‏- صَلّىٰ عَليكَ اللهُ ما جَفنٌ غَفى
وما شقَّ نورُ الصُّبحِ في الظُلماتِ ﷺ ..

- ‏كلما أوشكت على الإنطفاء ، اتكئ على كتف صديق ، هناك يولد بك النور مرة أخرى ..

- ‏تعود أصول الطمأنينة لأوجه الآباء والأمهات فَقط ..

تعالوا أساعدكم واوريكم برنامج للعشر من ذي الحجة لأنها بتجي مرة وحدة في السنة ولأننا بالجد السنة دي بالذات محتاجين ليها.

1- نية الصيام نصوم العشرة أيام ما حتبقى صعبة لأننا قبل شهرين كنا صايمين رمضان طبعاً وربنا يقبل صيامنا في رمضان ويقبل صيامنا في ذي الحجة

2- نقرا قرآن كل يوم 3 أجزاء ونقسمها على الخمسة صلوات بعد كل صلاة وكدا بكون ساهل ما صعب وحتلقي نفسك ختمتيه في العشرة ايام

3- ندعي كتير أدعي بعد كل صلاة وأدعي لكل شخص في حياتك وأدعي بالمغفرة لي والدينك وإخوتك وغزة والسودان وانتي بتدعي اعرفي انو ربنا رحمتو واسعة قادر يديك كل الفي مناك وإنتي بتدعي خليك متأكدة انو ربنا هو قاضي الحاجات وقاضي الديون وهو صاحب المعجزات

4- كل ما يلاقيك محتاج طلعي صدقة كل يوم ولو ما طلعتي شيليها وأطلعي اتصدقي وتعالي راجعة المهم تطلعي صدقة حتى لو كانت جنيه

5- قيام الليل
من أجمل وأعظم الحاجات أقيمي الليل ولو ركعتين بس وأقري 100 آية أبواب السماء مفتوحة في اللحظات دي وأدعي كتيير شدييد ونومي مطمئنة

6- سبحي كتير وأدخلي بي لا إله الا الله وأطلعي بي لا حول ولا قوة الا بالله وأستغفري كتير في اي لحظة في اليوم

7- جاهدي نفسك في الأيام دي وأملي قلبك بالدين والسنة حاربي نفسك الأمارة بالسوء وختي نية الصَلاح والهداية أبعدي من النميمة والغيبة وأدعي لكل البتحبيهو بينك وبين ربنا

8- نزلي تطبيق إسمو محمد سيد حاج رحمه الله
وأسمعي المحاضرات في أوقات الفراغ

أقضي شغلك وجيبي كتاب وأقريهوا

9- إستخيري لو داخلة على زواج او سفر او شغل أو عندك خطة كبيرة فكري فيها بينك وبين ربنا عشان ينور ليك بصيرتك

10- واصلي رِحمك أفتحي تلفونك كل يوم لمدة نص ساعة أسالي فيها من اخوانك البعيدين وخيلانك وأعمامك وأخدي الأجر دا ما تضيعيهو حتى ولو كان في بينك وبينهم بُعد وعدم تواصل أعمليها حتنبسطي جداً

11- العافين عن الناس!
مرات بتكون صعبة انا عارفة لكن أخدي الأجر دا ما تضيعيهو وأعفي مهما حصل ليك كدا كدا حقك بيرجع ربنا ما بضيع حقوق ولكن انتي ما تضيعي الأجر وأدخلي الايام دي وإنتي عافية تمام العفو عن كل شخص!

إعتبريها بداية جديدة ليك لي قلبك ولي عقلك وأبدي حياة جديدة وعوضي الضاع منك في رمضان في العشرة دي

عشان تقدري تكوني أحسن وتكوني أوعى وتكوني ثابتة وقوية
إستغلي أي حاجة بتساعدك في الأيام دي

وذكري صحبتك القريبة منك وذكري أختك
في الأيام دي ما عندك أصحاب وخِلان غير مصحفك ، مصلايتك ، سبحتك ، دعائك ، والشيخ محمد سيد حاج ربنا يرحمو.

ومنو عارف يمكن تبقى ليك ثبات دائم وممكن حياتك تتغير وممكن تبقى ليك سنة جديدة ويجي ذي الحجة الجاي وتكوني في المقام والمكان الإنت عايزاهُ.

تقبلهُ الله منا وعفى الله عنا ورزقنا الثبات والهِداية
وجعلكن الله من زائرات بيتهِ في القريب العاجل.

مكة تُدرك بالحال وليس بالمال.

رددي دائما لبيك ربي وإن لم أكن بين الحجيج مُلبياً.?
#إسراء_الخليفة

- تقول حليمة السعدية متحدثة عن طفولة الرسول عليه الصلاة و السلام :
‏" ليس لنا مِصباح في الليالي المُظلمة إلّا وجهَه"

آللهُم صل وسَلم وبارك على سيدنا مُحمد ﷺ ♥️..

- مِن آداب الحَديث مع من تُحب
أن تُنصِت لعَينَيهِ أولاً ❤️ ..

السلام عليكم ورحمة الله وبركاته
الدفعة الثامنة
نحن سند(ملف الحوجات)?

كلكم عارفين أكيد بي حوجة الامتحانات الأخيرة..
وعشان عارفنكم سبّاقين?
عملنا تحدي الدُفع.
كل دُفعة عليها سهم (١٠٠) *ألففقط!
أول دفعة حتكمل سهمها خلال ٢٤ ساعة حتحصل على لقب دفعة العطاء*?

