ЎҚИТУВЧИЛАР ПЕНСИЯГА УЛГУРИШАДИМИ?
Ижтимоий тармоқларда Жаҳон банки томонидан Ўзбекистонда пенсия ёшини 65 ёшга кўтаришни тавсия қилинаётгани, постсовет ҳудудлар хусусан: Латвия, Литва, Молдова каби давлатлар аллақачон пенсия ёшини кўтаргани, фақат Ўзбекистон қолиб кетгани тўғрисидаги хабарлар кўпаймоқда.
Санъаткорларимиз ҳам бу борада клип олишиб 60 ёшда нафақага чиқиб хафа бўлиб ўтирган “ёшгина” қариялар тўғрисидаги тарғиботни бошлаб юборишган.
Хўш, бизнинг давлатимизга бу тавсия тўғри келадими?
Негаки, айнан мана шу Жаҳон банки томонидан кўрсатилган -1991 йилдан 2024 йилгача аҳоли ўсиш прогнозида Латвия давлатида аҳоли 26,92 фоизга, Молдова эса одамлар деярли тенг ярмига, яъни: 44,19 фоизга камайиб кетгани кўрсатилган. Бошқа давлатлар аҳолиси ҳам ҳам деярли шу атрофда камайган.
Ўзбекистон аҳолиси эса 79.43 фоизга, яъни 16 миллион 600 минг одамга кўпайган.
Хўш, нима учун Молдовани мисол келтириб қилинган тавсияда Ўзбекистон аҳолиси ўша давлатлар аҳолисидан 16 баробар кўп эканлиги ҳисобга олинмаган?
Нима учун миллионлаб ўзбекистонлик ёшлар ишсизлик туфайли чет давлатларга иш қидириб мардикорликка кетганидан кўз юмилган???
Нимага 37 миллондан зиёд аҳолининг нон топиши, кун кўриши учун иш ўринлари зарурлиги, ечим сифатида эса пенсияга эртароқ чиқариб иш ўринларини ёшларга бўшатиш лозимлиги ўйлаб кўрилмаган?
Ахир пенсиянерлар давлатнинг чўнтагини ўмариб эмас, ўттиз, қирқ йил ишлаб тўлаган солиқлари ҳисобидан пенсия пули олишади-ку!
Шунингдек, нима учун бу тавсияда Ўзбекистоннинг экологик фалокати – Оролнинг оқибатлари, унинг одамлар соғлигига таъсири, хусусан Хоразм, Қорақалпоқ аҳолисининг соч соқоли эрта оқариб, тишлари тўкилиб эрта қариётгани ҳисобга олинмаган?
Қолаверса, энг қийин касиб эгалари ўқитувчи устозларимиз бу ёшга ета олармикан? Улар ўзлари учун қачон яшайдилар?...
Мирзабек ЖАПАҚОВ, ҳуқуқшунос журналист.

"Oʻqituvchilar uchun" kanaliga qoʻshiling!
👇*👇*👇👇
✅ @Pedagoglarga ✅** https://t.me/joinchat/QgkKxey0cc4b-wvU

Сурхондарёдаги мактаблардан бирида директор ўринбосари ўқувчи қизнинг номусига тегиб келгани маълум бўлди

Kun.uz манбасига кўра, Денов туманидаги мактаблардан бирида директор ўринбосари 9-синф ўқувчиси бўлган вояга етмаган қизни бир йил давомида номусига тегиб келган. Болалар омбудсмани ҳолат бўйича жиноят иши қўзғатилгани, тергов ва суд жараёнини ваколатлари доирасида кузатиб бораётганини маълум қилди.

? https://kun.uz/kr/77443350

"Oʻqituvchilar uchun" kanaliga qoʻshiling!
?*?*??
✅ @Pedagoglarga ✅** https://t.me/joinchat/QgkKxey0cc4b-wvU

PISA 2025 tadqiqotida ishtirok etuvchi maktablar tanlab olindi

✅ PISA 2025 tadqiqotida qatnashish uchun xalqaro tashkilotlar tomonidan respublikamizdagi 233 ta maktab tasodifiylik tamoyili asosida tanlab olindi. Mazkur maktablardagi 9050 nafar 15 yoshli o‘quvchi tadqiqotda qatnashishi nazarda tutilgan.

? 2025-yildagi tadqiqotda dunyoning 91 ta mamlakatlari qatorida O`zbekiston maktablarining munosib ishtirokini ta’minlash bo‘yicha Iqtisodiy hamkorlik va taraqqiyot tashkiloti (OECD) bilan hamkorlikda qator ishlar amalga oshirilmoqda.
➖ Tadqiqot jarayonlari 2025-yilning aprel va may oylarida o‘tkazilishi rejalashtirilgan bo‘lib, sinovlar kompyuter yordamida onlayn tarzda tashkil etiladi.

? Ma’lumot uchun: 2022-yildagi tadqiqotda jami 81 ta davlat ishtirok etgan bo‘lib, O‘zbekistondan 202 ta maktabdan 7 293 nafar o‘quvchi qatnashgan.

