Payg‘ambarimiz alayhissalom Hazrati Alidan so‘radilar:
– Ey Ali, meni yaxshi ko‘rasanmi?
– Ha, yaxshi ko‘raman, Rasululloh!
– Allohni-chi?
– Albatta!
– Ayolingni-chi?
– Yaxshi ko‘raman!
– Bolalaringni-chi?
– Ularniyam!

Payg‘ambarimiz tabassum bilan Hazrati Aliga qarab, bunday dedilar:

– Ey Ali, birgina qalbing bo‘lsa, shuncha sevgini bitta qalbga qanday qilib sig‘dira olasan?

Hazrati Ali Rasulullohning savollari qarshisida jim qoldilar...

Uning o‘ychan holda kirib kelganini ko‘rgan Hazrati Fotima so‘radilar:

- Nimadan xafasiz? Agar dunyo uchun bo‘lsa, siqilishingizga arzimaydi. Bordi-yu Alloh uchun bo‘lsa, ayting, birgalikda hal qilamiz. Sizga yordam beraman.

Hazrati Ali bo‘lib o‘tgan voqeani so‘zlab berdilar.

Hazrati Fotima tinglab turib, tabassum qildilar va:

– Kishi payg‘ambarini qalbi bilan, Allohni aqli bilan, jufti halolini nafsi bilan, bolalarini esa shafqati bilan yaxshi ko‘radi, – dedilar.

Darhol hazrati Ali Rasulullohning huzurlariga borib, ayollari Fotimadan eshitgan javobni yetkazdilar. Allohning elchisi Fotimaning zukkoliklaridan mamnun bo‘ldilar va:

— Ey Ali, bu nubuvvat daraxtining mevasidir! - dedilar.

© "Solihalar gulshani" kitobidan (#islam)

💬 @kungil_kundaligi

Oisha roziyallohu anhodan rivoyat qilinadi:

“Fotima yurib kela boshladi. Uning yurishi xuddi Nabiy sollallohu alayhi va sallamnikidek edi.

Nabiy sollallohu alayhi va sallam; “Maphabo, xush kelibsan, qizim”, – dedilar. So‘ngra uni o‘ng tomonlariga yo chap tomonlariga o‘tqizdilar. So‘ngra unga bir so‘zni shivirlab aytdilar. U yig‘lab yubordi.

Men unga: “Nega yig‘layapsiz», —dedim. So‘ngra unga bir so‘zni shivirlab aytgan edilar, u kuldi.

Shunda men: “Bugungi kundagi kabi xursandlikning xafalikka yaqinligini ko‘rmaganman”, - dedim va undan u zotning nima deganlarini so‘radim.

U: “Rasululloh sollallohu alayhi va sallamning sirlarini fosh qiluvchi emasman”, – dedi.

Nabiy sollallohu alayhi va sallam vafot etdilar, so‘ngra men undan so‘radim.

U shunday dedi: “U zot shivirlab: Jabroil Qur’onni menga har yili bir marta o‘qib berardi, bu yil ikki marta o‘qib berdi, buni men ajalim kelgani deb bilyapman, uydagilarimdan birinchi bo‘lib orqamdan yetib boradigani sensan”, — dedilar, men yig‘lab yubordim. U zot: “Jannat ahli ayollarining sayyidasi bo‘lishga rozi bo‘lmaysanmi?” — dedilar, men o‘shanga kuldim”

© "Solihalar gulshani" kitobidan (#islam)

💬 @kungil_kundaligi

? Harom luqma yeyayotgan inson oxiratdagi jazosidan avval, bu dunyoning o'zida ham quyidagi jazolarni oladi:

✅️1. Topganidan baraka ketadi
✅️2. Duosi, ibodati ijobat bo'lmaydi
✅️3. Ular zulm qilgan mazlumlarning unga nisbatan qilgan duosini Alloh ijobat qilib qo'yadi (hatto u mushrik bo'lsa ham)
✅️4. Alloh unga muhlat beradi, ammo bee'tibor qoldirmaydi.
✅️5. Haromdan topgan pul evaziga qilingan yaxshiliklari qabul bo'lmaydi.

? Manba
? @kungil_kundaligi

Kuyov tanlash Nuh ibn Ibrohim qizini turmushga bermoqchi bo‘lib, majusiy qo‘shnisidan maslahat so‘rabdi. Qo‘shnisi: “Vo ajabo! Hamma sendan maslahat so‘raydi, sen esa mendan maslahat so‘rayapsanmi?!” debdi. Nuh: “Menga maslahat kerak-da”, debdi. Majusiy: “Fors podshohi Kisro mol-dunyoni tanlar edi. Rum podshohi Qaysar go‘zallikni tanlar edi. Arab raislari nasl-nasabni tanlar edi. Sizlarning yo‘lboshchingiz Muhammad dinni tanlar edi. Kimga ergashishni o‘zing tanla”, debdi.*© "Solihlar gulshani"dan----
©*@kungil_kundaligi

... Seni biror kishi yomon tomonga o‘zgartirishiga yo‘l qo‘yma. Ishon, sening namunali ishlaring ularni qiziqtirmaydiganlar garchi o‘zlarini boshqacha ko‘rsatishsa-da, seni ehtirom qilishadi. Ularning jizzakiligiga sabab shuki, sen ularga o‘z yaxshiliklaring bilan doimo yomon ekanliklarini eslatib turasan. Agar sen ularga qo‘shilib yomonliklar qilsang, ular hayot yo‘lida sen bilan yo‘ldosh bo‘lishgani uchun seni ehtirom qilishmaydi. Ishon!

© “Tonggi suhbatlar”dan

?@kungil_kundaligi