မွင်းဂါးချက်နည်း ***ငါးကို ငံပြာရည်စပါးလင်တို့နှင့်ပြုတ်ပါ။ ငါးနူးအိသွားပါက ဆီ၊ နနွင်း၊ အရောင်တင်မှုန့်၊ ကြက်သွန်ဖြူ၊ စပါးလင်တို့နှင့်ဆီသတ်ပါ။ သတ်သတ်ပြုတ်ထားသောပဲကျက်ပါက ရောထည့်ပါ။ ငြုပ်ကောင်း ငံပြာရည်ထည့်မွှေပါ။ ဆူပွက်သည်အထိကြိုချက်ပြီး ကြက်ဥပြုတ်၊ ငှက်ပျောအူ၊ ကြက်သွန်နီဥများထည့်ချက်ပါ။ အရသာအတွက် ဆား အချိုမှုန့် ငံပြာရည် သင့်သလိုထည့်ပါ။ အချိန် ၃-၄ နာရီချက်ပြုတ်အပြီးတွင် အရသာရှိသောမွင်းဂါးဟင်းရည်ရရှိပါမည်။ မုန့်ဖတ် အကြော် ဆီချက် နံနံပင် ငြုပ်သီးများနှင့် အရသာရှိရှိ သုံးဆောင်နိုင်ပါသည်။

ရက်လည်အတွက် အလွန်သင့်တော်ကြောင်း ထောက်ခံတင်ပြလိုက်ရပါကြောင်း ….. ။

လေးစားလျက်
ကိုထင် (ခ) လင်းမြတ်

အဆစ်တိုရဲ့သာဝကများ ****
တနေ့သားက လူငယ်စုံတွဲတတွဲကို ကျပန်းမေးတဲ့ Reel အတိုလေးတခုကြည့်လိုက်ရတယ်။

ပထမမေးခွန်းက
“မြန်မာပြည်မှာနေရတာပျော်လား ?”
အဖြေက “မပျော်ဘူး” တဲ့။

ဒုတိယမေးခွန်းက ကောင်မလေးကိုမေးတာ
“ဘာလို့မပျော်တာတုန်း ?” တဲ့။
ကောင်မလေးရဲ့အဖြေက လုံးဝ အလွှင့်၊ ဒဲ့ဒိုး ။
“Sautpaw တွေများလို့ !!!!!” တဲ့။
အဖြေကို ခိုက်ထှာ ဆိုတာလေ … ။

စိတ်တော့မရှိကြနဲ့
ဗမာပြည်တနံတလျားမှာ အပေါ်ကကောင်မလေးဖြေသွားတဲ့လူတန်းစားတွေ သန်းနဲ့ချီတယ်။ အဲသလိုလူတန်းစားဟာ အဆစ်တိုဂိုဏ်းရဲ့အုပ်စိုးမှုနဲ့သာထိုက်တန်တယ်။ တကယ်ဆိုဗမာပြည်ဟာ တပြည်လုံးတောင်မလွတ်မြောက်သင့်ဘူး။ အဆစ်တိုအုပ်ချုပ်မှုနဲ့ထိုက်တန်သူတွေဟာ လွတ်မြောက်မြေအတွက်တော့ ဆန်ကုန်မြေလေးများပါဘဲလေ ….. ။ ။

လေးစားလျက်
ကိုထင် (ခ) လင်းမြတ်

အပြောနဲ့အလုပ် ***
ဗုဒ္ဓစာပေတွေဖတ်ကြည့်ရင် “ဇမ္ဗုက ဝတ္ထု” ဆိုတာရှိတယ်။ ဒီဘဲကဘာလုပ်တာလည်းဆိုတော့ ရှင်းရှင်းပြောရရင် လူသူလေးပါးကင်းဆိတ်ပြီဆိုတာနဲ့ ချေးစားတော့တာ။ အဲ … လူတွေရှိရင်တော့ ခြေတချောင်းထဲနဲ့မြေကြီးပေါ်ရပ်ပြီး “လေကိုစားပြီးအသက်ရှင်တယ်” ဆိုပြီးကြွယ်တာပေါ့လေ။ အလုပ်ကတော့ ချေးစားတာ၊ အပြောကတော့ လေကိုစားတယ်ပေါ့။