"Oʻqituvchilar uchun" kanaliga qoʻshiling!
?*?*??
✅ @Pedagoglarga ✅** https://t.me/joinchat/QgkKxey0cc4b-wvU

ПРОВОКАЦИЯГА УЧМАНГ
(ёхуд алкашнинг гапи сиёсат дегани эмас)
Ижтимоий тармоқларда рус фуқаросининг ўзбекларни итга тенглаштириб ҳақорат қилган видеотасвири кенг тарқалмоқда. Асл манбаси кўрсатилмай кўчириб тарқатилаётган бу видеони тарқатишни дарҳол тўхтатиш, тармоқлардан зудлик билан олиб ташлаш лозим.
Негаки, уларнинг асл мақсади ҳам шу:
1.Тасвирнинг кўпроқ тарқалишига эришиб миллий ҳиссиётларни жунбушга келтириб миллий ва халқаро низоларни келтириб чиқариш.
2.Халқнинг ҳукуматга бўлган ишончини йўқотиш, Ташқи ишлар вазирлигига норозилигини ошириш.
3. Алалоқибат, қаёқдаги алкашнинг ҳақоратини халқаро давлат сиёсати даражасига олиб чиқиб Ғарбга бўлган салб юришлари ўзанини Ўрта Осиёга буриб юбориш.
Қолаверса, бу алкашнусха на давлат арбоби, на депутат ва на халқаро сиёсатга таъсир ўтказа оладиган таниқли шахс эмас.
Қўлига тутқазилган саволни бераётган қиз ҳам жавобни ўша нусханинг оғзига чайнаб солиб зўрға чиқариб олаётганини боқча боласи ҳам англаб етса керак!
Шунингдек, савол бераётган қиз литвалик бўлиши мумкин, аммо жавоб бераётган нусха русми, украинми ёки латишми бу ҳам номаълум! Шуниси аниқ-ки, улар қайси миллат вакили бўлишидан қатъий назар мақсади – видеонинг кўпроқ тарқалишига эришиб миллатлараро низо чиқариш.
Уларга жавобни видеони тарқатиб одамларни жунбушга келтириб, битта алкашнинг ҳақорати учун адади юз миллиондан ортиқ русларга нафрат қўзғатиб эмас – тегишли органларга, халқаро ташкилотларга расмий мурожаат қилиб қайтариш ва чора кўрилишига эришиш лозим...

Мирзабек ЖАПАҚОВ, ҳуқуқшунос журналист.

"Oʻqituvchilar uchun" kanaliga qoʻshiling!
?*?*??
✅ @Pedagoglarga ✅** https://t.me/joinchat/QgkKxey0cc4b-wvU

✍?Har bir davlat taʼlim tizimidagi o‘ziga xos qoidalarni bilasizmi?

Har bir davlat taʼlim tizimining o‘ziga xos qonun-qoidalari bor. Ular mamlakat anʼanalari, odamlarning dunyoqarashi, taʼlimga bo‘lgan munosabat va boshqa sabablarga ko‘ra shakllanadi. Quyida shulardan ayrimlarini keltirib o‘tamiz.

?Xitoyda o‘quvchilarga uyga vazifa ko‘p beriladi. Masalan, o‘quvchilar haftada 14 soat vaqtini uyga berilgan vazifalarni bajarishga sarflaydi.

?Rossiyada o‘quv yili «Bilimlar kuni» bilan boshlanadi, bayram va dam olish kunlariga to‘g‘ri kelsa ham 1 sentyabr shu tariqa nishonlanadi.

?Kundalik ovqatlanish masalasiga Fransiyada katta eʼtibor beriladi, o‘quvchilar taom tayyorlash va ovqatlanish rejimi haqida mukammal tasavvurga ega bo‘lishi kerak.

?Eronda o‘g‘il va qiz bolalar alohida o‘qitiladi, qizlarga ayol, o‘g‘il bolalarga erkak o‘qituvchi dars o‘tishi shart.

?Avstraliyada uzoq mintaqalarda yashaydigan talabalarga radio orqali dars o‘tish tajribasi bor.

?Chilida yozgi taʼtil biz uchun g‘ayrioddiy muddatda, yaʼni dekabrning o‘rtalaridan martning boshigacha davom etadi.

?Niderlandiyada bolalar juda erta — 4 yoshidayoq maktabga chiqishadi.

?Islandiyada maktab o‘quvchilariga tikish-bichishdan ham saboq berishadi.

?Braziliyada tushlikka katta eʼtibor qaratiladi, ko‘p maktablarda darslar juda erta, yaʼni ertalab soat yettidan boshlanadi, tushlikni esa o‘quvchilar uylariga borib oila davrasida qilishlari mumkin.

?Finlandiyada bolalar yetti yoshga to‘lgachgina maktabga qabul qilinadi. Bundan tashqari, ushbu davlat taʼlim tizimi samaradorligi bo‘yicha jahonda birinchi o‘rinda turadi. Hukumat tasdiqlaydigan taʼlim hujjatlari faqat yo‘riqnoma hisoblanib, o‘qituvchi o‘zi maʼqul topgan uslubda dars berishi mumkin. O‘quvchilarga to‘qqiz yoshidan shved tili (ikinchi til sifatida), o‘n bir yoshidan ingliz tili o‘qitila boshlaydi. Maktab o‘quvchilari kamida to‘rtta tilni o‘rganadilar.

"Oʻqituvchilar uchun" kanaliga qoʻshiling!
?*?*??
✅ @Pedagoglarga ✅** https://t.me/joinchat/QgkKxey0cc4b-wvU