ئایا تێكەڵ كردنی نوێژە سوننەتەكان بە یەك نیەت دروستە؟
بۆ نمونە : نوێژى سونەتى دەستنوێژ و نوێژى چێشتەنگا؟

هەندێك لە سوننەتەكان مەبەست لە جێ‌بەجی كردنیان خودی خۆیانە، ئەمانە تێكەڵ ناكرێن وبەجیا دەكرێن، وەهەندێك لە سوننەتەكان مەبەست لە جێ‌ بەجێ‌ كردنیان تەنها كردنی نوێژە، بۆ نمونە: سوننەتی دەست نوێژ مەبەست پێ‌ی تەنها ئەوەیە كەلەپاش دەست نوێژ هەڵگرتن دوو ركات نوێژ بكەیت، ئیتر ئایا ئەو دوو ركاتە سوننەتی دەست نوێژ بێت، یاخود ضحى بێت، یاخود پێش نوێژی نیوەڕۆ بێت، یاخود پێش نوێژی بەیانی بێت، یاخود لەنێوانی بانگ وقامەتدا بێت، چونكە لە نێوانی هەموو بانگ وقامەتێكدا دوو ركات نوێژ هەیە، هەروەها تحية المسجد دروستە بۆت كە چویتە مزگەوتەوە دوو ركات بكەیت بە نیەتی سوننەتی پێش نوێژ و تحية المسجد، ئەمانە كۆدەكرێنەوە(واتە: نیەت لە دوو نوێژ بهێنیت وهەردووكیان كۆ بكەیتەوە).

بەڵام ئەگەر پەرستنەكە مەبەست بوو خۆی جێ‌بەجێ‌ بكرێت ئەوا كۆناكرێتەوە وتێكەڵ ناكرێت لەگەڵ نوێژی تردا، بۆیە ئەگەر كەسێك بڵێت: من چوار ركاتەكەی پێش نوێژی نیوەڕۆ كۆدەكەمەوە ونیەت دەهێنم وبەدوو ركات دەیكەم، پێ‌ی دەڵێین: ئەمە ناگونجێت ودروست نی یە، چونكە ئەم سوننەتە لێرەدا مەبەست پێ‌ی جێ‌ بەجێ‌ كردنی خۆیەتی، واتە: دوو ركات بكەیت پاشان دوو ركاتی تر بكەیت.
بەهەمان شێوە دوو ركاتی سوننەتی سوڕانەوە بەدەوری كەعبەدا (طواف) لەگەڵ سوننەتی پێش بەیانی، بۆ نمونە: ئەگەر كەسێك لە طواف كردن تەواو بوو لە پاش بانگی بەیانی و پێش قامەت كردن، دوو ركات بكات ونیەتی پێ‌ی دوو ركاتەكەی طواف و دوو ركاتەكەی سوننەتی بەیانی بێت، ئەوا هیچیان لە جیاتی ئەوی تریان ناكرێت ودروست نی یە تێكەڵ بكرێت، چونكە سوننەتی طواف سوننەتێكە مەبەست پێ‌ی جێ‌بەجێ‌ كردنی خۆیەتی، وە سوننەتی پێش بەیانیش سوننەتێكە مەبەست پێ‌ی جێ‌بەجێ‌ كردنی خۆیەتی .

(لقاء الباب المفتوح، رقم: 25، ص25-26) زاناى پایەبەرز الشیخ محمد بن صالح العثيمين (رحمه الله)/ كۆكردنەوەو وەرگێڕانى م/ صلاح الدین عبدالكریم
ماڵپەڕی بەهەشت

پێشەوا (إِبنُ القَيِّم) (ڕەحمەتی خوای لێ بێت) دەفەرمووێت :-

ھیچ شتێك نییە بە ئەندازەی یەكخواپەرستی
ناڕەحەتی و زەحمەتیەكانی ژیان دوور خاتە وه....!!!

📗پێشەوا ئیبن قەیم(ڕەحمەتی خوای لێبێت) دەفەرمووێت:

«هەر کەسێک چاوی داگرێت لەئاست حەڕامکراوەکانی پەروەردگار، ئەوا پەروەردگار قەرەبووی بۆ دەکاتەوە بەهەمان جۆر بەباشترو چاکتر لەو.»

📗[إغاثة اللهفان:48/1]

‏﷽
﴿ إنَّ اللَّهَ وَمَلَائِكَتَهُ يُصَلُّونَ عَلى النَّبِيِّ يَا أَيُّهَاالَّذِينَ آَمَنُوا صَلُّوا عَلَيْهِ وسَلِّمُوا تَسْليمًا

ئیمامی زەهەبی ـ ڕەحمەتی خودای لێبێت ـ دەفەرموێ :ـ
" سوێندبەخوا ئەوڪەسە سەرڪەوتوو نابێت ڪەتەزڪیەی نەفسی خۆی بڪات یاخود موعجیب و لەخۆبایی بێت بەخۆی ".

قال الإمام الذّهبي رحمه الله:
" لا أفلحَ و الله من زكَّىٰ نَفسَه أو أعجبتْه ".
السير : (4 /190) ?

ابن مسعود رضی اللە عنە فەرموویەتی:
چەند هەوا و ئارەزووانێکی کورت،ئەبنە هۆی خەفەتێکی دوور و درێژ
(حلیة الاولیاء ١/١٣٤)

هاوەڵی بەڕێز عبد الله ی کوڕی مەسعود ڕەزای خوای لێبێت دەفەرموێت:
سەیری دڵت بکە لە سێ شوێن:
١- لەکاتی گوێ لێبوونی لە قورئان.
٢- لەو کۆڕ و مەجلیسانەی باسی خوای گەورەی تێدا ئەکرێت.
٣- لەکاتێکدا کە بەتەنها ئەمێنیتەوە و کەس ئاگای لێت نیە.

ئەگەر دڵت لەم سێ حاڵەتەدا خۆش نەبوو بە گوێگرتن لە قورئان و باسی دینی خوا، وە لەکاتی بەتەنها مایەوە هەستت بە چاودێری خوا نەکرد، ئەوا بزانە تۆ ئەو دڵەت نیە کە خوا ئەیەوێت، بۆیە زوو داوا بکە لە خوا شیفای بدات.

الفوائد لابن القيم: (ص: 148، 149)