အဲသလိုကိစ္စတွေလွန်ခဲ့တဲ့အနှစ်-၂၆၀၀ မှာဘဲရှိတယ်ထင်ခဲ့တာ၊ ၂၁-ရာစုမှာလည်းတွေ့ရသား ….. ။

လေးစားလျက်
ကိုထင် (ခ) လင်းမြတ်

မှတ်ချက် ။ ။ ဆက်စပ်အကြောင်းအရာဖတ်ချင်ရင်တော့ လင့်ခ်ကိုဆက်လက်ရှုစားပါလေ။

https://www.facebook.com/100066528465996/posts/pfbid0KVCbH5qNpGq8daTBazE4bXoiUtuWvzF61WtWjc32Mu6CN5KNqm4vaN7NVV4j11Xil/?mibextid=5irAu0

Facebook

Khit Thit Media

တရုတ်နိုင်ငံခြားရေးဝန်ကြီးနှင့် ကုလသမဂ္ဂအတွင်းရေးမှူးချုပ်၏ မြန်မာနိုင်ငံဆိုင်ရာ အထူးကိုယ်စားလှယ်တို့ တွေ့ဆုံ၊ မြန်မာနိုင်ငံတည်ငြိမ်အေးချမ်းရေးနှင့် ဖွံ့ဖြိုးတိုးတက်ရေးကို အားလုံးထက် တရုတ်နိုင်ငံက...

သစ်လွင်ဆန်းပြားသော ****
နေ့ဘက်အိပ်ရတာမျိုးလား ???
ပုသိမ်စံတော်ချိန်ကိုကွက်ပြီးပြောင်းမယ့်သဘောထင်ပါရဲ့။ Very Innovative နော်၊ ၁၄/ တွေအတွက်ဂုဏ်ယူစရာ ….. ။

ဒီပဲယင်း နဲ့ ၂၁ နှစ် ****လွန်ခဲ့တဲ့ ၂၁ နှစ်ကျော် ၂၀၀၃ မေ (၃၀) မှာ လူထုခေါင်းဆောင်ဒေါ်အောင်ဆန်းရဲ့စည်းရုံးရေးယာဉ်တန်းဟာ ဒီပဲယင်းမြို့နယ်အတွင်းမှာ စစ်အစိုးရရဲ့လက်ပါးစေများရဲ့ အကြမ်းဖက်တိုက်ခိုက်ခြင်းကိုခံခဲ့ရပါတယ်။ အမိန့်ပေးသူ သန်းရွှေ (ခ) ခွေးဘီလူး၊ မြေပြင်စစ်ဆင်ရေးမှူး စိုးဝင်း (၂၀၀၇ မှာသွေးကန်ဆာရောဂါနဲ့သေဆုံး) နဲ့ အဓိကပါဝင်ပါတ်သက်သူ အောင်သောင်း (လက်ရှိ စစ်ကောင်စီ ရေချုပ်ဟောင်းမိုးအောင်ရဲ့အဖေ) တို့ ပဓါနကျတဲ့အခန်းကဏ္ဍကနေ ပါဝင်အသုံးတော်ခံခဲ့ကြပါတယ်။ အကြမ်းဖက်သမားများရဲ့တိုက်ခိုက်မှုကြောင့် အပြစ်မဲ့ပြည်သူ ၂၀၀ ကျော်တိမ်းပါးခဲ့ကြတယ်လို့လည်း မှတ်တမ်းများကဆိုပါတယ်။ ဒီလုပ်ရပ်ဟာ “State-sponsored Terror" အဖြစ် လည်းနိုင်ငံတကာမှာမှတ်တမ်းဝင်ခဲ့ပါတယ်။ အခုချိန်မှာတော့ အတိုက်ခိုက်ခံခဲ့ရတဲ့အထဲက လူသိများပြီးထင်ရှားသူလူထုခေါင်းဆောင်နှစ်ဦးအနက် တဦးကကြွေလွှင့်၊ တဦးက အကြမ်းဖက်စစ်တပ်ရဲ့ဖမ်းဆီးထောင်ချခြင်းကိုခံထားရပါတယ်။