انتو قدرها صح؟
يلا نبدأ?

كان في راجل شغال في صناعة الحَصير
وكان كلّ ما يلقى مصلّى مافيهُ حصيرة، يمشي طوّالي
يعمل ليهُ حصير و يفرشه ..

الراجل ده شاف رؤيا عجيبة سبحان الله!

شاف العمود الفقري بتاعُه
يتشكّل ويتدلّى في شكل عنقود العنب، والناس بتجي
جماعات جماعات
تاكل مِن عنقود العنب ده، وعنقود العنب أبداً ما بينتهي!

و بقت تتكرّر ليهُ الرؤيا
فمشى لِشيخ و حكاها ليهُ، قام الشيخ سألُه
هل عنده ذُرية ؟!

قال ليه :
ولدي محمود عُمره سنتين .

الشيخ ردّ ليهُ :
ألْحِقه بالأزهر يتعلّم العلوم الشرعية، فسوف يكون
له شأن كبير بإذن الله♥️

دخّل ولده الأزهر، وبعد كم سنة ختَم محمود القرآن
في عُمر ثمانية سنوات،
وكان أوّل
مَن سجّل المصحف المُرَتل في أنحاء العالم برواية
حفص عن عاصم♡

ورفض ياخد عليها أجر مالي = فوَضَع الله لها القُبول
في الأرض ..

في عام :
1961 - أول مَن سجّل القرآن برواية حَفص عن عاصم.

1964 - أول مَن سجّل القرآن برواية ورش عن نافع.

1968 - أول مَن سجّل القرآن برواية قالون ورواية الدوري عن أبي عمرو البصري.

1969 - أول مَن سجّل القرآن المعلم (طريقة التعليم).

1975 - أول مَن رتل القرآن بطريقة المصحف المفسّر.

1977 - أول مَن رتّل القرآن في الأمم المتحدة.

و أذّن لِصلاة الظهر في الأمم المتحدة.

1978 - أول مَن رتّل القرآن في القصر الملكي في لندن .

و أوّل مَن رتل القرآن
في قاعة هايوارت المُطِلة على نهر التايمز في لندن .

وأول قارئ يقرأ القرآن في البيت الأبيض، وقاعة الكونغرس الأمريكي .

عرفتوهُ منو ؟!?

أيوة هو القارىء: محمود خليل الحصري ♡
( شيخ القُرّاء)

توفي رحمه الله ٢٤ نوفمبر سنة ١٩٨٠م بعد صلاة العشاء
بعد أن امتدت رحلته
مع كتاب الله الكريم ما يقرب من خمسة وخمسين عامًا.

ولا نزال نأكل من عنقود العنب، وعنقود العنب
لا ينتهي أبداً♥️

أحسن الوالِدُ بِفَرش المساجد حتى لُقِّب بالحصري،
فنشر الله صوت ابنه
في أنحاء الأرض باسم الحصري الذي لا يزال يتردّد
على أسماعنا
في مشارق الأرض ومغاربها بهذا اللقب .
..

لمّن تقروا أو تسمعوا
قصة زي دي، فكّروا طوالي في عنقود العنب حقّكُم ممكن
يكون شنو!

هل في عمل أو حاجة ممكن نعملها وتكون خبيئة
بيننا وبين ربنا جلّ جلالُه
ونعملها بِصورة
مستمرة وبإخلاص تامّ لوجهه سبحانه وتعالى، وننفع بيها غيرنا ؟!

زي شنو مثلاً ؟?

عِلم يُنتَفع به، صدقة جارية، أو ولد صالح يدعو ليك
ويكون عندك أثر باقي
في الدنيا زي الشيخ الحصري رحمه الله .

الحياة دي قصيرة شديد والعُمر جاري
عشان كده
نسعى في كل لحظة إنه نرضي الله سبحانه وتعالى
ونجتهد نعمل الخير
ونخلّي ورانا الأثر الطيّب والذريّة اللي تنفع الأُمَّة ♡

الحصري كان بيعمل عمله بصِدق شديد، و ربنا شايفُه
و وفّقه يربّي ذريّة كالشيخ محمود ..

عشان كده
النيّة كلما تكون خالصة لله = بتلقى البرَكة في عُمرك
وعِلمك وعَملك ورِزقك بإذنه تعالى ♡

#بيوت_متطمنة

فاللهمّ تقبّل مني وبارِك لي في نفسي وأهلي وذُريّتي، أن توفّقني وتيسّر أمري، فتقبَل سعيِي وتؤتيني خيراً ممّا أرجو، سعيدةً في الدارَين وقريرَة العَين، مَرضِيٌّ عنّي ومفتوحةٌ لي أبواب جِنانِك.

ممكن نصلّ على الحبيب!♥️
#تيسير_الصادق
??..

و لا حاجة من حوائج الدنيا إلا قضيتها و يسرتها برحمتك يا أرحم الراحمين ..

"اللهم فى هذا البرد القارس، نستودعك كل من لا مأوى له، وكل من لا لباس له، وكل من لا دفء له، وكل من لا معيل له، وكل مبتلى وكل مفقود وكل مريض وكل جريح وكل أسير، اللهم نستودعك كل من يتألم وكل من يسألك الستر والعافية فى الدنيا والآخرة، فاحفظهم بحفظك وارحمهم برحمتك يا أرحم الراحمين"