ်။ အကြမ်းဖက်သမားများရဲ့တိုက်ခိုက်မှုကြောင့် အပြစ်မဲ့ပြည်သူ ၂၀၀ ကျော်တိမ်းပါးခဲ့ကြတယ်လို့လည်း မှတ်တမ်းများကဆိုပါတယ်။ ဒီလုပ်ရပ်ဟာ “State-sponsored Terror" အဖြစ် လည်းနိုင်ငံတကာမှာမှတ်တမ်းဝင်ခဲ့ပါတယ်။ အခုချိန်မှာတော့ အတိုက်ခိုက်ခံခဲ့ရတဲ့အထဲက လူသိများပြီးထင်ရှားသူလူထုခေါင်းဆောင်နှစ်ဦးအနက် တဦးကကြွေလွှင့်၊ တဦးက အကြမ်းဖက်စစ်တပ်ရဲ့ဖမ်းဆီးထောင်ချခြင်းကိုခံထားရပါတယ်။

အခုတော့
တလရတပ်ဖွဲ့များအစွမ်းနဲ့ ဒီပဲယင်းကိုရခဲ့ပါပြီ။ အကျိုးဆက်အနေနဲ့ ၂၀၀၃ အကြမ်းဖက်မှုမှာပါဝင်ခဲ့သူများနဲ့ ဆက်စပ်သူအချို့ကိုရှာဖွေစုံစမ်းဖော်ထုတ်ဖို့အတွက် လမ်းစပေါ်လာပြီလို့ ယူဆရပါတယ်။ မတရားမှုကျူးလွန်ခဲ့သူများဟာ ယင်းတို့ရဲ့သားစဉ်မြေးဆက်များအထိ လုံးဝ ပြေးမလွတ်ဘဲ သမိုင်းမှန်အတိုင်းသာထုတ်ဖော် မှတ်တမ်းတင် အပြစ်ပေး အရေးယူ ခံရရေးဟာ နွေဦးတော်လှန်ရေးရဲ့လက်တံတခုဖြစ်နေသင့်ကြောင်း အလေးအနက်ဆိုပါရစေလေ ... ။ ။

လေးစားလျက်
ကိုထင် (ခ) လင်းမြတ်

စက်ရပ် **“အဆစ်တိုအဖမ်းခံရ”
ဟု သတင်းထွက်ပေါ် !!!!!