အခုတော့
တလရတပ်ဖွဲ့များအစွမ်းနဲ့ ဒီပဲယင်းကိုရခဲ့ပါပြီ။ အကျိုးဆက်အနေနဲ့ ၂၀၀၃ အကြမ်းဖက်မှုမှာပါဝင်ခဲ့သူများနဲ့ ဆက်စပ်သူအချို့ကိုရှာဖွေစုံစမ်းဖော်ထုတ်ဖို့အတွက် လမ်းစပေါ်လာပြီလို့ ယူဆရပါတယ်။ မတရားမှုကျူးလွန်ခဲ့သူများဟာ ယင်းတို့ရဲ့သားစဉ်မြေးဆက်များအထိ လုံးဝ ပြေးမလွတ်ဘဲ သမိုင်းမှန်အတိုင်းသာထုတ်ဖော် မှတ်တမ်းတင် အပြစ်ပေး အရေးယူ ခံရရေးဟာ နွေဦးတော်လှန်ရေးရဲ့လက်တံတခုဖြစ်နေသင့်ကြောင်း အလေးအနက်ဆိုပါရစေလေ ... ။ ။

လေးစားလျက်
ကိုထင် (ခ) လင်းမြတ်

စက်ရပ် **“အဆစ်တိုအဖမ်းခံရ”
ဟု သတင်းထွက်ပေါ် !!!!!

မိအောင်လှိုင်အား ဝီလဒူမှ ကာမသုခဓါတ်ချောင်းတော် လှန်ပြတော်မူခန်း !!!!!

စစ်ရှောင်များ **ဗမာပြည်နွေဦး နဲ့အတူပေါ်ပေါက်လာခဲ့တဲ့ လက်နက်ကိုင်တော်လှန်ရေး ဟာတတိုင်းလုံးတပြည်လုံး ညီညာဖျဖျမပါဝင်နိုင်ခဲ့ကြတာကြောင့် အချိန်သုံးနှစ်ကျော်ကြာလာခဲ့ပြီး စစ်မီးဟာလည်းနိုင်ငံ့နေရာအတော်များများဆီသို့ ကူးစက်လာခဲ့ပါပြီ။ အကျိုးဆက်ဟာခါးပါတယ်။ ပြဿနာ တက်နေတဲ့နေရာများကဒေသခံတွေဟာ ပိုမိုဘေးကင်းမယ်ထင်ရတဲ့အရပ်တွေဆီ ရှောင်ကြပြေးကြ ရပါပြီ။ အချို့ကလည်းလှောင်ကြ အချို့ကလည်းစာနာစကားပြောကြနဲ့ လိုင်းပေါ်မယ် “ပွဲ” ပေါ့။ စစ်ရှောင်တွေထဲ တလရကိုကူခဲ့သူတွေရော အချောင်သမားတွေရော ပါဝင်နေကြမှာပါဘဲ။ ဒါကတော့ ငြင်းမရတဲ့ပကတိအရှိတရားပါ။ ဒီစာစုမှာတော့ အချောင်သမားတွေကိုသာဦးတည်ပြောမှာပါ။

