ሐምብራ ቢዝነስ ግሩፕ አ.ማ. በሚያደርገው የግንባታ ሂደት ላይ ከደንበኞቹ ጋር በመሆን የአፓርትመንት ፕሮጀክት ነድፎ እያከናወነ የሚገኝ ሲሆን በየወቅቱ የሚያጋጥሙንን ማክሮ-ኢኮኖሚክ ጫናዎች በመቋቋም ከነደፈው ሁለት ህንፃዎች ውስጥ ባለ 14 ፎቅ የሆነውን እና ሰፊውን ህንፃ 2ተኛ ወለል ስራ በማገባደድ በአሁኑ ወቅት የአፓርታማ ወለሎቹን በመስራት ላይ ይገኛል። ካጋጠሙን ተግዳሮቶች መካከል የኮንስትራክሽን ግብዓቶች ከፍተኛ የዋጋ ጭማሪ፣ የሪል እስቴት ገበያ መቀዛቀዝ፣ እንዲሁም የባንኮች የማበደር ገደብ እና ለግንባታ ፕሮጀክቶች ያላቸው የማበደር ሁኔታ አመቺ አለመሆን ዋና ዋናዎቹ ናቸው።

ድርጅቱ ከህንፃው ላይ ለንግድ አገልግሎት የሚውለውን (የአፓርታማ ህንፃውን የታችኛ ክፍል) ከ5,674 ካሬ በላይ የሆነ ግንባታ የተጠናቀቀ በመሆኑ ለድርጅቱ ተጨማሪ ገቢ ማመንጫነት እንዲሁም ለድርጅቱ ዋና መስሪያ ቤትነት ያገለግላል። ይህም በያዝነው አመት ወደስራ የሚገባ ይሆናል። ይህ ወሳኝ እና ፈታኝ የነበረው ከመሰረት አንስቶ እስከ ሁለተኛ ወለል ድረስ ያለው (የህንፃው ፓዲየም) እርከን መጠናቀቁ ቀጣይ የግንባታ እርከኖችን በተሻለ ፍጥነት ለማከናወን ያስችላል።

ከደንበኞቻችን ጋር ያሉን ግንባታ አከናውኖ በሽያጭ የማስተላለፍ ስምምነቶች የግንባታ ግብዓት ከ10% በላይ በሚጨምር ወቅት የዋጋ ማሻሻያዎችን ማድረግ የሚፈቅድ ቢሆንም፣ እንዲሁም የደንበኞች ክፍያ ማዘግየት ለፕሮጀክቱ የሚያስፈልገውን የግንባታ ወጪ በወቅቱ ለማግኘት ተግዳሮት መሆኑ እሙን ቢሆንም፣ የአብዛኞች ደንበኞቻችንን አቅም ታሳቢ በማድረግ የተራዘመ አከፋፈሎችን ለደንበኞቻችን ስናመቻች ቆይተናል። ከዚህም ጋር በተያያዘ ደንበኞች የተራዘመ አከፋፈል በሚፈልጉበት ወቅት ከፕሮጀክት መረከቢያ ጊዜ ማራዘም ጋር በተያያዘ የተናጠል ውሎችን አድርገናል።

ለደንበኞቻችን ፍትሃዊ በሆነ መንገድ ላወጧቸው ኢንቨስትመንቶች ዋስትና የምንሰጥ ሲሆን ከነዚህም ውስጥ ክፍያቸውን በአግባቡ ለከፈሉ ደንበኞች ከኢንቨስትመንታቸው ማግኘት የሚገባቸውን ጥቅም የምናረጋግጥበት የፍትሃዊ ተጠቃሚነት ስምምነት፤ ከአቅም በላይ የሆነ ጉዳይ አጋጥሟቸው ክፍያ መክፈል ያልቻሉ ደንበኞችን የትርፍ መጋራት ፕሮግራሞች፤ እና የመሳሰሉት ይገኙበታል።

ይህ እንዳለ ሆኖ የግንባታ ግብዓቶች ዋጋ መጨመርን መነሻ በማድረግ በውል አግባብ የዋጋ ጭማሪ በሚኖር ወቅት በአቅም ምክንያት መቀጠል ባለመቻላቸው፣ እንዲሁም ድርጅቱም ባመቻቸላቸው የክፍያ አማራጮች መቀጠል ባለመፈለጋቸውም ምክንያት ከድርጅቱ ጋር የነበራቸው ውል የተቋረጠ ግለሰቦች ደንበኛ እና ቤት ጠባቂ በመምሰል ተደጋጋሚ ጥቃቶችን ሲያደርሱብን የነበረ ሲሆን ወቅታዊው የስም ማጥፋት ዘመቻ አንዱ ነው።

ከደንበኞቻችን ጋር ያደረግነውን ስብሰባ ለግል አላማቸው በመጥለፍ፣ ትክክለኛ ደንበኞችን ጋር በተደጋጋሚ በመደወል ተስፋ ለማስቆረጥ በመጣር፣ የመስሪያ አድራሻችን ላይ ተደጋጋሚ ሁከት መፍጠር፣ እና የድርጅቱን ሰራተኞች በማዋከብ የድርጅቱን ስራ በሙሉ አቅም ለማከናወን እክል ሲፈጥሩብን ቆይተዋል።

