ሀሳን እብን ሳቢት ከዕውቅ የሶሀባ ገጣሚዎች መካከል አንዱ ናቸው። በአስደናቂ መድሆች ዘይኔው ነቢን (ﷺ) አወድሰዋል። ከርሳቸው በኋላ ለመጡ ማዲሆችም አርአያ ሆነዋል። በነብያችን (ﷺ) ፍቅር የተወጉበት አጋጣሚ ይደንቃል። በዚያ ዘመን እንዲህ ሆነ፦

የመካ ሙሽሪኮች የነብዩን (ﷺ) ስም ለማጠልሸት የሚችሉትን ሁሉ የሚያደርጉበት ወቅት ነበር። ዕውቁን ገጣሚ ሀሳንን ለዚህ እኩይ ዓላማ ለማሰለፍ አቀዱ። "በርከት ያለ የገንዘብ ጉርሻ እንስጥህና ይህን ሰው በግጥሞችህ አጠልሽን" ሲሉ ጠየቁ። ሀሳን በሀሳቡ ተስማሙ። ጉርሻውንም ተቀበሉ። ኑሯቸው መዲና ውስጥ ነበረና ወደመካ በማቅናት ቁረይሾችን እንቅልፍ የነሳውን ሰው በማየት አንዳች ነውር አግኝተው እርሱን እያጋነኑ በግጥም ለማነወር ወሰኑ። መካ ደርሰው ሰይዱል ከውንን (ﷺ) ሲመለከቱ ግን ፍጹም ሌላ ስሜት ወረራቸው። በሙሀባ ጦር ቀልባቸው ተወጋና ወደቁ። ስሜታቸውን እንዲህ ከመግለጽ በስተቀር አቅም አልነበራቸውም፦

لما رأيت أنواره سطعت.
وضعت من خيفتي كفي على بصري.
خوفًا على بصري من حسن طلعته.
فلست أنظره إلا على قدري.
روح من النور في جسم من القمر.
كحليةٍ نسجت من الأنجم الزهر.

የዐረብኛው ገለጻ እጅግ ማራኪ ስለሆነ ወደሌላ ቋንቋ ከነለዛው መተርጎም ይቸግራል። ቢሆንም ለአማርኛ አንባቢ መልዕክቱ ይገለጽ ዘንድ እንዲህ ለመተርጎም ሞክሪያለሁ።

ባየሁትማ ጊዜ የውበቱ ጸዳል ሲፈነጠቅ፣
አይኖቼን በመዳፌ ሸፈንኩ እንዳይጎዱ ለመጠንቀቅ፣

እርሱን ለማየት በሙሉ አቅሜ፣
እረ ከቶ መች ታድሜ፣

ሩሁ ከብርሀን የተሸመነች፣
ከጨረቃ በታነጸ አካሉ ውስጥ የነገሰች፣
ከከዋክብት አበቦች እንደተሠራ ጌጥ በእጅጉ የተዋበች፤

ቁረይሾች በሀሳን በእጅጉ ተናደዱ። ተገረሙም። ይወቅሷቸውም ጀመር። እርሳቸው ግን እውነተኛ ስሜታቸውን ገለጹላቸውና የተቀበሉትን ጉርሻ መለሱ።

ከዚህች ዕለት በኋላ የሀሳን ህይወት ፍጹም ተቀየረች። የህይወቱ ተልዕኮ ወዳጃችንን በማወደስ ከአላህ ክብር መሻት ብቻ ሆነ። ረዲየሏሁ ዐንሁ። ጁመዐ ሙባረክ!!!

https://t.me/hassentaju

የመስጊድ ኢማም መታገታቸው አነየተሰማ ነው። አላህ የሚበጀውን ያውርድልን።