အိမ်တလုံးမီးသင့်ပြီဆိုရင် အိမ်ပေါ်နေသူအားလုံးဟာ ဒီမီးနဲ့တိုက်ရိုက်ပါတ်သက်ပါတယ်။ ရိုးရိုးလေးတွေးရင် ဒီအချိန်မှာ“မီးသတ်ဖို့ကြိုးစား” ခြင်းသာထိပ်တန်းဦးစားပေးဖြစ်ရမှာပါ။ ကိုယ်တိုင်မီးဝင်မသတ်နိုင်ရင် မီးသတ်သူတွေကြိုးပမ်းနေတဲ့ Fire Triangle ဖျက်ဆီးခြင်းလုပ်ငန်းကိုအကူအညီပေးရမှာပါဘဲ။ လက်ခုပ်တီးအားပေးခြင်း အော်ဟစ်ညာသံပေးခြင်းများသည်ပင်လျင် လက်တွေ့လည်းမဆန် အလုပ်လည်းမဖြစ်ပါဘူး။ အဲသလိုအချိန်မျိုးမှာ “ငါ့အခန်းဖက်မီးမရောက်သေးဘူး” တို့၊ “ငါ့အိပ်ရာပေါ်မီးစမကျသေးဘူး” တို့တွေးရင်တော့ ဉာဏ်ရည်နိမ့်ကျသူသာဖြစ်မှာပါ။ ဝင်ပါမကူဘူး၊ အိမ်ပြင်ထွက်ပြေးမယ် ဆိုရင်တော့အချောင်သမားပေါ့။ မီးငြိမ်းသူ၊ ဝင်ကူသူတွေကိုပါအနှောင့်အယှက်ပေးရင်တော့ လူယုတ်မာဖြစ်ပါပြီ။

အခုလည်း မြန်မာပြည်ဆိုတဲ့အိမ်ကြီး မီးသင့်လောင်ကျွမ်းနေပါပြီ။ တပြိုင်နက်ထဲမှာ မီးသတ်သူရဲကောင်းတွေ၊ တာဝန်သိနိုင်ငံ့သားကောင်းတွေ၊ အချောင်သမားတွေ၊ လူယုတ်မာတွေကို မြင်ကွင်းတခုထဲ အတိုင်းသားမြင်နေရပါတယ်။ အိမ်ကိုမီးရှို့ တဲ့တရားခံဟာ ဒလဝမ်မို့ အိမ်မီးငြိမ်းဖို့အရေးဟာ တအိမ်သားလုံးကိစ္စပါ။ ဒီတာဝန်ကိုရှောင်လွှဲလို့ကြီးထွားလာတဲ့ အခန်းတွေကူး၊ အိပ်ရာတွေပေါ်မီးစကျခြင်းဟာ ဘယ်သူမပြုမိမိမှုပါဘဲ။ ဒီစကားဟာနှလုံးသွင်းမကောင်းသူမှန်သမျှအတွက်အင်မတန် ခံရခက်စေပါလိမ့်မယ်။ အပြစ်လည်းလိုက်တင်နေစရာအကြောင်းမရှိသလို လက်တွေ့မဆန်တဲ့ ဇွတ်အကောင်းမြင်ခြင်းဟာလည်း ဘာအကျိုးတရားကိုမှဆောင်ကြဉ်းမပေးတတ်တာကို သတိချပ်ကြစေချင်ပါတယ်။

ချုပ်ရရင်
အိမ်မီး မြန်မြန်ငြိမ်းစေချင်ရင် အုပ်စု(၁) နဲ့ (၂) ထဲ အမြန်ဆုံးနဲ့အားသွန်ခွန်စိုက်ပါဝင်ကြပြီး အုပ်စု(၃) နဲ့ (၄) သမားတွေကိုတော့ “သဗ္ဗေသတ္တာ ကမ္မဿကာ” လို့သာသတ်မှတ်လိုပါကြောင်း ….. ။ ။

လေးစားလျက်
ကိုထင် (ခ) လင်းမြတ်

အဟင်း *ဖျာခံစားတဲ့တိုင်းပြည်ဆိုတော့ ဖျာသည်အဆင့်မဟုတ်တဲ့ခေါင်းဆောင်လောင်းဆိုရင် အလာဂျီရှိတဲ့သဘောပေါ့ ….. ။ ။

လေးစားလျက်
ကိုထင် (ခ) လင်းမြတ်