"እኔ መቀጠል ካልቻልኩ ፕሮጀክቱ ይሰናከል" በሚል እኩይ መንፈስ የደንበኞቻችንን፣ የባለአክሲዩኖችን እና የድርጅቱን ጥቅም በሚጎዳ መልኩ የድርጅቱን ስም ለማጠልሸት እና ፕሮጀክቱን ለማስተጓጎል በተለያየ አቅጣጫ ጥረት እያደረጉ እንደሚገኙ ይታወቃል።

እነዚህ ግለሰቦች ስሙ ከሚታወቅ ሌላ ሪልእስቴት የመጡ እንደመሆናቸው ጉዳያቸው ከውል ግንኙነታችን ያለፈ መሆኑን ለመረዳት ችለናል። ይህም የድርጅቱን ይዞታ አስረክቡን በማለት ድርጅቱ ለስድስት አመታት ሲለፋበት የነበረውን ንብረት ከህግ አግባብ ውጪ በደንበኝነት ሽፋን ለመንጠቅ እንቅስቃሴ እያደረጉ ይገኛሉ።

ለዚህም ያግዘናል ያሉትን በየሚዲያው እየቀረቡ ስም የማጥፋት ዘመቻው በማጠናከር ጫጫታ መፍጠር አንዱ ሲሆን ከጋዜጠንነት ስነምግባር ውጪ በሆነ ሁኔታም በቂ ምላሽ እና መረጃ ቀርቦ እያለ መረጃዎችን በመደበቅ የአንድ አካልን ጥያቄ ለማስጮህ ጥረት አድርገዋል። በቀጣይም ድርጅቱ ግንባታውን ማከናወን እንዳይችል እና የተለያዩ እክሎችን ለመፍጠር እየተንቀሳቀሱ እንደሆነ መረጃዎች ደርሰውናል።

እነዚህን ያልተገባ ጥቅም ለማግኘት እጅ የመጠምዘዝ እና መሰል ጥቃቶች ለመከላከል ብዙ ጥረቶችን ስናደርግ ቆይተናል። ከዚህም መካከል በህግ አካላት ጉዳዩን ማሳወቅ ጨምሮ ለድርጅቱ እና ለድርጅቱ ሰራተኞች ደህንነት እና መረጃዎችን ለመያዝ ያመች ዘንድ የደህንነት ካሜራ እስከመግጠም ተገደናል።

በዚህ ተግባር ላይ ተሳታፊ የሆኑ ግለሰቦችን ለህግ የማቅረብ እንቅስቃሴያችንን አጠናክረን እየሄድንበት እንደሆነ ለማሳወቅ እንወዳለን።

ሐምብራ ቢዝነስ ግሩፕ አ.ማ. የነደፈውን አይነት ግዙፍ ፕሮጀክት ለማሳካት ብዙ ውጣ-ወረዶች ያሉት፣ ለማጠናቀቅ ከፍተኛ የሆነ ወጪ፣ ጉልበት፣ እና ጊዜ የሚፈልግ መሆኑ እሙን ቢሆንም በሚያልቅ ወቅት በዚህ ፕሮጀክት ላይ የቤት ባለቤት እና ባለድርሻ መሆን ትልቅ ስኬት እና ታሪክ እንደሚሆን አያጠራጥርም።

ለድርጅቱ ባለአከ‍እሲዩኖች፣ ለደንበኞቻችን፣ እና ለሌሎች ባለድርሻ አካላት ማስተላለፍ የምንፈልገው መልክት ካሰብንበት ስኬት በፅናት በጋራ እንደምንደርስ እና የጋራ ግባችን ከሆነው ውስጥ የጀመርናቸውን ፕሮጀክቶች በስኬት እንደምናጠናቅቅ ለዚህም በሰው አቅም የሚቻሉ ነገሮችን ሁሉ በትጋት ደከመን ሰለቸን ሳንል ከግብ ለማድረስ የምንተጋ መሆኑን ለማረጋገጥ እንወዳለን።

እንዲሁም የሚሰሩ እጆችን ስኬት ለሚፈልጉ ሁሉ ለሚያደርጉልን ድጋፍ ልባዊ ምስጋና ማቅረብ እንፈልጋለን።

ሐምብራ ቢዝነስ ግሩፕ አ.ማ.
አብረን ሰርተን በጋራ እንደግ!

?Hambra Business Group S.C. Efoyta site progress video
?Phone
-0944307337
-0944307338

?እስከ 80% በማትረፍ ገንዘብዎን ከግሽበት ይታደጉ!!
?ሐምብራ ቢዝነስ ግሩፕ አ.ማ በሚያስገነባቸው ሪል እቴቶች ላይ ኢንቨስት በማድረግ እስከ 80% ትርፍ ተጋሪ ይሁኑ!!
ስልክ
-0944307337
-0944307338
አድራሻ
-ቁ1 - ፒያሳ፣ ግሎባል ኢንሹራንስ ህንፃ ቢሮ ቁ.2/49፟
-ቁ2 - ቤተል፣ ለይላ የንግድ ማእከል 3ተኛ ፎቅ